💎اللبؤة و الوحش💎( مكتملة )

part116

🌔بارت 116👑
ودخلات لدريسينغ لبسات سروال تجينز طاي هوت وشوميز فلازرق طويلة شوية من لور ومن لقدام قصيرة بستيل انيق مني تزوجات بنيار وهي كتفادى تلبس لمعري باش تفادى معاه صداع فدراها تلبس لي بغات ولكن فلخروج نوو لانها عارفة نيار الا مشا شاف فيها شي واحد عيبات فلانعاش لبسات صباط طالون باج وبوشيط انيق فنفس لون نشفات شعرها بسيشوار وجمعاتو كود شوفال وعملات حوالق فضيين مدورين وساعة رقيقة مزينة يديها هي وخاتمها الالماسي وطبعا سنسلتها مزال فعنقها رشات من عطرها وكتفات شفارها بمسكارا وشفايفها بكلوز فسومو جات طووب خفيفة وراقية ووجها فيه براءة خاصة كتجدب الأنظار خشات تيلي فبوشيط ونزلات لتحت لقاتهم كيفطرو باستهم فخدهم وجلسات حدا بيلسان كيفطرو 💧
ميسون:واش ابنتي خارجة حيتاش بانتيلي موجدة راسك
رسيل:وي ماما ميسون عنتغداو انا ونيار برا
هزار:اه حتا انا اماما عنخرج فلعشية مع اركاان
ميسون:خرجي وماتعطليش بلا ماتجبدي صداع مع خوك
هزار:نوو ماما ماتخافيش
بيلسان:ماما حتا انا خصني نخرج معاكم
رسيل:مايمكنش احبيبتي نتي ليوم قارية حتا نهار لحد ونخرجوك معانا صافي
بيلسان :اكي مامي
💧كملو فطورهم حتا سالاو عاد جا شيفور دا بيلسان لكوليج فحين رسيل وميسون وهزار خرجو لجردة فحال عادتهم جالسين مجمعين حتا سمعت رسيل صوت كلاكسون طموبيل عرفات بلي عيكون نيار وصل هزات بوشيط ديالها ووقفات ودعاتهم وخرجات كتجري لقات نيار واقف فباب لقصر ومتكي على لوطو وهايز سيكار فيدو مشات لعندو مخنزرة ونتراتلو ديك سيكار من يدو رماتو فلارض وعفطات عليه خلاتو غير كيشوف 💧
رسيل:(بغضب ):واش انيار باغي تفقصني شحال من مرة قطع عليا هاد سم راه غير كيسفلك صحتك واش دابا هضرتي ولات عندك زايدة ناقصة ولا
نيار:(جرها من خصرها وحك لحيتو فعنقها ):بشوية عليك بب رابديت كنقص منو مايمكليش نقطعو فمرة وحدة شوية بشوية
رسيل:بفف بغيتك انيار تقطعو فاقرب وقت
نيار:(باسها فخدها ):مايكون غير خاطرك الآلة
💎بتاسمات بخفوت كيف ماهي كتعرف تهدنو فاقصى غضبو حتا هو نفس شي شابكو يدين بعضهم وطلعو لوطو وزادو مكسيرين كيتحدتو مع بعضهم بهدوء وكيناقشو أمور لخدمة
💎 حتا وصلو قدام واحد ريسطو من افخم لمطاعم فبريطانيا انسطالاو لوطو فباركينغ وخرجو مشابكين يدين بعضهم ونيار شادها من خصرها دخلو لريسطو بكامل اناقتهم وهبتهم وجميع الأنظار موجهة ليلهم وبعض من ناس كيصورو فيهم بتخبية فحين رسيل ونيار توجهو مباشرة لواحد طابل مخصصة ليهم جلسو انفاص مع بعضهم وجا سيرفور ومدير لمطعم كيرحبو بيهم ورسيل مكتافية رد بابتسامة اما نيار غير عاقد لحداش طلبو لوجبات ديالهم وكملو حديتهم 💎
رسيل:كيف غادا لخدمة فشركة؟ ؟
نيار :كلشي غادي مزيان
رسيل:اوا لحمد الله حتا لشهر لماجي ان شاء الله ونضرب شي دورة فشركات غير نشوف الاجواء
نيار:صافي حتا لديك ساعات ونمشيو انا وياك
💎قاطعهم سيرفور لي جا وحطلهم طلبيات ديالهم حتا مشا عاد بداو كيتغداو ونيار غير حاضي رسيل كيفاش فرحانة وكضحك وهي غير كتشوفو ساهي فيها وماكياكلش كتغفلو بشي دغمة ففمو حتا سالاو طباسلهم عاد جا سيرفور جمع طبلة 💎
نيار:جيب واحد كافي نواغ ونتي احياتي؟ ؟
رسيل:بغييت كلاص دشوكولا ولفريز
سيرفور:هي لولة
💎مشا سيرفور يجبلهم طلبيتهم فحين رسيل شافت فنيار💎
رسيل:حياتي انا غادة لطواليط
نيار:تسناي نمشي معاك
رسيل:وا طواليط خاص بنسا فين عتمشي
نيار:زيدي وسكتي
💎ضربات طم ووكلات أمرها لله فحين نيار ناض وشدلها فيديها وزادو متجهين لحمام كيعاملها فحال بيلسان فحاليلا خايفها لا تلف ولا يجي شي حد يضسر عليها برغم من انه عارف بلي مراتو لبؤة ولكن فوجود لاسد ماكاين لاش تخرج لبؤة مخالبها فهو في لكفاية دخلو لكلوار ديال لحمامات وقف نيار حدا واحد منهم وشارلهاا بيديها لداخل💎
نيار:سيري لداخل انا كنتسناك هنا
رسيل:اكي بب
💎دخلات لطواليط لي كان فيه كلوار اخر لداخل وبزااف ديال طواليطات توجهات لواحد منهم مع دخلة لي عدخل كتحس بيد كبيرة سدلها فمها من لور فتحات عينيها بصدمة وبقات كتقمش فديك ليد وكضرب فشخص لي وراها بركلات حتا سمعات لباب تسدات عليهم قلبها بدا كيضرب فتسعين فحين داك شخص دفعها على لحيط ووقف مقابل معاها وهو باقي سيدلها فمها اما رسيل غير شافت وجهو شهقاات بصدمة وفتحات عينيها على جهدهم💎
رسيل:نتاااااا؟؟