💎اللبؤة و الوحش💎( مكتملة )

part64

🌔بارت 64👑
نيار:نوضي لديلمك قلبي باش تستري راسك ولا بربي حتا تخرجي بيها مشروطة باش نوري لمك لعرا كي داير
🎡رسيل غير كتشوف فيه كتسرط فريقا غير سالا هضرتو حركات راسا بالايجاب كتعرفو مني كيوصل لهاد لحالة فزكير ماكيبقاش خدام خصا تسايسو قبل ماينوض يسوسا اما نيار مسح بيدو على وجهو وخرج لبالكون كيتنفس قبل مايمشي يخلطا هو عارف راسو ماكيقدرش يتحكم فاعصابو وحتا هي راسا قاصح فحين رسيل حيدات ديك لفيست من على وجها رماتا فالارض و ناضت بشوية كتطلق فظهرا شحال من طيحة طاحت وشحال من دقة خدات طبل وماكلاش قدها هاد نهار شافت فديك لفيست طالقة شفتا تحتانية فحال لبرهيشات ندمات حيت قطعاتا دابا شنو عتلبس وهو حاكم عليها ضربات رجلا مع لارض بعصبية ودخلات لدريسينغ كتقلب على شي حاجة ساعة مالقات والو كينا غير حوايجو ماتقدرش تلبس منهم حيتاش عيجيوها فحال لخنشة بقات غير كدور فعينا وكتفكر شعادير فهاد لوحلة حتا كتلمح واحد لبواطة دنقرة تارا شكل ديالا كان فحال ديال شي سلاح كبير ولكن كيتفتح هزات حاجبة بفضول وهزاتا فيدا وفتحات لبواطة وحلات معاها عينيا كتلقا كاشكول كبيير فﻻاسود كيجي منفخ هزاتو فيدا كتلمس فيه بإعجاب باينة فيه غالي بزااف لانو مخيط بلحرير لحر وفيه رمز لمونستر منقوش بذهبي بطريقة جميلة هزاتو فيدا بانلا طويل وواسع شوية يعني يقدا تلوا فيه كحزاتو لنيفا كتستنشق فريحة دنيار عاد وضعاتو على كتافها جاها فحال لكاب اما نيار عيا مايتسناها تخرج فلاخر مني بانتلو تعطلات دخل يعيطلا ولكن غير وصل لباب دريسينغ وقف مبلوكي كيشوف فيها وفديك لكاشكول  مصدوم🎡
🔥هاد لكاشكول جاه هدية من عند الاب ديالو وماشي اي هدية نوو فهادا كان آخر كادو هداهلو باباه فاخر عيد ميلاد حضرلو لان داك نهار بضبط مات الاب ديالو ومات معاه نيار الطفل وتولد نيار المونستر ماعمرو فحياتو لبسو حاجة وحدة لي عمل هي طبع فيه رمزو باش يزيد من قوة جبروتو وفين ماكيبغي يستمد قوتو كيشوف فيه كأنه كيتزود بلادوز كبيرة من لحقد ولكره لي كيخليه يزيد يكمل فطريق اجرامو وكيف ما قتلولو الاب ديالو بدون رحمة ولا شفقة حتا هو دوز عليهم واحد واحد بدون مايرفلو لجفن ودابا كيشوف لبنت لي ستولات على جل تفكيرو وملكات قلبو وبدون سابق انذار دخلات وتربعات على عرشو وهاهي دابا كيشوفا واقفة قدامو ولابسة توب الشر عن قولو شي حاجة لي رافض عقلو يستوعبا هاد لكاشكول هو لي دخلو لعالم لمافيات فمابغيش شي واحد لي يشركو فيه خصوصا الا كانت رسيل لانو كيحسبو فحال شي حاجة نجسة والا اداتا عتوسخ بيها اما رسيل غير واقفة وكتشوف فيه كيفاش عيونو ولاو محاطين بالاحمر غامق وكيفاش ضاغط على قبضة يدو بقوة حتا عروقو تنفخو حسات بخوف كبير فهاد لحظة غير كتشوفو كيولي فهاد لحالة وكيتحول لوحش بمعنى لكلمة كتحس بروحا عتزهق وغير شافتو ماجي لجيهتا سرطات ريقا بصعوبة و بدون شعور رجعات لور وضمات يدا لعندا مزيرة على ديك لكاشكول فصدرا وقلبا كيضرب فتسعين شي نهار عيوقفلا غير بقوة هاد رعب لي معيشها فيه حتا وصل لعندا ووقف مقابل معاها وشدا من دراعا بزوج كينخض فيها بجهد🔥
نيار:(كيهضر وعروق نواضرو كيبانو ):شكووون قالل لددديييلمك لبسييه معااامن تشاااورتتي
رسيل:(غير مشلوطة فيه واش هاد لحالة كاملة دايرها على قبل كاشكول شافت فيه ونطقات بتلعتم):ما لقيت حتا حاجة من غيرو حوايجك كبار عليا ماعيجيونيش
نيار:حيديييه لدييمكمم قبل مانخللط والديييك
🎡رسيل غير كتحكلو راسا بالايجاب وبدات كتزول فديك لكاشكول وبلخلعة وتلفة غير ماكتزيد تلويه عليها حتا كيبانلا نيار كيزولولا بنترة وكيزفر نفس سخوونة من نيفو فحال شي تور هايج وهي غير كتشوف فيه من تحت شفارا خايفة لا يجمع معاها بشي طرشة يجيبا سبت ولحد فحين نيار حيد ديك لكاشكول طواه عملو فلبواطة ديالو ورجعو لدريسينغ ورجع لعند رسيل هايز كااشكول اخر فلقهوي دصوف لواه عليها من لفوق حتا مابقا كيبان منا غير راس عاد مشا جلس فوق لفوطوي كيرشف من كاس دلعصير ورسيل غير واقفة وكتشوف فيه كيفاش تسيف وتقلب عليها فحال لجو حتا بانلا كيشيرلا بيدا لطبلة دلفطور عاد مشات جلسات فلفوطوي لي مقابل معاه وبدات كتفطر بهدوء ونيار حاضيها بنص عين عارف راسو بلي قصا عليها وهي ماكانتش قاصدا كانت باغا غير تستر راسا كيف قالا هو ولكن مني شافا لابساه وهو كيعتابرو سبب تعاستو لانو غير عطاهلو باباه مات
تقتل مباشرة وهو مخليه غير باش فوقاش مايشوفو تسود نظرتو بلحقد وتزيد عزيمتو وقوتو باش يدمر اي خيط كان دااخل فمقتل لاب ديالو حتا سالاو فطورهم عاد وقف عليها🎡
نيار:عنمشيو من باب ديال جردة فلباب رئيسية كينا صحافة
رسيل:(بهدوء ):اكي
🎡زاد نيار خرج من لبالكون ورسيل ناضت تابعاه حتا كتزطم على ديك لجورناال هزاتو فيدا باستغراب وغير شافت تصويرتهم بزوج وكيفاش نيار ضامها لصدرو ومحاوطها بيدو وهي معنقاه فتحات عينا بصدمة فوقاش هدشي مافيقا من صدمتا غير صوت نيار كيعيط عليها قطعات ديك تصويرة بزربة وخشاتا فجيبا ومشات كتجري غادا لجردة🎡