💎اللبؤة و الوحش💎( مكتملة )

part28

🌔بارت 28👑
⌛فلاش-باك⌛
💧قبل 10 سنوات💧
💥جالسة فوق نموسية بنيتا ف14 سنة من عمرا لابسة كسيوة فلون عيونا لكريستالية وشعرا الاشقر مسرح على ظهرا واصل لنص خصرا كتشوف فماماها لي كتقلب فلبلاكارات بابتسامة 💥
رسيل:وا ماما من صباح ونتنا محشية فديك بلاكارات علاياش كتقلب
💥دارت عندا بابتسامة سبحاان من خلق حقا طبق الاصل عن رسيل كأنها توأما وليست امها عاملة زيف اسود عكساه على شعرا تعطيها اصغر من سنا 💥
سلمى:حبيبتي صبر شوية هانتنا دابا عتعرف
رسيل:أوكي مامي
💥تبسماتلا ورجعات كتشقلب فديك لبلاكار حتا دارت عندا هازا واحد لبواطة حمرا مربعة فيدا توجهات لعندا وجلسات حداها فوق نموسية 💥
سلمى:افف وأخيرا لقيتا
رسيل:(كتشوف فلبواطة ):شني هادي امامي
سلمى :واخا احبيبتي
💥فتحات ديك لبواط وجبدات سنسلة فضية انيقة معلق فيها قلب شكلو زوين وكيلفت شافت فيها بابتسامة وهزاتا فيدا💥
رسيل:واو ماما ديالمن هاد سنسلة مزيونة بزااف
سلمى :هه اه ابنتي هاد سنسلة ديالي كانت عطاتالي جداك الله يرحما وقاتلي نهار تزوجي براجل لي كتبغي سير عند ذهيبي وقسميها فنص باش يبقا نص واحد ليلك ونص لآخر لراجلك
رسيل:بصح اماما انا ماعمري شوفتك لابساها ولكن لقلب باقي كامل ونتنا دابا مزوجة علاش ماقسمتيهاش
سلمى:(تنهدات وشافت فيها مطولة ):شعانقولك احبيبتي انا ماما الله يرحما قالتلي مني تزوجي براجل لي كتبغي ولكن انا ابنتي ماكنتشي كنبغي باباك علا دكشي ماقسمتاشي وخباعتا حتا تفكرتا دابا على داكشي ابنتي رسيل جبدتا دابا باش نعطيهالك
رسيل:(فتحات عاينا على جهدم ):ليلي أنا؟
سلمى:اه احبيبتي ولكن بشرط كيف ما انا حافظت عليها حتا نتنا خصك تحافظي عليها غير لفرق لي عيكون بيناتنا انا ماقسمتاش ولكن نتنا عتقسما نهار لي عطلاقا بشريك حياتك وعتفتحلو قلبك صافي ابنتي
رسيل:هههه صافي اماما كون هانيا نهار لي عنبغي شي واحد من قلبي عنقسم معاه هاد لقلب
💥شدات فديك لقلب لي فسنسلة فحين سلمى تبسمات وناضت عملاتلا سنسلة فعنقا وباستا من خدا💥
سلمى:الله يرضي عليك ابنتي وعدني انك ماعمرك تحيد هاد سنسلة من عنقك راها غالية عندي بزااف وعاد ماكينش نسخة عليها حيتاش موروتة عن أجيال عائلتنا ومصنوعة من رصاص
رسيل:واااو هدشي كامل فهاد سنسلة (عنقاتا ) كنوعدك اماما ماعمري نزولا من عنقي كنبغيك

🔙🔙🔙🔙🔙🔙🔙🔙🔙🔙🔙🔙🔙🔙🔙
🔥بقا حاضيها كيفاش ناضت طافجة كتقلب عمل ابتسامة جانبية وفتاح يدو وبان نص ديال لقلب طفا بيسي و مشا لمكتب ديالو دخل نيشان جلس على لكرسي وهز واحد لمجهر و عملو فعاينو وبقا كيحقق فديك لقلب حتا هز حاجبو باستغراب 🔥
نيار:واو الرصاص والالماس
🔥لقلب مصنوع من رصاص وداير بيه حجيرات صغيرة من الماس فلوسط. حقا تمين وقدييم بزااف🔥
❄راسا بقا كيحرقا بقوات تفكير فلاخر تنهدات ومشات جلسات على لفوطوي وبدات كتاكل يوماين ماطاحت فكرشا نعمة عمرات كرشا مزيااان وكحزات ديك طابلة حتا سمعات صوت دقان ❄
رسيل:دخخل
لخدامة:لالة الاكنتي ساليتي نخرج طابلة
رسيل:اكي ساليت
❄مشات لخدامة خرجات طابل فحين رسيل دورات عاينا فسقف حتا بانتلا لكاميرة فنفس لبلاصة لي كانت فلغرفة الاولى بلعاني كيديروم على شكل جوهرة فتريات باش مايبانوش ساعة جا معا طيارة خنزرات فلكاميرة وجلسات فوق نموسية كتفكر❄
رسيل:ولكن علاش جابني لهاد لجناح اكييد كينا شي حاجة
❄بسرعة فتحات عاينا وناضت طافجة طلات من لبالكون وهي تصدم❄
رسيل:لاا مايمكنش
❄بانلا مباشرة تحت لبالكون كينا لابيسين غارق الا. بغات تنقز عتجي نيشان فيه وعاد فطبقة تالتة
بعدا لبيت لاخور كان فطبقة الاولى وعاد كينا مساحة فاصلة بين لبالكون ولابيسن ضربات رجلا فالارض بقوات لغدايد وجلسات فوق نموسية❄
رسيل:لمطور لآخر باغي يسد عليا جميع لبيبان والله لا كانتلك
❄عوتاني ناضت بسرعة لباب فتحاتو بشوية وطلات بانولا 4 ديال لوحوش لادمية حارسين لغرفة فتحات عاينا بصدمة وزدحات ديك لباب حتا كانت عتقلع من بلاصتا ورجعات جلسات فوق نموسية كتغزز فضفارا بقوة لفقصة و كتهضر مغددا ❄
رسيل:لا مزياان تبارك الله واللهيلا سيد عوال يسكني معاه الا ماندمتكشي مانتسماش رسيل تفوو لوحش واااع
❄زادت ضربة اخرى برجلا فلارض وهي تحس بضو فكرشا شبرات فيها بألم عرفاتا جاتا وحتا دوا بقا فلفيلا❄
رسيل:اعع صافي كملات نتنا لي ناقصاني هاد ساعة
❄دخلات بسرعة لحمام وقلبات فلبلاكار حتا - لقات لفوطة صحية عملاتا وخرجات تكات فوق نموسية كرشا كتقطعلا بلحريق مدات يدا لفكس وعيطات لخدامة❄
رسيل:طلعيلي كاس دلحليب بزعتر يكون سخون لبيتي دابا
لخدامة:هي لولة الالة
❄حطات لفيكس وبدات كتمسد فكرشا ولات كلا عرقاانا ضروري ماخصا تشرب دوا باش يهمدلا لحريق ديما كتجيها لعادة بلوجع بقات كتلوا حتا دخلات لخدامة غير شافتا كيف صفرا وكتعض فلمخدة حطات لحليب فوق لكوافوز و مشات عندا مخلوعة كتجري ❄
لخدامة:لالة واش نتنا بخير شعندك الالة واش نعيطلك لطبيب
رسيل:(بزز باش كتهضر ):لاا غير جاتني لعادة بلوجع ودوا ديالي ماجبتوش معايا
لخدامة:الله يالالة حتا فلقصر ماكيناش دوا انا دابا نمشي عند سي نيار نقولالو يصيفط شي كارد يجيب دوا
رسيل:(غير سمعات نيار هيي طيرلا على يدا ):كيفاش سيدك نيار رجعتيه دمدومة داخلو فشغول لعيالات صافي عنشرب غير هاد لحليب عنولي مزيانة
لخدامة:(غير شافتا كيفاش تسيفات عليها وهي تنوض ):واخا الالة لي بغيتي الله يشافيك
رسيل:امين
❄غير خرجات رجعات كتعض فديك لمخدة بقوة لوجع ولات صفرااا بزز باش جلسات وهزات ديك لحليب ونزلات عليه داقة وحدة ولكن فحاليلا مادارت والو لوجع عاد ماكيزيدلا💧