💎اللبؤة و الوحش💎( مكتملة )

part46

🌔بارت 46 👑
🔰كمشات حويجباتا باستغراب و دارت لعندا وجوباتا بنبرة تساؤلية 🔰
رسيل:كيفاش خاصة؟
🔰بتاسماات ميسون وحطات فنجان قهوتا على طبيلة بهدوء وقفات متجهة لعندا حتا وصلات قداما 🔰
ميسون:اه ابنتي هاديك نبتة ديال ولدي نيار كان لقاها غير بصدفة فواحد لجزيرة لانه مولوع بكتيشاف لجزر وزيارتهم وصدفة كان شاف هاد نبتة فواحد لجزيرة مهجورة هادي سنين لفتات انتباهو وقرر يهتم بيها لان هاد نوع نادر بزااف وسماها *Monstera deliciosa*
رسيل:(بصدمة ):كيفاش مونستيرا علاش هاد الاسم؟؟
ميسون :هادا سبب غامض ماكيعرفو غير نيار يمكن بسبب شكلا لي كيشبه للوحش لان كلمة مونستيرا ماخودة من كلمة لمونستر يعني لوحش وديليسيوزة ماخودة من كلمة ديليسيوز يعني لذيذ لان هاد نبتة كتعطي تمار فصيف لذيذة بزااف وصالحة الاكل ولكن ما كتنكل حتا ينضج تمار ديالا لانها كتكون سامة قبل نضجا علا دكشي نيار اسس شركة خاصة بيها كيزينوها فلي فاز بطريقة راقية وكيبعا باتمنة باهضة لان عليها طلب بزااف دناس لبرجوازيين ومنظمين لحفلات كيبغيوها من اجل الزينة وخاصة تمارها فهادوك بذات عندوم طعم خاص وبهاد شكل ولات مشهورة بزااف و ولدي نيار زاد فروع آخرين فجميع لبلدان لان هاد نبتة عندو مميزة بزااف
رسيل:(غير فاتحة فما شهادشي كتسمع واش حتا نبتة مافلتات من وحشية اسمو زادت قوات عزيمتا باش تكتاشف سر هاد الاسم لوحشي ستوعبات صدمتا وجوباتا بحيرة) :وعلاش هاد نبتة بضبط؟
ميسون:ماعرفتش ابنتي برغم من شكلا لغريب الا وانها جميلة بزااف يمكن لانها نبتة لوحيدة لي كتحمل هاد الإطلالة لغامضة
رسيل:(قلبات عينا باستغراب وفضول ماعتهنا حتا تعرف كلشي دارت شافت فميسون بابتسامة بدون ماتبين شي حاجة):اه يمكن
ميسون:شني بالك ابنتي ندورو شوية فجردة لجو غزال
رسيل:هه واخا علاش لا
🔰زادو كيتمشاو وبيبرس لاسق فرجل رسيل مابغاش حتا يبعد عليها وميسون ورسيل كيتحدتو بهدوء فمواضيع محدودة لان ميسون بطبعا حدودية ومافيهاش قوات تبركيك والأسئلة ورسيل قاتلا ماكتعرفي والو حتا هي حدا تجاوب معاها باش مايسحابلاشي منخلاها لان اصلا عقلا فبلاصة اخرى
يالله وصلو جهة لخلفية دلقصر حتا سمعو كسيراتور مجهد ديال طموبيل عرفوه هو وشكون من غير صاحب دعوتا🔰
🔰بتاسمات ميسون وشافت فرسيل لي غير مخنزرة ولات كتكره تشوفو🔰
ميسون:هه ها ولدي نيار جا تستاي نستقبلوه ابنتي رسيل
رسيل:(قلبات عاينا بملل هي ماكرهتشي ماتشوفش وجهو كاع وهي كتقولا نستقبلوه ):بلا..(يالله عتهضر وهو يبانلا متجه لعندوم بديك لعضمة ولهيبة جامع لحداش وحاشي يد فجيبو ولاخرا كيدور بيها سوارت وعينو لبلورية لي ضاربة فيهم شمس كيبانو زجاجيين بقات ساهية فيه شي حاجة كتجدبا نحيتو وماعرفاش شناهيا واش شخصيتو لي بزز منك كتخليك ضربلو لحساب ولا وسامتو طاغية لي كتبالك فحال شي لوحة فنية ماتسخاشي بشوفة فيها ولا عيونو لقتالة لي غير نظرة منوم تذوبك بقات لتواني كتشوف فيه حتا عاقت على راسا وجمعات عينا ودورات وجهة لجهة لاخرا مخنزرة فحين بيبرس غير شاف نيار نسا رسيل ومشا كيجري لعندو كيتشعبط فجرلو وكيحك راسو فيه فحاليلا كيسلم عليه بتاسم نيار وتحنا لمستواه لعبلو فشعرو هزو فوق كتافو فحال ريشا عاد تاجه لعندوم بشوية عليه حتا وقف اونفاص معاهم وباس لماماه جبهتا وشاف فرسيل بنص عين وقلب نظرو🔰
ميسون:(لمسات وجهو بحنية):لحبيب ديالي كي دوزتي نهارك عتكون عييتي
نيار:(بابتسامة خفيفة ):لا الوليدة ماعييت ما والو
رسيل:(غير حاضياهم بنص عين وكتبركم بشوية)':هاد جمل هادا عايعيا هه واللهيلا هادا يهز قبيلة بكتف وحدة ومايعياش (حتا قفزات مني سمعات صوت ميسون )
ميسون:بنتي رسيل واش قلتي شي حاجة
رسيل:ءء لا لا ماقلت والو (طلعاات عينا بشوية فنيار بانلا مصغر عينو من شمس وماكيشوفش لجهتا بتاسمات لميسون ابتسامة صفرا )
رسيل:احم نخليكوم نمشي نشوف هزار
ميسون:هه واخا ابنتي سيري عند ديك لخوافة
✴ردات عليها بابتسامة وقلبات دورة لقصر فحين نيار غير حاضيها بعينيه خصوصا ديك لفورمة لي كتشطح معا مشيتا لانتوية زيراتو حتا لعرق بدا كينزل معاه زفر بغضب وسلم على ماماه وطلع لجناح ديالو دخل نيشان لدوش يبرد على راسو فحين رسيل دخلات مباشرة لصالون بانتلا هزار فاتحة فما فتلفازة وطاسة دتشيبس فحجرا مشات جلسات حداها كتشوف فتلفازة كان بادي مسلسل مصري ماقشبلات فيه والو ااصلا ماكتحملش تفرج فهاد نوع من لمسلسلات بقات غير كدور فعينا جاها لملل اما واحد هزار ماحستش بيها مني جات كاع غير مبشقة عينا فتلفازة وكتحشي تشيبس ففما خايفة تفوتا شي لقطة حتا سالات لحلقة عاد بدات كتكسل جنابا ضروها بلجلاس مع دورة لي عدور كتبالا رسيل جالسة عاملا يدا على حنكا وكتشوف فيها حتا قفزات من بلاصتا عاملا يدا على قالبا✴
هزار:هييي بسم الله الرحمان الرحيم فوقاش جيتي
رسيل:(جابتلا ضحكة ):هه صباح لخير ساعة وانا هنايا ونتنا مغيبا
هزار:ههههه واعلاش ماهضرتيشي رامني كنكون كنتفرج كنعمل مود افيون
رسيل:هه وواببااااينة
هزار:(حطات ديك طاسة ونقزات عندا لفوطوي فحال جرانة حتا جلسات ملسقة معاها):ههه غير قوليلي اختي منين جايبة هاد زين احح عليك توتة
رسيل:(غير كدور فراسا وكضحك كتسالي معاها هزار بهاد تصرفات):هه نهار نعرف نقولالك
✴بقاو مجمعين كيهضرو ويضحكو برغم من ان رسيل انطوائية وماعنداش مع لهضرة بزااف الا وان كلام هزار وطريقتا فلهضرة كتخليك ضحك بلا هواك شوية نضمات ميسون لعندوم وكملو على حديتوم لي كولو على زبايل هزار ولقتلات لي كانت كتاكل من عند نيار فصغرا بسبب ضسرتا حتا بانلوم هواد فدروج بشورط اسود نايك وتيشرط سماطي فلبلو مطرطقة على عضلاتو وسبادري رمادية وشعرو فازك ونازل على عينو كيبان طوب جسم رياضي منحوت باحتراف وبيبرس حتا هو فازك كينفض فشعرو من لما وتابعو من لور شاف لجبهتوم بانولو مجمعين ومالوم براسو كتحية ليلوم وزاد لصال دسبور وهما ردو عليه بابتسامة باستثناء رسيل لي غير مخنزرة ✴
هزار:هه عمرو طويل نااري على تيتيز عندنا والله كن ماكان خويا حتا نطيح فشباكو هههه
ميسون:ههه سكتي الحمقة الله يمسخك يسمعك يسلخ والديك هه
هزار:ههههه كلشي يهون من شان حبيبي
ميسون:هه بديتي تاني قلتلك ديك لمسلسلات عيطيرولك ديك نص عقل لي عندك
هزار:ههه وماما واش مافخباركش بلي راه طاار شحاال هادي
رسيل:(غير كتسماع فيهم كيجيبولا ضحكة خصوصا هزار شافت فيهم بابتسامة ):هه مهم نخليكم دابا عنطلع لبيتي شوية ونهود
ميسون:واخا ابنتي خودي راحتك
هزار :وماتعطليش علينا اكي بب
رسيل:هه اكي
💧ودعاتوم وطلعات لبيتا جلسات فوق نموسية حتا تفكرات ميرال ضربات على راسا وهزات تيليفونا من شارج ودوزات نمرة ميرال💧