🌔بارت 119👑
رسيل:(غمضات عينيها بجهد وحركات راسخا بالإيجاب )
نيار:ماتبقايش تبكي احبي كلشي كلقاليه لحل الا هادي لموصيية ماكنعرف مانديرلك
💧رسيل ماحسات غير بدموع هوادين كيجريو على خدها 💧
رسيل:حتا انا فحالك
🔥نيار غير حس بدموعها فوق صدرو طلع راسو لفوق ضاغط على شفايفو وكيحاول يكالمي فراسو نزل عينيه ليلها ومسحلها دموعها بحنية🔥
نيار:شش صافي احياتي ماتبكيش داابا وهو فاتك لحال
🔥هز يديه بشوية ودخلهم من تحت لكسوة وبدا كيدلكلها فكرشها ورسيل غير كتبكي كتحس بلغصة فحلقها مانعاها انها تهضر هي همها اخر ونيار كيسحبليه حاجة ااخرة حتا حسات بشعرها كيلعب فيد نيار بشوية 🔥
نيار :كيحمقني شعرك وبغيتك كيف ما ربطتيه بماماك وحافضتي عليه حتا انا عملي معايا نفس شي شعرك ماعمرك تقيسيه وفين ماتشوفيه تفكري هضرتي
🔥باسهاا ففمها بخفوت ورسيل مابقالها والو وتنفاجر بلبكا كلامو فحال لخناجر كيخترقو قلبها فحين نيار بقا كيدلكلها فكرشها ويديه لاخرة فشعرها حتا حس بيها ترخات وتنفسها نتاظم عاد حيد يديه من كرشها وباسها فجبهتها طفا ضو وعنقها ومشاو فسبات عميق
🌞أصبحنا واصبح الملك لله 🌞
🍁متكية فوق نموسية واضعة يديها تحت من راسها وحاضية بعينيها نيار لي نااعس براحة ليل كلو وهي فايقة غير حسات بيه نعس فتحات عينيها ماشافت نعس وا لا زار عيونها ميات مطرقة ومطرقة كضرب فراسها شافت شمس شرقات تنهدات وناضت لحمام توضات وخرجات صلات صلاتها عاد مشات لدريسينغ جبدات لحوايج لي عتلبس لبساتهم وبقات كتشوف راسها فلمرايا ضاغطة على شفايفها كانت لابسة غوب فلازرق فوق ركبة مزيرة على طايتها عطرطق ومعرية من صدر وكتافها طايحين لبسات صباط فضي وطلقات شعرها بلبلاك وجمعات بعض لخصلات منو وخلات لباقي نازل على ظهرها وضعات مايكاب صارخ وركزات اكتر على فمها بعكر موف جات قرطاسة ومختلفة بقات جالسة كدعي الله يخرج لعقيبة على خير ومايعطبهاش نيار من شي قنت برغم من أنها متعمدة تعصبو قوات راسها وهزات بوشيط ديالها وزادت كتقرقب بطالون بلعاني لانها عارفة نيار نعاسو خفيف والا غير عطسات كيفيق وحقا غير سمع صوت تقرقيب فتح غير عين وحدة مخنزر حتا كيلقاها واقفة قدامو فحال شي حورية بحر بتوبها لازرق بقا لتواني غير كيرمش شك لوهلة انه يكون غير كيحلم حتا لمح بوشيط فيديها وديك لباس كيف عامل لقرودة بداو كيشطحوليه فوق راسو رما عليه ليزار ومشا شد فيها كيهضر مغزف🍁
نيار:فين غادا الالة على صباح وبهاد لحالة من لفوق؟
أنت تقرأ
💎اللبؤة و الوحش💎( مكتملة )
Action♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
