💎اللبؤة و الوحش💎( مكتملة )

part44

🌔بارت 44 👑
💧تكات فوق نموسية وبيبرس مخشش فيها حتا كتسمع دقان فلباب 💧
رسيل:دخلل
💧دخلات لخدامة مرجانة وقالتلا 💧
مرجانة:مدام رسيل نزلي تغداي كلشي فانتظارك فطبقة تانية
رسيل:اكي هانا ماجا
💧خرجات لخدامة وهزات بيبرس فيدا وطلعات فلاسانسور وكليكات على طبقة 2 بقات كتشوف راسا فلمرايات ديالو لانهو كامل زاج كيبين حتا تفتح بيها فطبقة تانية مباشرة مع سفرة لغدا كتبانلا طبلة طوييلة وفيها بزااف دلكراسا عامرة بما ألذ وما اشهى من لمؤكولات ونيار جالس مترأس طبلة لابس سورفيط نايك نواغ عطرطق عليه وميسون جالسة على يدو ليمين وهزار على ليسار غير شافوها ماجا بتاسمولا باستثناء نيار لي كيشوف فجهة اخرى متجاهل وجودة برغم من انه شم ريحت عطرا حطات بيبرس فلارض على واحد طابي فيها ماكلاتو ومشات جلسات حداا هزار وشافت فنيار ورجعات شافت فميسون💧
ميسون:بنتي رسيل رتاحتي شوية؟
رسيل:اه اخالتي رتاحت مزيان
ميسون:يالله بسم الله بداو تغداو
🔮سماو الله وبداو كياكلو ونيار بعض لمرات كيخطف شوفة فرسيل وهي كدالك وهزار ماسكتتش من لهضرة تقول ملصقينلا لحجر ولكن هادا هو طبعة ضحوكية وترتارة غير جالسة كتعاودلوم على مغامراتا مع صحاباتا ورسيل كضحك معاها كتجيها فحال ميرال مفروحة فحالا وميسون كتشركوم بعض لمرات لحديث و نيار غير كيشوف فيهم ماكيحملش لي يهضر فوسط طبلة و شحال من مرة حذر هزار من هاد لقضية ولكن كتنسا خصوصا انه كيجلس معاهم مدة قصيرة وكيغبر على دكشي مني كتكون غير هي وماماها كتبقا ديما مجمعا معاها فوق طبلة وعلا دكشي ولفات هاد لأمر وحتا نيار عادرة وعارف طبيعتا ماكيبغيش يحكر عليها برغم من انه صارم معاها🔮
هزار:ههه اه و واحد نهار كنت كنسطاجي انا وواحد صاحيبتي حتا هي عندا نفس تخصص ديالي ولكن كنا فلمستشفى لي فلقصر كنا كندربو كيفاش نديرو لعمليات فقلب واحد لحيوان مع طاقم طبي حتا دخل بيبرس على غفلة وهي بلخلعة طيحات لمقص فوسط صدرو هههه باقا دابا كنفكرا فيها قالك باغا تولي جراحة ههه
رسيل:ههه
ميسون:هه وييه ابنتي جاب الله كان غير قلب حيوان اما كن كان بنادم كانت عتكون قتلاتو و مشات فيها تكمل سطاج فلحبس ههه
🔮نيار غير حاضيهم شوية بانولو مابغاوش يسكتو وهو راسو عينفاجر بلا والو وهادشي كامل منوضاه راس لحربة ديال ختو زفر بغضب وضرب بلفورشيط فوق طبسيل حتا طلعات هزار عينا فيه لقاتو كيدير فيها واحد شوفة دهدشي لي كنوصيك سرطات ريقا بصعوبة كتخاف منو بزااف برغم من انها مطلوق معاه ولكن كحتارمو ودايراه فمكان لاب ديالا ومني كيخنزر فيها كيطيح فيها نص ردات عليه بابتسامة صفرا عاملا يدا علا فما بمعني آخر مرة وحشات وجها فطبسيلا ماعوداتش طلعاتو ورسيل غير كتشوف فيهم فهمات لبلان وميسون كدور فعينا وكتاكل فصمت حتا سالاو لغدا ديالو ونيار خرج ركب فطموبيلتو وكسيرا ورسيل وهزار وميسون خرجو لجردة مخليين مرجانة ولخدامان لوخرين كيجمعو فطبلة مشاو مباشرة لواحد لجليسة بفوطويات دجلد فلباج ولكرونة وطبلة دزاج بناب باج انيقة ومقابلة مع لابيسين لمتوسط جلسات ميسون فلوسط ورسيل على يدا ليمن وهزار على ليسر عنقاتوم بزوج غير شافت رسيل دخلاتلا لقلبا وحسباتا فحال بنتا لانها باينة فيها ضريفة وقلبا بيض بلاضافة لجمالة لي كيريح لواحد برغم من انو نيار ماقالاش شكون هي وعلاش جابا معاه لانو اول مرة يدخل شي بنت لقصر الا وان رسيل قدرات دير مكانتا فقلبا🔮
🔮وحتا رسيل كتحس بدفئ حنين فحضنا لي فتاقداتو من موت ماماها داغيا دخلاتلا لقلبا لاهي ولا هزار لي كتفوج على لقلب غمضات وعويناتا مستمتعة بقربا وهزار كدالك من ديما طبعا محبوبة وداغيا كتعمل بلاصتا ومني شافت رسيل فرحات بزااف وحسباتا ختاها خصوصا انها ماعنداش اخت ونيار ديما غابر عليهم كتجيها لقنطة برغم من وجود لاصدقاء إلا أن الاخت نعمة اخرى 🔮
ميسون:بنتي رسيل واش خدامة
✴و فحال ديما طارت هزار وجوباتا✴
هزار:اويلي اما هادي هي رسيل ناصيري لي كنت كنهضرلك عليها راهي اصغر سيدة اعمال ففرنسا ولكن اصلا مغربي عندا شركات صناعة العطور فكل أنحاء لعالم ومن عندا اماما كنشريو لعطر ديالنا
ميسون:(فاتحة عينا باعجاب ):وااو تبارك الله عليك ابنتي دابا نتنا هي رسيل لي فين ماكان شي مؤتمر صحفي ولا حفل كتنوض هاد لحمقة روينة باش تفرجلو وكتبقا ترغب نيار يديها معاه لحفلات دلي بيزنيزمان حيتاش تقدر طلاقاك تما ههه ماشاء الله عليك ابنتي الله يزيدك من فضلو
رسيل:هههه شكرا اخالتي ربي يخليك يحسن لي شرف تكون هزار من لي فانز ديالي
هزار:هه انا احبية لي عندي زهر كنت كنتمنى غير صورة معاك ساعة هانتنا ساكنا معانا شكون فحالي هه
رسيل:هه ونتنا اهزار شنو كدير فحياتك ؟
هزار:انا طبيبة اختصاص جراحة القلب وشرايين
رسيل:اووو مزيان تبارك الله عليك واش دابا خدامة فشي اوبيطال
هزار:نو بب انا عندي مصحة خاصة بيا اسما حياة القلوب ^la vie des Coeurs ^ كينا غير هنا قريبة من لجزيرة لان لمدينة مابعيداش بزااف غير مسافة طريق حنا على قبل سلامتنا ساكنين هنا واصلا حتا واحد ماكيعرفنا عائلة خويا نيار اشخاص قلال وفينما نخرجو ضروري مايكونو معانا لي كارد هادو اومر خويا نيار
رسيل:(كتسماعلا بتمعن ):اه مزيان انا ديجا سامعة بهاد لمصحة على ماكنضن هي معروفة بزااف وكلشي كيهضر على تعاملك مع لمرضى ونجاحك فبزااف دلعمليات جراحية برافو عليك.
هزار:شكرا اختي را ماخلاني خويا نديرا غير بمشقة الانفس قالي هاالقصر ديري فيه حتا عوكاشة ولكن فلخارج لا بزز باش قناعناه بشرط يكون كلشي تحت حماية لي كارد كور دياالو طلعولي ديك ضبوعة فراسي فين مامشينا تابعينا
ميسون:وييه ابنتي هدشي لي عطا الله
هزار:عاودنا ارسيل شوية على عائلتك طبعا الا ماكنش عندك مشكل
رسيل:نوو بب عادي انا عندي زوج خواتاتي بنات وحدة فعمرا 7 سنين ووحدة كبار مني وعندي بابا الله يخليهم لي
ميسون:وماماك ابنتي.
رسيل:(عينا تغرغرو ):ماما ماتت الله يرحما مني كانت كتولد ختي ليان
هزار:(باسف ):مسكيينة الله يرحما.
ميسون:الله يرحما ابنتي ويرزقا فسيح فلجنة
رسيل:آميين ياربي
هزار:ولكن اختي كيفاش تعرفتي على خويا وجيتي معاه حتا لقصر
رسيل:هدشي يمكنلك تسولي عليه نيار هو عيجوبك حسن مني
ميسون:(بتفهم ):وي ابنتي هزار رسيل عندا لحق اصلا نتناا عارفة خوك نيار ماكيحملش لي يدخللو فحياتو
هزار:اه اماما عارفة غير جاني لفضول وصافي رسيل واش ممكن نوليو اصدقاء
رسيل:ههه وي معلوك شكون يرفض صداقة ديال غزالة فحالك
هزار:ياااي ماما سمعتي شوفتيها شحال ضريفة ماشي كيف كتبان فتلفازة
✴ناضت على كتف ماماها ومشات كتنقز عند رسيل وعنقاتا كضحك وحتا هي بادلاتا لعناق✴
هزار:يااااي دابا نتنا وليتي صديقتي
رسيل:ههه ويي الحمقة
✴هزار جالسة كضحك كتبان فحال شي بنت د13 سنة وماشي د23 سنة و عاجبة لحال كتحماق على رسيل وديما كانت متبعاها خصوصا دابا مني عرفاتا عن قرب كتاشفات بلي هي حنينة وضريفة ومتواضعة عكس فلاعلان كتبان صارمة حتا بدات كتجمع ضحكة شوية بشوية مني بانلا بيبرس ماجي كيشمشم على ريحة درسيل لانهو حفضة بسرعة نقزات تخشات فماماها ديما معاها وهايداك كتخاف منو عكس رسيل لي فنهار واحد ولا عزيز عليها حتا نقز على رجلا كيداعبا بضفارو بدات كضحك وحتا هي بقات كتلعب معاه وهزار مكمشة فميسون فحال لفلوس كتغبن✴
هزار:هئ رسيل عفاك اختي لا ماطلاقلو لتيساع خلينا غير نهضرو على خاطرنا
رسيل:ههه والله حتا ضريف ماكيدير والو ماتخافيش
هزار:لاااا احبيبتي يمشي يطيرلي شي يد يخليني بليبوطيز لا لا انا نايضة فحالي كاع حتا يمشي فحالو وعيطيلي باي بب
✴ناضت كتسلت وكتشوف فيه جامعة يدا فحاليلا عدابز وراجعا بلور حاضيا معاه حتا بعدات عليهم عاد عطات رجلا لريح ودخلات كتجري فحال لحمقة قول جاري عليها مخليا رسيل وميسون كيموتو بضحك على تصرفاتا لهبلة✴