💎اللبؤة و الوحش💎( مكتملة )

part84

🌔بارت 84 👑
أكيرا :تعرضتي لحادتة سير بسيارة.
نيار:(ببرودة ):امم فإينا بلاصة؟
🔥صافي هنا عرفو راسهم وحلو ديال لمعقول مافكروش وماطاحتش فبالهم أبدا ان واحد يالله فاق من غيبوبة ديال شهر عيسولهم هاد الأسئلة كأنه كيختابرهم🔥
سوغو:فبريطانيا
نيار:امم اكي
🔥أكيرا وسوغو عاد طلعو نفس مني سكت وكملو فطورهم وهما خايفين لا يجبدلهم شي سؤال من جنب لانهم عارفين مزياان مكانتو وسلطتو ماكملو ديك لفطور حتا غفرلهم ربي دنوب ونيار خرج لجردة واكيرا مشات لكوزينة فحين سوغو توجه لخدمتو اما نيار جالس فواحد لكرسي وعقلو كيفكر نزل عينو لصدرو وفتح سيرفيت وبدا كيفك فلفاصمة حتا بانلو لغراز لي داير على صدرو بضبط فوق قلبو صغر عينو كيحقق فيه كيبالو لجرح فحال شي تقبة رجع لفاصمة وسد سيرفيت ورجع كيبلاني كيفاش حادتة سير وهو كيحس بصدرو فيه لحفرة يعني هاد ضربة راه متعمدة خصوصا بدقة لمكان شي حاجة مامفهوماش فلموضوع 🔥
💧وقف طاكسي حدا لقصر ونزلات رسيل وبيلسان لي غير حالا فمها فلقصر فحال هادو كتشوفهم غير فاميرات ديزني فحين رسيل خلصات شيفور وشدات فيد بيلسان وزادو داخلين وهي غير فاتحة فمها ماعمرا فحياتها توقعات تحط رجليها ففحال هاد لقصر وميسون وهزار كانو جالسين وغير شافوهم ناضو كيجريو سلمو على رسيل وبيلسان💧
ميسون:(بابتسامة ):بنتي رسيل شكون هاد لفنيونة لي معاك
رسيل:حتا لديك ساعات اخالتي ونعاودلكم قصتها مهم هي عتعيش معانا
ميسون:اوو مرحبا بيك عندنا الفنيونة
هزار:هه ووينو هاد لغزالة عتعيش معانا
💧بيلسان غير كدور عينا فيهم مصدومة ماعمر شي واحد عاملها فحال هاد لمعاملة لي كيعاملوها هاد تلاتة ديما كيحكروها وكيمسحو فيها رجلهم فحين رسيل غير كتشوف فيهم بابتسامة كانت متأكدة بلي ميسون وهزار ماعيعترضوش وعيبغيوها لأنهم ماشي عنصريين وضريفين بزااف باستهم وطلعات هي وبيلسان لعرفتها
💧بقات غير فاتحة فمها وكدور عينيها فلغرفة بإعجاب وفين مايعحبا شي ديكور تهزو تشوف فيه وترجع تحطو ورسيل مربعة يديها وكتشوف فيها مخلياها على خاطرها حتا شافتا ماجا لعندها كتجري 💧
بيلسان :وااو خالتو غرفتك زويينة بزااف كبييرة من دارنا
رسيل:هه أنا عنعطيك وحدة حسن منها
بيلسان:(بفرحة ):واش بصح ؟
رسيل:هه وي تسناني واحد دقيق
💧مشات بعدات على بيلسان وهزات لفيكس ودوزات لخط لخدامة💧
مرجانة:وي لالة رسيل
رسيل:مرجانة عيطي دابا لشي مهندس ديكور يجي ويوجد لغرفة لي ملصقة مع ديالي بشكل لبنيتاتا صغار ويكون فيها كلشي وجيبي حوايج ديال بنات خمس سنين ووجدي كلشي
مرجانة:هي لولة الآلة
رسيل:ااه وجيبيلي شي لبسة دابا لبيتي
مرجانة:واخا الآلة
💧حطات لفيكس ودارت شافت فبيلسان لي باقا كتشوف فلغرفة بإعجاب بتاسمات بحنان ومشات لعندها 💧
رسيل:بيلسان واش تبغي ندوشلك؟
بيلسان:(حركات راسها بزربة ):اه اه
رسيل:هه واخا يالله
💧شداتلا فيديها ودخلو لحمام خلات بيلسان حالة فمها كتكتاشف فيه ومشات كتوجد فلجاكوزي فين ما شي باندوش خواتو فيه حتا ولا كلو رغوة عاد مشات لعند بيلسان وزولاتلا حوايجها وبقات لتواني كتشوف فاتار ضرب لي فلحمها بقات فيها بزااف لبنت باقا صغيرة وباينة دوزات لجحيم بتاسمات وشارتلا لجاكوزي عاد مشات تخشات فيه كتلعب برغوة فرحانة كتحس براسا فحال شي أميرة ورسيل عاطياها لخاطر وكضحك معاها فوجات عليها ونساتا شوية لهم غسلاتلا لحمها وشعرها مزييان باينة كانت مكرفسة بزااف داتا تحت راشاشة وشلاتلا من رغوة دابا عاد وضاحت ملاميحها بقات رسيل غير مصدومة فيها وجه دائري ببشرة بيضاء و عيون فلاخضر كبار بشفار طوال فم كرزي مجموع ونيف مستقيم خدود حميمرين بدوش وحجبان قويين وطوال فلاسود شعر اسود حريري حد ظهرها وسنان مستفين حقا تصدمات فيها ماكانش كيبان جمالها أبدا بقوات ديك لوسخ لي كانت مسخة حقا جمالها فاتن فحال شي ملاك بتاسمات ودوزات يديها على وجها بحنان💧
رسيل :ماشاء الله زوينة بزااف
بيلسان:هه نتي اخالتو لي زوينة بزااف ماعمري شفت شي مرا زوينة فحالك
رسيل:هه وانا ماعمري شفت شي بنت زوينة فحالك
💧لواتها ففوطة وخرجو من لحمام لقات لحوايج لي وصات عليهم فوق نموسية مشاو جلسو ورسيل نشفات لبيلسان لحمها ولبساتا غوب فلموف حد ركبة بحزام ابيض فلخصر على شكل فراشة وعملاتلا صبيبط بيض نشفاتلا شعرها بسيشوار وجمعاتولا كوك شوفال وعاد شافت فيها جات كتهبل باستا وداتا لمرايا كتشوف فراسا بقات غير مشلوطة وكتشوف انعكاسها لي فلمرايا بصدمة هي براسا تصدمات فنفسا لانها اصلا ماعمرا شافت وجها فلمرايا هادي أول مرة دارت بزربة وعنقات رسيل بقوة كدليل على شكر والامتنان