💎اللبؤة و الوحش💎( مكتملة )

part59

🌔بارت 59👑
🍁أجمل الكلمات هي التي تُقرأ في العيون، ولا تستطيع أن تُعبر عنها كل حروف اللغات، وكيف لي أن أكذب أمام عينيك وفيهما دفء السنين، فيهما ضي ساحر يجذب إليه الناظرين، وأخشى عليك من عيون الحاسدين، ولو استطعت لأخفيتهم عن كل الحاضرين 🍁
🔥مسح بيديه على وجهو ورجع نظرو لرسيل بانتلو متكية على لكوسان وظما يدها بزوج لعندا وكتشوف فيها بنظرات تقالين بزز باش كترمش عمل شبه ابتسامة ورجع نظرو لطريق وكسيرا متوجه لمجهول ومرة مرة يخطف شوفة من رسيل كيلقاها باقا على نفس وضعيتها غير كترمش فيه بتقاالة علم الله فين كتفكر ما وقف لوطو حتا لديك لجرف لي مولف يجي ويخوي عليه قلبو غير هو لفرق لي كينا ان هاديك لي معمرا قلبو هاهيا جالسة حداه نزل من لوطو ومشا لعندا فتح عليها لباب🔥
نيار؛(مخنزر ):ياالله اشريفة نزلي ماشي خدام مع باك
رسيل:(مزيرة بيدا على لكوسان وكتحرك راسا بنفي وعينو صغارو بقوات سكرا ):نوو مابغيتش
نيار:(زفر بغضب ):واانزلي البرهوشة براكة من لعب
رسيل:(منفخة شفايفا بطفولية ):الاااءح ياك انا غير برهوشة اوا هزني اعمو(مداتلو يدا بزوج فحال ديك لبيبي مني كيبغيك تهزو وبقات كترمش بشفيراتا ببراءة فحال ديك لقطيطة)
نيار:(غير فاتح فمو فيها شهاد لبنت هادي كتفتن وكدوخ فجميع حالاتا وغير شافا كي كتهضر بطفولية دور وجهو كيضحك بخفوت وكيحك فدقنو عاد رجع نظرو ليلا ):عارفة راسك بعدا
🔥دخل راسو من باب لوطو ووضع يد تحت من رجيلاتا ولوخرا محاوطا بيها من ظهرا وهي حاوطاتو بيديها بزوج من عنقو زادت لصقات فيه وتمخششات فحال لقطيطة فحين نيار عمل ابتسامة جانبية ودفع لباب برجلو حتا تسدات عاد زاد لحافة لجرف هازها فيدو يالله جاا ينزلا لارض حتا كيحس بيها زيرات عليه بيدا وحشات راسا فعنقو ظهرات ابتسامة واسعة على ثغرو وضمها لعندو وجلس على حافة لجرف طالق رجلو فلخوا ورسيل غير حسات بيه جلس طلعات عينا ببطئ كتشوف فهاد لمنظر لخلاب لي حدااها كانت شمس فبدأ شروقها كطلع من لبحر بشوية مزيناه بخطوطة ذهبية ونسيم هواء بارد كيلعب بخصلات شعرها شحاال زووين عاد لجو خصوصا وهي فحضن نيار اما هو غير كيشوف فلبحر وساهي ديما كيجي لهاد لبلاصة باش يشكي ويبرد همو ولكن ليوما وقع لعكس فليوما جا يستمتع ويعيش لحظة نزل عينو ببطء كيشوف فرسيل وشعرا كيضربلو فوجهو هز يدو وبدا كيدوزوم بشوية على شعرا كتحسس رطوبيتو اما رسيل غير مغمضة عويناتا ومعنقاه كتحس بدفئ غريب فحضنو وبواحد الامان ماعمرها حساتو فحضن شي واحد من قبل من غير باباها برغم من أنها ماواعياش وماعرفاش شني كيوقعلا ولكن حاجة وحدة لي متأكدة منها أنها مستمتعة وقلبا كيرقص سمفونية داخل جسمها لما لا وهو لي متولي لقيادة هاد نهار لا بالنسبة لرسيل لي سكرانة ولا باالنسبة لنيار لي كيقول نستغل لفرصة لانها ماعتفكر والو من غير تشاش فهادي ااول مرة تسكر فيها وكانت أحسن حاجة وقعااتلو قدما هي عصباتو قدما هي خلاتو يعيش لحظات معاها ماعمرو فحياتو كان متوقع يعيشوم مع شي بنت لمرا مافيقو من سهوتو غير اناملها لي كيتخللو لحيتو لكتيفة وصوتا لهادئ وتقييل بشراب✴
رسيل:فخبارك بلي تعدبت بزااف فحياتي اه بزااف شحال نعست فزنقة وشحاال كليت من لي بوبيل وشحال من واحد كان باغي يغتصبني كانت كتكون شتا كطيح خيط من سما وناس لي فزنقة داخلين كيجريو باش يتخبعو وناس لي فديورهم معنقنين بعضهم ومدفيين بحضن بعضهم ولكن انا عرفتي شنو كنت كندير ؟؟
🔥صدماتو مني بدات كتعودلو على حياتا ماعمرو توقعا شي نهار ولكن هي ماشي فوعيها غير كيسمع فكلاما لي كيحس بيه فحال سم كيقطع فيه من لداخل بصح هو عارف كلشي ولكن ماشي هي تعودلو رسيل بفما معاناتها غمض عينو وزاد ضما لعندا فحاليلا كيقولا انا معاك🔥
نيار:امم شنو كنتي كديري؟
رسيل:(بصوت باكي ):كنت كنمشي تحت لعتبة ديال واحد لخربة مهجورة وكنجمع رجلي لعندي ونبقا نقفقف بلبرد وانا مالابسة والو من غير حوايج رهافين مقطعين اه كنت كنبان فحال لمتشردة نوو نوو انا فديك لايام بصح كنت متشردة ماعندي لاحنين لارحيم لحنانة لي كانت كتهزني بسنانا مشات وخلاتني وسند لحامي لي قلت عيحميني ويغطيني من شتا ولبرد هو لي رماني وعطاني لدياب فطبق من ذهب ولي كنت كنقول عتضمني لصدرا وتوقف فوحه عدياني دارت لعكس وشدات فيديهم وشعلو فيا لعافية اااه يا دنيا وشحال ظالمة وصعيبة ولكن لحمد الله ماعمري حنيت راس وستسلمت حيتاش كنامن بشي حاجة اسما ^العدالة الإلهية^ وحقا كل واحد تجازا على افعالو وبرغم من هدشي كامل لي داروهلي انا ماعمري كراهتوم وباقا لدابا نفديهم بعمري عارفة ليد قصيرة ولعين بصيرة وحتا انا ربي صيفطلي واحد لمرة ماعمري نسا خيرا هزاتني من لارض وغطاتني بمونطوها وداتني لدارا حماتني وقراتني داتني لفرنسا امنتني على جميع ممتلكاتا كانت كتقولي انا ماعنديش لولاد ولكن دنيا عطاتني وردة ماكان عندا حتا واحد من غيري حتا قدر الله ومشات حتا هي مافهمتش علاش اي واحد كنحس بدفئ فحضنو كيمشي؟؟فلول مشات ماما وموراها مشات لمرا لي حولات رسيل من لبنت ضعيفة لرسيل لبنت لقوية فخبارك وليت خايفة نخسر ناس لي كنبغي خايفة بزااف حيتاش فلموت دماما تعدبت بزااف ودخلت فحالة اكتئاب وكن ماشي ليان لي جات فحال نجمة وضوات عليا أيامي سودا كون راني باقا مصدومة وماجيت نستوعب صدمة حتا كانت جات وحدا اخرى لي كسراتني لاشلاء صغيرة ولكن لحمد الله جات خالتي ^زينة^ اسم على مسمى حيتاش هي لي زيناتلي حياتي وفحال ديما فرحتي ماطولاتش بزااف ومشات حتا هي ولكن مادخلتش فصدمة لان رسيل ديال دابا ماشي هي دلبارح فهادي مابقاتش كتاتر وقلبا برد بقوة لعذاب وصدمات
🔥نيار غير كيسمعلا مغمض عينو كيحس بكلاما نابع من اعماق قلبا ماكانش متوقع بلي تعدبات لهاد درجة لانه لبحت لي دار فيه غير ملخص على حياتا ماشي ديطاي ماعرفش علاش تمنى كو كان معاها فديك لحظة وهو لي كان طلاقاها فبلاصة ديك لمرا ولكن كان للقدر رأي آخر غير حس بيدا نزلات من لحيتو طلل عليها بعيونو بانتلو نعسات بقا شحاال كيشوف فيها باسلا فوق راسا ببطء وطلع راسو كيلمس وجها بحنية🔥
نيار :كلشي عيتوعض البؤتي سي بروميس
🔥زيرا لصدرو ووقف غادي متجه للوطو وماهي الا تواني حتا كان كسيرا بعد ماتكاها على حجرو ماوقف حتا لقدام واحد لوطيل من اوطيلاتو مابغاش يديها لقصر وهي فهاد لحالة انسطالا لوطو فباركينغ وهزا فيدو بنفس طريقة دقبايلا واضع تجاكيطتو على فخادا وزاد داخل لوطيل يالله عتب لباب وهي تهجم عليه موصيبة دصحافة كانها كانت غير كتسناه ولي كارد دالاوطيل كيحاولو يفكو فيهم ساعة معامن هما لان عدد صحافة كبيير غير شافوم جايين لجيهتو كيجريو فحال دبان وهازين لكاميرات فيدوم زمجر بغضب وضغط على قبضة يدو شكايديرو صحافة فهاد لوقت ادن كانو مراقبينو نزل عينو لرسيل وحشالا وجها فصدرو حتا مابقاش كيبان وحاوطا بدراعو وهي معنقاه بيد فعنقو ويد حاطاها على قلبو وشعرا مسبسب موراها زير عليها وزاد مكمل طريقو وصحافة من لور تابعاهم كتصور فيهم وكيسولوه🔥
صحافي1:سي نيار سي نيار عفاك غير تصريح صغير
صحافي2؛عفاك اسي نيار شكون هي الآنسة لي معاك واش حبيبتك ءء سي نيار غير دقيقة
🔥ودنو كيخرجو منهم دخان وعامل راسو ماكيسمعمش مخليهم ينبحو فحال لكلاب دخل مباشرة الاسانسور وكليكة على رقم طبقة🔥