💎اللبؤة و الوحش💎( مكتملة )

part104

🌔بارت 104👑
بيلسان:ووواااو مامي جيتي فحال شي برانسيسة
ليان:هه اصلا ختي برانسيسة يااك
رسيل:(باستهم بزوج ):هههه معلوم نكون برانسيسة حيتاش عندي احسن أميرات
ميرال:ههه يالله شدو صف حتا نتوما
💧مشات بيلسان وليان ووقفو مور رسيل وموراهم واقفة هزار ورباب وميرال وعلى جنابها كينا ميسون وسعاد بتاسمو وخرجو من لغرفة ونزلو فدروج بشوية متجهين لطبقة تانية فين كينا صالون كبير واخد طبقة كلها باتات راقي كلو فضي و طبلة زجاجية كبييرة فلوسط عليها فاز مملوء بازهار لياسمين ولجوري وطابلة عامرة بلحلويات ودي طارط صغار اشكال وانواع ومقابل معاها كينا طابل اخرى دائرية كبييرة عليها ناب فدوغي ومرشوش عليها ازهار لبيلسان والاقحوان وفوسطها طارط كبيرة متكونة من تلاتة ديال طبقات وحداها محطوط بلاطو فضي حتا هو مرشوش فيه لورد حمر وفيه زوج كيسان طواال دلحليب وطبيسل دهبي فيه تمر معمر بلوز ولكركع وفلوسط زوج بواطات وحدة على شكل كوكايجة فلبنفسجي واخرى سامبل فالاسود وانفاص مع طبلة جالس سي ابراهيم بكوستيم قهوي وقدامو جالس سي سليم بكوستيم فلكرونة وانفاص معاه جالس ادهم بوسامتو وبشاشتو لابس كوستار فلازرق مزير على بنيتو رياضية وجنبو جالس نيار بكامل اناقتو ووسامتو لمعهودة لابس كوستار فرمادي مطرطق على عضلاتو بشوميز سوداء فاتحلها الأزرار لفوقانية وصباط كلاس فلاسود وساعة فضية ضخمة وانيقة مزينة يدو مرجع شعرو الاسود لكتيف لور ومطلع حاجبو لايسر فحال ديما ومرتب لحيتو سوداء على فكو سفلي لي بارز وعاطيه جادبية خاصة وعيونو زمردية لي دايرن بخط ازرق ولي برزو اكتر بلون رمادي لي لابس حقا جمالو لا يقاوم هيبتو حاضرة وشخصيتو طاغية ووسامتو ظاهية كيتسنا على احر من لجمر فوقاش تنزل صاحبة دعوتو و بمجرد ماطلعات معاه ريحتها طلع عينو بزربة وغير شافها تبلوكا بقا غير فاتح فمو فيها كيشوف فحبيبتو نازلة فدروج بشوية فحال شي اميرة طلع عينو فيها ببطء من تحت حتا وصل لعضمة صدر لي بارزة فعنقها بشكل مغري وصولا لوجها لملائكي ماقدرش ينزل عينو عليها شي نهار عتسطيه وعيبقا يدور فزناقي ويغوت بسميتها كل نهار كيزيد يغرق فيها أكتر من لأول كأنه ماعمرو شافها من قبل ندم لوهلة من جابلها هاد لاغوب ماكانش متوقع عطلع زوينة لهاد درجة اما رسيل غير نزلات دروج وقفات كتشوف فيه بابتسامة واعجاب كبير باين فعيونها لكريستالية لي كيلمعو وبؤبؤهم واسع كيعبر عن فرحتها وسعادتها فهاد لحظة فكل مرة كتشوفو كتزيد تبغيه اكتر كتحمقها وساامتو ورجولتو لحرشة اما نيار غير شافها كيفاش كتشوف فيه بتاسم وغمزها ويالله جا ينوض وهو يحس بيد ادهم تحطات على فخضو وهضر فودنو بصوت خافت بدون مايعيق💧
أدهم :تبت اصاحبي هادي غير خطوبة وباها هنايا
📛نيار ضغط على شفايفو كيبرد فلفقصة على آخر يامو رجعو كيقولو تبت طبعا وهو من نهار شاف رسيل وهو مخدر بيها ولات هي لادروك ديالو الا ماشمهاش وشافها مايدوزلوش نهار رجع تعدل فجلستو حاضي رسيل بعينو لي ضحكات مني شافت لموقف فهمات لبلان وزادت متوجهة لعندهم بخطى تابتة سلمات على باباها وسي سليم وجلسات ففوطوي خاوي مقابل معا نيار وميرال مشات جلسات حدا ادهم وهزار ورباب جلسو حدا سعاد وميسون
🎡ميسون بتاسمات وشافت فسي إبراهيم وبدات كتهضر 🎡
ميسون:حنا ليوم اسي ابراهيم كنطلبو منك يد بنتك رسيل لولدنا نيار ادا كتب الله
إبراهيم :الى كانو وليداتنا متفاهمين انا ماعنزيدهم غير الصلاة على نبي
🎡ميسون طلعات عينيها وشافت فرسيل لي طايح عليها واحد سر من عند الله وحنيكاتها مزنكين وغير كتهرب عينيها من نيار كتفادى شوفة فيه فحاليلا ماعمرها شافتو وهادا اول لقاء بيناتهم ونيار غير حاضيها وقرا هدشي كلو فعيونها جابتلو ضحكة وشحال كيحمقو شكلها حشمان هايدا🎡
ميسون:بنتي رسيل واش قابلة تكوني عروستي ومرات ولدي نيار ان شاء الله
💧رسيل طلعات عينيها وبقات لتواني كتشوف فعيون نيار وشحال كانت كتحلم بهاد لحظة واخيرا تجمعات مع لي بغاه قلبها ابتسامة واسعة ظهرات على تغرها حولات نظرها لميسون وابراهيم ونطقات بصوت هادئ 💧
رسيل:قابلة
إبراهيم :اوا الله يكمل عليكم بلخير ابنتي ولدي نيار انا ليوم عطيتك جوهرتي وأغلى ماكنملك فحتافظ بيها وصونها وحميها من تحت جناحك ماعمرك عتلقا شي بنت ناس فحال بنتي رسيل انا كنقولها وكنفتخر بيها تحملات لمسؤولية دالاسرة على صغرها وربات ختاها وهي مزال فسن لمراهقة فأنا ليوم قدمتهلك على شكل طبق من ذهب فالله يخليك حافظ عليها وسايسو مع بعضكم فلحياة زوجية خصها صبر وتفاهم لأن ماعتكونش حياتكم جميع ايامها حلوة ضروري ماعيدوزو فيها شي ايام مرة ولكن كلشي كيفوت و هادي هي سنة لحياة غير شدو لميزان لايطيح مني هي اولدي طلع نتا نزل ولعكس صحيح
🔥نيار غير كيسمع فكلامو بكل تركيز وكل كلمة كيحفرها فراسو برغم من انه عارف هدشي كلو حنحن وشاف فسي إبراهيم وبدا كيهضر بجدية وصوتو فيه بحة خاصة كتخلي صوتو مميز ورجولي 🔥