💎اللبؤة و الوحش💎( مكتملة )

part103

🌔بارت 103👑
رباب:تباارك الله
هزار:وااو ياختي شحال طويل ماشاء الله
رسيل:هه شعري ماعمرني قطعتو ماما وصتني عليه ووعدتها مانقطعوش
💧غير جبدات ماماها حسات بغصة فقلبها ودموع وقفو على جفون عيونها علاش حتا هي ماتكونش ماماها جنبها فهاد لحظة وتبارك لها وتصاوبلها ماكياجها اااه وشحال توحشتها واخا تعيا ماتهرب ديما كيبقا فراغ فقلبها ماكيعمر غير بحنان ماماها برغم من ان ميسون دايراها كتار من بنتها ولكن للأسف حنان الام ماعمرو يعوضو شي شخص كيف ماكان طلعات عينيها لفوق كتقوي فراسها ولبنات كلهم سكتو وكيشوفو فيها بحسرة عارفين مزيان باش كتحس لما لا وهما غير من شوفة ولاو كيفهمو بعضهم اما رباب دموعها نزلو مسحاتهم بزربة وتوجهات لعندها وجلسات قرفصاء قدامها شداتلا فيديها وشافت فيها كتصطنع الابتسامة💧
رباب:عندك تنزلي دموعك ماما عتقلق منك بزااف مزال عاقلة فاش كانت كتلقا شي وحدة فينا كتبكي كانت حتا هي كتنوص تبكي معانا واش بغيتي ماما تبكي دابا نوو شوفي انا معاك ختك لكبيرة فجنبك بصح غلطت فلماضي ولكن حنا بدينا صفحة جديدة ربي جزاك على كل اعمالك وعطاك احسن هدية راجل كيبغيك وكيموت عليك وحتا نتي كتبغيه عائلة اخت رابعة (هزار )(رابعة لان حتا ميرال كتعتابر ختاها ) وام تانية (ميسون ) وابنة تانية(1-ليان 2-بيلسان ) وشخص مجموع فيه جميع هاد صفات وغدا عترجعي مراتو وعتعيشي معاه مدى لحياة علا دكشي ماخصكش تبكي اختي لبكا مور لميت خسارة عيشي حياتك وستمتعي بكل لحظة كتقديها باش ماتندميش من بعد
💧رسيل غير كتسماعلا ودموع كيتسابقو على خدها ولبنات كاملين كيبكيو معاها حتا سالات كلامها عاد عنقو بعضهم بجهد كيستمدو القوة من بعضهم ومشات حتا هزار وميرال وعنقوهم كاملين بقاو لتواني معنقين بربعة بيهم عاد فصلو لعناق كيمسحو فدموعهم💧
ميرال:هئ حشومة عليكم من صباح وانا كنعدل فكمامركم ودابا سيقتو كلشي
هزار:هه والخرية رالمايكاب مضاد للماء
رسيل:هه وي ماتخسر والو
رباب:يالله فازي كملو قبل ماتجي خالتي ميسون تورينا
ميرال:هه اكي
💧مشات ميرال كتكملا شعرها نفخاتو من لقدام وجمعاتلها منو لفوووق بفيليل فضي زوين وخلاات شعر لاخر نازل على ضهرها وبدات كتبوكلي فيه من تحت عاد مشات لافغونش وبوكلاتا حتا هي جات نازلة على عيونها وماهي الأميرة اخيرا وجدات وقفو بتلاتة بيهم وعملو رسيل فلوسط كيتسيلفاو وكيبارطجيو فمواقع تواصل وهزار شاعلة لايف وميرال كتغني بصوتها لغزال ورسيل كتغني معاها مهم منوضينها غير بوحدهم حتا تفتح لباب ودخلات ميسون وسعاد وغير شافوهم تبلوكاو خصوصا رسيل جات زوينة بزااف فحال شي أميرة ديزني بلاغوب ديالها
📛توجهت ميسون لعند رسيل وهزات يديها ولمسات خدها بحنية وابتسامة بشوشة مرسومة على وجها📛
ميسون:ما شاء الله على عروسة ولدي غزالة
سعاد:هه الله يحفظك ابنتي
رسيل:هه الله يخليكم ليا
💧باست راس ميسون ويدين سعاد لي رضاو عليها بابتسامة 💧
هزار :دابا غير رسيل لي جات زوينة وحنا مابنلالكمش
رباب:واللهيلا شهاد لعنصرية
ميرال:اوا هانتوما كتشوفو البنات
💧دورو وجهم منفخين شفايفهم فحال لبريهشات زعما مقلقين اما ميسون ورسيل وسعاد كيموتو عليهم بضحك💧
رسيل:ههه تفو على مغيارات
💧ميسون وسعاد جروهم بتلاتة بيهم وعنقوهم مع رسيل💧
ميسون:ههه والله يعطيكم شي عقل ابنياتي
سعاد:هه وقولو آمين البنات
لبنات:اممممييين
ميسون:ياالله البنات نزلو راكلشي واجد كيتسناو فيكم غير نتوما
رسيل:اكي يالله
💧زادت رسيل بفستانها لقدام وميسون على يدها ليمنى لابسة غوب طويلة فدوغي وبيدين طوال مشبكين وشعرها عاملالو مشيطة كتناسب سنها وكدالك وجها لي واضعا عليه بعض لمسات خفيفة من لمايكاب لي يشوفها يعطيها تلاتين سنة قل من سنها وكدالك سعاد لي واقفة على يدها ليسرى لابسة غوب مفرفشة محجبة فالاخضر لون لمطابق لعيونها بيلسان وسعاد وميسون عندهم نفس لون غير هو كيختلف على حسب درجات فحال ميسون عندها لون مفتوح فحال بيلسان اما سعاد عندها مغلوق فحال ولدها جاسم واضعة فولار اسود وجامعاه لور بشدة انيقة حتا هي كتبان اصغر من سنها فحين لبنات بتلاتة تصفو وراها وهزار عاملة فيديو يالله جاو يخرجو وهما يدخلو بيلسان وليان شابكين يديين بعضهم بيلسان لابسة غوب حد ركبة فالابيض فيها فراشات بألوان صيفية طالقا شعرها لاسود وعاملة بونضو فالاخضر اما ليان لابسة غوب فلاسود بنفس شكل دبيلسان وفيها فراشات بالوان مختلفة عاملة بونضو فلازرق وطالقة شعرها الاشقر لي واصل لخصرها وغير شافو رسيل فتحو  عينيهم ومشاو تعلقو فيها💧