💎اللبؤة و الوحش💎( مكتملة )

part19

🌔بارت 19👑
💧بقات متكية كتفكر la glace تسالا وهي تقول نعاس واش بغا يزور عيونها و كل ساعة تقلب على جهة وكتشوف فسما وبلا ماتحس كيديها تفكيرها ليلو حتا بانتلها شمس بدات كتشرق ولفجر بدا كيودن تنهدات ودخلات نيشان لبيتها طلات على ليان لقاتها رامية كل رجل فقنت ولغطا مرمي حداها بتاسمات وتوجهات لعندها باستها فراسها وغطاتها عاد دخلات لحمام توضات وخرجات لبسات عابايتها وصلات لفجر وجلسات كدعي الله يعاونها ويسر امرها حتا سالات عاد ناضت جمعات سجدتها ومشات لدريسينغ جبدات سيرفيت نايك نواغ لبساتو جاها مزير على طايتها خلات لفوقاني مفتوح كيبان لميني بوط ابيض لابساه من تحت لبسات سبرديلة ايرماكس بيضة وتوجهات لمرايا قادات شعرها كود شوفال وكتافات بكلوز فقط رشات عطرها وعملات ساعة يدوية انيقة شافت فسنسلاتها وباستها عاد عملات كاسكيط نواغ جات طووب كتهبل هزات لفون وسوارت لوطو ديالها وخرجات لسيارتها بعد ماسدات لبيت علا ليان عتحاول تجي قبل ماتفيق طبعا ماتخافشيعليها حيتاش لفيلا مجهزا باحدت أجهزة الحماية بالإضافة لبوديكارد لي واقفين فجهة لخلفية دلفيلا كسيرات بسرعة حتا دخلات لحومة لي كبرات وتربات فيها بقات سايكة بشوية وكتفكر دكراياتها وشحااال قصرات وجلسات فهاد لحومة دابا كتبانلها كتصفر طبعا وهو يالله ادن لفجر وقفات لوطو بعيدة شوية على دارهم وبقات حاضية لباب حتا بانلها خارج بجليلبة بيضة وطريبش حمر وهايز سجادة فيدو ما حسات براسها حتا بداو دموع كينزلولها شلال من عيونها وشحال توحشاتو وتوحشات رضاتو عليها طلقات لعنان لدموعها وبدات كتهضر بصوت حنين وابتسامة على محياها  💧 رسيل:
❤ما أردت القدر ان يبعدني عنك يوم❤
❤ما أردت السعادة ان تعوف بيباني ❤
❤يا حظرة حنين لحظنه دفاني ❤
❤يا اجمل قصيدة وبالوزن محكوم ❤
❤و يا اروع ندى اعلى اوراق بستاني ❤
^💧لمياه عترجع لمجاريها ابابا لحبيب^ كانت هادي اخر جملة قالتها قبل ما تمسح دموعها بزربة حقا جات فلوقت لمناسب طلعات ديك تجاكيطة على صدرها وخرجات متوجهة لعندو وهو بدورو لي غير شافها ماجا لعندو وقف مصدوم فبلاصتو ماحس غير بدموع غير محجرين فعيونو وشحااال توحش يعنقها ويشم ريحتها ولكن فور ما تفكر ديك تصاور وهو يجمع غوباشتو وكمل طريقو حتا وقفاتو بصوتها و
غير شافتو غوبش وكمل طريقو وهي تزرب فخطاويها وقالت بصوت مرتفع وشحاال مانطقات بهاد لكلمة 5 سنين مايجمعها غير لفم 💧
رسيل:باباااااااا
ابراهيم :(عمل يدو على قلبو حابس دموعو وشحال توحش يسمع هاد لكلمة خارجا من فمها دغيا قصح نظراتو ودار شاف فيها وقال بحدة )
ابراهيم :عندي زوج بنات راهما فدار شكون نتي؟
رسيل:(حسات بقلبها كيضرب ودموعها شلال وشحال كتجرح بكلامو):عفاك أبابا عطيني غير فرصة نشرحلك والله ماتندم عفاك أبابا
ابراهيم:انا ندمت شحاال هدي مني ولدتك كنت نتمنى نموت ولا نشوف بنتي كطعني فظهري وطيح براسي فتراب سير رجعي منين جيتي انا ماباك مانتي بنتي(قلب دورة وكمل طريقو وشحال قلبو كيحرقو عليها ولكن لي دار دنب يستاهل لعقوبة هادي هي لجملة لي كيقولها فنفسو او بالأحرى لي مصبر بيها راسو )
رسيل:(غير ماكتزيد تبكي ماعمرها توقعات تسمع فحال هاد لكلام من عند باباها ولكن كلشي بسبابهم فكل لحظة كتزيد تحقد عليهم وكتوعدلهم بلعداب شديد قوات راسا وهضرات بصوت عالي):باباااا راه ضلموننيييي هى هئ ابابا ضلمووو اميرتك هئ هئ ابابا واش انا نقدر ندير شي حاجة فحال هاديك ابابا هئ هئ انا راتربيتك ابابا مستحيل ندير شي حاجة لي طيح براسك فتراب هئ هئ ابابا عفاك أبابا غير 5 دقايق كنترجاك هئ هئ
ابراهيم:(وقف لتواني كيسمع لكلامها وكيفاش كتشهق حس بقلبو كيحرقو فالاخر دار شاف فيها وعلا يديه على شكل 5 ):ماتفوتيهاش
رسيل:(بقات واقفا كتسناه وكتطلب الله يقبل يهضر معاها حتا بتاسمات مني شافتو عمل ديك لحركة مسحات دموعها بسرعة وقربات لعندو ):أه ابابا يالله نهضرو فطموبيلتي راهي
💧شيراتلو لجهة لوطو حرك راسو بالايجاب وسبقها لقدام وهي موراه حتا وصلو للوطو عاد فتحاتلو لباب لقدامي وطلع جلس عاد طلعات هي من جهة لوخرا ودارت تقابلات معاه 💧
رسيل:بابا انا عنوريك واحد لفيديو اكي
ابراهيم :(كتافا يحرك راسو بالايجاب وفنفسو كيتمنى يكون عندها لحق )
رسيل:(جبدات تيلي من جيبها وخدمات ديك لفيديو لي فيه رباب كتهضر مع مراد )
💎ابراهيم غير كيشوف فلفيديو وعينيه مفتوحين على جهدهم كيفاش هدشي هاد لمدة كاملة وهو ظالم اميرتو وشحال ضربها وجرحها بكلامو وزيد جرا عليها فنص ليل و5 سنين وهي غايبة عليه وشحال ترجاتو يسمعها ومايتيقش بتصاور وهدشي كامل بسباب لفعة دمراتو وخاها ولي ازمو هو ان بنتو لي من لحمو ودمو حتا هي دااخلا معاهم ماحس غير بدموعو كيجريو على خدو والم رهيب فقلبو رجع راسو على لمقعد متكي عليه براسو وبزز باش كيطلع نفس كيحس بشمتا ولغدر كلشي تخلط عليه 💎
💧رسيل كانت متبعاه بعيونها كيفاش مصدوم ودموعو هوادين حسات بقلبها كيحرقها ماحملتش تشوفو ضعيف هايدا قرات فعيونو شحال نادم و مشموت حتا بانلها تزير وولا حمر ونفس تقطعات فيه بزربة فتحاتلو لعقادي لفوقانيين دجلابة وهزات قرعة دلما وبقات كتشربو بشوية وكتهضر ولخوف طاغي على نبرة صوتها 💧
رسيل:بابا واش نتا بخير يالله نمشيو لسبيطار (يالله جات ديماري وهي تحس بيديه على يديها مانعها تمشي )
ابراهيم: (بزز باش كيهضر )ا انا ب بخير ا بنتي
رسيل:واخا ابابا تنفس مزيان غير بشوية عليك
ابراهيم:(بقا شي 5 دقايق هايداك حتا تنظم تنفسو ورتاح عاد تقابل مع رسيل وجرها لعندو بقوة كيبكي وشحااال توحش يعنقها ويشم ريحتها ):هئ هئ سمحيلي ابنتي هئ هئ كان خصني من لول نتيقك ا اميرتي هئ هئ الله ياخد فيهم لحق ماعمري نسماحليهم هئ هئ 5 سنين ونتيا بعيدة عليا هئ هئ
رسيل:(حسات براحة غريبة مني عنقها وشحااال توحشات لهاد لحضن الدافي لي 5 سنين وهي مفتاقداه ):هئ هئ عفاك أبابا ماتبكيش نتا ماعليك والو هئ هئ هما لي دارو كلشي هئ ماتلومش راسك هئ هئ
ابراهيم:لا ابنتي واخا يكون لي كان ماكانش خصني نتيق وعالااقل مانجريش عليك ولكن ...هئ هئ
رسيل:(كتمساحليه دموعو وباستلو راسو ):براكا احبيبي نتا تيقتي عينيك عفاك ماتبقاش تلوم راسك على شي حاجة ماشي بيديك
ابراهيم:لا ابنتي عنبقا حياتي كامل كنحس بدنب من هدشي لي درتلك وشحال تعدبتي بسبابي
💧عنقو بعضهم وبقاو لساعة غير ساكتين مستمتعين بدفئ احضانهم ماعندهومش لكلمات لي يوصفو بيها احساسهم فهاد اللحظة واخيرا تجمعو حتا جلس سي ابراهيم وباسلها راسها 💧
ابراهيم:سمحيلي ابنتي واخا نبقا حياتي كاملة كنطلب منك سماحة ماعنوفيش بحقك سمحيلي اكبيدتي
رسيل :شووت صافي ابابا انا اصلا ماكنتش مقلقة منك ابدا عارفك كيف داير فبلا متعاود هاد لكلمة مرة أخرى
ابراهيم:الله يرضي عليك ا اميرتي ولكن انا عنتفاهم معاهم
رسيل:لا ابابا خلي كلشي عليا انا نعرف حسابي معاهم واش مليكة هنا
ابراهيم :لا ابنتي مليكة مسافرة ولكن ليوم عتجي ورقتها عتوصلها ليوم قبل من غدا
رسيل:واخا ابابا انا عنتكلف بهاد شي بغيت منك حاجة وحدة
ابراهيم:طلبي ابنتي مانقولكش لا
رسيل:ههه بغيتك ابابا تمشي تسكنو معايا انا شريت فيلا هناا و ليان راها معايا بقيتي غير نتا عفاك أبابا انا بغيت نتجمعو من جديد ونبقاو ديما مع بعضنا
ابراهيم:واخا ا اميرتي مايكون غير خاطرك ولكن ابنتي انا ديما كنت متبع اخبارك كيفاش حتا وصلتي لهادشي كامل تبارك الله
رسيل:ههه واخا ابابا عنعاودلك كلشي ولكن حتا نمشيو لدار
ابراهيم:واخا ابنتي ولكن قبل خصني نتفاهم معا ديك لكلبة لاخرا
رسيل:ءء واصافي ابابا أنا عندمهم على نهار لي فكرو يفرقوني عليكم
ابراهيم :لا ابنتي واخا هايدك باغي نشفي غير شوية من غليلي
رسيل:لي بالك
(تعنقو مرة خرا وفتحو لوطو وخرجو متوجهين لدار غير وصلو فتح ابراهيم لباب ودخلو )
🔥دخل دوش وخرج بفوطة ملوية على خصرو وشعرو الاسود الفازك نازل على عيونو ولما هواد مع عضلاتو المفتولة وبطنو فيها 10 دلفراكات لعدد الأقصى ماكينش كتار منو حقا جسم يفلح برجولة توجه لدريسينغ لكبيير جبد سيرفيت أديداس فرمادي لبسها جاتو مطرطقة على عضلاتو وسبرديلة فالاسود مشط شعرو رجعو لور وعمل ساعتو اليدوية الفخمة لي صنعها خصيصا ليلو رش من عطرو وتوجه لخارج يالله وصل لباب لقصر جاو عندو زوج كارد من ديك لجيش لي كان تما كيجريو حاشا واش يكونو بنادم هادو وحوش آدمية وغير شوفا فيهم تجيبلك لموت عملهم اشارة بيدو يعني سطوب عاد قلبو دورة ومشاو وقفو فبلاصتهم ماكيعجبوش يلعب سبور وهما تابعينو عمل لكيت فودنو وتوجه كيجري فلغابة لكبيرة نظرا لان لقصر خارج على لمجال لحضري وداير بيه غير لغابات وهدشي كامل حيتاش كيعجبو لكالم بقا كيجري وفنفس لوقت كيديه تفكيرو ليلها حتا كيوقف كينهج ولعرق كيتصبب من جبينو ضرب يدو بقوة مع واحد شجرة حتا تشققلو يدو ودازت بدم وبرغم من دالك ماكيحس بوالو لان دمو سخوون كيفور هز لقرعة دلما وشرب منها وخوا لباقي على يدو وشعرو حتا🔥