💎اللبؤة و الوحش💎( مكتملة )

part35

🌔بارت 35👑
🔥غير حس بشمس طلعات فتح عينو لانو نعاسو خفيف بزااف ناض من فراشو عاقد لحداش غير بوحدو ودخل لحمام غسل وجهو وقضا حاجتو وخرج لدريسينغ جبد شورط تجينز اسود وتيشرط فرمادي وسبادري بيضة مشط شعرو لكتيف ورجعو لور وعمل ساعتو لفضية ضخمة فيدو ورش من عطرو حتا كيلمح قنينة عطر رسيل محطوطة فوق لكوافوز هزا فيدو وقربا لنيفو استنشقا مزيان ورجع حطا فبلاصتا وخرج من لبيت متوجه لمكتبو🔥
💧ونزلات لتحت لي كارد مابقاوش كيهضرو معاها حيتاش وصاهم نيار وهو عارف ماعندا كي دير تهرب حيتاش باب لقصر ماكيتفتح غير بلبصمة ديالو خلات ريوكوم سايلين ودخلات مباشرة لكوزينة وطبعا فحال ديما لخدمات فاتحين فوامهم فيها كل مرة كتبانلوم فشكل شافت فيهم بتخنزيرة ماكتحملش لي يبقا يحنزز فيها💧
رسيل:باركة ماتبقاو حاضيني وكملو شغلكوم
💧لخدمات كاملين حناو راس ودارو يكملو شغلوم حتا هضرت نوال💧
نوال:لالة رسيل واش تبغي تفطري دابا
رسيل:اه ولكن فطوري عنوجدو راسي
نوال:لا الالة غير قولي شنو بغيتي ففطورك وحنا نوجدوهلك
رسيل:لا فطوري كيعجبني نوجدو راسي
نوال :واخا الالة لي بغيتي
💧مشات لبلاكار جبدات طاسة دلقهوة ومشات لعصارة عدلاتا فيها وزادتا لقرفة طلعات غزالة لانها كتطبخ بطريقة احترافية وجبدات طحين وديكشي لي عتحتاج وعدالات بان كيك بلفاني وشوكولا وعملات صلاد بلفغوي ودانون من لفوق وحمرات طوسط وقطعات لكاشير وجبن خلات لخدامات غير مشلوطين شافوها هايدة سحابلوم غير شي مبعككة ماكتقيسش يدا فلما سالات من توجاد و ستفت داكشي فبلاطو دارت غير لي عتاكل حيتاش وجدات بزاف وهزاتو فيدا وخرجات تفطر فجردة لان لجو مزيون ليومة ومشمس جلسات فواحد طبلة كبيرة وبدات كتفطر و فنفس لوقت مستمتعة بروعة لمكان 💧
🔥دخل لمكتب ديالو وجلس كيخطط هو عارف هدف كارلوس وعارف حتا بلاصتو وبرغم انه عيا مايتخبع ورا فيرانو ولكن مابغاش يتوجاه معاه حتا يزول لخطر على رسيل وعائلتا لأنه عارف عيدير لمستحيل باش يوصلوم ولكن حدو عايش ماعمر هدشي عايوقع لان رسيل وعائلتا ولاو دابا تحت مسؤوليتو لانه هو سبب باش دخلو فهاد لعالم لموسخ لي عامر دم وفيه لقتل فحال شربة دلما و لي قوي كياكل ضعيف ولمشكل هو كيفاش عيقدر يقنع رسيل باش تبقا تحت حمايتو وهو غير فهاد لمدة لقصيرة عرف راسا شحال قاصح وعنيدة بزاف بقالو حل واحد هو لي عيقدر يسلكو تنهد ودور لكرسي لسرجم حتا كتبانلو جالسة كتفطر بكل هدوء جابتلو ضحكة بديك لبيسة ولمشيطة لي دايرة كتبانلو فحال شي بريهيشة دابا عاد كملاتا ولكن الاهم انها كتبان بريئة بزااف مد يدو للفون ودوز لخط وهو باقي حاضيها 🔥
نيار:طلعيلي لفطور لمكتبي
لخدامة :حااضر موسيو نيار
🔥حط لفون ورجع كيشوف فيها حتا سمع دقان فلباب🔥
نيار:دخخل
🔥دخلات لخدامة هزا بلاطو كبيير فيدا فيه اشهى والذ الوجبات وريحة دلقهوة معطرة كتشهي ومالا براسو للبيرو عاد قربات وحطاتولو وخرجات من بعد ماتمنتلو شهية طيبة شاف فديك بلاطو وهز قهوتو كيرشف منا جاتو مغيرة ولديدة بزااف حتا بانلو ديك لبان كيك شكلو كيشهي ولكن هو مامولفش يفطر بيه لأنه متبع نظام غدائي على قبل لياقتو لبدنية هز لفون ودوز ابيل لخدامة🔥
نيار:(بصوت رجولي كيزعزغ ):شكون لي طلب منكوم توجدولي لبان كيك؟
لخدامة:(بقات غير كترعد لانها عارفة ماكيحملش لي يدير شي حاجة من راسو ):س سي ن نيار ه هادك و جداتو لالة رسيل هو ولقهوة حيتاش كيعجبا دير فطورا راسا وقولت يمكن تبغي دوق
نيار :آخر مرة دير شي حاجة من راسك
لخدامة :و واخا اسيي نيار
🔥حط لفون فوق لبيرو وبقا كيشوف فديك لبان كيك تصدم مني قالتلو رسيل لي وجداتو لانو مني شافا مهتمة غير براسا ماسحابلوش كتعرف طيب برغم من انه مامولفش يفطر بهاد شي الا بغا يدوق طيابا هز قطعة ودارا فمو سد عينو مستمتع بمداقا لديدة بزااف ماحس براسو حتا دخل فديك طبسيل كامل وكاسو مابقا فيه حتا قطرة دلقهوة بقا غير مصدوم فنفسو عيط لخدامة تجي تهبط بلاطو ورجع طلل من سرجم بانتلو جمعات لبلاطو ودخلات لقصر🔥
💧بقات كتفطر و فنفس لوقت كتفكر حتا سالات على خطرا وعاد هزات لبلاطو ودخلات لقصر مباشرة لكوزينة حطات بلاطو فوق لبوطاجي وبدات كتغسل فلمواعن حتا وقفاتا@ لخدامة💧
رجاء:ويلي شكاديري الالة سيري رتاحي هادا راه شغلنا
رسيل:كيعجبني ندير شغلي بيدي وهاد لمواعن كليت فيهم انا ادن انا لي عنغسلوم
رجاء:(زادت دخلاتلا لخطرا لان ديما ناس لي لباس عليهم كيحكرو عليهم حيتاش هما غير خدامات ):فخبارك الالة نتنا زوينة بزااف ومتواضعة واخا اول نهار شفتك قولت عتكون شي وحدة قاصحة وعاجبة راسا ولكن نتنا بلعكس ضريفة ولداخل ديالك بيض
رسيل:(شافت فيها بابتسامة ):اوا هاد لمرة ارجاء خدي درس من عندي باش ماتعوديش تحكمي على لوحد من لمظهر ديالو فهدوء المقابر لاتعني ان الكل في لجنة
رجاء :بصح الالة عندك لحق
💧مشات رجاء لخدمتا فحين رسيل كملات غسيل لمواعن ومسحات يدا ففوطة ومشات جلسات على لكرسي وبقات حاضياهم ماكينا مايدار💧
🔥خرج من مكتبو ونزل لتحتي خارج حتا وقف لتواني كيسمع لحديت لي بين رسيل ولخدامة زادت كبرات فعينو بهاد لجيست لي دارت تسناهم حتا سالاو وزاد مكمل طريقو بابتسامة جانبية وها جانب آخر كتاشفو فرسيل🔥
🔥ركب فسيارتو وكسيرا مخلي لعجاج وراه🔥
💧جاها لملل وناضت طلعات لبيتا جلسات فوق نموسية و هزات لفيكس وعيطات لميرال 💧
ميرال:الو
رسيل:الو ميرال
ميرال:هيي رسيل فاين بب توحشتك عيت مانتسناك تعيطلي
رسيل:حتا انا احبيبتي دابا عاد لقيت لفرصة باش نعيطلك
ميرال:اه صافي هانية كيف عاملة بعدا لباس عليك
رسيل:(تنهدات ):كيف بغيتيني نكون وانا محبوسة فهاد لقصر
ميرال:واش باقي مالقيتي شي حااجة لي تخرجك
رسيل:واخصك تشوف شني عرفت يضرك خاطرك
ميرال :ءء الله بديتي كتخلعني شني كاين
رسيل:فخبارك هاد نيار كيملك نص فروسيا
ميرال :شنووووو
رسيل:اييه ازين شغل معقد باشارة منو ينحيي انا وطاسيلتي كاملة
ميرال:الله ياربي وشهاد لموصيبة طحتي فيها
رسيل:واييه كن غير تقطعولي رجلي قبل مانمشي لديك لغابة ونعونو
ميرال:وهادي هي دير لخير يرجعلك بمزوي
رسيل:ويه ونزيدك صدمة أخرى
ميرال:زيدي احبيبتي غير زيدي حدي باقا مصدومة
رسيل:احم نيار هو لي كان عاون ادهم مني مشا لامريكا
ميرال:شششششنووو
رسيل:بشوية ازمر صمكتيني
ميرال:رسيل واش عرفا شكاتقول
رسيل:أه ازين عرفة مزيان شكانقول كلشي جبدتو من لخدامة ونزيدك را كان حاضر فعرسكم
ميرال:لا لا بزااف هدشي دابا هادا لي حبسك هو لي ديما كيعودلي عليه ادهم وكيحسبو كتر من خاه حيتاش هو لي عاونو وماعمرو خلاه محتاج لشي حاجة
رسيل:وي بب ودابا فتحي وديناتك معايا وديري هدشي لي عنقولك بلحرف
ميرال:(قلشت ودنا ):اييه هانا الحب بسم الله
رسيل:سيري عند ادهم وشوفي كيتجبدي منو لهضرة لاني متأكدة نيار عيكون خدام فشي حاجة اخرى مايمكنش يكون غير رجل اعمال وكيملك نص فروسيا فهدشي ماكيتقبلوش لعقل وبماان ادهم صاحبو ادن عيكون كيعرف عليه كلشي
ميرال :اه بصح عندك لحق ولكن انا متأكدة ادهم ماعيبغي يخرج حتا كلمة خصوصا الا كان الامر كيتعلق بصاحبو لي وقف معاه مستحيل
رسيل:وصاحيبتي ادهم راه رجلك ونتنا لي عتعرف كيفاش تجبد منو لهضرة غير بلفن بلا مانحتاج نوصيك
ميرال:بفف عنحاول
رسيل:ااا نسيت ماقتلكشي راه ملقبينو بلمونستر
ميرال:لمونستر؟ كيفاش لوحش زعما
رسيل:ياس بب وشم فرقبتو واحد لوحش كيخلع وسمعت لكارد كيعيطولو بلمونستر ادن هادا لقب ديالو
ميرال:ولكن كيفاش يلقبوه بهاد الاسم وهو بيزنيزمان
رسيل:وهادشي لي زاد دوخني مهم انا قلتالك حيتاش تقدر تحتاجة باش تقنع ادهم يعاودلك
ميرال:امم كنضن عنعمل جهدي كامل
رسيل:عرفك ابب يالله باي حتا لغدا ونعيطلك باش نعرف شديرتي اكي
ميرال:اكي زين باي تهلا فراسك
💧قطعات عليها لخط ودوزات لاتصال لباباها هضرات معاه شوية وسولاتو على خواتاتا وقطعات لخط دابا عاد رتاحت مني طمانت عليهم بقات جالسة حتا سمعت صوت ديال لكسيراتور مجهد عرفاتو جا مشات بسرعة للبالكون بانلا داخل بديك لهبة وتخنزيرة ولي كارد كيقدمولو تحية ماتسخاش تحيد عينك عليه رجل بمعنى لكلمة ناهيك عن جمالو لفائق بسرعة سدات ديك لبالكون بزعفة ورجعات جلسات فبلاصتا💧