💎اللبؤة و الوحش💎( مكتملة )

part134

🌔بارت 134  👑
نيار:هاهو احبيبتي راس باان بقالك غير واحد
🍁زادت رسيل كتدفع وكتغوت بكل قوتها حتا بح صوتها وكتنتف فنيار بحر لوجع لي فيها ونيار ماحايسش بيها كاع مد يديه وبقا كيخرج فراس بشوية حتا جبدو كلو مجرد فعل دالك حس بلحمو تبورشات عليه ماعمرو فحياتو كان كيتوقع انه عيجبد ولدو لدنيا بيديه ماحس غير بدمعة سخونة نازلة على عينيه بقا شحال كيشوف فيه صغييور بزااف يالله قد قبضة يديه خف لوهلة انه يزلقليه حطو فوق ديك لكسوة بشوية ورجع كيجبد فلاخر وكيقول لرسيل تدفع مزيان وحتا هي عاطية جهدها كامل حتا بدا كيباليه راس عوتاني عاد مد يديه وجبد تاني لقاها بنيتة حطها حدا خاها وبقا كيشوف فيهم ماشاء الله ماعرفش كيفاش يقطع ديك لحبل سري طلع عينيه فرسيل لقاها سخفات وقف طافج وهو يسمع صوت دقان مشا بزربة فتح لباب لقا  طبيبة جات دخلات كتجري وغير شافت لمنظر شهقات أول مرة كتشوف اب بدون تجربة كيولد مرتو وتوأم من لفوق مشات بزربة جبدات لمعدات دياولها وقطعات لحبل سري وهزات لولد قلبات على راسو وضرباتو فخصرو حتا غوت وصرخة لي دخلات لمساميع نيار فحال شي رنة موسيقية شكون كان كيقول نيار عيعمل عائلتو وعيولد مرتو وعيسمع اول صرخة لولادو فلحياة ضغط على شفايفو وبقا كيشوف فيهم بفرحة فحين طبيبة لواتو ففوطة وهزات لبنت وعملاتلها نفس شي حتا غوتات عاد حطاتها مع خاها 🍁
نيار:(بخوف ):مالها مرتي سخفانة
دكتورة:ماتخافش اسي نيار سخفات غير بقوات لعيا راها عملات مجهود كبيير وعاد ولادة توام ماساهلاش 🍁كملات كلامها ومشات باش تغرز رسيل وهو يوقفها نيار 🍁
نيار:هيي هيي شكاديري؟
دكتورة:عنخيط لجرح لمدام رسيل
نيار:وعلاش ياك هي ولدات طبيعية
دكتورة :وي اسي نيار ولكن ضروري مانغرزها باش يتجمعلها لجرح ماشي شي حاجة غير ربعة دلغرزات
🍁نيار خسر سيفتو وشارليها بيديه فحين طبيبة بدات كتغرز فيها ونيار كيضغط على شفايفو كأنه هو لي كيتغرز شهاد لعداب ولا بنج لا والو كيحس بقلبو كيتقطع يحسن عوانهم الله يسمحلينا من لوالدين كيتعدبو بزااف حتا سالاتلها طبيبة عاد مشا نيار هزها وطلع لفوق وتبعاتو طبيبة هازا توأم دخل نيشان حط رسيل فوق نموسية وغطاها بليزار وباسها فجبهتها عاد دخل لحمام لقا طبيبة كتغسل لتوأم بقا واقف فلباب حاضي وليداتو كي مغمضين عويناتهم حتا سالاو دوش عاد خرجات طبيبة هازاهم ملويين ففوطة حطاتهم فوق نموسية ونيار مشا جبدلهم حوايجهم عطاهملها لبساتهم وحطاتهم فحضن رسيل🍁
دكتورة:مبروك عليكم اسي نيار كلشي هو هداك ماعندك مناش تخاف وحتا مدامتك شوية وتفيق
نيار:شكرا
دكتورة:هدا واجب
🍁خرجات دكتورة فحين نيار هز لحوايج ومشا بدل لرسيل لبسها بيجامة قطنية فلازرق طلقلها شعرها وعملها بوندو فراسها جات سو كيوت تكا حداها مخلي وليداتهم فلوسط مامتيقش بلي حتا هو عمل ولادو ومن لمراة لي كيبغي باسها ففمها ورجع باس توأم وتكا كيشوف فيهم بابتسامة وبفرحة واضحة فعيونو زمردية هز تيليفون كيصور فيهم هدا هو أحسن نهار فحياتو♨
💎بقا متكي حداها حاضيها وحاضي وليداتو حتا بانتليه رسيل بدات كتحرك وكترمش حتا فتحات عينيها مزيان ومباشرة جاو فعينيه زمردية وبزربة نزلاتهم لكرشها كتبانلها خاوية يالله جات تهضر وهي تلمح توأم ديالها ناعسين فحضنها فتحات عينيها بفرحة ووضعات يديها على فمها ودموع عاملين طريق على خدها طلعات عينيها فنيار كتسولي غير بنظراتنا واش هادو هما تمرة حبنا ولي كان بدورو جا هو فهمها وحركلها راسو باببتسامة كبيرة مرسومة على ثغرو ضحكات بفرحة ونزلات عينيها كتشوف فتويماتها ناعسين فحال شي ملاك ومغمضين عويناتهم ومكمشين فوامهم شحال حمقها منظرهم مجرد ماشافتهم نسات كلشي نسات داك لعداب كامل لي داز عليها مدات يديها وهزاتهم بشوية وحطاتهم على صدرها كتبوس فراسهم وكضحك ونيار عاملها فيديو💎
رسيل:هههه ماشاء الله شوف انيار شحال صغيورين وزوينين
نيار:هه اه احياتي شفتهم
💎كحز لعندها وهز لولد فيديه بشوية خايف عليه فحاليلا هايز صابونة وخايفها تزلق صغير بزااف سبحان الله كيف كنكونو وكيف كنوليو💎
نيار:هادا ولد وهاديك بنيتة
رسيل:هههه كنت كنتمنى يكونو بنيتة ووليد
نيار :هه اوا هاربي ستاجبلك دعوتك
💎كحز نيار لودن لوليد وادنليه عاد ادن لبنيتة ورسيل كتشوف فيهم بابتسامة وعينيها كيشعو بلفرحة💎
رسيل:ماتخيلش شحال فرحانة ليوما هادا هو احسن نهار فحياتي
💎جرها نيار بشوية لعندو وباسها مطول كدليل على شكر والامتنان 💎
نيار:شكرا بزااف البؤتي بلا بيك ماكنتش عنوصل لهاد نهار
رسيل:هه هدا واجب ا ماي مونستر
💎ضحك بخفوت على كلامها وعنقها لعندو هازين توامهم فيديهم 💎
رسيل:عنسمي بنتي اثير ^ جوهرة السيف^
نيار:امم زوينة وانا عنسمي ولدي ايهم ^الأسد ^
رسيل:ههه ايهم واثير عجبوني
💎باسو وليداتهم وتكاو فحضن بعضهم وأخيرا إنتهت مشاكلهم 💎