💎اللبؤة و الوحش💎( مكتملة )

part69

🌔بارت 69 👑
🎡حتا بانلا نيار حاط يدو عامرة دم على صدرو جيهت قلبو وكيشوف فيها مبلوكي كيفتح فعينو وكيعاود يسدهم حتا بدا كيطيح ببطء واووب جا فلارض طايح على ظهرو مغمى عليه وكارلوس هايز سلااح وكيشوف فيه مصدوم وليون كدالك اما رسيل احساسها وشعورها لايوصف فهاد لحظة كتشوف قلبها طايح قدامها كتشوف روحها كتزهق من جسمها بشوية كتحس بغصة فحلقها مانعاها انها تهضر كتحس باطرافهاا ميتين عليها ماقداش تحرك كأنها مشللة غير فاتحة عينيها وفمها كأنك عملتي لشي فيديو pause وبقا وقف فتصويرة وحدة نفس شي بالنسبة لرسيل بقات لتواني مصدومة داخلة فصراعات بين عقلا وقلبها واحد كيقولها هادك لي ملك قلبك وخلاه يدق راهو طايح قدامك وواحد كيقولها نوو ماتيقيش عينيك حتا سمعت صوت كارلوس عاد فاقت من صدمتها كان شي واحد خوا عليها سطل دلما متلج وأول حاجة جات عليها عيونها هو نيار مسطح فلارض غارق فبركة ديال دم وضعات يدا على قلبها كتحس فحال شي خنجر ماضي خترقلا قلبها ماحسات براسا حتا غوتات باعلى صوتها لدرجة ان صوتها تبحبح ودموعها هوادين شلال من عيونها 🎡
رسيل:نيااااااااااااا­اااااررر لاااااااااااا هئ هئ ولااااااااا نيااااااار
🎡عينيها تعماو فهاد لحظة حاجة وحدة كتبانلا هي نيار هزات واحد لحجرة كبييرة كانت قدامها ونزلات بيها على يدين ليون حتا طرطقولو صباعو وطوش منهم دم طلق من رجليها كيتوجع ماحيرتو لرجلو ولا ليدو فحين رسيل وقفات بزربة ومشات كتجري لجيهت نيار وجلسات على ركابيها فلارض واضعة راسو على رجليها ودموعها كيهودو فحال لحجر على وجهو🎡
رسيل:نيار هئ هئ نيار فتح عينك هى هئ شوف فيا هئ هئ غير نوض ونعمل لي بغيتي هئ هئ والله حتا نبقا نسمعلك لهضرة هي هئ ماعنبقاش نقولك لا هئ هئ عفاك انيار هئ غير فتح عينيك
💧كتهضر بطريقة هيسترية وكضربلو فوجهو على امل انه يفيق ساعة والو ماكيتحركش حتا لواحد لحظة بانلا كيخسر فملاميحو وكيحرك فحجبانو فتحات عينيها بفرحة وبدات كضحك بجهد💧
رسيل':ههههه كنت عارفاك عتفيق هه عندك تسد عينك شوف فيا
نيار؛(كيرمش فيها بشوية بزز باش كيشوفها فتح فمو كيحاول يهضر كيحس بلسانو تقيل وقلبو كيدوز منو لهوا حرك اصابيعو بشوية وجر يدين رسيل بمشقة لانفس وحطها فوق قلبو فمكان لجرح بضبط وشاف فيها بنظرة أول مرة فحياتو عتشوفها فعيونو لي فيهم واحد لبريق خاص كيعبر عن الحب .الاشتياق. الحنين.الحزن .شاف مباشرة فبؤبؤ عيونها الكريستالي وقال بصوت خافت مبحوح مع دمعة سخونة نازلة من عينيه 💧
نيار:ك كنبغيك
💧رسيل بقات كتعاود فودنا ديك ككنبغيك فحال شي رنة موسيقية جميلة مامتيقاش بلي قالها كنبغيك مامتيقاش نسات كلشي فهاد لحظة نسات لحرب لي هي فيها ونسات نيار لي غارق فدمو حاجة وحدة لي كتبانلا هي ديك لكلمة دكنبغيك نزلات عينا فنيار وفور ماشافتو ضحكتها بدات كتلاشى ببطء ودموع حفرو طريقهم من جديد فوق خدها بدات كدور راسا بنفي كتشوف فيه وكتشوف فيدا لي فوق قلبو كتحس بنبضو منعدم واش صافي مشا هادي هي نهاية حبهم لي باقا عاد بدات مامتيقاش هدشي 💧
رسيل:نيار هئ هئ علاش ماكتسمعش لهضرة هئ هئ قلتلك بقا فاتح عينك هي هئ شوف فيا نقولك واحد بحاجة هئ هئ عفاك انيار ماتخلينيش بوحدي عفاك هئ كنبغيك انيااااااااااااااااا­ر كنبغغيييييييك
🎡ماحسات غير بضربة فاسفل راسها جابها كاو🎡
كارلوس:(هايز سلاح فيدو كيترعد ):ما كنتش قاصد نقتلو ماكنتش قاصد(كيحرك راسو بنفي فحال لمسطي )
ليون:(كيتوجع ):اش درتي اداك لمسطي هادي هي لخرا لينا عنبقاو حياتنا كاملين محبوسين
كارلوس :لا لا مايمكنش
ليون:(كيغوت عليه ):واااعيطط لي كاارد يجييو يفكووونا قبببل مايجيييو يكتفوو والديينا
🔮كارلوس عاد عاق براسو وعيط للبوديكارد ومادازتش ربع ساعة حتا كانو جاو 3 ديال طموبيلات عامرين بلي كارد خرجو كاملين وتوجهو لعندهم🔮
كارلوس :هزو ليون ديواه للاوبيطال وعملو هادا (شارلو بيدو لنيار )فشي لوطو شعلو فيه لعافية ورميواه من لجرف لي قريب من هنا وحطو اغراضو لفوق باش يعرفوه شكون
ليون:وهاد لبنت؟
كارلوس:(شاف فرسيل ):خليوها هنا مرمية لي كان عندي معاه لحساب ها هو مات
ليون:خصنا نغبرو من هنا وخصوصا نتا
كارلوس:(دوز يدو على شعرو ):هدشي مافيهش شك
🔮مشاو زوح بوديكارد هزو ليون حطوه فلوطو وكارلوس ركب فطموبيلتو وديك لكارد رجعو كيجرو فنيار من رجلو ورسيل متبعاهم بعينيها طايحة فلارض ماقداش تنوض كتحس براسا تقييل وعينيها عليهم ضبابة كترمش وكتفتح عينيها وكتعاود تسدهم كتحاول توضح رؤية حتا كيبانلا نيار جارينو من رجليه وسيالة ديال دم تابعاه من لور مدات يدا لي عامرة بدمو كانها كتعيطلو وهضرات بصوت مقطع بزز باش خرجات لحروف ودمعة سخوونة نازلة من عينيها🔮
رسيل:م ماتمشيش
🔮فور ما كملات كلمتا رجعات سدات عينيها مغيبة فحين نيار بقاو جارينو ديك لبوديكارد حتا طلعوه فواحد لوطو وخرجو سيارات بتلاتة من لغابة زوج كملو طريقهم ووحدة وقفات فواحد لجرف عاالي هو نفسو لجرف لي كيجيلو نيار وكيخوي عليه قلبو ياااا لا سخرية القدر غير لبارح وهو جالس على لحافة دهاد لجرف ورسيل متكية فحضنو وهاهو دابا عيطيح من حافتو وعيخلي قلوب طايحة وراه لي كارد كاملين خرجوه من لوطو وطلعوه فوحدة خرا ماشي من سيارات ديالهم فتح واحد منهم لقنينة ديال ليصانص وبداو كيخويو على طموبيل حتا فزكوها كاملة عاد شعلو لبريكة ورماوها وسط منها واوووب فتانية وحدة لعافية شخدات وشعلات فلوطو كاملة دفعها برجلو حتا طاحت من لجرف عاد جبدو لاكارط ناسيونال ديالو ولي كارط كيشي وحطوهم فطرف لجرف و ركبو فسيارتهم ورجعو فحالهم 🔮
📀بعد مرور 3 ساعات📀
💧خسرات ملاميحها بانزعاج من شقيقة لي فراسها فتحات عينيها ببطء ودوراتهم فلارجاء لقات راسها بلي فغرفتها لي فلقصر ومتكية على سريرها لابسا كسوة قطنية حد ركبة فلقهوي وراسا مدور عليه فاصمة كمشات حويجباتا وجلسات فوق نموسية وبقات لتواني كترمش وكتحاول ترد لاحدات دليوم حتا بدات كتفكر كلشي من دقيقة لي تخطفو حتا للحظة لي جرو فيها نيار وغير تفكرات شنو دارو فيه وكيفاش تيرالو كارلوس فقلبو بدون رحمة ولا شفقة وكيفاش كان كيأمر لي كارد ديالو يحرقوه ويرميوه من لجرف برغم من اانها كانت طايحة ولكن كانت كتسمع لانها فحاليلا كانت شبه مغيبة 💧