🌔بارت 113👑
نيار:(كيحك لحيتو فعنقها وكيرش عليها لما من شعرو):ناس صبحو حادكين ليوما امم
رسيل:(ضحكات ودارت لعندو وحاوطات عنقو بيديها ): هه أنا ديما حادكة ماشي غير ليوم
نيار:يخليلي شكار راسو مامقصحاش بعدا
رسيل:نوو شوية فاتني لحال
نيار:(باسها فجبهتا ):غير فلول وصافي جلسي نفطرو
💎جلسو فطبلة مقابلين مع بعضهم وبداو كياكلو وكيتحدتو ويضحكو ونيار كيشكر فطيابا حتا سالاو عاد ناضت رسيل كتجمع طبلة ونيار عمل لقشوع فلافيسيل عاد خرجو من لكوزينة ووقفو كيطلو من زاج على لبحر💎
نيار:لجو زوين ليوما يالله نعومو
رسيل:(بفرحة ):هي لولة تسنا نوجد راسي
💎طلعات كتجري لبيتها ولبسات بيكيني فالازرق مطابق لكريستاليتيها جات كتهبل حورية دلبحر محطوطة نزلات كتجري لعند نيار لي طلع عينو فيها ونزلهم ضاغط على شفايفو توجه لعندها بخطوات بطيئة ولصق نيفو مع نيفها دايب فعيونها💎
نيار:واااقيلا نديرو بناقص من شي بحر
رسيل:نوو يالله عفاك واصلا ماعنقدرش دابا
نيار:غير تقيت فيك الله وصافي
رسيل:ههه مزال الأيام قدامنا
نيار:ان شاء الله ماتفرحيش بزااف هاد لبس ماقتلك عليه والو غير حيتاش لمنطقة كلها ديالي يعني مافيها حتا حد من غيرنا
رسيل:هه وأنا نفههمم قولي هاايداك
نيار :اييه الآلة
💎زول تيشرط وسبرديلة عاد شابكو يدين بعضهم وخرجو من لجهة لخلفية ونقزو مباشرة فلبحر كيعومو مستمتعين بلجو لهادئ ولما صاافي مرة يوقفو ويهضرو ومرة يغطسو ومرة يفلورطيو مهم دوزو نهار وااعر فوسط بحر جزر مالديف عاد طلعو لدار وخداو دوش مشترك ورسيل لبسات كسيوة صيفيفية فلغوز ونيار لبس شورط اسود نايد نزلو لصالون وشعلو تلفزة وجلسو كيتفرجو فيلم*the shalows* متكيين على بعضهم وكياكلو فلفوشار حتا سالا لفيلم عاد طلبو بيتزا وماهي الا دقائق قليلة حتا كانت وصلات طلبيتهم ناضت رسيل دارتها فطبسيل وقطعاتها وجبدات لموناضة حطات كلشي فوق طبلة وعيطات لنيار عاد جلسو كيتغداو بهدوء وهايدا دوزو نهارهم حتا وصل ليل عاد خرجو لابيسين جالسين فاحضان بعضهم وكيتفجرو فلون لبحر لي تبدل ولا فلازرق غاامق وكيلمع منظرو كيحمق ماسخاوش بلجلسة بقاو جالسين تما حتا لنص ليل عاد طلعو لبيتهم ونعسو فاحضان بعضهم
💎دوزو 15 يوم فجزر مالديف ولي كانو احسن ايام حياتهم زوج وزوجة بمعنى لكلمة ديما متفاهمين وضروري من بعض نقاشات لبساط ولكن دغيا كيحلوهم فنهار يخرجو لبحر ويتساراو ويهضرو مع بيلسان ولبناو وفليل يباتو ملتحمين أجساد بعضهم اما 15 يوم لاخيرة دوزوها فسنغافورة فاوطيل مارنيا-باي لي كيتعتابر من افخم لاوطيلات فسنغافورة واجملهم بتصميمو لي على شكل سفينة وهايدا دوزو لعرسان شهر لعسل ديالهم وليوم رجعو لقصر نيار مباشرة توجه لشركة فحين رسيل لقات هزار وميسون وبيلسان فاستقبالها اما عائلتها وميرال مشاو عنقو بعضهم عناق حاار وجلسو فجردة رسيل فلوسط مجلسة بيلسان فحجرها وكتلعبلها فشعرها وهي معنقاها وميسون وهزار على جنبها 💎
هزار:كيف دوزتو شهر لعسل؟
رسيل:داز زوين بزااف ماسخيتش نجيو ولكن لخدمة عوتاني كتسنانا
ميسون :هه مزال ابنتي أيام الله وديك ساعات اراو ماتسافرو
رسيل:ان شاء الله ياربي
هزار:احم بغيت نهضر معاكم فواحد لموضوع
ميسون:الله يسمعنا خبار لخير
هزار:ماما انا كنبغي واحد راجل وراه طلب مني نعلمكم باش يجي يخطبني على دكشي بغيت نفتح معاكم لموضوع وتهضريلي مع خويا نيار
ميسون:وشكون هاد راجل ؟مايمكنش نقبل بنتي تزوج بواحد ماكنعرف عليه والو
رسيل:اه خالتي عندها لحق
هزار:نوو كتعرفوه هو أركان لكوميسير صاحب خويا نيار
ميسون:(بصدمة ):واش بصح ولد نيهاد الله يرحمها
هزار:هه اه هو هاداك اماما
رسيل:ههه كنت عرافاها من لول فصرحة هو باينة فيه ولد ناس خصكم غير نتوما تكونو مفاهمين وكتبغيو بعضكم
هزار:اه اختي كنبغيو بعضنا بزااف وهدشي من ايام لمدرسة غير مني نتاقلت تقطعات علاقتي بيه وماعودتش شفتو حتا داك نهار فلكوميسرية
أنت تقرأ
💎اللبؤة و الوحش💎( مكتملة )
حركة (أكشن)♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
