💎اللبؤة و الوحش💎( مكتملة )

part67

🌔بارت 67 👑
📀بعد مرور أربع ساعات 📀
🔴فتح عينو طافج اتر لما لمتلج لي تخوا على وجهو خسر ملاميحو بهاد صداع لي فراسو و دورو يمين وشمال كينفض فشعرو عاد طلع عينو فحالتو جالس فوق كرسي خشبي و رجليه ويديه بزوج مربوطين باصفاد حديدية غليضة و واحد سنسلة كبيررة وقاصحة ملويا على كامل جسمو بقوات خوفهم منو ربطوه بهاد طريقة كأنه حيوان مفترس والا طلقوه عيفترسهم طرطق فعنقو كيبرد فلفقصة ودور عينو فلارجاء كيكتاشف لمكان لي كان عبارة عن كوخ صغير خشبي كامل مهجور مغبر ومظلم من غير واحد شوية ديال شعا دشمس داخل من واحد سرجم صغيير كينا فسقف كان عامر الات فلاحية بقا كيشوف فمكان نوافد ولباب حتا تفيكساو عينيه فواحد لكوان كان فيه كرسي انفاص معاه وبعيد عليه بمسافة 8 مترو تقريبا صغر عينو كيحقق فيه لان ضو قليل حتا كتوضحلو رؤية وكتبانلو رسيل جالسة عليه وحتا هي مربوطة فحال غير هي ماعندهاش ديك سنسلة فجسما كانت مغيبة وشعرا نازل على وجها وراسا معوج غير شافا فديك لحالة حس بقلبو عيخرج من بين ضلوعو عينو ولا جمرة حمرة وعضلاتو زادو تشنجو حتا كيتسمع شرككك هادا غير تريكو تقطعلو على ضهرو غزز شفايفو بعصبية ولا يتمنى انه يبقا يموت ديك نهار وماتجيش رسيل تعتقو لانها بداك تصرف دخلات فحلقة من نار ماعندكش مفر للهروب يا اما تكون لقاتل ولا تكون لمقتول بدا كيضرب برجلو فلكرسي كيحاول يقرب لعندا ولكن بعيدة عليه بزااف حتا كيتوقف عن لحركة مني سمع صوتو وراه دور عينو ببطئ لجيهتو وبدا كيطلع وينزل فيهم بنظرت استهزاء راسم ابتسامة مستفزة على ثغرو🔴
--1-:اووو لبطل لمغوار كيحاول ينقد حبيبتو
----2:هههه عرض مغري بعنوان ^التضحية ^
نيار:(ببرودة ):زيد قدامها من اجل الصداقة عتكون مناسبة اكتر
🔴عوج عنقو كيشوف فيهم بنظرات شيطانية طيحات فيهم نص وخلات لعرق يتصبب من جبينهم عمل ابتسامة جانبية وشاف فيهم بنظرة عميقة ماتعرفش شنو تحت راسو🔴
نيار:امم ضيافتكم مابيهاش (عوج شفايفو ) ولكن ماشي مشكل ديالي عتكون زايدا على ديالكم
💣ديك زوج بقاو غير كيدورو فعينهم كيحاولو يشتتو نظرهم ومايتخلعوش من شوفات لي كيدير فيهم سرطو ريقهم بصعوبة وجلسو فكراسا بعادين عليه شوية خايفين لا ينوض يخلطهم هدشي مربوط وزرع فيهم رعب اما نيار غير كيشوف فيهم بنظرة فارغة🔴
---1 :ليوم عدفع تمن على كاع داكشي لي عملتي فيا
نيار:(بابتسامة مستفزة ):خلي حتا يزيد يعمر لكارني خودها نصيحة من عندي
---2:(دوز يدو على جبهتو كيمسح بعض حبات لعرق ):كودك عدنا اسي نيار اولا لمونستر حسن هههه
🔴دور عينو كيشوف فرسيل لي باقا مغيبة لان مفعول لمخدر قوي بزااف على جسمها عكس نيار لي دغيا تملص منو باقي حتا ماكمل شوفة فيها ماكيحس غير بشي حاجة ماضية جاتلو فعينو ليمنية غوت ربي لي خلقو وعمل يدو على عينو لي كطوش بدم اما لاخور غير كيشوف فيه وكيشوف فديك لخاتم لي غادي كيدحرج لعند نيار بقا غير فاتح فمو مصدوم هدشي رابطينو وشوف شدار فيهم🔴
🔥هز ديك لخاتم برجلو وحطو فوق حجرو عاد عملو فصبعو كيشوف فيه كان عبارة عن خاتم دهبي فيه وحش صغير مخرج نيابو وهما بضبط لي عورو هادك لانهم حادين طلع عينو فيه وقال بنبرة هادئة 🔥
نيار:ماعنديش مشكل اسي ليون كيف ما خليتك بلا يد حيت اديتيلي سلعتي حتا دابا عنخليك بلا عين حيت شفتي فحاجتي
💣ليون غير مشبر فعينو وكيغوت وجهو كامل ولا دمايات ولاخر غير كيشوف فيه مصدوم حتا قفزو بغواتو💣
ليون:وااع كتفرج فيا شوف شنو دير كنحس بعيني تقلعات اععع
💣عاد فاق من صدمتو وجرو من يدو خارجين فحين نيار عمل ابتسامة استهزاء وطلع عينو فرسيل💣
نيار:سير داوي صاحبك اسي كارلوس
🔴بقا حاضيها بعيونو حتا بانتلو بدات كتحرك فراسا وكتخسر فملاميحها طلعات راسا بشوية كتحس بعنقها تعوج طرطقاتو كتسرح فيه ويالله طلعات عينا وهو يبانلا نيار كيشوف فيها عاد عاقت ودارت طافجة كتشوف فين هما عاد نزلات عينا ليديها ورجليها لي مربوطين جمعات حويجباتا وشافت فنيار بنظرة تساؤلية لان آخر حاجة عاقلة عليها هي مني كانو فلغابة وكانت غادا لعند نيار وطاحت ودابا هما فلكوخ كي دارو حتا وصلو لهنا مافيقا من سهوتا غير صوت نيار🔴
نيار:ماتفكريش بزاف عنخرجو من هنا
💧طلعات عينا فنيار كتشوف كيف رابطينو غمضت عينا ورجعات حلاتهم ماحملتش تشوفو فهاد شكل مكتف تفحصاتو بعينا بنظرات خوف حتا بانلا مافيه حتا جرحة عاد رجعات شافت فيه💧
رسيل:نيار واش نتا بخير؟
نيار:(بابتسامة ):وي بيخير
رسيل:(دورات عينا فلكوخ ):نيار فين حنا دابا؟ وشكون هاد ناس؟ رامبقيت فاهمة والو
نيار:حنا كينين فشي كوخ وسط لغابة الا لحظتي ماكيتسمع غير صوت طيور ولحيوانات وماكينا حتا شي صوت ديال سيارات يعني حنا خارج لمجال لحضري ولكن عنكونو قراب من لقصر لان كينا غير غابة وحدة فلمنطقة لي حصرونا فيها وهي لي كتوصل لقصر
رسيل:(دورات راسا باعجاب على دكاءو ودقة ملاحظتو ):وشكون هاد ناس؟
نيار:كلاب ديال شي وحدين عندي معاهم عداوة قديمة
رسيل:واش عنبقاو هنا محبوسين ؟كي عنديرو نخرجو من هنا وحنا مربوطين؟
نيار:شش رسيل كلشي عيكون مزيان غير سكتي
رسيل:(بقات ساهية فعيونو كتحس براسا مامرتاحاش وقلبا كيضرب بعنف كانه حايس بشي حاجة عتوقع شافت فيه بنظرة غريبة وبريق خاص فعيونا):انا خايفة (بقات تواني ساكتة عاد كملات):عليك
🔥غير كيشوف فعيونا كيف ولاو فلازرق زجاجي وكيلمعو فحال لؤلؤ حتا سمعها كيفاش خرجات لحروف من فمها بقا غير مشلوط مامتيقش بلي بصح قالتلو خايفة عليك واش بصح خايفة عليه وعتارفاتلو بيها واش زعما كتبادلو نفس شعور وكيف ما هو دابا كيفكر غير فيها وخايف عليها حتا هي فحالو ظهرات ابتسامة واسعة على ثغرو وقال بنبرة كتريح🔥
نيار:ماحدي انا معاك ماعندك علاش تخافي
رسيل:(رتاحت بكلامو ):ودابا شعنعملو؟
نيار:عندك شي فيليل
رسيل:وي عندي فشعري
نيار:مزيان جبديه
رسيل:اكي
💧طلعات يديها كتحاول تفكو حتا زولاتو من شعرها وعملاتو فيديها عاد شافت فنيار💧
نيار:مزيان حاولي تفتحي ديك لاصفاد
💧شدات ديك لفيليل ولواتو فحال ساروت خشاتو فلقفل وبدات كتحاول تفتح ديك لاصفاد 15 دقيقة وهي كتقاتل معاهم وتقول واش بغاو يتفتحولها حتا فقدات لامل وجرات لفيليل باش ترميه مع جرا مع لقفل عيتفتح فتحات عينا بفرحة وشافت فنيار كضحك💧
رسيل:ههه تفتح
نيار:(بابتسامة):بياا­ن يالله حاولي تفتحي ديال رجلك
💧رمات ديك لاصفاد من يدا ونزلات لرجلا كتفتح فيهم بنفس طريقة بقات معاهم حتا حلاتهم عاد ناضت لعند نيار كتجري وبدات كتحاول تفكلو لاصفاد ديديه عيات ماتعافر معاهم و والو مابغاولاش لعرق بدا كيتصبب معاها واخييرا تفتحولها مدات ديك لفيليل لنيار لي نزل كيفتح فرجلو ورسيل شافت فديك سنسلة لي ملويا عليه بانتلا لقضية صعيبة حيتاش تقيلة بزااف وغليضة دورات عينا فلكوخ حتا لمحات واحد شاقور محطوط فجنب مشات بزربة هزاتو فيدا ورجعات لعند نيار ومن حسن حضها كان لقفل دسنسلة فجهة ديال رجلين يعني عضربو عتجي فلارض ماشي فنيار شدات ديك شاقور وبدات كضرب فلقفل بكل قوتا وشعرا معدبها غير هي كترجع شاقور لور كيوحلها فيه ماطرطقات ديك لقفل حتا غفرلا ربي دنوب طلعات عينا فنيار لقاتو فك لاصفاد درجليه ووقف كيفك فسنسلة حتا سالا وزول ديك تريكو رماه فلارض و طلع عينو فرسيل كيشوف فيها بنظرت افتخار عندو لحق مني قال عليها لبؤة بتاسم وشدلا فيدها ورسيل نزلات عينيها كتشوف فيديهم لمشابكين بتاسمات بخفوت وزادت زيرتلو على يدو وطلعات عينا كتشوف فعيونو بنظرات عميقة وهو كدالك جرات شاقور فيد لوخرا وزادو خارجين وشحاال واتاو بعضهم رسيل اللبؤة الشرسة مقصحا نظراتها وعيونها مافيهمش ولو ذرة خوف كيف يعقل دالك وهي شاداا فيد لوحش لي غير من بنيتو ضخمة وشوفاتو لماكرة يخليك تفتحلو طريق وتحنيلو راس وهادو هما
🔥اللبؤة والوحش🔥