💎اللبؤة و الوحش💎( مكتملة )

part131

🌔بارت 131 👑
ميسون:هئ لحمد الله هئ ربي كبير دالك واحد وعوضك بزوج هئ لحمد الله
هزار :ماديرش فبالك أخويا هدشي لي مكتابلكم ربي عطاكم توأم يصبركم كونو قويين
نيار:(غير كيسمع فيهم  ):هدشي لي كاين بغيت رسيل ماتعرف والو بلا مانخسرو عليها فرحتها
طبيبة:وي كنضن موسيو نيار عندو لحق خصوصا ان مدام رسيل كتمر من رحلة جد حرجة وسعو معاها خاطركم فهاد لمدة عالى مايدوزها لوحم
نيار:شحال عندها دابا ؟واش صحة ديال لي بيبي مزيانة؟
طبيبة:دابا عندها شهر واسبوع توأم في صحة جيدة ماعندكم مناش تخافو غير تبعولها نظام غدائي متوازن وتعمل شوية ديال سبور لأنه كيساعد على لولادة
ميسون:واخا ادكتورة مغسي
دكتورة:هادا واجب الآلة
🍁ودعاتهم وخرجات فحين رسيل نقلوها لغرفتا وتبعهم نيار حتا خرجو لممرضات عاد بدلها حوايجها وعيط لخدامة تجمع داك روينة وتما فاش شاف رسالة🍁
⏳العودة إلى لواقع⏳
رسيل:(كتحرك يديها حدا عينيه ):هييهوو حياتي فين مشيتي
نيار :ءء لاا والو هانا معاك
رسيل:واشرحليا علاش نزل مني داك دم كلو
نيار:ماشي شي حاجة كغاف غير جاك نزيف بسيط بسبب سطريس وصافي
🔥نيار بقا غير حاضيها بعينيه كيفاش بؤبؤ كريستاليتيها وساعو بلفرحة وكتهضر وكتعبر بيديها فحال شي بنيتة صغيرة جابتليه ضحكة نزل عينيه لشفايفها وسها فيهم كيفاش حميمرين وكيتحركو شهاوه ماحس براسو حتا طار عليهم ببوسة كيتلذذ فيهم خلا رسيل غير كترمش بعويناتها بقات شحال عاد تجوبات معاه وسيراتو فرحتهم كبيرة وماقاداهم لا أرض لا سما🔥
🌞أصبحنا واصبح الملك لله 🌞
🍁مجرد ماضربات شمس فوجها فتحات عينيها وتفكات من يدين نيار لي معنقها بقات جالسة لتواني كتشوف فيه كيف ناعس مغوبش وشعرو كلو نازل على عينيه حمقها منظرو بهاد شكل عملات يديها من تحت راسها وبقات حاضياه كلشي فيه كيجدب دوزات يديها ببطء على حجبانو لغلاض لمعقودين وشفارو لخفاف ولحيتو لمروبلة وشفايفو لمجموعين كحزات لعندو ببطء وباستو ففمو مطولة ماساخياش بيه دابا مع لحمل ماكتجيها لكانة غير عليه ماكرهتش تبقا نهار كلو كتفرج فنيار وكتشم فريحتو زادت خشات وجها فعنقو كتشم فريحتو كتحمقها بقات شحال مغمضة عينيها وكتستنشق عبقو فحاليلا ماشي هادا لي بايتة ليلا كلها ناعسة معاه ومعنقاه طلعات راسها ومدات يديها لبينوار حريري فلاسود كلو مشبك حد لفخاض لبساتو وهي باقا جالسة رجعات عينيها لنيار بانلها كيشوف فيها بابتسامة ضحكات وتكات على صدرو🍁
رسيل:ههه واش نتا غير الا تحركت كتفيق ضروري ماتفضحني
نيار:(عنقها لعندو كيضحك على هضرتها ):ههه ونتي ماكيعجبك تبوسيني غير مني كنكون ناعس ها انا فايق قضي لغراض
رسيل:(ضرباتو لصدرو كضحك):يخخ لمنحرف
نيار:(ضحك بخفوت وطلعلها بينوار من على كرشها وحط راسو عليها ):صباح لخير وليداتي نتوما بيخير همم ماتعدبوليش ماماكم الله يرضي عليكم
-🍁باسها فكرشها ورسيل كتموت بضحك عليه كيتبدل 180 درجة مني كيكون مع دراري صغار خصوصا دابا مني ولادو من لحمو ودمو هزات يديها وبقات كدوزهم على شعرو حتا حسات بمعدتا تقلبات بزربة جرات نيار من شعرو وناضت كتجري لحمام خلاتو غير مشلوط ماعرف راسو باش تبلا عاد ناض حتا هو تبعها لابس غير لبوكسر دخل لحمام لقاها جالسة على ركابيها فلارض وكتقيا فلاشاص مشا بزربة جلس وراها وحاوط كرشها بيديه وجامعلها شعرهاا لور فحين رسيل ردات معدتها كلها عاد طاحت على نيار فشلانة وهو غير كيشوف فيها مخلوع وجها صفر وكتنهج 🍁