💎اللبؤة و الوحش💎( مكتملة )

part7

🌔بارت 7👑
💧ناضت نيشان لحمام دوشات و توضات و خرجات لبسات دوبياس فالابيض وزادت من  لفوق عبايا فنفس لون مع شال ديالها شافت راسها فلمرايا ماشاء الله سبحان الخالق كتفتن خصوصا لحجاب لزادها نور على نور طلقات سجدتها لاتجاه لقبلة و بدات كتصلي وكل سجدة وركعة كطول فيها وكتدعي ربي يعاونها فكل خطوة عتخطيها حتا سالات صلاتها و بقات جالسا قرات اية لكرسي وبعض الادعية و ناضت جمعات سجادة وحطاتها فبلاصتها وحيدات لعبايا وشال ورداتهم لدريسينغ طلقات شعرها وجلسات فوق نموسية هزات تيلي ديالها ودوزات لخط للارا بقات شحاال كتسناه حتا جاوباتها بصوت نااعس 💧
🔰الحوار بالفرنسية🔰
لارا:امم شكوون
رسيل :احم لارا نوضي من نعاس محتاجاك
💧غير سمعات صوتها هي تنوض قافزا وتعوضات فلجلسة 💧
لارا:احم صباح لخير الالة رسيل سميحلي ماسحابليش نتي فاش محتجاني امدموزيل ؟؟
رسيل: صباح نور مهم قطعيلي تدكرة  لاول طيارة غادا لمغرب و تاصلي بمسيو عمر يشوفلي شي فيلا متوسطة فطنجة وتكون فسونطر فيل ولمحامي ديالي هو عيتكلف بالاجراءات داكوغ و فحال ديما لقا لوطو فلمطار اكي
لارا:داكووغ مدموزيل رسيل واش بغيتي شي شيفور يطلقاك لمطار؟
رسيل:نوو غير عمل هدشي لي قتليك
لارا:داكوغ مدموزيل شوية ونتاصل بيك
رسيل:اكي
💧قطعات عليها لخط وتنهدات بتعب هدا اخر قرار عندها ولي بسباب داك لحلم تاخداتو ماتقدرش تخلي ختاها بوحدها فاسعد نهار فحياتها وزيد 5 سنين ماشافتها  لا هي لا ختاها ليان فالاخر ناضت هزات فاليز متوسطة لحجم وجمعات فيها gاع لحوايج لي عتحتاج سداتها ولبسات سروال تجينز طاي هوت معا تيشورط مزير فلبيض ومفتوح من صدر على شكل x لبسات سباط طالون فنفس لون وجلسات قدام لمرايا عملات ايكخون دشمس مع ماسكارا وعكار فلبوردو جات سو كيوت كتهبل زينا فتان بلى متحس تلقا راسك ساهي فيها خصوصا عيونها سحر خاص ودابا وصلات لشعرها تنهدات مأفأفة  وعملاتلو سبولا من جناب وجمعاتو بطريقة مزيونا فجنب و رشات من عطرها لمفضل  "Tresor lancom"ولي صنعاتو خصيصا لها ماكيناش نسخة تانية اسمو مأخود من كلمة "كنز" وهو كدالك فعلا مصنوع من رائحة انيقة ودافئة من الورد .هيلتروب وزهر السوسن  شحال جاها من طلبية باش تصنعو لنساء باتمنة باهضة ولكن ديما كترفض حيتاش ماباغا حتا بنت تشاركها عطرها و من بعد عملات ساعتها لي فالاسود مع براسلي خفيف وسنسلة فلفضي علا شكل قلب مزييون معمرها حيداتها من عنقها واخيراا سالات ناضت هزات واحد لفاليز صغيرة جمعات فيها لمايكاب ديالها و لاكسيسوارات ولعطور وسداتها بقات ماشا ماجا فلبيت كتسنى اتصال لارا حتا سمعاتو كيصوني بزربا دوزات لخط وهضرات  💧
🔰الحوار بالفرنسية🔰
رسيل:وي لارا
لارا:مدموزيل رسيل قطعتلك تيكي لأول رحلة لمغرب كينا من بعد نص ساعة و هضرت مع سي عمر ولمحامي را كلشي واجد وحتا طوبيلا عتلقاها فلباركينغ ديال لمطار
رسيل:بييان لارا ميغسي
لارا:العفو امدموزيل هدي خدمتي كنتمنالك رحلة سعيدة
💧بتاسمات وقطعات لخط ومباشرة دوزات اتصال اخر💧
رسيل:دابا طاع لجناح ديالي نزل لي فاليز
لكارد:داكووغ مدموزيل
💧هزات تجاكيط كوير كحلة فيدها و ساك انيق فنفس لون مع تيلي ديالها ونزلات طلقات مع لكارد طالع عطاها تحية وكمل طريقو فحين رسيل دخلات لطموبيل حتا شافت لكارد كيعملها لي فاليز فلكوفر تسناتو حتا سالا عاد كسيرات مخليا لعجاج وراها وما هي الا ربع ساعة حتا كانت فلمطار شافت فساعتها لقات باقي لحال دخلات لواحد لكافي باش تفطر دورات وجها كتقلب على شي طابل خاوية كيبالا كولشي كيشوف فيها باعجاب عملات ابتسامة جانبية وتوجهات لواحد طابل خاوية ومجنبا علا لبشار من ديما كيعجبها لكالم جلسات وعيطات علا واحد سيرفور باش تطلب لفطور 💧
🔰الحوار بالفرنسية🔰
سيرفور:وي مدموزيل اشحاب لخاطر
رسيل: بغيت كابوتشينو و شي كريب كيك
💧هي كتشوف فلموني لي فيدها وكتهضر وهو ساهي فيها كيحس بشي سحر كيجدبو لعندها خصوصا عويناتها مع علات راسها كتلقاه فديك لمنظر وهي تخنزر فيه وقصحات نضراتها💧
رسيل:هييي سير شوف شغلك ونتا جالس تمنظر فيا
سيرفور:( باحراج كبير )احم سمحيلي مدموزيل
💧تأفأفات وهزات تيلي كتلها بيه حتا شافت سيرفور جابلهع طلبيتها بدات فطورها حتا سالت عاد خلصات وهزات ساكها ودارت نضاراتها شمسية فالابيض ودخلات لمطار بمشيا كلها  انوتة وكلشي متبعلها لعين قامت بالاجراءات الازمة حتا سمعات نداء ديال رحلة المغرب توجهات مباشرة لطائرة وطلعات خدات بلاصتها وجلسات بعدما طفات تيلي ديالها وتكات علا لكرسي مغمضا عينيها حتا كتحس بطائرة كتقلع من الأراضي الفرنسية تنهدات مطولا ورجعات لوضعيتها
💧ما حساتش بلوقت كاع دحتا شافت طائرة كتستعد للنزول وهاااهي اخيييرا استقرت على الأراضي المغربية حسات بنبضات قلبها كتسارع كانها فشي سباق وضعات يديها على قلبهل كانها كتقليه تهدن دورات راسها فلمكان كيبالها جميع ركاب نزلو بقات غير هي طلعات نفس مزياان ونزلاتها عاد تاجهت لباب طائرة زنزلات بخطوات بطيئة و  بمجرد ماستقرت رجلها على الارض ضربها نسيم هواء بارد لوجها مطيرلها بعض لخصلات من شعرها لور وقفات لتواني وطلقات يديها  بزوج مستمتعةبرائحة بلادها و هواءه لمنعش نزلات دمعة سخونة من عينيها كيعبرو عن مدى شوقها وحنينها 5 سنين ديال لغربة ماااشي ساهلة غمضات عويناتا ونطقات لحروف بصوت حنين وخافت 💧
رسيل:🚀كفاني الغربة تكفيني🚀
🚀فنار الغربة تكويني 🚀
🚀أشتاق لأهلي واحبابي🚀
🚀نار الغربة تحرقني🚀
🚀اخشى الموت في غربتي🚀
🚀اصير غريبة في تربتي🚀
🚀كفاني لغربة يا تربتي🚀
💧مسحات دموعها ووقفات لتواني كتفكر كيفاش مشات قبل 5 سنين من هاد لمطار محطمة ومنهزمة وضعيفة وكيفاش رجعات دابا بشخصية قوية وكلها صرامة بتاسمات بافتخار وجرات لي فاليز دياولها وتوجهات لباركينغ كيبالها كلشي كيشوف فيها خصوصا فلمغرب ماكيناش حشومة غير تبركيك كتبان فحال شي gاوريا لي شافها مايقولش بلي مغربية خصوصا بديك زعورية تمشات حتا وصلات لباركينغ بانتلها لوطو ديالها مانسطالية توجهات نيشان ليلها و فتحاتها وعملات لي فاليز فلكوفر وكسيرات بعدما بدلات لكارط ديال تيلي ديالها وزادت متبعا GPS باش يوصلها لعنوان ديال لفيلا وفطريقها كتشوف ناس شي ماجي شي ماشي هالي كيشري لخضرى هالي كيدابز ودراري صغار كيلعبو فطريق وصوت شراية ولبياعة كيزعزع بتاسمات بخفوت مستمتعة بهاد الأجواء الشعبية لي فتاقداتهم وماهي الا مسافة طريق حتا وقفات طموبيل حدا واحد لفيلا متوسطة الحجم وغير من تصميم لخارجي ديالها باينا فيها راقية انسطالات لوكو وخرجات لي فاليز ودخلات لفيلا لكانت كبيرة ب3 ايطاج ومفرشة بطريقة مزيونة وأنيقة دخلات لاول غرفة بانتلها وحطات لي فاليز وشافت فساعتها لقاتها ل5 ديال لعشية 💧
رسيل:افف مابقاش بزاف ديال لوقت
💧بدات كتستف حوايجها فدريسينغ بزربا وكتعدل لمايكاب فبلاصتو حتا سالات عاد لبسات كسوة فلموف حد ركبة ومسحات لمايكاب ودخلات لحمام توضات وخرجات صلات لي فاتها عاد مشات لكوزينة بانتلها كتصفر مافيها مايتكال نسات ماوصاتش لكارد يتسخرلها ضربات علا راسها بغباء💧
رسيل:افف فين كان عقلي دابا شني عناكل لحجار بفف
💧فلاخر دومندات بيتزا و بقاات كتفكر فميرال عرفاها عتكون دابا مشوشا عليها وكتبكي ولكن هي بغات ديرالها مفاجئة مافيقها من سهوتها غير صوت صونيط ديال لباب ناضت فتحاتو لقات طلبية ديالها وصلات خداتها من عندو وخلصاتو ودخلات لصال مونجي حطات بيتزا فوق طبلة حتا كانت عتبدا تغدا وهي تفكر بلي ما كينا لا موناضا لا عصير وناضت كتغبن عوتاني 💧
رسيل:هئ هئ ودابا باش عندوز ياربي انا بديت كنخرف وهدشي يالله وصلت ماشي مشكيل ارسيل حتا لما زيون هئ اويلي علا لما
💧شافت بلي لوقت كيضيع وهي 8 خصها تكون فلحنة وباقي تابعها لباس ولمايكاب فلاخر بدات كتاكل ديك بيتزا حرفيا ما كتصرطلها دغمة غير بزز ما كتبغيش حتا تهود سالات غداها و جمعات طبلة وتوجهات لبيتها واول حاجة دارت هي خدات دوش فاعل تارك ومن بعد صبغات ضفيراتها فلاسود و لبسات قفطان ديال لموبرا فلgرونة مرصع بالأحجار الكريمة من جهة صدر بلفضي ولgرونة عندو فتحة واصلا حد ركبة وطويييل من لور مفرفر شافت راسها فلمرايا جات طوووب شي حاجة فوق لخيال حورية فوق الارض معا ديك لقفطان على شكل حوتا جاها مع فصالتها نيشان وبرز مؤخرتها اكتر جلسات مقابلا مع لمرايا وبدات كتعدل لمايكاب ركزات على عينيها اكتر عملات فوندوتان و ايلاينر وماسكارا و فاراجو وعكار ماط فلgرونة جات روعة زادت برزات تقاسيم وجها بلكونتورين وبدات كتعدل شعرها طلقاتو بلبلاك وعملات مشيطة على شكل وردة وخلات لقصيصا من لقدام عدلاتها بوكلي ورداتها على جنب عملات عقد خفيف فيضي بحجيرات من الالماس طبعا دارتو مع سنسلة لي ماعمرها خطاتها عملات لحوالق ديالو لي كانو بنفس شكل غير هما طوال جاو معا عنقها نحيف ودارت براسلي فنفس شكل وخاتم خفيف فصبعها سبابة زادت آخر لمسة وهي رشة من عطرها لمفضل و لبسات سباط طالون فلفيضي وبوشيط انيقة فنفس لون حقا هي تحفة فنية أمهر فيها أشهر الفنانين سبحان من صورها ضحكات مع صورتهاةلمعاكسة فلمرايا حتا بانتلها لغمارة لي فخدها الأيمن ولي بارزة بطريقة جميلة و قليل فاش كتبينها وسنانها لبيضين مستفين فحال اللؤلؤ هزات يديها ورسلات بعض القبلات في الهواء لصورتها لمعاكسة و شافت فساعتها بانتلها 19:30 💧
رسيل:يالله نوصل دار بعيدة
💧هزات بوشيط ديالها وزادت كاب انيق فالاسود وتوجهات لسيارتها ركبات فيها ومشات مكسيرية💧