💎اللبؤة و الوحش💎( مكتملة )

part73

🌔بارت 73 👑
💧خرجات من لفيلا وطلعات للوطو ديالها متكيا بيبرس فحضنها طلعات عينيها مغزفة كتشوف فدار كاملة شاخدة بلعافية ضغطات على شفايفها بقوة وحكات شعر بيبرس كتهضر ساهية💧
رسيل:(بنبرة باردة ):سمعتو ابيبرس كيقولهم حرقوه وحتا انا عملت نفس شي وحرقتو
💧شافت فساعتا لقاتا 4 بيلا هزات عينيها فطريق وعفطات على لكسيراتور وبقات غادا ماوقفات حتا لقدام واحد لاوطيل من افخم لاوطيلات فايطاليا انسطالات لوطو فلجهة لخلفية حطات بيبرس فلكوسان لي قدامها و فتحات صاكادور ديالها جبدات لابتوب حطاتو فوق حجرها ودخلات لنظام لحماية عطلات جميع اجهزة لمراقبة لي كينا فلاوطيل عاد سدات بيسي وحطاتو فلوطو لور وبدات كتقلب فصاكادور حتا جبدات واحد لكمامة دارتا على نيفها وفمها وزادت نزلات لقب على وجها حتا مابقا كيبان منها غير عيونها لكريستالية هزات فيدها شبكة عامرة بقنابل صغار مسيلة للدموع لصقتها فعنق بيبرس باستو ففروة راسو فتحاتلو باب لوطو و شارتلو لداخل لاوطيل فحين بيبرس حرك راسو كأنه انسان وماشي حيوان دكاءو لا يقدر وخرج كيجري من لوطو ودخل نيشان للاوطيل كان سهييط من غير بعض عمال نظافة اما حتا من لي كارد كينا بعاادين وقف فباب لاوطيل وخشا فمو فديك شبكة لي فعنقو وهز قنبلة بسنانو ورماها حتا طرطقات و ولا كلشي مضبب بقا زايد وفين مايوصل لشي طاج كيرمي قنبلة حتا ولا لاوطيل كامل فحال ملك ماكيبان فيه والو وديك ناس لي كانو كيدورو فيه كاملين طاحو سخفانين وبيبرس غير بانتلو شبكة خوات خرج كيجري ومشا لعند رسيل لي بدورها غير شافتو بتاسمات ونزلات مستواه زولاتلو شبكة من عنقو وبدات كتداعب فشعرو💧
رسيل:حتا نتا ابيبرس كتنتاقم لنيار ياك واخا عارفو عايش ولكن هما دبوه وعلم الله بحالتو دابا
💧بيبرس دور راسو كيخبش فيها بضفارو فحين رسيل بتاسمات بخفوت وسدات باب لوطو بعد ماعملات صاكادور فظهرها وزادت داخلا للاوطيل وبيبرس فجنبها وقفات لتواني كدور عينيها فلارجاء كلشي هو هداك طلعات فالاسانسور وكليكات على رقم طبقة مادازش بزااف حتا تفتح الاسانسور فطبقة 4 خرجات هي وبيبرس ودخلات فكلوار طويل مطلعة عينيها حاضية أرقام لغرف حتا بانتلا لغرفة لي كتقلب عليها 165 بتاسمات بشر ووقفات فلباب وجبدات لكارط من صاكادور وخشاتا فلباب حتا تفتحات عاد دخلات كدور عينيها فلغرفة بانلا ماكيناش فوق نموسية ولاضاءة خفيفة داخلة من سرجم لان شمس قريبة تشرق هزات حاجبة باستغراب فين مشا حتا كتسمع صوت لما مطلوق فلحمام عرفاتو كيدوش يعني ماعيكونش وصلو مفعول لقنابل قلبات عينها باستهزاء 💧
رسيل:امم كتوجد فراسك باش تمشي للجحيم اسي ليون
💧وماهي الا تواني حتا خرج ليون من دوش لابس بينوار حد ركبة وكينشف فشعرو بلفوطة غير بيد وحدة وعينو ليمينة متقوبة غير شاف رسيل وقف مبلوكي فاتح فمو فيها ماعرفاش شكون لان وجها كلو مغطي ولكن غير شوفة لي كدير فيه بعيونها لي ولاو فلازرق غامق ودايرين بلحمر وشكلا لي كامل اسود فاسود ماعرفها مرا ولا راجل وغير هدشي طيح فيه نص رجع بلور كيعرج برجلو زهضر بتلعتم 💧
ليون:ش شكون نتي؟
رسيل:(عوجات عنقها كتشوف فيه وهضرات بنبرة حزينة ):ءءء واش نتوما بزوج مابيقتوش كتعرفوني واش حتا نتا داكرتك ضعيفة فحال صاحبك ولا (صغرات عينها فيه ) ولا غير ماعرفتينيش بهاد شكل
💧ليون غير فاتح فمو مصدوم طبعا عرفها غير من صوتها مايمكنش مايعرفهاش سرط ريقو بصعوبة وحرك راسو بنفي فحين رسيل جلسات فواحد لفوطوي واضعة رجل على رجل حيدات لكمامة من وحها وحطات يدها تحت من دقنها وبيبرس متكي حداها 💧
رسيل:نتا عنتساهل معاك باش تعرفني انا عادلة بزااف
لان صاحبك قال حرقوه وحرقتو هو ولكن نتا شنو قلتي (طلعات فيه حاجبة )امم بلاتي نفكر
ليون:(كيترعد ماعمرو توقع بلي عيجي نهار لي عيخاف من مرا):م ما قلت والو
رسيل:امم كتكدب ولكن ماشي مشكل عنخفولك لعقوبة
💧ناضت لعندو كتمشى ببطء وشافت مباشرة فبؤبؤ عيونو لي كيبين مدا خوفو قصحات نظرتها فيه بشوفة حادة وهضرات بصيغة لأمر 💧
رسيل:نعس فوق نموسية
💧ليون حرك راسو بنفي كيرجف ورسيل قلبات عينها بملل وشارت بصبعها لبيبرس لي غير شاف لاشارة ناض ومشا كيجري جيهت ليون لي بدورو حتا هو غير شافو جاي لعندو طلقها فحوايجو ومشا كيجري نعس فوق نموسية فحين رسيل بتاسمات باستهزاء وجبدات واحد سنسلة غلييضة من صاكادور فحال هاديك لي كانو رابطين بيها نيار بقات كتجر فيها حتا وصلات لعندو ولواتا على كامل جسمو وهو ماقدرش يتحرك ولا يهضر خايف من بيبرس حتا سالات رسيل على خاطرها عاد جبدات بلاستيكة عامرة عظومة فتحاتا وبدات كتستف فديك لعظومة كتكب فلمونستر ابتداءا من رجلو حتا وصلات لوجهو غير سالاات خبعات داكشي لي جبدات فصاكادور وبدات كتمسح فبصماتا ماخلات حتا اتر وراها عاد نزلات لارض وجلسات قرفصاء انفاص مع بيبرس💧
رسيل:ودابا جات مهمتك فرجني فيه
💧بيبرس حك ففيها رااسو ومشا كيجري وبدا كيفترس فليون لي كيغوت ربي لي خلقو وماعندو جهد انه يدافع على راسو كاملو مربوط فحين رسيل كتشوف فيه بنظرة باردة واخا هدشي كامل باقي مابرد غليلها ولكن على لاقل خدات بثارها بيديها ساعة كانت كافية باش يولي ليون فخبر كان مابقا فيه حتا عضم صحيح عقمات فم بيبرس باستو فراسو وخرجو بنفس طريقة لي دخلو بيعا كان شيئا لم يكن طلعو مباشرة فلوطو وزادت مكسيرية💧