💎اللبؤة و الوحش💎( مكتملة )

part98

🌔بارت 98 👑
هزار:هئ شفت تصاوركم فالانستغرام وماتيقتش هئ هئ سحابلي غير مفربكين هئ هئ
ميسون:شفتيهم وماقلتيلي والو هئ هئ غير وريهملي وانا نعرف واش حقيقين ولا لا
🎄جمعات معاها بقرصة حتا غوتات وبدات كتغبن ونيار غير مبتاسم وشحاال توحش نكيرهم وتبرزيط هزار ورضى ميسون باس راسهم بزوج وشاف فرسيل لقاها ساهية فيهم عمل ابتسامة جانبية وهضر🎄
نيار:وا خليولي بلاصة لمراتي
🎄هزار وميسون فتحو عينيهم بصدمة فحين نيار جر هزار وعنقها حدا ميسون وجر رسيل وخشاها فجنبو طالق دراعو عليها وهي غير كضحك🎄
ميسون :هههه بنتي رسيل عتولي مرات ولدي
هزار :ياااي وانا مرات خويا
نيار:قريب ان شاء الله
رسيل:ان شاء الله
هزار:وخليونا نأرخو هاد نهار وناخدو سيلفي
الكل :هه اكيي
🎄جبدات هزار لفون ديالها ويالله جات تصور وهي تجي بيلسان كتجري وتابعها بيبرس وقفات مقابلة معاهم وعملات يدها على خصرها🎄
بيلسان:وحناا فينن نسيتونا
رسيل:ههه اجي عندي احبيبتي
🎄مشات كتجري لعندا وعنقاتا ورسيل هزاتها كتبوس فيها وميسون وهزار كيضحكو من قلبهم ونيار عنق بيبرس لي تمخشش فيه حتا هو توحشو عاد طلع عينو فرسيل وبيلسان وبقا ساهي فيهم وشحاال جات معاها الأمومة فحين رسيل شافت فيه بابتسامة ونطقات بحب 🎄
رسيل:كي جاتك بنتنا احياتي هه
نيار :غزالة فحال ماماها (يعني رسيل )
بيلسان:(بفرحة ):يااااي واخيرااا جيتي مامي كانت ديما كتعاودلي عليك وكتقولي شحال كنبغيك حتا وليت حتا يانا كنبغيك
🎄رسيل تزنكات فرشاتها قدامهم وميسون وهزار كيموتو بضحك ونيار عيا مايحبس فيها فلاخر طلقها كيضحك من قلبو حتا تغمضولو عينو مخلي هزار وميسون مصدومين 20 عام ماشافو ضحكتو مني مات الاب ديالو ودابا كيضحك بهاد طريقة فهادا كان انجاز كبير بالنسبة ليهم وطبعا كلشي بفضل رسيل لي جات لقصرهم ودخلات لفرحة ولبهجة لقلوبهم فحين نيار طلع عينو فبيلسان ومدلها يدو حتا هي ضحكات ومشات لعندو وباستو من خدو🎄
بيلسان:(ببراءة ):دابا نتا عتزوج بمامي يعني عتولي بابي
نياار:(حرك راسو بالايجاب مبتاسم ):اااه
بيلسان:(طارت عليه بتعنيقة ):ياااي دابا ولا عندي حتا بابي
🎄رسيل غير كتشوف فيهم بحب أول مرة تشوف نيار مع شي بنت صغيرة وعاطيها لخاطر باينة عندو مع الأطفال طلع عينو فيها وجرها من خصرها وهو باقي هايز بيلسان فيدو وميسون واقفة فجنبو معنقاه هو وهزار وبيبرس واقف بين رجل رسيل ورجل نيار 🎄
هزار :ودابا عاد كملات عائلتنا لغزالة يالله قولو تشييززز
🎄كاملين بيهم ضحكو كيشوفو فلكاميرة من غير نيار لي مبتاسم بجنب وهاهي اول صورة خداوها مجموعين وهما عائلة وحدة 🎄
🎄دخلو مجموعين وجلسو فصالون وهزار بارطاجات صورة فالانستغرام وكتبات عليها ^عائلتي السعيدة وأجمل ما املك^ فحين نيار مجلس بيلساان على حجرو ورسيل متكية على كتفو وميسون من جهة تانية حدا هزار وبيبرس متكي فوق حجور رسيل لي كتلعبلو فشعرو كيتحدتو بهدوء وكيتقاسمو اراءهم كأي عائلة متالية وشحاال شتاقو لهاد لمة لحنينة وأخيرا عمر ديك لفراغ لي كانو كيحسو بيه فغياب نيار وهاهو جا وملاء لفراغ 🎄
ميسون:فوقاش ناويين اوليداتي تعملو لعرس
نيار:سيمانة جاية
🎡رسيل طلعات عينيها فيه مصدومة وميسون وهزار غير كيرمشو فيه 🎡
رسيل:كيفااااااش؟ ؟
نيار:(بهدوء ):كيف ماسمعتي ماشي عنبقاو لعبو سيمانة لجاية عنديرو لعرس ماكاين لاش نطولو
رسيل:وااش تسطيتي سيمانة لايش عتكفيني واش كتعرف شناهو لعرس ولا لا وحتا حبابي باقي ماعلمتهم را مايمكنش انيار سيمانة ماعتقدنيش باقي خصني بزااف مانوجد
ميسون:أه اولدي رسيل عندها لحق سيمانة ماكافياش
هزار:احم لا أخويا كافية وموفية دابا عنوصي على لبستي ياااي توحشت نحضر لشي عراسية
🎡ميسون جمعاتا معاها بقرصة من تحتح لكسوة حتا زوقاتلا فخاضا ورسيل كتشوف فيها مخنزرة ماكرهتش تنوض تبرد فيها لغدايد دخوها🎡
نيار:سيمانة كافية نتوما ماعتعملو والو انا عنتكلف بكلشي وعنجيب ناس ا عيوجدو جميع تحضيرات ولعرس عنديروه فلقصر وبالنسبة لعائلتك عنصرد لي كارد يجيبوهم ومن الاحسن يكونو غير لمقربين ماباغيش يكون ديك لهرج اصلا كون جات عليا مانديرو لا عرس لا والو ولكن مابغيتش نخسرلك خاطرك اكي
ميسون:الا كان هاكا مزيان انا عنراقب تحضيرات ورسيل عتختار لبسات وهزار عتكون معاها
رسيل:(كلشي لقالو لحل مالقات منين دوزلو فلاخر وكلات أمرها لله وتنهدات ):صافي لي بانلكم انا باغا ندير غير لاغوب بلونش بلا من ديك لبسات لمغربية حيتاش هادي ماشي بلااصتهم حتا تجي شي مناسبة ونكونو فلمغرب ان شاء الله
هزار:(نقزات ):اااه بصح فسبوع لبسي لقفاطن
🎡ماحسات غير بقرصة اخرى حتا تغرغرورا دموع فعينيها ناضت من حدا ميسون كتحك فلقرصة وكتغبن ومشات جلسات حدا رسيل لي غير كدور فعينيها عكس نيار لي كيشوف فبيلسان بهدوء وكيلمس شعرها بحنية🎡
نيار:ان شاء الله
🎡جات لخدامة كتعلمهم بلي لغدا وجد ناضو كلهم وجلسو بنفس ترتيب ديال ديما من غير انو كينا كرسي زايد جنب رسيل وهو دبيلسان وكل من رسيل وميسون وهزار كيشوفو فلجلسة ديالهم بفرحة ظاهرة فعيونهم ولي ملاحظها نيار لأنهم مني غاب عليهم وبلاصتو خاوية وديما كياكلو وكيحاولو يتفاداو شوفة فيها باش مايطيحولهمش دموعهم ولكن ليوم الوضع مختلف كيشوفو فمكان نيار لي مترأس طبلة بكل فرحة وسرور بداو الاكل ديالهم وهزار ماسكتاتش من لهضرة توحشات ترتار وضحك من قلبها لانو من مشا نيار ماضحكات ولا فرحات وحتا نيار عاطيها لخاطر وماقلهاش سكتي لانو عارف بلي مجرد شوق لي عامل فيها هاد لحالة🎡