♨اولا لا احلل النشر دون اخد ادني والاحتفاظ بنفس الصورة والمقدمة والاسم♨
🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰
لقصة تحت عنوان:🔥اللبؤة و الوحش 🔥
بقلمي:💎الأل...
🌔بارت 114👑 ميسون:اوا ابنتي انا ماعندي مانقليك مني نتوما مفاهمين وكتبغيو بعضكم ماعنزيدكم غير الله يكمل بلخير وعاد اركان تبارك الله عليه مربي على يدي ماماه كانت صاحبتي ونعكة رجال غير هو خوك هو مول راي وشوار حتا نفتحو معاه لموضوع ونشوفو رأي ديالو وادا كان موافق قولي لسيد يجيب عائلتو ومرحبا بيه عندنا رسيل:بالنسبة لنيار ماكنضنش واش عيرفض علاقتكم لان أركان صاحبو وعاد عشرتكم قديمة الله يكمل عليكم بلخير 💧هزار بديك لفرحة وقفات وبدات كتزغرت وتشطح فحال لحمقة وميسون ورسيل ميتين عليها بضحك حتا بردات قلبها عاد طارت عليهم بتعنيقة كتبوس فيهم 💧 هزار:احح يخليكم ليلي الكبيدات ديالي رسيل:شش بشوية بنتي نعسات ميسون:مسكينة مني سافرتو مابقات كتنعس فخاطرها كتسناكم غير فوقاش تجيو رسيل:(بتاسمات وباستلها راسها ):حتا حنا توحشناها غزالة ديالي 💧بقاو جالسين مجمعين كيضحكو ورسيل كتوريهم فتصاور دشهر لعسل وهزار ناضت هزات لفون ديالها وصونات لادهم فرحاتو بهاد لخبر عاد رجعات جلسات معاهم وجات لخدامة حطاتلهم عصير ليمون ورسيل غير كتشوف فيها باستغراب وكتحقق فعيونها حتا مشات عاد هضرات رسيل💎 رسيل:واش هاد لخدامة عاد جات جديدة اول مرة نشوفها فلقصر ميسون:اه ابنتي يالله يوماين باش جات رسيل:وعلاش ياك لخدم لي كينا فلقصر كافيين هزار:نوو واحد لخدامة مرضات وضيفطات هادي فبلاصتها قالت بلي من عائلتها رسيل:كان يمكلكم تجيبو خدامة اخرى لي تكون تقة اكتر ونيار بنفسو لي يتكلف بهاد لامر ماشي لي جا يدخل لقصر ميسون :حتا حنا هدشي لي كنا عنديرو ولكن مني هي من عائلتها قلنا عتكون حسن لأن ديك لي مرضات سنين طويلة وهي خدامة فلقصر رسيل:(بعدم الارتياح):هاد خيتي ماتسرطاتليش باينة ناوية على شي حاجة عينيها دايرين فحال سيف وفيهم دغل هزار:نعلي شيطان اختي غير كيبالك مني جات ماعمرنا شفنا منها شي حاجة ميسون:اه ابنتي هزار عندها لحق رسيل:وانا مارتحتلهاش 💎قلبو لموضوع وكملو حديتهم ورسيل كل تفكيرها فهاد لخدامة جديدة كتحس بشي حاجة تحت راسها وهي ماعمرها يخيب احساسها وحتا عينيها قرات فيهم لغدر نفضات هاد لافكار من بالها دايرة حتا لمن بعد وتعرف قصتها غير بلفن فندق مارينا باي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🍁دخلو تغداو وبقاو مجمعين حتا ادنت لمغرب عاد كل واحد طلع لبيتو فحين رسيل دخلات لحمام توضات وخرجات صلات لمغرب حتا سالات عاد لبسات غوب مطرطقة على فصالتها فلاسود وكلهت معرية من صدر جات سو سيكسي خصوصا انها زادت غلاضت فهاد شهراين سرحان شعرها بلمشطة طلقاتو على ظهرها رشات من عطرها وزينات شفايفها بعكر ماط فلاحمر عاد خرجات لبالكون وجبدات تيلي تصيفط ميساج لنيار توحشاتو بزااف نهار كامل وهو غابر عليها ما بقاتش كتقدر تبقا بعيدة حتا ساعة وحدة جاب الله كينا هزار وميسون كتلاها معاهم شوية اما كون حماقت يالله جات دوز لخط وهي تبالها لوطو ديالو داخلة مكسيرية بتاسمات وبقات واقفة حاضياه بعيونها فحين نيار انسطالا لوطو وخرج منها لابس سروال تجينز وتجاكيط كوير وظاهر ان بنيتو رياضية زادت صحاحت فهاد شهر ولا كيبان اكتر ضخامة من لأول طرطق عنقو بعياء وطلع عينو فلبالكون وفحال ديما لقاها كتسناه عمل ابتسامة خفيفة وغمزها فحين رسيل ردت عليه بقبلة في لهواء وخرجات من لبالكون و جلسات فوق نموسية كتسناه يدخل حتا بانلها فتح لباب ودور عينو فلبيت كيقلب عليها بقات لتواني كتحقق فوسامتو وشعرو لي طايح على وجهو بشكل عشوائي بتاسمات بخفوت مني شافتو مفيكسي عينيه عليها وقفات وقربات لجيهتو فحين نيار زول تجاكيط ورماها فوق لفوطوي عاد بدا كيطلع وينزل فيها ضاغط على شفايفو كتحمقو بالاسود كحز لعندها وجرها من خصرها حتا تزدح راسها مع صدرو لفولاذي نزل راسو لعندها وضرب نيفو مع نيفها بشوية وعينيه معسلين فيهاا كل نهار كتبالو أنها أجمل من لأول 🍁 نيار:نتي باغا تسطيني امم
