💎اللبؤة و الوحش💎( مكتملة )

part17

🌔بارت 17👑
رسيل:من نهار لول لي شفتك فيه داخل لقسمنا قريت فعيونك إعجاب كبير لميرال ومع لوقت لاحظت تحول داك الاعجاب للحب خالص ماهضرتش وماقلت لميرال والو وهي لي كانت كاتبادلك نفس شعور وبرغم من انها كانت كتحاول تخبي ولكن مااشي عليا من نظرة وحدة نعرف باش كتحس بقيت كنتسناكم تخطيو شي خطوة وداكشي لي كان حتا وصلتو لزواج بغيت اي خطوة ديروها تكونو ديرتوها بوحدكم وعن اقتناع وانا طبعا ماعرضتكومش حيتاش شوفت فعيونك حب صادق وخالص وميرال كدالك (قصحات نظراتها وعلات صبعها فوجهو بتهديد وهضرات بجدية )و لو كون شفت فعيونك ولو ذرة غدر او خبث فكون متأكد ماعمرك كنتي تحلم توصل لميرال ولكن حبك كان واضح فعيونك على دكشي بصفتي ختاها كنطلب منك و بالأصح كنامرك تهلا فميرال وديرها فمومو عينيك وماعمرك تبكيها ولا تقلقها والا عرفت بلي وقعاتلها شي حاجة خايبة ولو غير قد هايدا(وراتلو بصبعها )كون متاكد بلي عندمك على نهار لي فكرتي فيها راغير من صوتها نعرف بحالتها وعشرتنا طويلة وكنظن راك كتعرفني فقدر قيمة الالماسة لي عندك را الا ضيعتيها ماعمرك تعاود تحلم بيها باش يكون فعلمك
ادهم:(غير كيسمع لكلامها مصدوم كيفاش هاد لمدة كاملة وهي عايقة بكلشي ومعمرها هضرات حتا شافها كيفاش تسيفات عليه وقصحات نظراتها عندها لحق ميرال مني كانت كتقليه هادي ختي فهي تستاهل دالك شكون هاد لمراة لي توقف مقابلة مع راجلها وتواجهو هايدا ولاكتر من دالك كتهددو وكتوصيه على صحيبتها فحال الا كتوصيه على بنتها بتاسم ووضع يديه على كتافها وقال):ختي رسيل ميرال هي اول بنت بغيتها وأول وحدة سحرتني بعيونها واخلاقها وماعمري نفكر ناديها ولي فكر فيها نقتلو ونشرب من دمو ميرال هي الاكسيجين لي عايش بيه والا مشات عنتخنق وعنموت ميرال هي دم لي كيجري فشرايني وميرال هي محوار لي داير عليه حياتي على دكشي ديما عنحافظ على الماستي ومنبع سعادتي الله يخليك لي احبيبتي
💧جرها من خصرها حتا تزدحات فصدرو وباسلها جبهتها وعنقها فحين ميرال بادلاتو لعناق كتشهق و كتحمد الله صباح وعشية حيتاش عندها راجل كيبغيها وكيموت عليها فحال ادهم وعندها صديقة كتوصي وتخاف عليها فحال رسيل هاد الاخيرة لي دارت شافت فيها بابتسامة ومدات يديها ليلها لي كان بدورها تشدلها فيها حتا عنقاتهم ميرال بتلاتة بيهم 💧
ميرال:هئ هئ ماعرفتش شنو درت فحياتي حتا جازاني الله بيكم هئ هئ الله يخليكم ليا بلا بيكم انا مانسوى والو
💧شوية مشاو لعندهم سي سليم ولالة منال بدموع فعينيهم لي سمعو لحديت كامل لي دار بيناتم توجهو لعندهم وعنقوهم بتلاتة بيهم حتا تحشات معاهم ليان فحال لقطيطة وكلشي كيقولها فنفسو ^لحمد الله ياربي ^ولحضور شي كيشوف فيهم ومتاتر وشي كيشوف فيهم بحسد على هاد لحب لي فقلوبهم وهادي كانت آخر صورة تلتاقطالهم عدسات الكاميرة 💧
🔥*كان جالس متبعها بعيونو رمادية كيشوف كيفاش كتهضر مع ختاها وكيدرس حركاتهة حتا بانتلو وقفات حدا ادهم وهزات يديها بتهديد فوجهو عمل ابتسامة جانبية عرفها كتوصيه عليها حقا لبؤة بمعنى لكلمة حتا بانلو ادهم عمل يدو على كتافها حس بصدرو كيطلع وينزل بعصبية زير على قبضة يدو بقوة حتا بياضت وزادو كملوها مني تعانقو بتلاتة بيهم زاد سخط و عيونو الزمردية تحولات لجمرة حامرة ولكن علاش؟ هو شدخلو فيها ؟ اصلا هادا كامل كان حوار بين عقلو وقلبو فالاخر مستحيل يخضع لشي انتى واخا يكون كيف ماكان نوعها كون ماكانش ادهم لي رغبو يبقا حتا الاخر كون راه مشا فحالو شحاال هادي كيكره هاد الاجواء فلاخر نزل على كاسو وكمل نظرو🔥
(فصلو لعناق عن بعضهم بابتسامة على محياهم حتا نطقات لالة منال )
منال:يالله ابنتي ميرال وصل لوقت باش ترمي لورد نشوفو شكون لعروسة لي عتزوج موراك ههه
ميرال :هههه هي لولةا اماما
💧شدات فيد ادهم وزادو لقدام وعطاتهم بظهر فحين جميع لبنات لي باقين بلا زواج وقفو وراها باستثناء رسيل لي غير شافتهم بداو كيتجمعو هزات راسها وشدات فيد ليان وكحزات بعييدة عليهم ماعندهاش مع هاد تخربيق كامل لي كتعرف ان كل واحد وشنو مكتبلو الله 💧
🔥بقا حاضيها بعيونو شوية بانولو لبنات كاملين تصفو ورا لعروسة عرف عيديرو ديك لخزعبلة عن قولو هو دور عينو بملل حتا بانتلو غادا مبعدة عليهم و شادا فيد ليان علا حاجبو باستغراب شنو زعما عتكون مزوجة على داكشي بعدات عليهم ؟ مجرد تفكير فهاد الاحتمال حس بنبضات قلبو كتسارع ولكن علاش هدشي كامل؟ فين عمرو كان كيخمم فشي انتى؟ وفين عمر شي بنت شغلات بالو ؟ بقا حاضيها طول لوقت لا ميمكنش هدشي ماشي ديالو هو ماعندوش هدشي فقاموسو كانت هادي اخر جملة قالها فنفسو قبل مايكمل نظرو 🔥
💎بدات ميرال كتحسب بشوية وكتعلي يديها لي فيها لورد حتا لفوق وتعاد تنزلهم ولبنات كاملين كيتخاطفو وراها وكيشوفو فصاحب الزمردتين لي مادايهاش حتا فيهم 💎
ميرال:وااااحد زووووووج تلااا تلاااااتة
💎علات يديها بحر جهدها ورمات لبوكي واووب ماعيجي غير فيد رسيل لي كانت كتهضر مع ليان مع طلعا لي عتطلع راسها كيبالها لبوكي دلورد جاي لجيهتا ماعرفت راسها باش تبلات شنو واش تخليه يطيح فلارض ماجاتش وناس كاملين كيشوفو فيها ماحسات براسها حتا هزات يديها وشداتو لعندها بقات غير مصدومة شوف شحال بعدات باش مايجيش فيها وهاهو جا حتا لعندها ولكن نسات بلي مكتاب الله هو لي كيتصرف واخا تمشي حتا الاخر دنيا عيجي لعندها .حتا بدات كدور وجها بلعرض لبطيئ وماعيجي غير مع عيونو الزمردية صافي كملات دابا شهاد زهر بقاو لتواني ساهيين فعيون بعضهم برغم من بعد المسافة الا وانها واضحة نضراتهم لبعض حتا وعات على راسها عاد دارت كتشوف فميرال وصدمة باقا على محياها وتوجهات لعندها بخطوات بطيئة فحين ميرال غير كتشوف فيها وكضحك عرفاتها ماحملتش راسعا يجي فيها لبوكي💎
🔥بقا متبعها بعيونو حتا باليه ديك لبوكي متوجه لعندها وجا نيشان فيديها حل عيونو بصدمة وا شهادشي شوف شحال بعيدة على لعروسة بكيلومترات وفلاخر عيجي غير فيديها بقا مركز معاها وكيشوفها كيفاش مصدومة عمل ابتسامة جانبية ودوز اصابعو على لحيتو السوداء المطراسية حتا كيتوقف مني كيشوفها كتشوف فيه بديك لعيون لكريستالية القتالة ماحس براسو حتا بقا كيشوف فيها حتا هو ولحداش معقودة عكس هي لي باقا مصدومة بقاو لتواني على نفس الوضعية حتا بانتلو علات راسها وتوجهات لعند لعروسة 🔥
(وصلات لعندها ووقفات مقابلة معاها )
أدهم :ههه وافيين الالة لعروسة
رسيل:(خنزرات فيه )حامض
ميرال:(كتموت بضحك)هههه عيتي ماتهربي احبي ههه
منال:(صغرات عويناتها وشافت فيها )قوليلي شكون هدا همم ماحشوماشي عليك تخبي علا خالتك حنا ماشي دهادشي قليليه راك تفضحتي غير يجي يخطبك دغيا
رسيل:(بقات غير كترمش بعويناتها اويلي شكاتقول هادي )احم خالتي منال نعلي شيطان واش منيتك
ميرال :(صافي كملاتالها دابا )هههههه وايما واماما راحنا غير ضاحكين بانتيلي درتيها دبصح
ادهم:هه لا عندك انسيبتي غير باغين يدوخك زيري سمطة حنا ماشي دهادشي
منال :اوا شتي لهضرة دبصح الله يرضي عليك اوليدي
رسيل:(قربات لودن ادهم وقالت بشوية ):ونسيتي ياماتك مني كنتي كتخيط دروبا بميرال همم
ادهم :(عمل ضحكة صفرة وشاف فمنال ):احم نسبتي راغير ضاحكين حشومة هدشي ياك اميرال
ميرال:هه أه اه ههه
منال:اوا هايداك ابنيتي الله يرضي عليك ماتقيش لوقت خيابت
رسيل:(باستلها راسها):ربي يخاليك اخالتي
ادهم:احم اوا طلقونا خلاص نمشيو فحالنا راه تابعنا شغل
💎ميرال مرgات ولات فحال مطيشة اما رسيل بقات غير كدور فعويناتها حابسة ضحكة فحين سي سليم حنحن ومشا عند صحابو بقات غير لالة منال عاد طلعات معاها وهي تجمعها معاه بواحد لقرصة حتا زرقتلو لحمو💧
منال:الله يقلل حياك الممسوخ كما تحشمشاي
ادهم :احح انسيبتي نعلي شيطان عوالا تزرقيني فهاد الليلة وحشومة زعما ..(غمزا )😉
(ميرال صافي شوية وتسخاف اما رسيل عطرطق بضحك ولات حمراااا فحين لالة منال زادتو بضربة لقرفادتو )
منال:الله يمسخك الممسوخ جيل قميش ما يحشم مايرمش
ادهم:اتا بربي حتا غير كضلميني انسيبتي نتي لي فهمتي غالاط اما انا ماشي غير كنحشم غير ماتعصبيش
(باسلها راسها كيضحك )
ميرال:(نطقات غير بشوية):وا لهلا يوريك لحشمة كي دايرا
رسيل:(لي كانت حدا ميرال وسمعاتها شقالت صافي مابقاتش قادرا تصبر شبرات فكرشها وجلسات كضحك)هههههه واا شحال حشومي الله يحجبك ههه
(بقاو مجمعين مرة يضحكو مرة لالة منال تجمعها معاهم حتا تفكرات رسيل ختاها لي نساتها دارت تشوف بلاصتها مالقاتهاش وهي تشهق)
رسيل:هييي خالتي واش ماشفتيش ليان
منال:(دارت يدها على قلبها ):الله يابنيتي نتي فعار الله بشوية عليك ليان ديتهت قبيلا لبيت حيتاش جاها نعاس وخليت معاها بنت ختي كوني هانيا عليها
رسيل:افف لحمد الله ياربي سحابلي غير تلفات ولا شي حاجة
💧درات عينيها فجردة بانلها لحضور كلو مشا بقاو غير لقراب من بينهم صاحب الزمردتين علات حاجبها باستغراب ادن راه قريب لهم بزااف ولكن هو ماشي من عائلة ميرال ادن عيكون كيجي لادهم وانا مالي؟ كانت هدي آخر جملة قالتها فنفسها قبل ماتهضر 💧
🔥كان حاضيها بعيونو حتا بانتلو بدات كضحك وعويناتها كيتغمضو فحال شي بنيتة صغيورة وديك لغمازة باينة فخدها بطريقة جمييلة وسنانها لي فحال اللؤلؤ مستفين سهاا فيها لوهلة حتا بانتلو كدور راسها فلحضور وشافت فيه باستغراب عمل ابتسامة جانبية عرفها فاش كتفكر 🔥
رسيل : واش صافي عتمشيو دابا احبيبتي
ميرال:اه اختي هدا هو لوقت مع ل5 عدنا طيارة ودابا 3