💎اللبؤة و الوحش💎( مكتملة )

part4

🌔بارت 4👑
💧كتجري فجنب لبحار بشوية عليها ولي داز من حداها يبقا تابعها بعينو سوى كان راجل او مرا ولما لا وهي تحفة فنية وقفات شوية كتستارح فتحات لقرعة دلما ورشفات منها شوية عاد سداتها وتوجهات لواحد صخرة مقابلة مع لبحر جلسات عليها وحيدات لكيت من ودنيها مستمتعة بأمواج لبحر لقوية واصواتو لعالية سهاات داكرتها كتفكر فميرال هي اكتر وحدة كتحس بيها ومعمرها خلاتها بوحدها وشحااال كانو كيحلمو كيفاش عيكون لعرس ديالهم وشكون عيتزوج لول وكيفاش عيكونو مع بعضهم معمرها تخيلات ان ممكن يجي ليوم  لي عتكون بعيدا فبه على ميرال وزيد من لفوق ما عتحضرش لعرسها ولكن كلشي بسبابهم هما لي كرهوها فحياتها وبسبابهم ماتقدرش ترجع لمغرب حيتاش عتفتح عليها مواجيع كبيييرة بزااف وهي مامستعداش تعيش هدشي مرة تانية تنهدات مطولا و وقفات وطلقات يديها بزوج وخصلات شعرها  كيلعب بيهم رياح لقوية علات راسها لفوق وغمضات عينيها.لتواني عاد طلعات نفس ونزلاتها وقالت بصوت مرتافع ودموع هوادين شلال من كريستاليتيها ولي داز من حداها كيبقا يشوووف فيها متعجب لحالتها💧
📍خسرت الكتير من الدموع...لكن لم تموت أحزاني📍
📍جفت دموعي واحزاني ولا زالت تولد من جديد📍
📍مابك ياقلبي لا تعرف الا الحزن نهجا لحياتك؟؟📍
📍مابك لا ترتاح إلا بعد ان تلتهب أعماقي؟؟ 📍
📍مابك لا تهدأ إلا بعد ان تسيل دموعي؟📍
💧حسات براسها رتاحت شوية هادي هي طريقتها باش تخوي قلبها تجلس معا لبحر وتعاودلو احزانها وتصلي وتدعي الله يخفف الامها ودابا ماجا قدامها غير لبحر لي مني جات لفرنسا وهو ونيسها وصديقها مسحات دموعها وغيرت نضراتها من نضرات بنت منكسرة وحزينة لنضرات بنت قويةووصامدة💧
رسيل:انا قوية كلشي انشاء الله عيفوت كلشي
(💧قلبات دورة مكملا جري ديالها حتا وصلات 7:30 عاد توجهات لفيلا لي كانت متوسطة لحجم بتلاتة ديال طبقات بتصميم راقي وكلاسيكي طلعات نيشان لغرفتها و دخلات لحمام باش دوش و ماهي الا دقائق حتا خرجات منو لابسا بنوار حد ركبة فلغوز بب و جامعا شعرها بفوطة فنفس لون وحنيكاتها حميمرين كتبان سو كيوت توجهات نيشان لدريسينغ جبدات غوب فسومو حد ركبة مسنترة على طايتها وفيها فرقة فصدر لبساتها جاتها طوب عملات صباط طالون باج فرجلها وصاك انيق فنفس لون توجهات لكوافوز عملات فوندوتان و ماسكارا هي اصلا عندها شفران قويين وطوال ودبا زادو كبرو عينيها ولي زادها جمال هما حجبانها طبيعين لي علا شكل هلال وزادت عكر ماط فلحمر ورشات من بغفان ديالها ودبا وصلات لشعرها ديما كتوحل فيه ماكتعرف ماديرلو ماكتقدرش تطلقو حيتاش طويل بزااف و باش تفادا عينين ناس ديما كتحاول تخليه مجموع عيات متخربق فيه هز من هنا طلق من هنا فلخر جمعاتو كعكة عاالية وخلات بعض لخصلات نازلين من لقدام هزات تيلي وبوشيط ديالها ونزلات لكوزينة دوزات لخط وحطات تيلي فوق بوطاجي بعد ما عملاتلو مكبر صوت وفنفس لوقت بدات كتوجد فلقهوة حتا سمعت صوتها طفولي💧