🌔بارت 58 👑
✴نيار جالس حاضيها بعينو كيتسناها على نيتو تهضر غير سمعا شقالت زمجر بغضب ودوز يدو على شعرو كيصبر فراسو مابقالو والو ويرميها من سرجم شاف فيها مخنزر وهضر مغزف✴
نيار:يااك الالة اوا راك غالطة انا هو لوحش نيار اون بيغسون
رسيل:(ببلاهة مبوقة):اااه قولي هو نتا عرفتي اجي اجي نقولك (كتشيرلو بيدا لعندا بمعنى اجي )
نيار:(مخدر فعيونا وبطريقة لي كتهضر بيها فحال شي طفلة د7سنين وبدون وعي منو نطق ):امم شنو عتقوليلي؟؟
رسيل:واعطيني عينك باش مايسمعنا حتا واحد حيتاش هادا سر (كتشيرلو بصبعا جيهة ودنو )
نيار:(مطلع حااجبو ):عيني؟
رسيل:(بصوت تقيل ):بفف كتعطلنا
✴قربات بشوية منو وفنفس لوقت كتشوف فعيونو بنظرات نااايمة وهو دايب فيهم غير متبعا بعيونو خصوصا بلقرب لي بيناتهم حتا حس بيها اداتلو ودنو بيدا وقالت بصوت خافت وهادئ فنفس لوقت و فيه رنة خاصة أول مرة يسمعا هضرات بهاد طريقة وزيد انفاسا سخونة لي كضرب فعنقو وكتحركلو بعض لخصلات من شعرو الاسود لدرجة حس بلقشعريرة سرات فجسمو ونبضات قلبو بدات كتسارع كانها فشي سباق سد عينو لتواني مستمتع بديك رنة لي كتعاود فودنو فحال الصدى ✴
رسيل:(مغمضة عينا ):^I hate you ^ أكرهك
نيار:(باقي على نفس وضعيتو ):^I hate you too^ أكرهك ايضا
✴هي حقا قالتلو كنكرهك وحتا هو جاوبا بنفس لكلمة ولكن هما كيقصدو بيها حاجة اخرى احساس جديد شعور مختالف صراع داخلي بين قلبهم وعقلهم كلمة كتعني عكس احساسهم ولكن فهاد لحالة وبهاد طريقة لي خرجو بيها حروف نابعين من جوف قلوبهم فهما كيقصدو بيها حاجة اخرى فهي كلمة وحدا كتجمع بزاااف دالاحاسيس والمعاني لي معيفهمم غير المهووسين بلحب فحال رسيل وفحال نيار برغم من ان تصرفاتهم كتبين لعكس ولكن عيونهم كتفضح لاسرار لي خافيها قلوبهم فهما لكاشفان لي كيفضحو اي خبايا داخلية عند الانسان سواء كانت مزيانة او خايبة وبدون شعور منو بدا كيقرب منا ببطئ منتشي فعيونا لكريستالية لمعسلة بسكرة وهي كدالك ساهية فعيونو الزمردية خصوصا ديك لخط الأزرق لغامق لي محاطين بيهم فهادك بضبط كيخلي نظراتو غامضة ماتقدرش تقراهم وفين ماتبغي تفهمهم كتحس براسك كتغرق فبحر زمردتيه مافيقا من سهوتا غير ملمس شفايفو لبااردين لي تحطو على شفايفها سخونين بفعل شراب غمضو عيونهم مستمتعين باول قبلة ليهم بخاطرهم ولي متحكمة فيها قلوبهم✴
✴ بقاو على ديك لوضعية بلا مايحركو شفايفهم حتا حس بيدين رطيطبين حاوطو عنقو عمل ابتسامة جانبية وزاد لصقها معاه فبهاد تصرف كانها عطاتو ضو لخضر باش يبدا فمهمتو دوز لسانو على فمها كيلحس فريقها وكيجر كل شفة بوحدها كيكتشف فسرها حقا شفايفها عندهم طعم خاص ماعمرو داقو من قبل اما رسيل غير مسايراه وكتحرك فشفايفا فهي ليست خبيرة في التقبيل عكس نيار لي فنان ففن تقبيل كيخليها بلا هواها تجاوب معاه خسرات ملاميحها اتر لعضة لي دارلا فشفتها تحتانية حتا تجرحتلا وخرج منها شوية ددم ونيار غير حس بمذاق دم فشفايفو لحسو بلسانو وبعد عليها ببطء وهو ماساخيش بملمس شفايفها شاف فيها بنظرة منتشية وعينوهم نايمين فبعض✴
📈📈📈📈📈📈📈📈📈📈📈📈📈📈📈
❤رأيت في عينيك 👀سحر الهوى مندفعا ، كالنور من نجمتين ،فبت لا أقوى على دفعه من رد عنه عارضا باليدين ؛ ياجنة الحب ودنيا المنى ما خلتني ألقاك في مقلتين❤
📈📈📈📈📈📈📈📈📈📈📈📈📈📈📈
✴بقاو لتواني على نفس وضعيتهم ساهيين فعيون بعضهم كيرسلو عبرهم رسائل ليست باللغة ولا بالكتابة ولا بالاشارة بل بلعيون فهي *لغة العيون* ولا يجيدها الا الواقعين في شباك الحب مافيقهم من سهوتهم غير صوت اذان لفجر بعدو على بعضهم ببطئ بدون مايفرقو عيونهم عن بعض طلع عينو مباشرة كيشوف فطريق من زاج ديال لوطو واضع يدو بزوج على لفلون طلع نفس مزياان وتنهد من اعماق قلبو علاش كيوقعلو هاد ضعف بقربها ؟؟وبنظرات عيونها لكريستالية؟؟ علاش ماقادرش يقاوم نفسو ويحارب كيانو ؟؟علاش ماقادرش يعمل صطوب لاحاسيسو لي غير ماكيزيدو يوساعو ويتعمقو ؟؟علاش ماقادرش يتحكم فنبضات قلبو لي فكل لحظة بقربا كتبدا تسارع تيك توك تيك توك ؟؟علاش ماكيسخاش بطعم شفايفها لي كيحس بيهم فحال لعسل كيعسل فمو؟ ؟ علاش ؟؟وعلاش ؟؟وعلاش ؟؟ اسئلة كتيرة كدور فعقلو ولكن ماعندوش ليلو اجوبة او بالاحرى مابغيش يعرفهم✴
أنت تقرأ
💎اللبؤة و الوحش💎( مكتملة )
حركة (أكشن)♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
