💎اللبؤة و الوحش💎( مكتملة )

part23

🌔بارت 23👑
رسيل:مال هدا جامع هاد لجيش كامل ناوي يحرر فلسطين ولا ؟
❄كملات نظرها حاضياهم ومركزة مع حركاتو حقا غير شوفا فيه طيح فيك نص شافت ديك لي بوديكارد كيفاش كاملين كيترعدو ماعرفتش علاش كيقلب حتا كتشهق واضعا يديها على فمها❄
رسيل:هييي اويلي شهادشي كنشوف واش قتلو ؟
❄ما قدرتس تستوعب اول مرة يتقتل شي واحد قدامها وزيد تيرا فيه بدم بارد فحاليلا قتل شي دبانة ياربي شهاد لموصيبة كانت هادي اخر جملة قالتها  قبل ماترجع تجلس فبلاصتها كتفكر خصها تضرب حسابها مزيان هاد ناس مامعاهومش لعب واكتر دليل هو كيفاش قتل لكارد بدون مايرجفليه لجفن خصها تحمي عائلتها هادي اول حاجة عاد تشوف راسها ❄
🔥غير من لعرق لي فجبينو وديك صفورية لي فوجهو عرفو بلي هو بلا مايفكر زوج مرات تيرا فيه جابو كاو ديك لي كارد قريب يطلقوها فحوايجهم برغم من أنهم ماديرين والو الا وانهم خايفين يموتو ضرب ديك لكارد بركلة جابو مرمي فلابيسين وعاد دار عليهم دورة اخيرة بانلي كلشي هو هداك يعني كان خاين واحد وهاهو باااح شاف فواحد لكارد بنص عين ووجه كلامو لواحد آخر 🔥
نيار:جميع لمعلومات على رسيل الناصيري يكونو دابا عندي و10 ديال لي كارد يحميو عائلتها والا وقعاتلهك شي حاجة(شيرليه لكارد لي غارق فدمو اما هادك مسكين لي كيهضر معاه قريب يطلقها )
---:كون هاني اموسيو لمونستر
🔥شارليه بيديه للابيسين لي ولا حمر بدم يعني تكلفو بيه ودخل لداخل بانتليه باقا جالسة وكتفكر مباشرة طلع لجناح ديالو و دخل لغرفتو و صونا على لخدامة🔥
نيار:سيري عند لبنت لي فصالون وطلعيها لغرفة لي قريبة من لجناح ديالي وعطيها اي حاجة بغاتها
---:واخا اسيدي
🔥زول تيشرط ديالو ومشا جلس فلكرسي ضخم لي فلبالكون دياالو وبقا كيفكر ميات مطرقة و مطرقة كضرب فراسو ماقادوه فيل زادوه فيلة غير وحدو وكان فحرب كبيرة ناهيك دابا مني دخلات عائلة على قدها فحربو زفر بغضب وقال🔥
نيار :عندمك أ كرلوس وهادا وعد من ل
🔥Monster🔥
🔥نيار وكرلوس عداوتهم قديمة بزااف مني دخل نيار لعالم لمافيا وهما على هاد لوضع خصوصا انه داليه الرتبة ديال اول مفيوزي فروسيا ولا كلشي كيطلبو باش يقوم بلعديد من لعمليات الاجرامية بالاضافة الى تصدير سلع الأسلحة في كل انحاء العالم وبالتالى كرلوس مابقاتش عندو قيمة فروسيا من بعد ماكان اول مفيوزي وشحال من مرة حاول يقتل نيار طبعا كيبقا مخبع مور رجالو حيتاش خايف على راسو من لوحش ولكن ماعمرو نجح ودالك راجع الا دكاء ودهاءولماكر ديال نيار وزاد حقدو كبر مني نيار قتلو صاحبو الانتيم بدم بارد حيتاش حرقليه شحنة كبييرة ديال لكوكاين كانت ساوية لملايين وعلى هدشي حلف كرلوس حتا ينتقم منو و يندمو ولكن فكل محاولة كيخرج هو لخاسر ونيار ماكتحاداش فيه حتا شعرة خصوصا انه ماعندوش نقطة ضعف من غير ماماه وختو لي مخبعهم  تحت لارض ومستحيل يوصلولهم🔥
❄مافيقها من تفكيرها غير صوت لخدامة❄
لخدامة:لالة تفضلي معايا نوريك غرفتك
رسيل:(وقفات عليها ):هييي كيفاش غرفتي عوتاني مالي عنسكن هنا
لخدامة:(غير شافتها تسيفات عليها وهي تحدر راسا):لالة انا كنفد غير لأوامر تفضلي معايا عفاك
رسيل:(ضربات رجلها مع لارض بعصبية وزادت تابعاها وفنفس لوقت كتمنظر فلقصر كيحمق شي حاجة فوق لخيال حتا بانتلها وقفات حدا واحد لغرفة فالابيض فتحاتلهت لباب )
لخدامة :تفضلي الالة هادي غرفتك واش بغيتي شي حاجة
رسيل:لا شكرا
لخدامة:واخا الالة اي حاجة حتاجتيها صوني عليا فلفيكس
رسييل:اكي
❄خرجات لخدامة فحين رسيل بدات كتكتشف فلبيت حقا روعة كبيير بزااف يدير زوج من ديالها فالابيض والأزرق على ليمين كينا حمام مجهز باحدت التجهيزات ونموسية مقابلة معاه بيضة بكوفرلي ازرق ودريسينغ فجنبها وبالكون كبيير تحت منو مباشرة كينا لابيسين تنهدات وتلاحت على نموسية كتفكر فحريرتها❄
🔥فجأة تفكر سميتهاا عمل ابتسامة جانبية ودوز اصابعو على لحيتو وقال🔥
نيار:رسيييل امم الماء العذب
🔥هز بيسي ديالو لقا لملف وصلو فتحو لقا جميع لمعلومات على رسيل فين قرات وشكون عائلتها وكيفاش جرا عليها باها حتا كيفاش مشات لفرنسا وكيفاش حتا وصلات لهاد لمرتبة وشركات كاملين لي كتملك مهم جميييع لمعلومات من نهار تولدات ستغرب لي يشوفها فهاد صرامة ولحدة مايقولش داز عليها هدشي كامل بتاسم وقال 🔥
نيار: ^Lionesse^ اللبؤة
🔥مباشرة دخل لكاميرات لمراقبة طلعوليه بزااف ديال لمربعات مشبرين لقصر كامل فلخارج من كل لجيهات عاد صفحة اخرى فيها ديال داخل لقصر وديال لغرف طبعا لقصر كامل مراقب كليكا فلفيديو مني كانت مع لخدامة حضاها كيفاش هضرات معاها و خنزرات فيها عاد تبعاتها ومن بعد دخل لفيديو اخر ديال غرفتها بانتلو متكية على نموسية واضعا يديها على جبهتا وكتشوف فسقف مباشرة فلكاميرة ولكن مارداش لبال بقا لتواني كيشوف فملامحها لبريئة وفطايتها حقا كتلة انوتة متفجرة حتا وصل لوجها وهو يزومي صورة بقا كيحقق فعيونها لفيروزية ولخالة لي فشفايفها لمنفخين حقا متتيرة لاقصى حد 🔥
🔥طفا بيسي وصونا على لكارد🔥
نيار:من هنا لربع سااعة جيب حوايج نسائية 24 سنة وديهم لخدامة
-----:حاضر موسيو مونستر
🔥قطع عليه لخط ودوز اتصال لخدامة 🔥
نيار:لحوايج لي عيجيبليك لكارد طلعيهم لبنت لي لفوق وديليها ماتاكل
-----:هي لولة اسيدي
🔥طفا تيلي ودخل لبيتو تلاح فوق نموسية وغمض عينيه كيحاول ينعس 24 ساعة ماشاف نعاس ولا داقو🔥
❄بقات ساااهية فسقف مافيقها من سهوتا غير صوت دقان ❄
رسيل:دخخل
💧دخلو زوج خدامات وحدة جارا طابلة فحال ديال لاوطيلات عامرة بأشهى لمأكولات وخدامة اخرى جارا سيري كبيييرة عامرة حوايج غير لي مارك اشكال وأنواع ربعات يديها وفتحاتليهم طريق يدوزو وحدة حطاتليها طابلة حدا واحد لفوطوي ووحدة ستفاتلها لحوايج فدريسينغ خلاتهم حتاا سالاو عاد هضرات❄
رسيل:(مطلعا حاجبها وكتشوف فيهم ):وشكون قاليكن تجيبو هدشي؟
----:احم لالة حنا غي. ..
رسيل:(مخلتهاش حتا تكمل كلامها وقطعاتها ):اه اه عرفت نتوما غير كتنفدو لاوامر ياك فرعتولي راسي سيرو تقودو
(لخدامات مساكن حناو راسهم وخرجو بزز باش كيتعاملو مع سي نيار جات هادي كملات عليهم )
❄شافت فديك لحوايج وخنزرات❄
رسيل:لا نيت باغيني ندير شهادة سكنة هنا هدشي لي معمرو يكون تفو لفرعون لاخر
❄دخلات لحمام توضات وخرجات شافت فديك لحوايج بانليها غير لقصار فلاخر جبدات واحد ليزار وتلوات فيه وصلات صلاتها حيداتو عليها وجلسات فوق نموسية كتفكر كي دير تهرب شافت فساعتها لقاتها قريبة لمغرب بتاسمات بخفوت خصها ضروري حتا يطيح ظلام ناضت طلات من لبالكون بالها بعيد بززاف على لارض زفرت بغضب ❄
رسيل:تفوو كي ندير دابا
❄دورات عينيها على لبيت أول حاجة خصها تعرف واش كينا لكاميرات بقات كدور فعينيها وكتركز فكل قنت حتا لمحات واحد لعدسة صغيييورة ماكتبانش كاع قدها قد حبة لعدس دايرة فحال شي جوهرة كحلة كانت ملصقة فتريا شافت فيها وشافت فتريا لاخرى كانت قدامها مالقات فيها والو عملات ابتسامة جانبية كيف ما توقعات مايمكنش قصر فحال هادا و مايكونش فيه لكاميرات بانتلها مافيها لا ضو لاوالو عرفاتها طافية ❄
رسيل:اححح على زهر
❄بسرعة هزات واحد لعصا طويل كان فلحمام وجابت كرسي حطاتو تحت تريا مباشرة وطلعات فوق منو هازا ديك لعصا فيديها وبدات كتقلع فديك لكاميرة بزز باش تحيدتلها رماتها فالارض وبدات كتضرب فيها بديك لعصا حتا ولات كاملة شقوفة و من بعد مشات نيشان لدريسينغ جبدات سروال كحل طالع حتا لبوط مزير و مقطع من ركبة و لبسات قبية كحلة طالعة على صرة وزادت سبرديلة رياضية فلكحل جمعات شعرها كود شوفال لبسات وانطيسات فالاسود عاد مشات كتقلب فلمجورة حتا لقاات واحد بيل صغيور بتاسمات وعملاتو فجيبها❄
🔥بقوات لعيا وتعب ماحسش براسو حتا مشا فسبات عميف خصوصا ديك دوا لي دار مفعولو لانه كيهدأ لاعصاب🔥
🔱🔱🔱🔱🔱🔱🔱🔱🔱🔱🔱🔱🔱🔱🔱
❄دابا خصا غير كي دير تخرج من هنا فتحت لباب بشوييية بانلا زوج بوديكارد واقفين حدا لغرفة سدات لباب وزفرات بغضب عاد مشات وعودات طلات من لبالكون ❄
رسيل:افف مايمكنش الا نقزت من نهنا عنتعوق هادي مافيهاش. شك
❄فلاخر دخلات لدوش وبدات كتقلب فلمجورة كاملين لحمام ولا مقلوب سفاه على علاه وهايدك مالقات والو ضربات رجليها فالارض بعصبية وخرجات لدريسينغ وبدات كتقلب و فين ماتبانلها شي لبسا طويلة ولا شي سروال تجبدو حتا هزات نص ديال لحوايج عاد بدات كتعقد فديك سراول ولكساوي حتا ولاو فحال لحبل طويييل هزاتو فيديها ومشات لبالكون طلات بانلها ظلام طاح و شي 10 ديال لي كارد مصفيين وهازين سلااح فيديهم ولكن كينا غير زوج فجهة دلابيسين نزلات لارض وبدات كتربط ديك لحوايج فلقنت ديال لباب لبالكون حتا سالات وزيراتهم مزيان عاد عودات دخلات لبيت سورتات لباب وهزات ديك لعصا رماتها هي لولة جات فلارض ونظرا لان كينا ربيع ماعملات لا صوت لا والو عاد شدات فديك لحبل دلحوايج لواتو على يديها وعطات بظهرها للابيسين وبقات كتسلق فيه بشوية ودايرا رجليها فلحيط حتا وصلات لارض بتاسمات وطلعات لقب على راسها وهزات ديك لعصا فيديها وتمشات جيهت ديك لكارد من لور حتا وقفات موراهم نغزت واحد بيديها مع دورة لي عيدور كتنزل عليه بديك لعصا لجبهتو جابتو كاو يالله عدور وهي يبانلها لكارد لاخور موجه سلاح جيهتها زفرات بغضب وزادت طلعات لقب حتا غطات وجها كامل 💧