💎اللبؤة و الوحش💎( مكتملة )

part79

🌔بارت 79👑
🔥بقا متكي فبلاصتو وعقلو خدام كيراجع فكلام طبيب يعني هو نسا كلشي اسمو. اصلو.شكلو .عائلتو .كلشي نساه حياتو كاملة ولات صفحة بيضة طلع عينو وشاف فلمراية لي مقابلة معاه طلع يديه وبدا كيدوز على ملااميحو ببطء وكيشوف فانعكاسو لي فلمراية باستغراب كأن هاد لوجه ماعمرو شافو فحاليلا شخص غريب عليه ماكيعرفوش نهائيا غمض عينو كيعصر فمخو حتا بدا كيحس بضو كيضرب فراسو عاد دور عينو بزربة مبعد نظرو من لمراية هدشي ماشي فصليحو ماخصوش يفكر بزااف باش يقدر يسترجع داكرتو حتا سمع صوت خطوات متجهين عندو طلع عينو فيهم كيلقا أكيرا هازا بلاطو دلماكلة فيدو و سوغو فجنبا جمع حجبانو وبقا حاضيهم فحين اكيرا حطات بلاطو فوق لكوافوز وجلسات هي و سوغو فلي فوطوي لي مقابلين معا نيار 🔥
نيار:فهموني شنو واقع شكون نتوما؟شكون انا؟وفبن كاين؟وشمن حديتة هادي؟
أكيرا :بلا ماتضغط على راسك مع لوقت عتعرف كلشي
نيار:(بلغوات ):شمننن وقققت وشمممن زمررر شييي وااحد فيككم يشررحليي شنووو واااقع
🔥أكيرا غير كيفااش بدا كيغوت تكمشات فسوغو لي طلع نفس وبدا كيهضر🔥
سوغو :تهدن عفاك نتا سميتك نيار السعدي أصل مغربي وحنا مابيناتنا حتا شي علاقة يعني صداقة أو.عائلية واكيرا هي لي كانت لقاتك مني درتي لحادثة بصدفة وحنا دابا فجزيرة ساروشيما
نيار:(غير كيسمع فيه وكيسجل فراسو كيبانلو هدشي غريب ):وعلاش انا ماكينش فبلادي داابا ؟وفين هي عائلتي واش ماعنديش؟
أكيرا :ضطرينا نجيبوك لهنا باش يتم معالجتك من طرف امهر الاطباء وبالنسبة لعائلتك فحنا ماعرفينش كنعرفو غير سميتك وهويتك هدشي لي كنعرفو عليك فقط
نيار:(مطلع حاجبو فيهم ):وباش عرفتو هدشي وحنا ماكتجمعنا حتا شي علاقة؟
🎈أكيرا و سوغو بقاو غير مبلوكيين كيشوفو فبعضهم هدشي فاقد داكرة وكيركز فابسط الاشياء يعني راه دكي بزاف وخصهم يحضيو معاه مزيان سوغو حك فراسو وطلع عينو فنيار🎈
سوغو:ع عرفنا من لاكارط ناسيونال ديالك هي لي زودتنا بهاد لمعلومات
🔥نيار غير كيدور عينو بيناتهم هو بصح فقد داكرتو ولكن مافقدش حواسو لدا ماعيخطاوش عليه عيون سوغو لي غير كيدورو وماتابتينش وطريقة بي حك بيها راسو واكيرا لي كتفرك فصباعها مع بعضهم دليل على توتر وهدشي كامل كيدل على انهم بزوج كيكدبو ففقدان داكرتو ماعينقصش من دكاءو وكيف ماكان كيجيد لغة لعيون ولجسد فهو باقي برغم من كلشي الا وأنه قادر يقلع بنادم مني يكون كيكدب ضغط على شفتو سفلية وطلع راسو ورجع نزلو بمعنى واااخا 🔥
نيار:اكي
اكيرا:خصك ضروري تاكل باش تقدر تسترجع صحتك
🔥كتافا بتحريك راسو ومد يدو هز بلاطو حطو فحجرو وبدا كيشرب فلا سوب بهدوء عكس نار وصراعات لي داخل عقلو 🔥
سوغو :الا حتاجيتي لشي حاجة عيطلنا
🔥ناضت اكيرا وسوغو ناضو خرجو وسدو لباب 🔥
📀بعد مرور 8 ساعات📀
💧دخلات لغرفة كتجر فرجليها بعياء رمات ساكها وطاحت على نموسية واضعة يدها على جبهتا كدلكها بتعب حتا سمعت صوت لفون ديالها كيصوني مدات يديها عكزانة وفتحات لخط بدون ماتشوف شكون💧
رسيل:(بصوت عيان ):الوو
ميرال :رسيل كيف عاملة؟
رسيل:(تنهدات):كي عنكون فنظرك
ميرال:صبر اختي واش مالقيتي والو حتا شي حاجة لي توصلك ليلو ؟؟
رسيل:وتقووول فحاليلا لأرض تشقات وبلعاتو
ميرال:بفف ياربي على زهر فينك نتي دابا
رسيل:فجزيرة كورسيكا قلت نبدا نقلب من هنا حيتاش لبلدان كاملة فليتهم فهاد شهر لي داز
ميرال :اااه واش زعما يقدر يكون تما؟؟
رسيل:بفف ماعرفتش لقيتيني عاد دخلت لاوطيل دايا دوزت تمنية دسوايع كنقل فصبيطارات وغدا عنقلب وسط لجزيرة ونعلق تصاورو وكلفت لي كارد يقلبو فبكوميساريات
ميرال:ياااربي يسمعك شي خبار لخير وتجمعو مع بعضكم من جديد ياربي
رسيل:امممين احبيبتي آمين لمهم هو يكون فصحة مزيانة وكلشي ان شاء الله عيتحل واش فخبارك شنو عرفت ليوما
ميرال:ءء شنو ؟؟
رسيل:نيار مفيوزي وصانع أسلحة معرووف بزااف فروسيا وخصوصا فسوق الاسود ولكن ماشي باسم نيار نوو باسم لمونستر
ميرال :هييي اويلي شهادشي كنسمع
رسيل:بفف انا براسي باقا مصدومة آخر حاجة كنت كنتوقعا هي هادي
ميرال:ويلي دابا نيار را عندو مصيبة دلاعداء فديك عالم لمافيا وسلاح و زيد عليها لمنافسين لي عندو فمجال الاعمال كيتسناو غير لفرصة باش يقضيو عليه كون ماكنتيش نتي كون دابا نيار مشا من لائحة لي بيزنيز مان
رسيل:غير خليهم مساكن يحلمو حيتاش دكشي لي باغين هما ماعيوصلولو فحالة وحدة اما فاحلامهم او الا مت انا اما ماحدي عايشا غير يشدو ركنة حسن ماترجع ديك اللبؤة وتهرش ولديهم كاملين
ميرال:الله ينجيك هه غير نخاف منك وصافي مني صفيتيها لزوج فما بقات هضرا ديريها وتفوتيها لهيه
رسيل:هه لا نتنا لحب يالله باي راني مرة مدكدكة وباقي تابعني شلا مايدار
ميرال :اكي بب الله يعاونك
رسيل:آمين
💧طفات تيلي و جلسات فوق نموسية فاتحة عينيها بزز مني مشا نيار وهي عايشة فلعداب مابقات كتلحق تعمل والو وديما مدكدة بهاد سفر دكل نهار زولات حوايجها رماتهم فلارض وتخشات ففرشاها بديك دوبياس مافيها لي ينوض يبدل طفات لفيوز وغمضات عينيها وفبفرط تعب وقلة نوم نعسات فلبلاصة 💧
🔥كمل ديك لا سوب ورجع بلاطو لبلاصتو وتكا فوق نموسية مرجع راسو لور كيفكر كيفاش فتانية وحدة ولا مجهول نفسو اه مايمكنش شي واحد يكون ماكيعرفش راسو ولكن فحالة نيار يمكن داه تفكيرو لكلام سوغو واكيرا هو ماشي غبي باش يدوزوها عليه بهاد سهولة ولكن فلاول خصو يسترجع قدرتو على لمشي ديك ساعات عاد عيبالي بيهم نزل عينيه كيشوف فرجليه لي معريين لابس غير شورط اسود حد ركبة حتا تفتح لباب ودخل🔥