💎اللبؤة و الوحش💎( مكتملة )

part76

🌔بارت 76👑
💧جالسة فلمكتب دنيار لابسة سروال طاي هوت بلو وشوميز باج مخشية فسروال وسميطة فلكرونة دايرة على خصرها وصباط طالون فنفس لون جامعة شعرها كود شوفال واضعة نظرات طبية شيك ووجها خالي من لمايكاب وواضح عليها علامات تعب وقلة نوم وجسمها لي ضعاف بسبب قلة تغدية كتشوف فلائحة لي محطوطة فوق لبيرو و فيها أسماء دول ولمدن لي زارت فهاد شهر وواضعة عليهم علامة اكس شافت فلائحة كاملة معلمة يعني زارت هاد دول كاملين بقاولا غير لجزر دابا عتبدا فيهم قلبات صفحة تانية وشافت فاسماء لجزر لي مكتوبين عملات علامة فاول جزيرة بانتلها وسدات لاجوندا وحيدات نظاظر وتكات على لكرسي رامية عليه تقلها كتدلك فجبهتها 3 دسوايع وهي فلبيرو كتراقب لخدمة وقفات من على لكرسي وبقات كدور فلمكتب دنيار وكتستنشق عطرو حتا لمحات صورتو معلقة فلحيط كحزات لعندها حتا مابقاتش كتفصلهم مسافة طويلة وهزات يديها كتلمس فشعرو لاسود لحريري وبعض لخصلات نازلة على عينو زمردية لي دايرة بخط أزرق غامق كعاصفة بحر هائجة بنظرات حادة وحجبانو لغلاض ولمخنزرين حتا فصورة لحيتو لكتيفة ولمرتبة على فكو سفلي لبارز بطريقة جميلة عاطياه كاريزما خاصة فمو لكرزي لي راسم شبه ابتسامة على ثغرو ماحسات بدموعها غير هوادين كيجريو على خدها وقلبها كيضرب بعنف كأن هدا نيار لي حداها جمعات حويجباتا وهضرات بنبرة حنينة ومغنغنة بلبكا💧
رسيل:فينك انيار هئ هئ فين مشيتي وخليتيني فحال لحمقة هئ هئ كنقلب عليك من دولة لدولة هئ هئ عيني طابو بلبكا حتا ان دموعي نشفو هئ هئ ماكيناش ليلة لي مانحطش فيها راسي على لمخدة ومانفزكهاش بدموعي هئ هئ صورتك بين عينيا فين مامشيت هئ هئ اي تفصيل صغير كيفكرني فيك هئ هئ شغبك هئ ضحكتك هئ وسامتك هئ عيونك لقتالة هئ تخنزيرتك هئ صوتك هئ توحشت كلشي فيك عافاك انيار هئ هئ راني عييت وتعدبت بما فيه لكفاية هئ هئ باركة عليا انيار رجع دغيا راتوحشتك بزااف هئ هئ توحشتك
💧طاحت فلارض كتبكي بكل قوتها فشلانة💧
🎈في جهة أخرى و بالضبط في جزيرة ساروشيما🎈
🔥ناعس فوق سرير بجسمو ضخم وصدرو لفولادي لعاري لي عامرة بخدوش وجروح وخيوط طبية وليزار خفيف مغطي جزءو سفلي وفاصمة كبيرة ملوية على راسو كامل وصوت الآلات طبية مالي لمكان وجهاز الاوكسيجين على نيفو وخيط سيروم ملصق فيديه وانفاص معاه واقفة بنت فلعشرينات بشعر اسود حد لكتاف وبشرة بيضاء بعيون سوداء مجبدين وحجبان رقاق ونيف مسطح وفم كبير واضعة مايكاب صباحي ومن ملامحها ظاهر انها من أصل يباني لابسة كسوة موردة حد ركبة بقامتا طويلة ورشيقة طلعات عينيها و شافت فدكتور لي حتا هو واضح بانه ياباني🔥
🎡الحوار باليبانية🎡
----:دكتور كي عاملة حالتو
دكتور:حالتو لان مستقرة ويقدر فأي لحظة يفيق ويقدر لعكس يزيد شهور او ربما أعوام وهو مزال فلغيبوبة
---:وبالنسبة لضربة لي فراسو
دكتور:ضربة لي فراسو قوية بزااف وجات فلجهة سفلية من رأس يعني عيكونو عندها مضاعفات سلبية على لمريض يقدر يتصاب بلعمى او فقدان داكرة مهم هدشي عنكتاشفوه مني يفيق لمريض
---:اكي دكتور شكرا عدبناك معانا هاد شهر
دكتور:هدا واجب ا انسة خيركم سابق
🎈خرج دكتور فحين لبنت جلسات كتشوف فيه وداكرتها داتا نهار لي لقات نيار 🎈
⛪فلاش-باك⛪
🎈ككل عادتا فجميع ايام صيف جات لجزيرة باش تفوج وتعمل جولة سياحية وقفات لتواني وجبدات لخريطة من صاكادور لي معلق فظهرها شافت لاماكن لي باقي مازارتهمش وهي تلمح لجرف بتاسمات ورجعات لخريطة لصاكادور وشربات قرعة دلما وعملات لكاسكيط على راسها وزادت كتمشى متوجها لجرف برغم من بعد لمسافة ولكن اصلا هي نن لول غرضها هو تمتع عينيها وصلات للجرف و وقفات كتلتااقط بعض صور بلكاميرة لي معلقة فعنقها حتا كتلمح شي رجال كبار وصحاح كيجرو فنيار خشاواه فلوطو وشعلو فيها لعافية ودفعوها من حافة لجرف فتحات عينيها بصدمة وشهقات واضعة يديها على فمها ونزلات عينيها متبعة لوطو لي نازلة كتكرب من فوق لجرف حتا كيبانلا شي واحد خرج من زاجة بقات حاضية ديك رجال حتا مشاو عاد مشات كتجري لحافات لجرف وبدات كتسلق فلحجر ديالو حتا وصلات لبحر لجزيرة بانلا نيار طايح على واحد لحجرة وراسو كلو دمايات ومضروب جيهت صدرو فلبلاصة عيطات للبوديكارد ديالها ومادازتش حتا 10 دقايق حتا كانو جاو بلهيليكوبطير وخرج طاقم طبي هز نيار ودخلوه لطيارة عاد طلعات معاه هي بقات معاه حتا ستقرت حالتو وفنفس لوقت متبعة اخبارو فلي سوشيل ميديا وكتشوف فرسيل كيفاش كتقلب عليه وكتأكد على انه حي عرفات بلي عتكون حبيبتو ولكن ماقدرتش تتاصل بيها لان نيار مزال فغيبوبة وزيد بلي غير بطريقة لي رماوه باينة بلي عندو أعداء والا عرفو بلاصتو يقدرو فاي لحظة يقتلوه على داكشي داتو لمكان لي ماعيطيح على بال حتا واحد وزيد عليها أمن وهي جزيرة طوكيو فليبان 🎈
💧بقات جالسة فلارض كتبكي حتا عيات عاد ناضت كتشمر بنيفا ويالله جات تخرج وهي تلمح واحد نقطة سوداء فلحيط هزات حاجبة باستغراب وقربات ليلا وبدات كتادي فيها حتا ضغطات عليها وهي تفتح عنيها بصدمة 💧