🌔بارت 78👑
🔥بدا كيحرك اصباعو سبابة ببطئ كيخسر ملاميحو كيستعد يفيق حتا فتحهم وبدا كيرمش بزااف كيحاول يوضح رؤية ديالو عاد دور عينو ببطئ كيشوف فلمكان باستغراب عاد نزل عينو كيشوف فجسمو لي كلو سلوكة فتح فمو كيحاول يهضر كيلقا لسانو تقيل جر.رجلو ببطئ كيحاول يوقف ولكن ماكيقدرش كيحس بصداع قوي فراسو هز يديه بزوج وشد فراسو كيحاول يهدأ لحريق لي فيه حتا تهدن شوية عاد بدا كيحااول يرد سينتا لور ولكن ماكيلقا والو كأنه عاد تولد ليوم وديك صداع رجع لراسو من جديد زير عليه بيديه حتا تنفخو عروقو وعضلاتو تشنجو كيحس براسو عيطرطق حتا كيلمح مرا وراجل ماجين لجهتو أكيرا غير شافتو فاق مشات كتجري عيطات لدكتور فحين سوغو مشا جلس حدا نيار وبدا كيهضر معاه بالإنجليزية 🔥
سوغو:واش نتا بخير؟؟
نيار:(باستغراب ):شكون نتا؟
سوغو:ماتحاولش تفكر بزااف كلشي عتعرفو غير رتاح
🔥ماكاملاش حتا 10 دقايق حتا كان دكتور داخل كيجري و أكيرا فجنبو توجهو مباشرة لعند نيار ودكتور بدا كيفحص فيه واكيرا جلسات حدا سوغو معنقها بيديه 🔥
🎡الحوار بالإنجليزية 🎡
دكتور:علا سلامتك باش كتحس دابا؟
نيار:(غير مخنزر وكيشوف فيهم باستغراب ):شكون نتوما؟
دكتور:عفاك اسيدي جاوبني على اسئلتي باش نقدر نشخص حالتك بااش كتحس ؟
نيار:صداع قوي فراسي ورجلي ماكنقدرش نتمشى بيهم
🔥مشا دكتور عرالو رجلو وبدا كيضرب فيهم بواحد لحديدة صغيرة 🔥
دكتور:واش كتحس بيهم؟
نيار:وي
دكتور:ادن ماعندكش شي حاجة كغاف غير دير بعض تمارين ديال ترويض عتولي تمشى بيهم عادي
شنو اسمك
🔥نيار غير سمع سؤال ديالو تبلوكا ماعرفش يجاوبو سميتو ماعرفهاش ضغط على راسو كيحاول يتفكر ولكن دكشي غير ماكيزيد يصدعلو راسو حتا كيحس بيدين طبيب كيحيدولو فيدو 🔥
دكتور:لا لا ماتضغطش على راسك تهدن عفاك
نيار:(طلع فيه عينو كيهضر بتلعتم ):م مابقيت عاقل على والو
دكتور:واش مامدكر حتا شي حاجة بسيطة كيف ماكانت اسم شي شخص او مكان
نيار:لاا ماعاقل على والو
دكتور:للاسف نتا تعرضتي لحديتة خطيرة لي تسبباتلك بكسور على مستوى رأس ديالك وهدشي لي خلاك تفقد داكرتك بصفة عامة
نيار:(غير فاتح فمو مصدوم ):ك كيفاش؟
دكتور:كيف ما سمعتي اسيدي لي نصحك بيه دابا هو ماضغطش على راسك باش تفكر حيت هدشي غير عيزيد يدهور حالتك عطي راحة لنفسك وبالنسبة لترويض ابتداء من غدا عيجي لمروض يبدا مع لحصص كنتمنتلك الشفااء العاجل (شاف رسيل فأكيرا وسوغو) مدام أكيرا وموسيو سوغو واش ممكن واحد دقيقة من فضلكم
أكيرا-سوغو: وي أكيد
🎡ناضت أكيرا وسوغو وخرجو مع طبيب حتا لباب ووقفو كيهضرو🎡
أكيرا :دكتور واش عيبقا ديما فهاد لحالة يعني ماعيتفكر والو
دكتور:لاا يقدر فأي لحظة يسترجع داكرتو ولكن ماخصوش يضغط على راسو باش يتفكر لان هدشي ماعيفيدو بوالو وحتا نتوما ماتعاودولوش أجزاء كبيرة من حياتو لان هدشي عيعرض حياتو لخطر ويمكن تجيه جلطة دماغية على دكشي خليواه يتفكر كلشي بوحدو وبعدو عليه أي حاجة ممكن تخليه يتفكر
سوغو:اوو ولكن هدشي مايمكنش ادكتور خصنا ضروري نعلمو عائلتو
دكتور:للآسف فهاد لوقت لحالي مايمكنش لان لمريض كيمر من فترة جد حساسة وتقدر أي حاجة بسيطة تاتر على دماغو لي هو فين كتواجد داكرة علا دكشي خصنا نتسناو حتا تحسن حالتو واي تفصيل صغير تفكرو راهادك مؤشر على تحسن وبدأ استرجاع داكرتو
أكيرا:وبالنسبة ادكتور لديك قطعة رصاص لي بقات فصدرو واش ماعندهاش شي تاتير سلبي او مضاعفات على صحتو
دكتور:من حسن حظ لمريض رصاصة جات بعيدا على قلبو ب3 ملم ونظرا لخطورة لمكان ماقدرناش نجبدو رصاصة كاملة علادكشي بقات واحد لقطعة منها فصدرو ولكن بعيدة على قلبو يعني عيمكنلو يتعايش معاها عادي
سوغو:شكرا ادكتور بزااف
دكتور:هدا واجب اموسيو سوغو وأي تطور وقع فحالتو علموني بيه مع سلامة
أنت تقرأ
💎اللبؤة و الوحش💎( مكتملة )
Action♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
