💎اللبؤة و الوحش💎( مكتملة )

part52

🌔بارت 52👑
رسيل:هه اكي خودي راحتك
ميسون:هي ماشي غير غتاخد راحتا كنعرف دقيقة ديالك كيدايرا سيري شبريها بجموع عوتاني حتا يطفالك فيدك
هزار؛(غادا وكتهضر ):هههه كون هانيا اماما
📞بعدات عليهم كضحك ودوزات لخط📞
هزار:هه وي لحب صافا
بهار:صافا بب تي فا بيان؟
هزار:ههه سوووبر
بهار:هه اوا مزيان شبالك نخرجو ليوم
هزار:نوو خليها لمرة خرا معايا واحد ضيفة مانقدرش نخليها بوحدها
بهار:(مطلعة حاجبة ):امم شكون هاد ضيقة؟مامولفينش يجيوكم ضياف
هزار:ههه أه ولكن رسيل ضيفة خاصة جابا خويا نيار
بهار:(عيونا ولاو فحال جغمة دم ):امم رسيل ..احم صافي جيبا معاك واجيو راليوما عيجي لمغني دروك لي كيعجبك
هزار:(عينا كيخرجو منوم لقلوبة ):حلفي واش دبصح عيجي ليوم ؟
بهار:(بتمييق):امم كنهضر معاك
هزار:ياااي صافي مشات انا نشوف كي ندير نقنع رسيل ونفلت من خويا
بهار:اكي نطلقاو مع 9 فلبواط ديال ديما
🔰قطعات عليها لفون ومشات لعندوم مكملة معاهم لحديت ديالوم فحين بهار خبطات ديك تيلي فلحيط حتا تشقشق وبدات كشخشخ اي حاجة جات حداها وكتغوت فحال شي حمقة هي شوفة وماعمرو كملة فيها ودابا جايب معاه ديك لبنت لدار لي كانت كتمنى غير تحط فيها رجلا ولكن ماعمرا قدرات تدخلا لأن نيار كان موصي لي كارد باش مايخليوهاش تدخل وبصدفة طلقات هزار فواحد لمول وطبعا بمان هزار ترتارة عرفاتا انها خت نيار خصوصا ان هزار عفوية ولي فقلبا على طرف لسانا علا دكشي ستاغلاتا باسم صداقة ودارتا طريق باش توصل لنيار واخا غير تجبد منا خبارو وطبعا نجحت فدالك وهزار قبلات صداقتا بكل سرور لان قلبا خالي من اي درة دغل او حقد عكس بهار لي قلبا عامر غير بالكره ونرجسية كتفكر غير فمصلحتا علا دكشي ماقالت لخاها كارلوس والو على هزار باش مايستغلاش ويهدد نيار بها أصلا واخا يبغي ياديها ماعيقدرش لانها محميا من طرف لي كارد ماعمروم خطاوها كدخل بيهم وتخرج بيهم بقات غير كتغوت وكتهرس اي حاجة جات حداها حتا طاحت فالارض على ركابها كتنهج وشعرا كامل مشعكك بدات كتحك فنيفا بهستيرية هاد ناضت بزرية وبدات كتقلب فواحد لمجر حتا لقات واحد لخنيشة عامرة بلكوكاين فتحاتا بجهد حتا تزلع نص على حوايجا عاد عملات سطر فيدا وبدات كتشم مغمضة عينا منتشية حتا حسات براسا تهدنات مزيان عاد طلعات راسا لفوق كضحك بشر بصوت مرتااافع فحال شي مختلة عقليا وحقا هي كدالك 🔰
رسيل:ءء فين هوا بيبرس ماباليش ليوم ؟
هزار:يخخ جبدتي سمن ولعسل خلينا أختي مجمعين فخاطرنا مافيا لي ينوض يجري
رسيل:ههه ناااري على خوافة
هزار:ههه والي خاف نجا احبيبتي
ميسون:ههه وهادي عندك بيبرس مشا مع لمروض ديالو لمحمية لي فلجزيرة كيدرب ماعيجي حتا ليل
رسيل :أه صافي مزيان
🔮هزار بقات غير كدور فعينا كتفكر كيدير تجبدلوم لموضوع حتا حنحنات وشافت فميسون كترمش بعويناتت فحال لقطيطة🔮
هزار:احم احم مااامااا نطلبك طليبة بلييز
ميسون:(مصغرة فيها عينا ):الله يحضر سلامة على هاد لبراءة لي نزلات عليك شمن موصيبة عوالا ديري عوتاني
هزار:(كتغبن ):هئ هئ حشومة عليك اماما ديما كتسبقي لعيب وكضلميني
ميسون:اوو مسيكينة ديالي كون ماكنتش كنعرفك كون تيقتك يالله جيني من لخر وقوليلي شني خصك
هزار:(بخفوت):بفف ماكيصلاحش معاكم صواب
ميسون:شكاتبركمي تما
هزار:احم لا والو اماما لحبيبة غير دابا ديك لمغني دروك لي كيعجبني ليوما عيجي يغني فلبواط على دكشي بغيت نمشي باش نتفرج فيه بلييز اماما عارفاني كنحماق عليه
ميسون:لااا مزيااان تبارك الله اسكايرية باغا تمشي تقسريلي فلبيران فحال بنات ليل ماشوفتيش آخر مرة مشيتي شني دارلك خوك نيار كتقلبي على شي قتلة عوتاني توحشتي لعصا يااك
هزار:(بدات كدمع هدا هو لحل لوحيد لي بقالا):هئ هئ حشومة عليك اماما والله مانتعطلو مانفوتوش ساعة دلمكانة غير ناخد معاه سيلفي ونرجع اصلا عيكونو معانا لبوديكارد ماعندك مناش تخافي
ميسون:(مطلعة فيها حاجبة ):علاش شكون نتوما بسلامة؟؟
🔮بقات غير كترمش بشفيراتا وكدور فعينا ببراءة وطلعات راسا كطلل عليها بابتسامة صفرة يعني نتنا لي عتمشي معايا اما رسيل غير شافتا كدير فيها ديك شوفة ردات عليها بابتسامة دخزيت ودورات راسا بنفي يعني بلا ماتحلمي بزااف رامعنمشيش معاك🔮
هزار:احم رسيل لي عتمشي معايا اماما
ميسون:كيفاااش واش تسطيتي لبنت خلاها معايا خوك امانة وانا نصردا لي بواط صافا با؟
هزار:هئ هئ عفاك اماما راماشي باقين صغار 24 سنة وعاد عيكونو معانا لبوديكارد عنجيو مع لعشا نيشان بلييززز مامي (مشبرالة فيدا كترغبا بعينا )
ميسون:(غير كتشوف بقات فيها بنتا عارفاها كتحمق على موسيقى دروك ):وخوك نيار كي عديرو معاه عرفتي الا ساقلكوم لخبار بلا مانعودلكوم شعيدير فيكم
رسيل:احم هضر غير عليها اخالتي اما يانا ماعنمشيش ماعنديش مع ديك لبلايص
ميسون:الله يرضي عليك ابنتي سمعتي اسكايرية سمعتي(كتقرص فهزار )
هزار:(كتحك فلقرصة وكتغبن ):هئ هئ عفاك ارسيل ماديرليش حتا نتنا فحالا وانا قولت اخيرا جات لي عتنوستي وتخرج معايا بلييز بب والله مانتعطلو
رسيل:(غير كدور فعينا بقات فيها )
ميسون:يهديك الله ابنتي والله ويعرفك خوك نيار حتا يقتلك راه عيعصب عليك بلمعقول
هزار:لاا اماما خويا عيجي معطل من شركة وحنا لعشرة عنكونو هنا ولي كارد عنوصيهم كون هانيا (شافت فرسيل كترغبا ) عفاك ارسيل شنو قلتي
رسيل:(غير سمعات لقضية فيها نيار عيتعصب بتاسمات بشر ):احم اكي مي مانفوتوش ساعة
هزار:يااااي يخليكم ليلي موااح
🔮طارت عليهم كتعنق وتبوس وهما غير كيضحكو حتا جات لخدامة كتعلموم بلي لغدا واجد عاد دخلو لصال مونجي كيتغداو فجو بب يخلو من ضحك بسباب هزار لي لقات راحتا بغياب نيار لان ماكيناش لي عيخنزر فيها حتا سالاو وجلسو فصالون كيشربو فلقهوة وكيهضرو حتا ادن لعصر ستادنات كمان رسيل وطلعات لبيتا صلات صلاتا وتكات كتفكر اما ميسون وهزار كملو قهوتوم وهزار طلعات لغرفتا كتختر من دابا شني تلبس متشوقة فوقاش تمشي لبواط كيحمقوها ديك لاجواء حتا ختارت لاغوب ودخلات لدوش فحين ميسون دخلات لبيتا كتاخد فقيلولتا انا رسيل ماحستش براسا حتا غفات ماكضربا لفيقا غير على هزار كتنقز فوق نموسية وكتحيدلا فلغطا خسرات ملاميحا وجلسات فوق نموسية كتحك فشعرا مخسرة بنعاس 🔮
رسيل:(بصوت مبحوح ):بفف مالك ازمر كنتي كتحلمي بيا
هزار:(جلسات حداها ):ونتنا لي كتبالي كنتي كتحلمي اما يانا قدامك ههههه هيي ونوض داغيا رالمغرب هادي يالله نوجدو راسنا شوف انا بالله دوشت
رسيل:(طلات عليها بانتلا لابسة بينوار دلحمام ):بفف اكي هانا عندخل ندوش
هزار:(باستا فخدا ):موااح عليك ماتعطليش عليا 9 خصنا نكونو تما هانا ماشا لبس باي بب
💧رماتلا قبلة فلهوا وخرجات فحين رسيل ضحكات ودخلات لحمام خدات دوش خفيف بلا ماتقيس شعرا لانه كيتطلب وقت طويل وهي مابقالاش بزاف دلوقت تلوات ففوطة قصيرة وشعرا فازك مطلوق وراها كتبان سو سيكسي خصوصا لحنيكات حميمرين بسخونية ددوش وخرجات كتمشا على رؤوس اصابيعا متجها لدريسينغ💧