💎اللبؤة و الوحش💎( مكتملة )

part29

🌔بارت 29👑
☀في اكبر الملاهي الليلية بمدينة بينس الفرنسية موسيقى روك الصاخبة تملئ المكان أضواء كتيرة وخافتة ريحة دشراب ولكارو قالبين دنيا ودخان شيشة ولبنات كيشطحو لمعري كتر من لمغطي ورجال ضاربين دنيا بركلة وكل واحد مشبر عندو وحدة جالس يشلقم فيها حدا لعاام هالي جالس كيتحك معا لبنات هالي عاطيها غير لشطيح هالي ريوgو سالو مع رقاصات لي لابسين زوج ميترو ولفلوس مزلعين حدا رجلوم هالي طالق رجلو وقراعي دشراب مدورين بيه مهم عالم تاني عامر وسخ وكل واحد همو هو يلبي غريزتو .
جالسة فقنت بوحدة وجها طايح على طبلة حتا علات راسا ونيفا بيض بلكوكاين لي كانت كتشمو عاينا لخضريز مقلوبين بشراب بزز باش كتفتحوم شافت فطبلة لي عامرة بلكوكاين هزات يدا وعدلات سطر بيه فوقها وعاودات نزلات راسا كتستنشق بنيفا مستمتعة وشعرا الأحمر لقصير كامل كينزل معاها بقات لتواني حتا شماتو كامل وعاد هزات راسا مسحاات نيفا ونزلات على كاس دلويسكي محطوط حداها بدات كتهضر بتقاالة و شراب لاعب عليها مزيان☀
---:علااش مايبغينيش انا زويينة وأي واحد يتمناني هئ هئ وعلاش حشومة عليك انيار انا كنموت على تراب درجليك هئ هئ علاش ماتبغينيش هئ هئ
(كتهضر ومعرفش حتا شكتقول مواعياش اصلا مرة تبكي مرة تضحك مرة تغوت حتا وقفات لحظة وعيونا ولاو نقطة حمرا وبشوفة شرسة بدات كتحك فنيفا بهيستيرية وكتهضر بشراسة ):شكون هديك لي شافا خويا معاه والله حتا نقتلا لي يقربلي من حبيبي ندبحو ونشرب من دمو عندمك هو ديالي ديالي بوحدي وعيبغيني بزز منو اه هو كولو ديالي بوحدي بوحدي (كتهضر بلا وعي غير كتخرج من فما دخلات لحالة هستيرية هزات يدا وضربات ديك لقراعي كاملين حتا تزلع زاجوم قداما جلسات فلارض وهزات زاجا كبيرة وبدات تقطع فيدا وتكتب فيها سمية نيار ودمايات مشرشرين حداها وحتا واحد ماشايفا كلا وملهي فحاجتو بقات كتشرط فيدا حتا حفرات سميتو وهي ماحساش بشنو كدير كانها مخدرة )
---:حبيب ديالي شوف شني درت باش تعرف شحال انا كنبغيك ماعمرك تلقا شي واحد يبغيك فحالي ولي تجرأ ندبحو فحاال هاايدا اووب
(كتهضر مع يدا فحال شي حمقا حبا لنيار فات لحدود وتجاوزو بزااف حتا ولا هوس وماشي حب كتموت عليه وتمنا غير يشوف فيها شحال من مرة دلات راسا ومشات تلاحت عليه عريانا وديما كتلقا من عندو رفض وشحال من مرة عطاها قاتلة دلعصا باش يرجعلا عقلة ساعة معامن هو ولات مريضة بشي حاجة اسما نيار برغم من لعداوة لي بينو وبين خوها الا وأنها ماكتسوقلوش حاجة وحدة لي كتهما دابا هي نيار من اول نهار شافتو وهي كتعشقو وسحابلا عيكون فحال جميع رجال لي كيحماقو عليها وبكلمة منا يولي ديالا حتا كتصدم بطبيعتو وبرغم من دالك حبا غير مازاد كبر حتا ولات مدمنة علا لكوكاين وكتوتجاوزوم وكتدروكا و تقطع فلحما غير باش ماتفكرش فرفضو ليلا شحال فكرات انو يكون كيبغي شي وحدة ولكن مالقات والو شحال من مرة قتلات لبنات لي كان كينعس معاهم فلبواط واخا مجرد ليلة يفرغ فيها غريزتو الا وان نار لغيرة كتحرق فيها قتلاتم بدم بارد وغبرات جتتم كان شيئ لم يكن ودابا سمعت خوها كيقولا' بلي كان مع شي بنت قرابين لبعضم بغات تحمق ماتيقتوش حتا وراها تصويرة فيها نيار شاد فيد رسيل وهي عاطيا بظهر حسات بقلبا عيخرج وبسباب ديك لفوطو وصلات لهاد لحالة )
---:شكون ديك لقحبة ليكنتي معاها والله حتا نقتلا فحال لي سبقوها حتا وحدة ماعندا لحق تاديك من غيري تاوحدة
(بقات جالسة كتلعب بديك زاج وكتشم فلكوكاين حتا حسات براسا مهزوزة من شعرا وتصرفيقة عوجات حنكا)
---:شحال مرة هضرت معاك الحمارة ماتبقايش تادي لحمك واش مكتمسعيش لديلمك لهضرة
----:هيي بعد مني نتا خايب انا خصني حبيبي نيار جيبولي نيار
---:(جرا بعنف من يدا خارج بيها ):زيدي لديلمك ديما مشوهاني
---:(كترطالو فيدو ):طلق مني طلق وعيطولي لحبيبي ونيارري اجي لعندي انا كنبغيييك واااع والله حتا نقتلا كنبغيييك
---:(دار لعندا عيونو فحال جمرة جمع معاها بطرشة حتا طوش دم من نيفا وسخفات هي اصلا نزفات بزااف من يدا ودابا كمل عليها هزا فيدو وخرج لطموبيل ركب وكسيرة نيشان لقصر)
سالا من تحقيقو فديك نص قلب وناض من على لكرسي كيطرطق فعنقو لي تبلوكالو بقوة لجلاس توجه نيشان لواحد لبوطون فلحيط وكليكة عليها حتا بدات كتفتح وبانت خزنة كبيرة عامرة بسلاح ولمستندات ولفلوس عمل فيها ديك نص قلب ورجع سدا طبعا ماكتبنش فلحيط حيتاش لبوطون صغير وفلاسود وزيد ماكيتفتح غير بلبصمة ديالو هادي احسن طريقة باش يحمي ممتلكاتو واخا عارف بلي حتا واحد مايتجرأ يدخل لدارو ويجي يسرق لمونستر ولكن ضروري من الاحتياط خرج من لبيرو وشاف فباب دلغرفة ديالا بقا شحال واقف عاد توجه لو وفتح لباب لا دقان لا ستحمص وهادي من عادتو خصوصا انه فدارو جات عاينو مباشرة عليها جالسة كتغزز فديك لمخدة قول كتولد ولعرق نازل من جبينا ووجها مافيهش نقطة ديال دم اتر رؤيتا فديك لحالة حس بقلبو كيضرب بعنف ورجلو بدون شعور قادوه لعندا بسرعة كيحرك فيها بيدو وكيقيس فراسا سخانة مافيهاش ولكن عرقانة بزااف حيدلا ديك لمخدة من يدا لي ولات كاملة مقطعة بغدايد لوجع لي فيها وطلعلا راسا بيدو كيسول فيها بخوف واضح فنبرة صوتو )
نيار:رسيل واش نتنا بخير؟شنو وقعلك مالك
رسيل:(ماقداش تهضر كتحس بروحة كتزهق ومبغاتش يعرف بلي فيها وجع لعادة ):م مالي و والو ا انا بخير
نيار :(جمع حجبانو وشاف فيها بحدة ):واش بانتلك ولد صغير شوف حالتك كيف دايرة وكتقولي مابيك والو انا عنعيط لطبيب
رسيل:(زفرت بغضب لي فيها كافيها وهو مكمل عليها ):ما كاين لاش غير شوية ويفوتني لحال
نيار:(تلف ماعرفش علاش فهاد لحالة فلاخر عوضا فبلاصتا وناض باش يعيط طبيب هو يالله وقف وهي دخل لخدامة مدرمة ماشفتوش كاع كتشوف غير فرسيل وكتهضر بزربة )
لخدامة:لالة رسيل كيبقيتي شوية قولي سميت دوا لي مولفة كتشربو باش يمشي لكارد يجيبولك
رسيل:(غير شافتا دخلات كحلات بلعمة صافي كملات ولوجع غير ماكيزيد كتحس براسا عتسخف )
نيار:(غير سمع دوا وهو يمشي عندا مخنزر شاف فيها بنظرة كتقتل ):انا دوا عوتاني
لخدامة:(غير شافتو كيفاش كيشوف فيها حسات بلبولة عتنزلا بقات غير كتفتف لحروف مابغاوش يخرجو مسكدين كيطيحلا لما فركابي ):ءء س سي ن نيار
نيار:(زفر بغضب ومسح على راسو وغوت عليها حتا قفزات ):واش كتعلمي تهجاي ولا دوي خلاص
لخدامة:(غير سمعاتو غوت جاتا سخفة ماحست براسا حتا بدات كتسرسر كلشي بقوة رعب ):سي نيار لالة رسيل كتجيها لعادة شهرية بلوجع وضروري
ماخصا تشرب دوا ديالا ولكن ماجبتوش معاها
رسيل:(غير شافتا خوات لمزيودة ماكرهتش تنوض تبرد فيها جنونة زادت زيرات علا كرشا وتلوات )
نيار:(عاد فهم علاش مابغاتش تهضر مابغتشي تحرج قدامو هو عندو عادي حيتاش عقلينو كورية ولكن مابغاش يزيد يحرجا كتر وماا براسو لخادمة باش تخرج وهز لفون ديالو ودوز ابيل )
نيار :عندك 15 دقيقة جيب دوا ديال وجع لعادة شهرية ومايكونش عندو أعراض جانبية
----:حاضر شاف
(قطع لفون ورجع شافيها حالتا حالة دخل لانترنيت وبدا كيقلب كيفاش يهدأ من وجع لعادة شهرية بقا بزاف طرق عاود عيط لخدامة )
نيار:كاس دزعتر سخون دابا يكون فبيت رسيل
(حط تيلي ودخل لدوش هز فوطة من بلاكار وطاسة صغيرة عمل فيها لما سخون وخرج جلس حدا رسيل )
نيار :شوية صافا
رسيل:(غير كتشوف ماقداش تنطق حركات راسا بنفي وغمضات عيونا مزيرة عليهم بقوة الالم)
نيار:(غير شافا كي تعصرت حس بقلبو تعصر معاها بصح هو ماعرفشي سبب خوفو عليها ولكن همو لوحيد دابا هو يداويها هز ديك لفوطة وفزكة فلما سخون وعصرا مزيان وطلعلا تيشرط ديالا علا كرشا حتا ولا فوق بوطة بقا كيشوف فكرشة نحيفة ومطراسية باينة كتمارس سبور وبشرتا لبيضة فحال لحليب بسرعة قلب عاينو وعمل لفوطة على كرشا باش تسخنا )
💧حسات بضو ضربا مني لمسات يدو لخشنة لباردة لحمة سخون قلبا تزادت دقاتو نزلات عاينا بانتلا فوطة على كرشة سخوونة طلعات عيونا فيه بانلا جامع لحداش وكيحطلا لفوطة بشوية ويعاود يقلبالا ويحشيها فلما ويعصرا بقات ساهية فيه عيونو زمردية وشنيفاتو لحميمرين لحيتو سوداء لمطراسية وفكو سفلي لبارز بطريقة متيرة حقا وسيم لاقصى حدود نسات وجع كرشا لي اصلا همد بديك سخونية ديال لفوطة مافيقا من سهوتا غير لخدامة داخلا ببلاطو فيدا )
لخدامة:سي نيار ها دكشي لي طلبتي ودوا راجابو لكارد
(ومالا براسو ودخلات حطات بلاطو فوق لكوافوز وخرجات هز لكاس دزعتر فيدو ودار عند رسيل شاف فيها وقال )
نيار:واش شوية دابا؟
رسيل:اه شوية همد
نيار:(كحزلا لكاس لعندا ):هاك شربي هدا راه مزيان
رسيل:(كحزات راسا للكاس وهي طلع معاها ريحة دزعتر كتقلب حست بتقيا بزربة سدات نيفا وكحزات لور ):ءء مانقدرش نشربو بوحدو ماكنحملوش
نيار:(بقا حاضيها كيفاش خسرات ملاميحا فحال شي برهوشة دار ابتسامة جانبية وفورا جمعا ):لا ضروري شربو
رسيل:(مخنزرة ):وانا قتلك لا
نيار:(زفر بغضب وطلع راسو لسقف ورجع نزلو وشاف فيها مغدد ):وبربي ماتشربيه حتا نكبولك علا راسك يالله
رسيل:(غير شافتو كيفاش تسيف خافت لايديرلا فحال صباح شدات ديك لكاس وبدات كتشربو بلهلا يطريهلا شدات فينيفا وبدات كتهبط زكفة بزز باش كدوزلا )
نيار:(جابتلو ضحكة كتبان فحال شي برهيشة مبززين عليها تشرب دوا خصوصا بديك شدا لي دايرة لنيفا وملاميحها لي مخسراهم وعويناتا مغمضاهم )
رسيل:(جاها ديك لكاس فحاليلا فيه يترو مبغاش حتا يتسالا ماكملاتو حتا غفرلا ربي دنوب حطاتو بزعفة على لكوافوز وهزات كاس دلما شربات منو يالله تحيداتلا ديك لمرورة من فما )
  نيار:(غير شافا سالات هز دوا ومادولا ):هاك شربي هادا مزيانلك
رسيل:(بقات لتواني كتشوف فيدو ماعرفتشي علاش مهتم بيها وقبايلا كان واضح بلي خايف عليها بسرعة نفضات هاد الافكار من راسا وشدات من عندو دوا شرباتو وحطات لكاس وحيدات لفوطة من علا كرشا ونزلات تيشرط وغمضات عاينا واخيرا رتاحت هدشي لي شربت همدلا لوجع )
نيار:(بقا حاضيها كيفاش داتاا عايناا سها لتواني فملامحا لبريئة وخصوصا وهي ناعسة كتبان فحال شي طفلة بسرعة جمع راسو ووقف غطاها وخرج   طلع لاسانسور وكليكة على طبقة لاخرة وماهي الا تواني حتا خرج من الاسانسور وتوجه لواحد لباب فلبني فتحو ونزل فدروج لي كانو طاول ومضيقيين وظلاام وصمت رهيب بقا نازل حتا وصل لواحد ديبو كبيير فلاسود مافيه حتا سرجم كانه نفق تحت لارض وصمت رهيب مالي لمكان جدرانو كاملين عليهم رمز وحش نار وطبالي كبار ديال رخام مستفين ملصقين مع بعضم وعامرين من لفوق بالأسلحة أنواع واشكال وكاملين فذهبي وكيحملو رمز لمونستر لما لا وهو بنفسو لي كيصنعوم عندو فروع صناعة سلاح فجميع انحاء العالم واغلبوم فمدينة موسكو ولكن هاد ديبو عندو فيه غير لمميزين فقصتو مع سلاح بدات مني كانت عندو 10 سنين فمني كانو الاطفال فعمرو كيلعبو بالاسلحة ديال بلاستيك هو كان باباه كيعلمو يتيري بسلاح ديال بصح وطبعا بفضل دكاءو ودهاءو لماكر ستاطع يولي من اكبر صانعين سلاح فروسيا وفلعالم كامل برغم من انه كيصنع اسلحة مرخصة وكيبيعا بطريقة قانونية الا وانه كيصنعو حتا أسلحة لي هي ممنوعة وغير قانونية لأنها كتشكل خطر كبير بسبب لمواد لمصنوع منو ولي يقدر برصاصة وحدة يفجر دولة على قدا وفلغالب هاد نوع من الاسلحة كيصنعوم تحت طلب من مفيوزيين روسيين كبار وكيتم بيعا بملايير دولارات وبهد طريقة زاد وسع سلطتو وولا كيملك نصف فروسيا برغم من انه فمنافسة كبيرة فهاد لمجال الا وانه كيصنع اسلحة نادرة مايمكن لحتا واحد يصنعوم من غيرو وهدشي لي محير لمنافسين ديالو ماكيعرفوش سر فصناعتو لهاد نوع من الاسلحة و ولاو جميع لمفيوزيين كيشريو غير من عندو لان معروف بجودة سلعتو ودائما عملية لبيع وشراء كتم فسرية تامة وغير فصفقات او بلي كارد ماعمرو تعامل فاص وماعمر شرطة تدخلت حيتاش أصلا كتخاف منو ومن سلطتو لانهم عارفين باشارة منو يوليو فخبر كان توجه مباشرة لواحد سلاح كان محطوط بوحدو معزول هزو فيدو وبدا كيدوز عليه صبعانو بابتسامة ماكرة وشر خارج من عيونو هاد سلاح من نوع خاص ومميز لحد الان كينا نسخة وحدة صنعا ليلو بغا يحتفظ بيه بوحدو وهادو من صفاتو لان لحاجات لي كتكون مميزة فحياتو ماكيبغي حتا حد يشركا معاه