💎اللبؤة و الوحش💎( مكتملة )

part60

🌔بارت 60 👑
رسيل:وااااع طلق مني الله ينع...(بوووع بدات كتبوع عوتاني )
نيار:(شادلا فراسا ومنزلو للارض لاتمشي تقيا عليه و تكمل لي بداتو ):سكتي لديلمك لي فيك مامهنيك تفوو
📈ماكيحس غير بضربة قوية لحجرو غمض عينو كيبرد فدقة وضغط على شفايفو وزاد زيرلا على شعرا حتا كانت عتقلعلا جلدا كتقيا وكدافع على راسا هه مهم ماتخليش ضربتا ماحمد الله حتا وصل لحمام دخل نيشان خشالا راسا فلافابو ويد مزيرلا بيها على كرشا ولوخرا هازلا بيها شعرا بقات كتقيا حتا ردات مصارنا كاملين بقات شحال كترد فنفس كتنهج وجها ولا صفر جاتا سخفة حتا كتحس بيدين نيار كيغسلولا فوجها بدون شعور ظهرات ابتسامة على وجها وهي حاضياه من لمرايا كيفاش مخنزر وكيخوي عليها لما حتا سالا عاد مسحات وجها بلفوطة ومع دورة لي عدور كتلقاه واقف موراها فحال لعسكري مربع يدو عندو و كيشوف فيها مخنزر داير الابتسامة ديال خزيت بقات غير كتشوف فصدرو لفولادي لعاري وشعرو الاسود لي مخربق ونازل على عينو لي باقين مجبدين بنعاس ولحيتو لمرونة ولكن غير شافت ديك الابتسامة وتخنزيرة عرفات راسا مزبلاها بلمعقول لانها حافظا هاد نظرة مزيان ماكيديرا الا مني كتكون دايرا شي موصيبة ولكن لمشكيل هو شني دارت ؟كتحس براسا تفورماطات مابقات عاقلة على والو مابالا غير تخرج جبهة تفك غير راسا بعدا قبل مايعطبها من شي قنت📈
رسيل:(مخرجة فيه عينا ):اا مالنا على هاد شوفات ياك لباس؟؟
نيار:(بقا غير حاضيها كيفاش كدور فعينا عرفا كتقلب باش تسلك راسا غير سمعا شقالت ضحك مغزف ودوز يدو على شعرو كيصبر فراسو ):وزيداها بتسنطبح من لفوق
رسيل:وعلاش بسلامة شنو كاين؟
نيار:(كيهضر ببرودة وكيقرب لعندا ):كاين بزااف قوليلي باش نبدالك امم
رسيل:(غير كتسرط فريقا كتعرف مزيان هاد لبرودة ماجا موراها شي عاصفة وغير شافتو كيقرب زادت كترجع بلور بدون شعور ):ب باش م م مابغيتي
نيار:(بقا غادي لعندا حتا لصقا فلافابو وحط يديه بزوج عليه محاوطها وكيهضر ببرودة ):امم نبداو بعدا من لبواط لي مشيت ليلو نتي وهزار
رسيل:(غير سمعات لبواط ركابا خواو نسات كاع هاد لقضية بقات غير كتسرط فريقا وكدور فعينا كي عدير تفلت دابا):ه هزار طلبتني نمشي معاها
نيار:امم والا طلبت منك ترمي رااسك فلعافية ترميه ؟
رسيل:(بصعوبة باش كتهضر برغم من انه كيهضر ببرودة ولكن عينو لي ولاو فرمادي غاامق كيدلو على مدى غضبو بالإضافة لعروق يدو لي تنفخو عرفات راسا بلي قودااتا بلمعقول ):ما بغيتش نخصرلا خطرا وهي رغبتني
نيار:امم دابا بغيتيني نتيق بلي نتي مشيتي معاها غير حيت رغباتك وماشي باش تستفزيني لان ضروري عتكون قالتلك بلي ماكنحملاش تمشي لبواط ياك ؟
رسيل:(جبهة مابقاتش خدامة الله ماتسايرو غير حتا تخرج بعدا):اه
نيار:شنو اه؟
رسيل : ء لا لا اه لا
نيار:امم بشوية عليك دابا واش اه ؟ولا لا؟
رسيل:(بقالا والو وتفركاع ):ماتعطلنااش مافوتناش ساعة
نيار :(بفقصة ):دابا نتوما مافتوش ساعة واش عارفة معايش رجعتو ولا لا ؟
رسيل:(باستغراب ):معاياش؟
نيار:3 دصباح
رسيل:(شهقات ):هيي اويلي على 3 وخالتي عتكون تخلعات علينا وفين هي هزار؟
نيار:(كيغزز فشفايفو ):امم حتا خالتك داخلة معاكم مزياان
رسيل:(قفراتا ضغطت على شفايفا كدور فعينا ):مادنبا والو مسكينة والله
نيار:امم مسكينة وديك لبنت لي تعديتو عليها ماشي مسكينة؟؟
رسيل:(جامعة حويجباتا ):اينا بنت ؟
نيار:(ببروة):لبارح مني كنتو فلبواط سكرتو وقتلتو واحد لبنت عصا وجابوكوم لكوميسرية
رسيل:(غير فااتحة فما شهادشي كتسمع ):ش شكاتقول غير كضحك ياك
نيار:نوو دابا ماكنضحكش ولكن باقي عاد عنضحك
رسيل:(كتسرط فريقا لموصيبة لي دارو فاتت جميع توقعاتا ولي خايفة منو هو هاد لبرودة دنيار متاكدة بلي مشات فيها ديال لمعقول لا هي لا هزار لي علم الله شنو دار فيها ):والله مابلعاني عيكون وقع شي غلط متأكدة
نيار:(زفر بغضب وشدا من شعرا حتا شهقات )وشووووصصل دييلمككم لتمااا علاااش ماااكتتسمعوشش لهضضرة خصصص لممككم غيرر لععصصصا
رسيل:(مشبرالو فيدو كتحاول تفك فشعرا):طلق مني ازمر ماتجبدليش ماما بزااف علي..
📈باقا ماكملاتا حتا كتحس بضربة قوية لراسا حتا جات محشية فلمرايا اما نيار ماقدرش يتحكم فراسو مني كيتعصب كيتحول لوحش بمعنى لكلمة وعاد دابا صافي وصلات بيه لعضم خصوصا مني كتبدا ترد عليه لهضرة ماحس براسو حتا خشاها فلمرايا لي تشخشخات و ولات كاملة دمايات زفر بغضب متأكد بلي الا بقا معاها غير دقيقة عيقتلا هادي مافيهاش شك من الاحسن بيدل ساعة بخرا قبل مايعمل شي حاجة لي يندم عليها وهو اكتر واحد عارف راسو مني كيتعصب دمو كيولي كيفور يالله جا يخرج حتا كيحس بجرحة فظهرو ضغط على قبضة يدو حتا بياضت ودار ببطء كيشوف فيها بنظرة شيطانية كيلقاها واقفة موراه هازا زاجة كبيرة من ديك لمرايا فيدا وجبهتا كاملة دم وعينا مغرغرين بدموع بقات فيه للوهلة ندم على تسرعو ويدو لي ديما سابقاه زاد كيتمشى لجهتا وهي كترجع بلور وهازا ديك زاجا فيدا وصدرا كيطلع وينزل 📈
رسيل:(بصوت مغنغن ):بعد مني والله وتقرب مني حتا نقتلك هانا كنحدرك
📈نيار ماكيسمعاش شكاتقول كيشوف غير فعيونا لي ولاو فزرق غاامق عرفا حابسة لبكية سد عينو كيلعن فراسو وفرمشة عين جرا من يدا لي خاوية وضربلا ديك زاجة من يدا حتا طاحت وزيرلا على كرشا حتا ولات ملصقة معاه وهي صدرا كيطلع وكينزل بعنف وداتا كترعد ماكتحملش لي ياديها خصوصا نيار لي شادا معاه زكير حسات بلحكرة ولبكية ولكن مابغاتش تبين ضعفا ولكن ماشي مع نيار لي من شوفة وحدا يطلعا بقا مزير عليها بزوج يدين وهي كتفركل وكضرب فيه براسا يالله واصلالو لصدرو برغم من انها طويلة ولكن ماشي فحال نيار لي غير كيشوف فيها بهدوء من شقوفة دلمراية لي بقاو ملصقين حتا بانتلو تهدنات شوية وبدات كتنهج عاد حاوطا غير بيد وحدا ولوخرا مدها لبلاكار جبد علبة الاسعافات وهز فوطة صغيرة فزكا ودور رسيل لعندو بجهد حتا تزدحات مع صدرو ويدا جاو عليه طلعلا راسا وبدا كيدوز ديك لفوطة بشوية على جبهتا
خايف لا يقصحا ورسيل غير كتشوف فهاد لمخلوق لعجيب عاد عطاها ضربا حتا كانت عتفقد داكرة ودابا كيداوي فيها ياك هو لي سببلاا فهاد لجرح فعلاش دابا كيداويه عجيب امرو بقات ساهية كيفاش كيحرك ملاميحو وكيكمش حجبانو من كيقرب لجرحة كانه هو لي مجروح بقات غير مصدومة فيه اما هو مركز لا يمشي ياديها ما رتح حتا مسح داك دم وبانتلو جرحة صغيرة فجبهتا كان كيسحابلو شي حاجة كغاف ولكن هي غير كان دما سخون خرجلا بزااف عقملا ديك جريحة وعملا واحد سباردة صغيرة فجبهتا عاد طلق منا ومشا لمرايا لي فدوش كيحاول يشوف جرحة لي فظهرو حيت كيحس بدم كيجري فظهرو 📈