💎اللبؤة و الوحش💎( مكتملة )

part18

🌔بارت 18👑
ميرال :اه اختي هدا هو لوقت مع ل5 عدنا طيارة ودابا 3
منال:الله يوصلكم على هئ هئ خير ابنتي هئ هئ وتهلاو فبعضياتكم هئ هئ عفاك اولدي ادهم راه عوينة لي عندي هئ هئ
💧عنققاتها بجهد ودموعها شلال وميرال لاتقل عنها ودازت عنقات ادهم لي باسلها راسها ويديها وقال💧
ادهم:كوني هانية اميمتي ميرال راها فعيني
💧عاد جا سي سليم ودموع محجرين فعينيه وعنق بنتو وجلس كيوصي فادهم لي مسكين راسو عيتفرع بلبكا ولكن مقدر ظروفهم عارف بلي ماقدرينش على فراق ميرال اما رسيل خلاتهم حتا سالاو عاد عنقات ميرال بجهد كتشهق فحاليلا عيديولها بنتها فحين ميرال كتاار منها ماقدرتش طلق منها حتا كيفصلو لعناق وكيعودو يتعانقو عوتاني ماساخينش ببعضهم حتا هضرات لالة منال 💧
منال:صافي ابنياتي هئ هئ باركة راه عتعطلو هئ وطريق باقا تابعاكوم هئ هئ الله يرضي عليكم
(فصلو لعناق على بعضهم وباستها فراسها وفحنيكاتها بزوج وقالت )
رسيل:انا هئ ديما معاك هئ هئ فوقاش ما حتاجتيني هئ هئ غير عيطلي هئ نكون عندك احبيبتي صافي هئ هئ الله يكمل عليكم بلخير
ميرال :(غير كتشهق وكتحرك راسها بالايجاب ):هئ هئ عارفة احبيبتي عارفة هئ هئ الله يخليك لي
رسيل:(سلمات على ادهم بلابيز وقالت )خاي ادهم ختي هئ هئ مبروك عليكم مرة أخرى الله يوصلكم على خير
ادهم:كون هانيا اختي رسيل الله يحفظك اعشيرتي هه
💧حتا سالاو عاد جا سي جاسم بشوية عليه باس راس ختو وعنقها وهي باقا كتشهق وعاد عنق نسيبو وجلس كيوصيه عاد وقف حدا رسيل وبقا متبعها بعيونو وشحال كتفتن فجميع حالاتها ضاحكة باكية مهم كتهبل فحين هي غير حسات بيه قدامها بعدات عليه بلا متعيق وتبعات ميرال لي زادت معطف ابيض قصير ونزلات طرحة وشدات فيد ادهم متوجهين لسيارة 💧
🔥بقا كيشوف كيفاش معنقاها وكتبكي ماعرفش علاش ماحملشي يشوف دموعها احساس فشكل كيحس فحاليلا كيحرقوه فقلبو بقا حاضيها حتا شافها سلمات على ادهم بلابيز ماحملشي يشوف داك لمنظر واخا متاكد بلي جامعاهم غير علاقة اخوة وباش كملهت جاسم لي وقف قدامهت و بقا كيشوف فيها عرف غير من نظراتو شحال كيبغيها زير على يدو بعصبية حتا تنفخو عروقو وزفر بغضب وطلع راسو لسما وهادي هي لحركة لي كيعمل مني كيبغي يتحكم فاعصابو حتا بانتلو بعدات عليه عاد رتاح ولكن كيبقا سؤال وهو علاش ماكيحملش شي حد يقربلها ولا يشوف فيها؟ نفض هاد الافكار من راسو وتوجه لعند لعرسان لي كانو واقفين فباب لقاعة 🔥
💧بقات كتشوف فيهم كيفاش واقفين حدا طموبيل لي كانت من نوع ميرسيديس بيضة معرية من لفوق و مزوقة بطريقة جميلة دارت ميرال كتشوف فيها ودموع فعينيها ماساخياش تمشي ماكرهتش تعيش معاها ولكن هادي هي سنة الحياة هادشي كامل قراتو رسيل فعيونها لعسلية بتاسماتلها و رسلاتلها قبلات في لهواء حتا شمات ريحة عطر ماغريباش عليها دورات وجها بلعرض لبطيئ كيبالها ماجي كيتعنكر فمشيتو بديك لفورمة وضخمة لي كتقول فين فاتلي شوفتها عامل يديه فجيبو وعاقد حجبانو فلحداش نظرات حادة وتاقبة حقا عندو كريزما خاصة دورات وجها بسرعة حتا بانلها وقف على ادهم لي غير شافو بتاسم ووقف كيتسناه لما لا وهو شخص لوحيد لي عاونو ووقفو على رجلو حتا وصل لأعلى لمراتب 💧
---مبروك عليكم كنتمنالكم مسيرة موفقة فزواج
ادهم:شكرا اعشيري لهلا يخطيك
(كتافا رد بتحريك راسو ومد يدو لفيسط ديالو وجبد جوا اصفر ومدوليه فحين ادهم طلع حاجبو باستغراب حتا قال )
---:هادا لكادو ديال عرسك
ادهم:هه شكرا ماكانش عليك تعدب راسك يكفي انك جيتي من روسيا على قبلي
---:(بابتسامة جانبية ):تستاهل
(💧فتح ديك لبرة ولقا شي وراق جبدهم مستغرب وهو كيقرا وعينيه كيتفتحو كانو عبارة عن وراق ملكية لفيلا كبيرة قدام شركة ديالو لي فامريكا وهو لي عاد عوال يقلب علا دار هاهي دابا قدامو خص غير توقيع ديالو عنقو عناق رجولي كدليل عن شكر 💧
ادهم:شكرا بزااف اعشيري الله يحفظك
---(كتافا بابتسامة جانبية وقال):نخليك دابا خصني نمشي طريق سلامة
ادهم:وحتا نتا اصاحبي تهلا
*حرك راسو وتوجه لسيارتو دار شاف فيها نظرة اخيرة وكسيرا مخلي لعجاح وراه*
💧كانت واقفا وراهم مستمتعا بنبرة صوتو الرجولية ستغربات سحابلها غير شي برازيلي وها هو دابا كيهضر بدارجة وبطلاقة حتا سمعات ادهم مني جبد روسيا اواه ماجي من روسيا gاع ما فاقت من سهوتها حتا سمعاتو كسيرا عاد وجهات نظرها لميرال لي ركبات وبقات كتشيرلها بيديها من سرجم بباي باي ودموع شلال من عينيهاا فحين رسيل ردات عليها بنفس لحركة وعيونها كيلمعو بدموع وهاا هي اخيرا مشات وخلات قلبها معاهم 💧
💧دارت رسيل بانلها كلشي مشا بقات غير هي ولالة منال دارت شافت فيها وقالت 💧
رسيل:خالتي عفاك وريني فين ناعسة ليان باش نمشيو
منال :ءءء الله يابنيتي علاش عتمشي فهاد ليل دوزو معانا لفيلا راه قريبة من لقاعة وباتو معانا حتا لصباح ان شاء الله ومشيو
رسيل:لا اخالتي شكرا ربي يخليك غير خليني نمشي حيتاش غدا عندي شي شغل فصباخ حتا لديك ساعات وندوز لعندك إنشاء الله
منال:اوا مني هايدا واخا ابنيتي غير تسناي فطموبيل بلا ماتعدبي راسك انا عنصردلك ليان مع عمك سليم
رسيل:واخا اخالتي ربي يخليك تصباح على خير
منال:ونتي بخير ابنيتي
💧سلمات عليها ودخلات منال لقاعة فحين رسيل توجهات لطموبيلتها دخلات وحطات لبوكي وبقات كتسنا فليان وبلا ماتحس كتبقا تفكر فلقطات لي وقعولها ليوما مع صاحب الزمردتين حتا ستغربات من نفسها من ايمتا كان كيشغل بالها شي راجل؟ مافقت من افكارا حتا بانلها سي سليم جاي وهاز ليان لي ناعسا فيدو نزلات بزربة وهزاتها من عندو وسلمات عليه وتوجهات لطموبيلتها من بعد ماتمناتليه ليلة سعيدة دخلات و عوضات ليان فلكرسي لور و مشات جلسات وكسيرات بسرعة ماوقفاات حتا لباب لفيلا نزلات وهزاتها هي ولبوكي دلورد ودخلات مباشرة لبيتها حطات ليان فوق نموسية وبدلاتلها حوايجها ببيجاما دنعاس غطاتها و باستها فخدها عاد ناضت وحيدات كسوتها ودخلات لحمام دوشات بلا ماتقيس شعرها توضات و خرجات لبسات دوبياس فالابيض وكسوة خضرة حد ركبة وزادت عبايا من لفوق وصلات صلاتها عاد جمعات ديك لكساوي عملاتهم فدريسينغ وطلقات شعرها وحيدات لعبايا وهزات داك لبوكي ومشات لكوزينة جبدات واحد لفاز دارت فيه لما عاد دارتو فيه شماتو وبتاسمات عاد مشات لبيتا و حطاتو فبالكون و بدات كتشوف شعاتاكل وهي جاها جوع جبدات ديك بيتزا صخناتها وجبدات لعصير من تلاجة كلات حتا شبعات عاد غسلات لقشوع و جبدات ديك لglace لي شراتو معا ليان شافت فساعة لقاتها قريبة ل5 حتا نعاس طارلها فلاخر تنهدات وهزات كاب خفيف وديك لglace وخرجات لجردة ومشات تكات فديك زحلولة لي تما وتغطات بديك لكاب وبقات كتشوف فنجوم لي مضويين سما وفنفس لوقت كتاكل فلglace وكتفكر فهاد لخطوة لي عدير واش عتنجح ولالا وبلا ماتحس كيديها تفكيرها لصاحب الزمردتين 💧
🔱🔱🔱🔱🔱🔱🔱🔱🔱🔱🔱🔱🔱🔱🔱
🔥*في جهة أخرى وبالضبط فبالكون غرفتو لكبيرة جالس فوق كرسي بسروال سورفيط رمادي وصدرو لفولادي لي مزين بشعيرات سوداء زايداه مظهر رجولي اكتر وبعض خصلات شعرو الاسود نازلا على عيونو بطريقة جميلة هايز كاس ديال نبيد الاحمر لي كيتعتبر من افخم االانواع وكيشوف فنجوم لي فسما وبلا شعور كيلقا صورتها قدامو مرة ضاحكة مرة مخنزرة وخصوصا ديك لعيون لقتالة ماعرفش شكايوقعليه حتا كيبقا طول لوقت كيفكر فيها كأنها مارست عليه سحر قوي غير فهاد نهار هادا .فلاخر ضرب داك لكاس فالارض بقوة حتا تشتت وعاد ناض صونا على لخدامة وامرها تطلع تجمع هاد روينة ودخل يدوش 🔥
🔥نيار السعدي🔥:من اب مغربي وام برازيلية كيتعتبر من أغنى رجال العالم كيتميز بجمالو خاطف قلوب النساء وتفوقو في تسيير اكبر أنواع الشركات لصناعة الساعات اليدوية وعندو فروع فجميع أنحاء العالم بالإضافة الى المطاعم والفنادق الضخمة بالإضافة إلى أعمال مخفية 🔥 نيار🔥 اسم على مسمى فهوى يعني شدة الضوء و جمع النار حيتاش حقا مني كيتعصب كيتحول لنار حارقة ولي مايقدر حتا حد يقربلها لانها كتحرق ليابس ولخضر اباه متوفي مند 10 سنوات عندو غير ماماه وختو لي مستقرين فمكان مجهول فعمرو 30 سنة ومني توفا الاب ديالو دخل لعالم المافيا لانه كان من اكبر الزعماء وبفضل دكاءو ودهاءو الماكر قدر يوصل لأعلى المراتب وولا اكبر مفيوزي في روسيا وخصوصا فمدينة موسكو العاصمة الاقتصادية فاسمو تحفر فجميع الدول حتا ولا كلشي كيخاف منو وغير سميتو كيضربولها الف حساب وحساب وهدشي كامل لأنه ماعندوش الخطأ فقاموسو وبغلطة وحدة يولي من خبر كان لدرجة أنه ولا ملقب فعالم المافيا باسم
🔥 A fire Monster🔥
ومعناها هي :
🔥وحش النار🔥 وحقا فهو فات لوحش بدرجات قلبو حجر ويقتل بدم بارد خصوصا اعداءو لكتار و دايرين بيه من كل جهة ولكن ضااارب حسابو مزيان قلبو صخرة وجليد متلج ماكيأتر عليه حتا حاجة 🔱🔱🔱🔱🔱🔱🔱🔱🔱🔱🔱🔱🔱🔱