💎اللبؤة و الوحش💎( مكتملة )

part40

🌔بارت 40👑
🔮حتا دارت فواحد اللحظة وبانلا نيار كيصور فيها ماعرفتش علاش عجبة لحال بزااف قربات لعندو وحيداتليه لكاميرة من يدو وقربات حداه وخدات صورة هي وياه رسيل ضحكة ونيار مبتسم وكيشوف فيها جاتوم طوب خصوصا بديك لاسماك لي كيحومو عليهم وبعض سلحفات البحر كبار خلات نيار غير مصدوم سحابلو حيداتلو لكاميرة باش مايصوراش ساعة خلااتو غير كيرمش وهو ماعرفش بلي رسيل حتا هي فحالو فهاد لحظة ناسية لعالم كامل ومديزاكتيفيا عقلا ومخليا قلبا لي يتحكم فيها فحالو تماما لان حالتوم مطابقة فهاد اللحظة بتاسم وزادو كيعومو وكل ساعة يدخلو شي غار من غيران الاسماك يكتاشفوه ويصوروه حتا لمح نيار شي حاجة كتلمع فواحد لغار مقابل معاهم خلا رسيل مشغولة كتشوف فديك حجيرات لبحر ومشا دخلو قرب ليلها وضوا فيها ببيل لقاها كوكياجة كبيييرة فلبنفسجي شكلا زوين بزاف صورا وبقا كيتعافر معاها حتا فتحا وهو يفتح عينو معاها كان خاتم أنيق كامل داير باحجار اللؤلؤ كيبريو حقا شكلو فائق لجمال وتمين بزااف هزو فيدو وشاف فرسيل لي عاطياه بظهر وصورو فيدو وحتا رسيل جات باينة فلفوطو عمل ابتسامة جانبية وحشاه فجيبو ورجع لعند رسيل وكملو لعوم ديالوم ماحسوش بلوقت كاع حتا بقات شمس كتغرب عاد شار نيار لرسيل بعينو باش يمشيو وهي ماساخياش طلعو بزوج بيهم لسطح لبحر وحيدو قناع الاوكسيجين وبقاو كيشوفو فبعض وكل واحد فداخل ديالو كيقول هادا احسن نهار داز فحياتي ولكن فورا تفكرو لواقع نيار رجع غوباشتو ورسيل قصحات نظرتا وفهاد لحظة بضبط اكتيفاو عقلوم وديزاكتيفاو قلبوم دور نيار عينو بانلو ليخت غير قداموم شارلا بيدو ومشاو كيسبحو لجيهتو حتا وصلو عاد طلع نيار ومد يدو لرسيل بقات شحال كتشوف فيها عاد شدات فيها وطلعات حتا هي نيار مباشرة نزل لدوش حيد ديك لبسة وهز ديك لخاتم فيدو بقا شحال كيشوف فيه وحشاه فواحد لبواطة حمرة وخبعا فواحد لخزنة وحتا رسيل قامت بنفس شي ومشات لحمام دلبيت لي فيه فاليزتا دوشات مزيان من لملحة
خرج نيار بفوطة زرقة ملوية على خصرو ومشا لدريسينغ لبس سروال سيرفيت فرمادي عندو زوج خطوطة بويض فجناب وتريكو قطني فلبيض حيتاش تحرك لبرد حشا كلاكيطة فرجلو ونشف شعرو بلفوطة بلا مايمشطو خلاه هايداك مفشفش نازل على عينو جا كيوت عاد طلع لفوق وكدالك رسيل خرجات من دوش ببنوار ابيض قصير وفوطة على شعرا ومشات لدريسينغ لقات ستفولا حوايجة فيه لبسات سروال باج مزير وطالع حد لبوط وتريكو كرونة دصوف مفتوح من صدر على شككل V وقصير مع بالغين كرونة نشفات شعرا بسيشوار وجمعاتو بفيليل بطريقة عشوائية مخربق جاها طوب وعاد طلعات لفوق دخلات مباشرة لكوزينة بانلا نيار جابد ديك لحوتة كاملة كحلة حاطة فوق بوطاجي وكيشوف فيها وريحة دخان كتخنق سدات نيفا وقالت🔮
رسيل:كح كح شهادشي؟
نيار:(مخنزر ):هادشي بسباب تبرهيشك الالة شوفي لحوتة كيف كلها تحرقات
رسيل:(بزز باش حبسات ضحكة عرفاتو نسا ماطفاش لفران ):هه هادوك غير دنوبي اسي نيار (كطلل على لحوتة كاملة محروقة ):احم ماشي مشكيل شوف شي بلاصة مامحروقاش أه را راسها باقي ماتشوط هه
نيار:(زادت فقصاتو عرفا كترد صرف شاف فيها مطلع حاجبو ):بانليا كطنزي عليا لا؟
رسيل:(كتبغي تحبس ضحكة وكتفلتلا ):هه احم لا حاشا هه
🔮نيار بلغدايد ضرب ديك طاوا حتا تشعترات لحوتة وخرجات من سرجم نيشان لبحر حيتاش سرجم لكوزينة مفتوح على لبحر رسيل صافي مابقاتش قادة تحبس ضحكة شبرات فكرشا وجلسات كضحك ونيار غير حاضيها كتبان كيوت بديك ضحيكة وعويناتا مغمضين حتا طلعات راسا كترد نفس وكتمساح فعينا لي دمعو وقالت وهي باقي غالب عليها ضحك🔮
رسيل:هه قبايلا قتلتي روكان ودابا شوطتي خاه ورميتهلو ويلي عندك تجي عائلتو تنتاقم منا هيي
🔮دارت يدا على فما زعما مخلوعة وهي مابقالا والو وطرطق خصوصا نيار لي معصب وهي كتزيد تطنز عليه احح شرب لعصير هو كيستفزا بلبرودة وهي دابا لقات سلاح دفاع ولي هو طنز خنزر فيها و زفر بغضب وطلع لفوق يكمي يبرد على قلبو قبل مايبرد فيها غدايدو فحين رسيل بدات كتجمع فديك روينة وهي باقا كضحك حتا سالات عاد بدات كتوجد فلعشا عملات سوشي بديك لحوت لي فتلاجة ولي صلاد دلخضرة وروز ولمايونيز زطحنات عصير دلخوخ ولافوكا وستفات كلشي فبلاطو كبير وطلعات لفوق بانلا باقي كيكمي حطات ديكشي فوق طبلة وقداتو بطباسل ولفوغشيط وهو حاضيها بنص عين شارتلو بيدا لطبلة وقالت 🔮
رسيل:اجي تعشا
🔮نيار ومالا براسو ومشا غسل يدو وجا جلس مقابل معاها وبداو كياكلو فصمت وشمس لغروب مزينة لجلسة عاطية ااومبيونص واعر ونيار عجبو داكشي لي وجدات بزاف جا لديد ولكن مابينش ورسيل كدعي عليه فخطرا وكتقول غير كيعلف وتقول كلمة زوينة خرجا من فمو وهو عايق بيها وداير معاها زكارة حتا قطعات ديك صمت بكلاما🔮
رسيل:فين غادين حنا دابا ؟
نيار:(هز فيها عينو ):لجزيرة سردينيا
رسيل:(فتحات عينا بصدمة )شنووو
نيار:(ببرودة ):كيف ما سمعتي
رسيل:ولكن علاش غادي بيا لديك تلث لخالي واش منيتك باغيني نعيش فجزيرة
نيار:هدشي لمصلحتك لعشا زوين
🔮قالا هاد زوج كلمات وناض يغسل يدو وحتا رسيل كانت سالات عشاها وناضت جمعات طبلة ومشات غسلات لمواعن فلكوزينة حتا سالات عاد مشات لبيتا بقات شحال جالسة
لكوكيجة👇