💎اللبؤة و الوحش💎( مكتملة )

part37

🌔بارت 37👑
💧مشات نيشان لبيتو وفتحات لباب دورات عينيها فلارجاء عجبها ديكور دلبيت بزاف رجولي بامتياز خصوصا انه طاغي عليه اللون الاسود حتا توقفو عينا عليه مجبد فوق نموسية على كرشو داي عرضا كامل وكل رجل فين ليحها جابلا ضحكة بديك نعسة قربات عندو بشوية وبقات كتشوف فظهرو لعريض لمبرونزي حتا وصلات لديك لوشمة بانتلا غامضة بزااف وفيها سر كبير عوجات راسا معاه حتا بانلا شعرو لاسود طايح على عيونو وجامع غوباشتو 💧
رسيل:بفف الله يستر حتا فنعاس مخنزر
💧بقات ساهية فيه واخا يعيا مايترجل الا انه فنعاسو كيولي فحال شي طفل صغير شكلو زوين هايدا ماكرهتش تبقا غير تفرج فيه حتا عااقت علا راسا وتفكرات شني دارلا جمعات حويجباتا وقالت بخفوت💧
رسيل:اييه اسيدي نتا لي جات معك مجبدلي هنا مع راسك وانا بسبابك نعاس مازرش عيني
💧دورات عينا لكوافوز بانلا كاس كبير دلما عملات ابتسامة يهشريرة وهزاتو ووقفاتلو على راسو واووب خواتولو كامل على وجهو حتا ناض طافج ماعرف راسو باش تبلا مسح وجهو بيدو وطلع عينو حتا بانتلو مربعة يديها ووقفا عليه فحال لعسكري كرز على سنانو وشاف فيها معصب🔥
نيار:(بنبرة طاغية عليها بحة نعس ):مال ديلمك بايتا كتحلمي بيا ولا
رسيل:حتا نكون بعدا نعست باش نحلم بيك طيرتيهلي وجاي نتا تنعس والله لاكانت لك
نيار:(زفر بغضب ):وبربي ماتغبري زلافتك و تخليني نعس حتا لي نديرولك بلا مانقولولك
🔥حشا راسو فلمخدة ورجع نعس ماديهاش فيها 🔥
💧ضربات رجلا فلارض بفقصة ومشات لسراجم ولبالكون بدات كتفتحلوم ريدوات وبلعاني كتبقا تقرقب باش تصدعو ويفيق ساعة بانلا ماتحركشي زادت تفقصت فلاخر مشات لعندو وبدات كتزولو فديك ليزار لي مغطي بيه وديك لمخدة ماحسات غير بجرا من يدا جابتا مشقلبة حداه شهقات وفتحت عينا بصدمة بقات كتشوف فراسا لقاتو باقي ناعس كيف ما كان وطالق عليها دراعو حاكما من خصرا وهي ناعسة على ظهرو بدات كتركل فيه وتغوت💧
رسيل:وااع طلق مني الحمق طلق واش تسطيتي
نيار:(باقي على نفس وضعيتو ):شششش ياك مانعستيش يالله نعسي وسكتينا
رسيل:(زاد جننا ):واااش شكيت عليك وقتلك خصني نعس طلق مني الله ياخد فيك لحق
نيار:مادعيش على راسك ردعوة كترجع لمواليها
رسيل:(صافي دابا وصلات لطوب دارت شافت فيه بانلا مغطي بلمخدة وانفاسو كضرب فيها قربات بشوية وطارت عليه بعضة لدراعو بقات كتغزز حتا بردات غدايدا مزيان هدشي لي كيسلكا مع عضمتو حتا بانلا رما ديك لمخدة فوق راسو وقلبا جات مكورة على ظهرا وجلس كيشوف فدراعو مخسر سيفتو لقاها كفسس من هاديك لي فعنقو ولي باقا حتا لدابا مصورالو شاف فيها بنظرة كتزعزع وبقا كيقرب لعندا بشوية وهي غير شافتو كيتعصب تفكرات آخر مرة شني دارلا مني عضاتو بلعات ريقا بصعوبة وبقات رجعا بلور كتزحف حتا حكما بيدو وزيرلا على فكا وصرط شفايفا خلاها غير مبلقة عاينة وكتعافر معاه كضرب بيدا فصدرو وهو تقول واش كيتحرك حاكمة بيدو كيفلورطي فيها بعنف حتا حس بدم فشفايفو ونفس تقطعات فيها عاد بعد شوية وشاف فيها و عيونو معسلين وشفايفو حومر وهي كفس مننو كتنهج وقلبا كيضرب ف90 فحاليلا فمراطول وشفايفا منفخين ومدميين حالة
قالا بصوت خافت وفيه نبرة ديال تهديد🔥
نيار:هادي فيها لحر ديال لبارح ونعاسي لي فيقتيني منو ولعضة لي درتيلي شوفتي يانا شحال عادل العين بلعين والسن بسن والبادي اظلم
رسيل:💧غير كتشوف فيه ماكرهتش تنقز عليه بشي قجة ولكن خافت على شنيفاتا مسكينة تنترات منو وخنزرات فيه💧
نيار:🔥حيد ليزار وناض لحمام حتا قرب يدخل ورجع شاف فيها🔥ااا را لحر ماكينش بلا ماتحاول
(غمزا 😉و دخل لحمام كيصفر )
💧زاد فقصة بديك لهضرة غفلا فهادي هزات لكاس لي قداما وجات تشير بيه وهي تفكر عوتاني لبوسة بلا هواها رجعت حطاتو فبلاصتو ومشات لبيتا دخلات نيشان لمرايا لقات شفايفا تورمو زفرت بغضب💧
رسيل :دابا نوريك المكبوت لاخر تفو
💧هزات كلوص فلبوردو مغموق علا لول باش يغطيلا ودارتو فشفايفا ومشطات بيدا شعرا لي تشعكك وهودات لكوزينة تفطر مابغاتش تفطر معاه فطبلة وحدة مافيها لي يتهور💧
🔥تحشا تحت رشاشة راشقالو لما لا وهو مصبح على احسن وجه حتا سالا ولوا فوطة على خصرو وشاف فلمرايا دلحمام لقا لعضة مصورالو فدراعو قد سخط رجع شاف عوتاني فهاديك لي فعنقو لقاها باقا زرقة زوقاتو مسكين وهو عارف بلي عضتا مسمومة و لاطراس ماكيبغيش يزولو من لحمو هز صبعو وحطو على شفايفو ورجع كيتفكر لقبلة دقبايلة طعم شفايفة لديد وخاص غير تفكرا كيف كانت مقندشة عمل ابتسامة جانبية بعدا برد قالبو واخا عاارف عتنوض تقلب على شي مصيبة باش تردالو ولا حافظا خرج لدريسينغ ولبس سروال تجينز بارد وبودي فالاسود مزير على عضلاتو ولبس سبادري فرمادي ودار ساعتو وعطرو ومشط شعرو وهز لفون ونزل لتحت وداز على لكوزينة بانتلو جالسة كتفطر عرفا مابغاتش تفطر معاه عمل ابتسامة جانبية وكمل طريقو خارج من لقصر🔥
💧دخلات لكوزينة لقاتا كتصفر عرفات لخدامات ماكيجيوش دابا حيتاش باقي بكري مشات لبلاكار وبدات كتوجد فطورا حتا سالات عاد جلسات كتفطر وفينما كتفكر نيار كتوحلا دغمة ولقرودة كيبداو يشطحولة خصا ضروري تنتقم منو ماشي هي لي تخلي ضربتا ولكن باقي لوقت سالات وغسلات ديك لمواعن وجلسات فصالون كتسناه يدخل دازت ساعة حتا سمعت صوت طموبيلتو منوضة لعجاج عاد وقفات كتسناه يدخل💧
🔥انسطالا سيارتو ودخل لقصر حتا بانتلو واقفة كتشوف فيه بدا كيطلع معاها عينو من رجيلاتا لبويوضين لخصرا وصولا لصدرا لمشدود عاد وصل لوجها ماكرهش يخبعا فشي صندوقة مايشوفة حتا حد من غيرو واخا ماعرفش سبب دهاد تصرفات لي ولا كيدير كان عيغوت عليها تمشي تبدل ديك لحالة حتا تفكر بلي عيكونو غير بزوج بيهم عاد جمع فمو قبايلا مالحظش شنو لابسا عاد توجه لعندا مطلع حاجبو حتا وقف مقابل معاها🔥
رسيل:💧غير ساهية فهاد كتلة رجولة وديك تخنزيرة حتا وقف حداها عاد جمعات راسا💧احم بغيت نودع عائلتي قبل مانمشي
نيار:ماعدناش لوقت
رسيل:غير نص ساعة ماعنتعطلش
نيار:اكي انا كنتسناك فطموبيل جيب حوايجك عنمشيو مباشرة
رسيل:اكي
💧طلعات نيشان لبيتا كتنقز هزات صاك دليد انيق فزرق وجرات فاليزتا وجات خارجة حتا خداها من عندا واحد لكارد ونزل بيها وهي موراه خرجو من لقصر ودخل لفاليز فكوفر ديال طموبيل ميرسيدس بيضة كتلمع عاد فتحلا لباب لقدامية وجلسات سحابلا عتلقا شيفور ساعة لقات نيار لي كيصوك حيتاش ماكيحملش يصوك بيه شي واحد غير شافا طلعات كسيرا مخلي لعجاج وراه وهي جالسة مدورة وجها لسرجم حاضيا مع طرقان وشعرا كيلعب بيه ريح حتا كيضرب فوجه نيار حتا قالت عتستقر مع عائلتا خرجاتلا هاد لموصيبة فحين نيار عين فطريق وعين عليها بانتلو ماخافت لا من سرعة لا والو واخا غادي كيتسابق مع ريح عمل ابتسامة جانبية ورجع عينو لطريق حتا سمعاا هضرات💧
رسيل :عطيني لفون ديالي رامعنهربش
نيار:لا شك في دالك
رسيل:(زفرات بغضب ):وعطيني تيليفوني
نيار:حتا نوصلو بعدا
💧خنزرات فيه ورجعات عينا لطريق لقاتو غادي فطريق صحيحة ولكن هي ماقلتلوش عنوان لفيلا عرفاتو بلي بحث عليها مزيان صافي دابا عاد كملات حتا بانلا وقف طموبيل فباب لفيلا يالله جات تنزل حتا سمعتو💧
نيار:نص ساعة بلحساب
رسيل:(بنفرة ):عرااافنا
💧فتحت لباب وخبطاتا وراها حتا كانت عتقلع ودارت لعندو بابتتسامة مستفزة وعملاتلو باي باي بيديها ودخلات كتمختر💧
🔥غير حاضيها وكارز على سنانو ماكيحملش لي يخبط عليه لبيبان خصوصا ديال طموبيلتو غمض عينو ورجع كيشوف قدامو كيحاول يتحكم فاعصابو قبل مايعوجا من شي قنت 🔥
💧بقات داخلا وكتدور فعاينا كيبانولها بزااف دلي كارد فلجهة لخلفية دلفيلا ولكن ماشي ديالا عرفاتهم ديال نيار لانهم كيشبهو لهدوك لي فلقصر وكيحملو علامات لمونستر هزات حاجبة باستغراب شنو زعما باغي يحمي عائلتا وهو مهددا بيهم زادت كملات طريقا حتا وصلات لباب وصونات عاد فتحاتلا ليان لباب كتنقز لابسة كسيوة بيضة قصيرة فيها هيلو كيتي وطالقة شعرا عرفاتا هي لي عتفتحو حيتاش كططير على لبيبان غير شافتا فتحات عينا بصدمة ونقزات عليها معنقاها وحتا رسيل بدات كتضحك ونزلات لمستواها معنقاها 💧
ليان:حتييي توحشتك
رسيل:هه حتا انا احبيبتي توحشتك
ليان:حشومة عليك احتي مشيتي بلا ماتودعنا
رسيل:وهانا احبيبتي جيت باش نودعكم
ليان:علاش واش عتمشي عوتاني
رسيل:أه احبيبتي عندي لخدمة بزاااف غير نساليها نجي لعندكم
ليان:(نفخات شنيفاتا بطفولية ):بفف واحا احتي غير ماتعطليش
رسيل:لا بب كوني هانيا