💎اللبؤة و الوحش💎( مكتملة )

part25

🌔بارت 25👑
نيار:رصااي ألبرهوشة هانتي عتقتلي ديلمنا
رسيل:اوااا شووف كيدير تطلعنييي من هنا ونتا جالس كتفرج فيا
نيار:(بابتسامة جانبية ):انا لي كنتفرج فيك ولا نتي لي كتبوسي فيا
رسيل:(ولات حمرة كرهات راسها فهاد لموقف خنزرات فيه ):اكبر برهوش هو نتا وشوف كي طلعني من هنا
نيار:(بقا حاضيها كيفاش توردو حنيكاتها عمل شبه ابتسامة ):الا بغيتي طلعي من هنا نقصي شوية من ديك لسان سليط لي عندك
رسيل:(شافت فيه بتخنزيرة ):ديها فجهة لي ضاراك هادا لساني وانا حرة فيه
نيار:(بابتسامة جانبية ):اكي ادن حتا انا هادو يديا وانا حر فيههم
🔥حيد يديه من تحت راسها فحاليلا عيطلقها ورسيل غير شافت شنو دار فتحات عينيها بصدمة ولصقات فيه فحال لقطة ❄
رسيل:(مزيرا عليه بيديها فعنقو ):هيي واش حمقتي باغي تقتلني
نيار:(كيحاول يتفك من يديهاا ):رخفي يديك ألبرهوشة راك خنقتيني
رسيل:(بتخنزيرة ):ياك اشارف باش تطلقني ونجي مليوحة لتحت
نيار:(فتح عينيه فيها بصدمة):ش شنو انا؟
رسيل :شااارف
نيار:دابا انا شارف ألبرهوشة
رسيل:اه حيتاش نتا كتقوليا انا برهوشة ادن نتا شارف
🔥نيار بقا لتواني غير كيرمش من نيتها هادي كتقوليه شارف ولبنات باشارة منو يطيحوليه على رجلو خنزر فيها وهضر مغدد🔥
نيار:وراك نييت برهوشة شوفي عندي زوج كلمات يا اما تسدي فمك ولا والله حتا نلوح مك من هنا
رسيل:(خرجات فيه عينيها):ماتجبدليشي ماما الحيوا..(باقي ماكملاتعا حتا كتحس براسهت عتجي مليوحة لتحت على راسها شهقات بقوة وزادت لصقات فيه )
نيار:(عيونو ولاو حومر بقوات لغضب هو كلمتو ماعمرو عاودها زوج مرات ودابا بلاهواه مسايرها وجالس كيتعاير معاها فحال لعكايز شاف فيها بنظرة كون كانت قرطاس كون قتلاتها وهضر من تحت سنانو) :كمليها وتشوفي الا مارميتش ديلمك من هنا وبربي وماتسدي ديك لفم حتا نلوحك
رسيل:(غير شافتو كيف ولا فحال لوحش ضربات طم ماعوداتش تفنفنات وهي فخاطرها ماخلاتش شي دعوة لي ماقالتلوش )
نيار :دابا مزيان عنقيني با...
رسيل:(فتحات فيه عينيها بصدمة وماخلاتوش حتا يكمل كلامو ):شنوو عاود عاود شقولتي اشريف لهلا يحييك حتا نعنقك انا
نيار:(زفر بغضب وطلع راسو لسما وعاود شاف فيها كيطلب الله يصبرو لايمشي يرميها من هاد لحافة ):سمعيني ألبرهوشة راصبري معاك بدا كيتقادا راماشي حبا فيك قلتلك عنقيني لا ألبرهوشة غير باش نقدر نطلعك من هنا
رسيل:(نعلات راسها على افكارها وخنزرات فيه ويالله فتحات فمها تجاوبو هو يقاطعها):ء..
نيار:(كيهضر ضاغط على سنانو ):عتزيدي كلمة وحدة عنلوح ديلمك هانا حذرتك عملي لي قتليك وسدي مردومك
رسيل:(كتغدد عليه فخاطرها وكتقول غير حتا نطلع من هنا ونرجعلك كلشي بدوبل واولهم هاد سبان هادا خنزرات فيه وجمعات فمها لعندها لا يمشي يديرها ديال بصح ويكركبها)
نيار:دونك عنقيني من ظهري و حاوطيني برجليك وانا عنهزلك راسك وعنتقلب
رسيل:(مخرجا فيه عينيها ):لا صافي كملات بقالي غير نح..(وضعات يديها على فمها شاهقة مامصدقاش هادشي لي كانت عتقول بسرعة ولات حمرةةة وسدات فمها و حلفات ماتعاود تفتحو قبل ماتزيد تكحلها حسن )
نيار :(غير سمعها شنو كانت عتقول فتح عينيه بصدمة وفور ماستوعب وشاف شكلها كيف ولا وحنيكاتا تزنكو عرفها زلقاتلها بزز باش حبس ضحكة وقال فنفسو):وزيد عليها فمها خاسر
🔱طلعات يديها ببطء وعنقاتو من ظهرو لعاري وهزات رجليها وحوطاتو من خصرو بقوة .🔥غير حس بيديها سخاان على ظهرو و محاوطاه برجيلاتها حس بضو ضربو ولحرارة طلعات مع جسمو ولعرق بدا كيتصبب من جبينو ولكن بسرعة ماستوعب لموقف وهزلها راسها خشاه فعنقو وعمل يديه أسفل راسها🔥
🍁 حسات بشعور غريب وهي معنقاه ومخشية فحضنو قلبها بدا كيضرب بعنف كأنه في سباق ماعرفتش شهاد شي كيوقعلها بقربو نزلات عويناتها وشافت مباشرة فلوشمة لي فرقبتو واخييرا قدرات تشوفها كاملة طلعات حاجبها باستغراب شهاد لوشمة لعجيبة كانت عبارة عن وحش اسود فاتح فمو ونافخ منو النار وبعض شرارات واصلا حتا الاسفل راسو وعينين ديك لوحش حوومر حقا هاد لوشم قد ماهو مرعب فهو متير موشوم بطريقة احترافية كأنه على لورق وليس على لجلد ولكن ماهو سر وراء هادا الوشم ؟ كانت هادي اخر جملة قالتها فنفسها قبل ماتسمع صوتو رجولي🍁
نيار:يالله زيري مزيان
رسيل:(غير سمعات كلامو زادت زيرات عليه حتا ولات قاجاه وخبعات وجها فصدرو وغمضات عينيها كتحس بواحد دفئ و الأمان فحضنو ماعمرها حساتهم من قبل )
نيار :(غير حس بيها كي دارت عمل ابتسامة جانبية وقال ):واان توو تريي
🔱واوووب فرمشة عين هزها وقلبها بسرعة من على ديك طرف ديال لحافة وتكركبو فجهة لاخرا حتا ولا هو لي من تحت وهي لي من لفوق وشعرها كامل طاحلها على وجهو ونيفها جا على نيفو بقا لتواني كيستنشق عطرها لي فحال لمخدر وشاف فيها كيفاش مزيرا على عيونها🔱غير حسات بيه تقلب قالت صافي هادي ههي لخرة لينا بقات ضاغطة على عينيها بقوة حتا لبعض التواني عاد فتحاتهم ببطئ وماعيجيو غير مع عيونو الزمردية بقاو لوهلة ساهيين فبعضهم ونيار تارة يشوف فعيونها لكريستالية وتارة أخرى يشوف فشفايفها  لمتيريين بقا بشوية كيقرب منها لجهة شفايفهت ❄بقات ساهية كتشوف فيه حتا بانلها كيقرب منها عاد ستوعبات لموقف وبسرعة شهقات بصدمة كيفاش ناعسة بتلقائية فوق منو بزربة ناضت عليه ووقفات كتخنزر فيه🔥غير شافها كيفاش ناضت عليه وبقات كتخنزر عاد ناض حتا هو من لارض ووقف مقابل معاها 🔱
رسيل:(وقفات وشافت فحالتها سروال لي كان مقطع غير من ركبة ولا كامل مقطع من لفخاض لقبية تقطعاتلها من ليدين ورجليها كامليين مجرودين حوايجها كلهك مغيسين فلتلها غير وجها ماعمرها فحياتها تخيلات تشوف راسها فهاد لحالة جاتها لبكية جمعات شفايفها بطفولية وقالت ):هئ اويليي على حالة قول هرشوني لكلاب تفوو
🔥نيار بقا حاضيها كيفاش كتشوف فحوايجها عاد تفكر راسو نزل عينيه فحوايجو لقاهم كاملين تراب وسروالو مقطع من ركبة و صدرو كامل مسبوغ بلغيس وكتفو ولا كامل دم بديك جرحة لي باقا جديدة ويديه كاملين مجروحين طلع راسو فرسيل بانتلو كففس منو بزز باش حبس ضحكة حقا حالتهك كضحك ولكن غير سمع شنو قالت وهو يطرطق بضحك 🔥
رسيل:(بقات كتغبن غير وحدها حتا سمعات صوت قهقهة رجولية عالية خلات نيار لي واقف مقابل معاها ودارت كتقلب وراها شكون لي كيضحك عاد رجعات دورات وجها بلعرض لبطيئ و فتحات عينيها بصدمة مامتيقاش ):هيي حتا هو كيضحك
🍁بقات سااهية فيه كيفاش عويناتو كيتغمضو ومعلي راسو لسما كيضحك وديك تفاحة آدم كطلع وتنزل معاه وصدرو لعريض كيتهز بطريقة رجولية وسنانو بوويض ومستفين فحال اللؤلؤ بقات غير كترمش ماعمرها شافتو كيضحك مني طلاقاتو وهو ديما مخنزر و حدو يدير ابتسامة جانبية ماكيبينش حتا سنانو شكات لوهلة انه يكون ماكيضحكش حتا تصدمات دابا مني شافتو كيضحك حقا شكلو بهاد لمنظر كيحمق ماسخاتش من شوفا فيه 🍁