💎اللبؤة و الوحش💎( مكتملة )

part92

🌔بارت 92👑
💧مامتيقاش هدشي لي كتسمع واش بصح هدشي لي كتشوف فغي ولا غير كتحلم ولكن لي متأكدة منو أنه ادا كان حلم مابغااتوش يسالي وضعات يديها على فمها كتشهق مامتيقاش نيار لي ماعمرو كمل معاها جملة مقادة هاهو دابا كيعبر على شحاال كيبغيها وكيطلب منها زواج واش بصح نيار باغي يربط حياتو معاها طول لعمر دموعها هوادين فحال لحجر من عيونها دموع فرحة كان شي حلم وتحققلها وحقا هي نيار قدر يحقق لحلم لي كان بالنسبة ليها شبه مستحيل طلعات عينيها ببطء كتشوف فنيار جالس على ركبتو هايز خاتم فضي سامبل درجال كان فصبعو صغير وجالس انفاص مع باب لوطو لي مفتوح ورسيل جالسة فلكوسان مقابلة معاه وفلاشات لكاميرات كيضربو وناس كيهتفو ب^قبليييي^ شافت مباشرة فعيونو وحركات راسها باه كتشهق💧
رسيل:هئ هئ قاابلة
💧ضهرات ابتسامة واسعة على ثغرو ولبسها لخاتم فصبعها لي كان بدورها حتا هي تخرج من لوطو وتعنقو ودموعها مابغاوش يحبسو فحين نيار بادلها لعناق هايز رجلها من لارض لانها اصلا بطالون وبزز باش وصلات لعنقو بقاو شحاال هايداك حتا فصلو لعناق وباس جبهتا مطول وشد فيديها وركب فلوطو متولي لقيادة وهي جالسة فجنبو شابك يدو مع يديها وكسيرا وكيخطف فيها شوفة ويدهم لمشابكين حاطينهم فوق لفيتيس ورسيل غير متكية وكتشوف فيه بحب وكتنزل عينيها للخاتم لي فصبعها كتبتاسم وكترجع طلع عينيها فيه فرحتا ليوم كبيرة ماقداها لا أرض ولا سما حتا بانلا نيار وقف لوطو فلبحر وشاف فيها بابتسامة وشارلا براسو لخارج ردات عليه بابتسامة وخرجو
💎خرجو من لوطو حيدو صباابطهم هزوهم فيديهم وجرها نيار من خصرها محاوطها بدراعو ورسيل معنقاه من ظهرو زادو كيتمشااو فوق رملة حتا وصلو حدا لبحر وجلسو بعاد عليه شوية نيار معنق رسيل وهي محشية كلها فحضنو وضو لقمرة مضوي عليهم جلستهم بقاو لتواني ساكتين كيرتبو فاافكارهم عاد نطقات رسيل💧
رسيل:نيار فين كنتي هاد لمدة كاملة ماتخايلش شحال قلبت عليك لمدن كلهم درتهم وبديت كنقلب فلجزيرات حتا هما
نيار: (بنبرة هادئة )'شهر لول كنت فغيبوبة مني فقت لقيت راسي ناسي كلشي يعني فاقد داكرة
رسيل:(بصدمة ):كيفاااااش؟
نيار:رسيل تهدني الا بقيتي كديري هاايدا ماعنهضرش اكي
رسيل:صافي صافي هانا مهدنة غير كمل
نيار:مني فقت لقيت راسي فاقد داكرة لان مني طحت من لجرف تعرضت لضرية خايبة فراسي وكنت هنا فهاد لجزيرة فواحد دار ودايرين بيا زوج ديال ناس وطبيب
رسيل:(باستغراب ):شكون هاد ناس؟وكيفاش وصلتي لهنا؟
نيار:راجل ااسمو سوغو ومراتو أكيرا
رسيل:(فاتحة فمها ):ش شنوووو؟هما كانو عارفين ومخبيين عليا وانا لي ماخليت فين قلبت عليك وهما كيعرفوني وكيشوفو تصريحات ديالي فتلفازة
نيار:ششش هدشي ليوم عنفهموه وعنعرفو علاش خباو لموضوع وكلشي عيوضح ضروري ماعيكون عندهم شي سبب مهم أكيرا هي لي لقاتني وجابتني لهنا باش نتعالج وهي وسوغو بقاو مراقبين صحتي حتا بريت ولكن ماعمرهم جبدولي شي حاجة على حياتي ديما كنحاول نجرلهم لسانهم ولكن والو حاجة وحدة لي قالولي أني سميتي نيار وتعرضت لحادتة سير صافي ولكن انا كنت عايق بلي كيكدبو من نبرة صوتهم وتصرفاتهم واون بليس لجرحة لي فصدري ماشي ديال حادتة باينة مقصودة وكل نهار كانو كيجيو قدامي صور مبعترة فيهم نتي ولكن ماكيبان فيهم غير عينيك وشعرك
رسيل:(غير كتسمع شكايقول مصدومة ):ودابا كيفاش عرفتيني ؟وكيفاش نجيتي من لموت وانا سمعتو بودني كيامر رجالو باش يحرقوك ويرميوك من لجرف
نيار:(ضغط على قبضة يدو بعصبية ):ماعرفتش هدشي أكيرا هي لي عتجاوبنا عليه وبالنسبة لداكرتي ليوم مني شفتك عاد رجعتلي