🌔بارت 107 👑
💧لقات رجال جالسين فصالون كيتحدتو مشات سلمات عليهم وخرجات لجردة فين كينا لبنات وميسون وسعاد باستهم كلهم وجلسات فوق لفوطوي مجلسة بيلسان وليان على حجرها وكتنقب من لحلوة ولعصير لي فوق طبلة💧
ميسون:تبارك الله على لالة لعروسة هادي هي سيمانة وانا كنوصيك نهار لعرس فيقي بكري
رسيل:(ناضت لعندها وباستها فراسها ):بلييز مامي سمحيلي رانعاسي تقيل بزااف وعاد بتنا قصارين
ميسون:ههه وا دابا عجبتيني ماتبقاش تقوليلي خالتي ماما حسن
رسيل:ههه هي لولة اماما ميسون
هزار:مالكي نتي جيتي وشركتيني فكلشي فلول خويا ودابا ماما
رسيل:(مشات باستها من خدها ):ههه يخليلي لمغيارة ديالي
ميرال:اوا هانا عنغير عوتاني
رسيل:(عملات يديها فوق راسها ):الله وأكبر اشوصلني لشي قرع نمشطلو راسو
الكل :هههههه
ميسون:يالله البنات وجدو راسكم مع تمنية عيبدا لعرس خصنا نمشيو ندوشو
هزار:اه اماما يالله ندوشو فلحمام لي فلقصر
رباب:اكي
ميرال :الله فاش فكرتوني توحشت لحمام لمغربي وسطولة ونتيف فلحمام
رسيل:هههه فين ماكنا كنمشيو كنخرجو شي وحدة سخفانة من لحمام حتا ولاو غير كيشوفونا كيخويو
سعاد:(هزات سندالتها فيديها ):اييه ابنياتي زيدو شنو باقي مزال
💧رسيل وميرال غير شافو سندالا ناضو تخباو ورا ميسون💧
ميسون:ههه اوا حتا دابا نتحمو ولكن بلا سطولة بلا نتيف
رباب :ههه منها نيت نرخيو عظامنا
هزار:يالله نوضو
ليان-بيلسان:يااااي لحماممم
📛ناضو لبنات كلهم ونزلو لطبقة لاخرة دايرة فحال شي سونطر بيوتي فيه لحمام وفين كيعملو سواني للجسم ........إلخ توجهو مباشرة لحمام لي كان كبييير سخوون وضبابة بقوات لبخار واخد نص فطبقة وفيه بلاكار كبير دزوج رفوف واحد خاص بلفوطات وبينوارات وتاني خاص بلي بخودوي ديال دوش من باندوشات وشمبوانات ومرطبات. .....إلخ بقاو كيدورو فلحمام بإعجاب عاد زولو حوايجهم ولاوو فوطات قصارين على جسمهم يالله مغطيين صدرهم وخصرهم وكل وحدة تكات على كرشها فوق واحد لباياص دريش وجاو لبنات مكلفين بلماساج وكل وحدة بدات كتعمل لماساج لوحدة فيهم وحتا من ليان وبيلسان كيدلكولهم فظهرهم ولبنات مجمعين مع بعضهم حتا سالاو لماساج ديالهم عاد ناضو كيغسلو فشعرهم عاد جاو لمتخصصين فلبشرة ودارولهم سوان فيزاج وزولو لخلايا لميتة من لحمهم وحيدلهم شعر زائد من جسمهم بلايز مهم دوزو زوج سوايع من حاجة لحاجة حتا فركو لحمهم وخلاوه بيض كيشعل ورطب ووجهم كيلمع وشعرهم مسرح وحريري اكتر لبسو بينوارات ولواو لفوطة على شعرهم عاد ناضت ميرال ورسيل كيطبلو فلبلاكار وكيغنيو وميسون وهزار وليان وبيلسان ورباب وسعاد كيردو عليهم وكيموتو بضحك على طريقة كيفاش كيبقاو يتعوجو ويشطحو مهم نوضوها ديال بصح حتا بردو قلبهم عاد مشاو لبيت تبدال لي كينا فنفس طبقة لقاو لخدامات جابولهم لعصير وحوايجهم جلسو كيشربو فعصير ليمون وكيهضرو خالقين سعادة غير بيناتهم دازت ساعة عاد ناضو لبسو قنيدرات خفاف مزيونين وكل وحدة لابساها فلون نشفو شعرهم وطلعو لفوق لقاو رجال كلهم خرجو يدورو فلجزيرة جلسو فصالون وكل وحدة مجبدة فوق لفوطوي كيحسو براحة وجسمهم خفاف عليهم اما ليان وبيلسان ضربوها بنعسة
🎄بقاو مجبدين ساعة دلمكانة كيهضرو وكيناقشو أمور لعرس حتا جات لخدامة علماتهم بلي لغدا واجد ناضو لسفرة الأكل كيكلو مجموعين غير هما لبنات اما رجال مشاو مع نيار لبحر عيتغداو تما اما لبنات سالاو غداهم وميسون وسعاد طلعو لبيتهم ياخدو لقيلولة ديالهم باش يقدرو يسهرو فليل اما لبنات وجدو كاافي نواغ وخرجو لجردة جالسين فزحلولة وطالقين رجليهم على بعضهم 🎄
ميرال :ايي يا رسيل ليوما عدخلي لقفص دهبي
هزار :ههه وييه مع خويا عدخل لقفص الالماسي
رباب :تستاهلو بعضكم اختي ربي عطاك راجل كيبغيك بزااف
رسيل:لحمد الله ياربي الله يخليه لي مانقدرش نعيش بلا بيه
الكل:ااامييين
رسيل:ميرال واش مزال ماعنشوفو وليداتك
ميرال :فصارحة انا دابا ماكنفكرش فلولاد لان أدهم كيسافر بزااف على قبل لخدمة قليل فين كيجلس فدار وانا مانقدرش نتحمل مسؤولية تربية وحدي خصني ضروري يكون معايا برغم من هو كيحمق باش يكونو عدنا وليدات وفلول لقيت صعوبة باش نقنعو وشحال دابزنا على هاد لموضوع ولكن لحمد الله فلاخر فهمني وقبل نصبرو غير عالا مايدوز هاد شهر باش يسالي تأسيس شركتو لي فأمريكا ونستقرو مزيان
رسيل:اه بصح فكرة مزيانة منها نيت يطلعو دراري مربيين مع باباهم
رباب :اه عندها لحق
هزار:اوا الله يفرحكم
ميرال :ااامين اختي
🎄عنقو بعضهم بربعة بيهم وكملو حديتهم وفين مايتفكرو شي موصيبة كانو داروها كيطرطقو بضحك حقا منظرهم كيحمق هادا هو لمعنى لحقيقي لصداقة والأخوة كايكونو فحال ديك لحيوطة صحااح لي ماكطيحهم لا شتا ولا رعد وفشمس كيكونو مضويين وكيشعلو ضربات لخمسة. دلعشية وهي تجي ميسون وسعاد 🎄
ميسون:يالله البنات را لي مايكاب ارتيست جاو ولي غوب وصلو هادي ساعة
رسيل:اكي يالله نوجدو راسنا
🎄طلعو كاملين لجناح دهزار لي رجع فحال شي صالون تجميل دخلو لبيت لي صلحولها لباب لقاو 9 دلبنات لابسين دي جيب فلكرونة وشوميز كحلة سلمو عليهم وكل بنت تكلفات بوحدة منهم من غير رسيل تكلفو بيها زوج بنات وبيلسان وليان تكلفت بيهم غير بنت وحدة لأنهم اصلا غير عيلبسو وعيديرو مشيطات خفاف بداو ديك زوج بنات كيصيبو فرسيل وحدة كتصبغلها ضفارها ولوخرا كتعدلها فشعرها وهي مصدومة من طولتو ورطوبيتو ماعمرها شافت شي وحدة شعرها فحال رسيل فحين لبنات لوخرين بداو بوجههم هما لوالة ميرال عملات ماكياج صارخ شوية برزات بيه تقاسيم وجها وعينيها لعسليين وشعرها بوكلاتو كامل ورداتو لجنب عاد لبسات غوب فلون سماوي طايحة على لكتفين من لفوق مزيرة ومن تحت طويلة ومرخوفة وعندها رشمات ديال لورد على صدرها جات كتهبل زينها مسرار اما هزار لبسات غوب فلاصفر راقية طويلة ومعرية من واحد لكتف ومزيرة على طايتها جاتها طوب خصوصا بلون لي والم بشرتها لحنطية وضعات ماكياج دلعراسات طلعات غزالة وشعرها سرحاتو كامل بلبلاك وجمعات بعض لخصلات منو على شكل وردة ولباقي خلاتو مطلوق على ظهرها فحين رباب لبسات غوب فلكرونة من لفوق منبتة بلحجر ومزية ومن لخصر مفرفرة بوكلات شعرها لقصير ووضعات تاج رقيق فلفضي وعملات ماكياج صارخ جات فنة فحال لاميرات اما ليان لبسات غوب قصيرة فالازرق فاتح مفرفرة بلا كمام وعندها وردة بيض فلكتف عملات مشيطة خفيقة فشعرها دايرة بسنبولة فلقدام ومفخفخة جات كتهبل وكدالك بيلسان لي لبسات غوب فنفس شكل ليان غير هي عندها فلوردي وعملات مشطية فحال ديالها جات طوووب
رباب 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ميرال 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هزار👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
💎اللبؤة و الوحش💎( مكتملة )
Aksi♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
