💎اللبؤة و الوحش💎( مكتملة )

part33

🌔بارت 33👑
💧بقات جالسة كدور فعينيها كتفكر وشياطينها كيفكرو معاها حتا طلعات معاها ريحتو لنيفا سدات عاينة لتواني مستمتعة بعطرو وطلعات عاينا ببطئ بانلا خارج من الاسانسور كيسد فساعة ديالو لابس سروال تجينز وشوميز فالاسود عطرطق على عضلاتو وسبادري فنفس لون شعرو الاسود لكتيف فازك وبعض الخصلات نازلة على عيونو زمردية لحيتو سوداء مزينة فكو سفلي حجبانو لغلاض معقودين علا شكل 11 وريحة لباندوش كتفوح منو باينة يالله دوش حقا عندو كريزما خاصة وجمال فائق بديك لحروشية وبلا شعور تبقا ساهية فيه بسرعة حسات براسا وقلبات نظرا 💧
🔥خدا دوش ونزل كيتعافر مع ساعتو مابغاتش تركبلو حتا سدا عاد طلع راسو بانتلو جالسة فصال مونجي بديك لاكس مزيرة على صدرا ولحما كيبان بيض كيلمع وعنقا طويل مزين ببعض لخلات وشعرا لاشقر طويل مرجعاه لجنب وشفايفا لمنفخين زايداهم بديك لعكر وديك لخالة لي مكملة لباقي حقا متيرة بزااف بلا شعور لقا راسو تزير ماعمر شي بنت لمرا حركات غريزتو وهادي ضرباتلو كلشي فصو عاشر نسا اشكال وانواع و فحال هادي عمرو شاف بسرعة عاق علا راسو ومشا جر لكرسي وجلس مترأس طابلة🔥
🌚بداو كيكلو فصمت كيتسمع غير صوت لفورشيط ولمواس كيقرقبو واحد ما كيهضر مع لاخور ورسيل حاضياه بنص عين ونيار بعد لمرات كيطلع عاينو فيها حتا كيلقا راسو ساهي فيها كتاكل بهدوء وكل لقمة كتستمتع بيها وبعد لمرات كتخسر ملاميحا مني كتجيها شي حاجة حمضة كتبانلو بريئة فحال شي طفلة حتا كتوقفلو دغمة ففمو وبدا كيكحب بجهد عاينو دمعو وولاو حوومر وهو غير كيكحب كيحس بفمو شاعلة فيه لعافية وشفايفو عيطيرو يالله مد يدو لكاس دلما خطفاتولو رسيل بابتسامة جانبية وبدات كتشرب بشوية عليها كتفقصو وهو نار شعلا فيه وكيشوف فيها ماكرهش ينوض يخنقا بيدو حتا سالات على خطرا وحطات لكاس وناضت لعندو كتمختر فمشيتا وهو غير شافا بديك شريط وفخيداتا بويوضين ومقادين كيشهيو زادت كملاتلو لباقي ماحيرتو للعافية لي ففمو ولا لعافية لي تحت منو حتا وقفات قدامو ومداتلو كاس دلما كان غير قدامو وماشافوش قربات لودنو وهضرات بصوت كيبورش 🌚
رسيل:هادي باش تعلم مرة اخرى تجمع شلاgمك عندك يالله بصحة شهية طيبة
💧غمزاتو وحطاتلو لكاس فيدو وطلعات كتعوج وتلعب بشعرا وضحكة واصلالا حتا لودنا 
💧غمزاتو وحطاتلو لكاس فيدو وطلعات كتعوج وتلعب بشعرا وضحكة واصلالا حتا لودنا 💧
🔥نزل على ديك لكاس دلما نزلة وحدة وهايداك باقي كيحس بفمو كيوزوز زاد شرب ديك لكاس دلعصير و والو ناض لكوزينة لقاها خاوية عرف عيكونو لخدامات مشاو فحالوم حيتاش ماكيباتوش فلقصر زفر بغضب وبدا كينفخ على فمو وطلع نيشان لبيتو ومشا لتلاجة لي عندو تما وجبد قرعة دلفودكا متلجة وشربا كاملة فخطرة وحدة عاد حس براسو برد شوية زاد شرب وحدة خرا حتا برد مزياان عاد مشا جلس على نموسية وتفكر لجيست لي دارتلو رسيل زير على يدو بعصبية وعروقو تنفخو جات برهوشة على قولو ودارتا بيه للمرة تانية عينو ولاو حومر وصدرو بدا كيطلع وينزل بعصبية وقال من تحت سنانو🔥
نيار:دابا نوريك أ لبرهوشة لعب كيف داير
🔥هز بيسي ديالو ودخل لكاميرة دبيتا بانتلو مطفية عرفا حيداتا زفر بغضب وضرب واحد طبلة برجلو حتا تشعترات وحيد ديك شوميز رماها فلارض وهز قرعة دنبيد الاحمر طبعا شرب ماكياترش فيه لانو مولف بيه وخرج لبالكون وجلس على كرسيو لفخم كيرشف من نبيد وكيتفرج فسما السوداء لمزينة بنجوم لامعة🔥
💧دخلات لبيتا كتموت بضحك جلسات على نموسية كضحك وفين ما تفكر منظرو كيف ولا حمر وعينو دمعو كتزيد تضحك حتا ولات مشبرة فكرشا ودموع هوادينلا 💧
رسيل:هههههه فرحان بشلاgمك اسي نيار هه دابا فين ماتبغي تشلقم تفكرني هههههههه
💧مسحات عينا و وقفات وبدات كتفكر عوتاني عاملة صبعا صغير ففما وغادا جايا فلبيت قول فيها وجع لولادة💧
رسيل:لمونستر لمونستر شكون هاد لمونستر علاش كيقولولو لمونستر يعني لوحش علاش بفف وعاد ماكيقول والو كانهم كيعيطولو بسميتو بفف لحماق هادا
💧بقات فكرة ديها وفكرة تجيبا حالفة حتا تعرف سر هاد لكلمة حتا وقفات لوهلة وفتحات عاينا💧
رسيل:هيي لوشم اه اه لوشم لي فرقبتو على شكل وحش وفيه حرف M يعني Monster هيي هدا لقب ديالو ولكن علاش ملقبينو بلمونستر وهو غير رجل اعمال لاا اصلا مايمكنش يكون غير رجل اعمال وكيملك نص فروسيا شي حاجة تما
💧كتحس براسا عيطرطق فحاليلا فلعبة الألغاز كتحس بنيار فحال شي لغز كبير ومعقد ماتقدرش تحلو وهدشي عرفاتو فاول مرة شافت فعيونو وماقدرتش تقراهم وتعرف فاش كيفكر ديك ساعات تأكدت بلي هو نادر ومميز بزاف ولي محيرة دابا كيفاش هو غير رجل اعمال وكيملك نص فروسيا برغم من أنه رجل اعمال كبير بزااف ومشهور الا وأن هدشي ماكفيش باش يملك نص فروسيا لان هي اكتر وحدة كتعرف تروة ديال رجال لاعمال وهدشي راجع لانها أيضا سيدة أعمال كبيرة ومعروفة ولكن ماتوصلش لهاد درجة انها تملك نص فدولة قد سخط وقصر يسوا لملايير وفيه اكتر من40 كارد كور وزيد عليها هاد لاعداء لكتار 💧
رسيل:لا لا متأكدة عندو شي خدمة اخرى هادشي مايمكنش ماعنتهنا حتا نعرف كلشي وأول حاجة خصني نعرف هي علاش ملقبينو بلمونستر وديك ساعات كلشي عيوضح
💧تنهدات وخرجات لبالكون وطلقات شعرا على طولتو وطلعات راسا لسما وطلقات يدا بزوج مسمتعة باستنشاقا لنسيم هواء الليل البارد💧
🔥بقا جالس كيفكر فحريرتو يالله جا يدخل لبيتو حتا بانتلو واقفة فلبالكون لان لبيوت ملصقين مع بعض وحتا لبالكونات ملصقين وقرابين من بععض يعني من كطلل كيبانلك بقا ساهي فيها شعرا طويييل كيلعب بيه ريح و يديداتا لبويوضين مطلوقين وعويناتا مغمضين حقا فجميع حالاتا كتفتن ماعرفش شنو سر لي فيها وماكينينش فلبنات لوخرين كيحس بيها تحفة فنية ناادرة وفيها جميع لمواصفات ديال لعشق مافيقو من سهوتو غير صوتا لهادئ وفيه نبرة حنينة اول مرة يسمعا🔥
💧بدون شعور بدات كتخرج لحروف من فما 💧
🌑أيها الليل... المستلقي...🌑
🌑على بياض ...🌑
🌑لا تخش...جنون🌑
🌑ليلك...🌑
🌑قوس الزمان انت...🌑
🌑رذاذ حلم...ووعد خصيب🌑
🌑أيها الليل الغريق...🌑
🌑في سره...🌑
🌑إذا طفوت برهة...🌑
🌑تذكر ان الشمس...أبدا..🌑
🌑لن تغيب...🌑
💧حسات براسا تزودات بشحنة كبيرة من طاقة الايجابية لانها فين ماكتحس براسا ضعيفة ولمورال طايح كتطلق لعنان للسانا يعبر عن مافقلبا بتسمات براحة ويالله جات تدخل للبيت حتا طلقاو عيونا لكريستالية بعيونو زمردية بقات لتواني ساهية فيه وفجسمو لفولادي لمبرنزي لي كيفلح برجولة حجبانو لمعقودين وفمو لكرزي لي كيبان حمر بزااف بديك نبيذ لي كان كيشرب 💧
🔥بقا حاضيها ومستمتع بنبرة صوتا وكيستمع لكلاما لي كيحس بيه خارج من اعماق قلبا ماكرهش يبقا طول لوقت غير حاضيها حتا بانتلو بتسمات وشافت فيه بقا لتواني ساهي فعيونة لكريستالية لي فحال شي سلاح قاتل كيقتل اي واحد شاف فيهم وكيطحوه فشباكا شعرا لحريري كيرجعو ريح لعندو قريب يوصلو بطولتو جسما لمنحوت حقا تحفة بقاو ساهين فبعض خصوصا مع ضوء لقمر لخفيف كيضرب فوجوههم عاطي للجو رونق خاص حتا تفكر شني دارتلو قبيلة وزاد جمع غوباشتو وشاف فيها بنظرة خطيرة وهز زوج صبعين فيدو عملوم فعاينو ووجهوم ليلا يعني راني حاضيك🔥
💧مافيقا من تأملا غير لحركة لي دار بيدو عرفاتو شني قصد عملات ابتسامة جانبية وبقات راجعة بلور ببطئ وكتشوف فيه حتا حبساتا لحديدة ديال لبالكون طلقات يدا بزوج ودلات راسا واوووب تلاحت