💎اللبؤة و الوحش💎( مكتملة )

part30

🌔بارت 30👑
🔫مسدس FN ذو صنعة بلجيكية فهو لمسدس لوحيد لي صنعو خارج روسيا وفضل يصنعو فبلجيكة وكيتميز بلقدرة على اختراق سترة المضادة لرصاص وعلى بعد 100 متر ودخيرة ديالو كتوصل ل20 طلقة لدرجة ان هاد سلاح مكمل لمسدس رشاش 🔫
(حشاه سلاح فخصرو ودوز اصابيعو على لحيتو وقال بشوفة خطيرة شرسة )
نيار:ودابا جا وقت لعب اسي كرلوس
(خرج مباشرة وركب فطموبيلتو بورش W وعفط مكسيري )
☀مجبدة على كرشا فوق سرير بسندالة فضية وكسوة سوداء ديال سهرات قصيرة يالله فايتة لمؤخرة شوية كاملة كتلمع وشعرا الاحمر شاد ريزو ووجها كامل مجخمط بلكحل حتا خسرات ملاميحا مني سمعات لخدامة كتفتح فسرجم وشمس ضربات فوجها فاقت مخسرة وشافت فديك لخدامة☀
---:هيي خرجي عليا براا واش مابقا حد ينعس فخاطرو تفو
لخدامة:(بقات غير كتفتف ):ءء لالة سي كرلوس قالي نجي نفيقك
---:وانا قوتلك خرجي عليا وآخر مرة تفيقيني ولا والله حتا نقتلك بيدي سمعتييي
لخدامة:(قربات طلقوم ):ءء سمحيليا لالة آخر مرة
☀خرجات لخدامة كتجري ماعودتش شافت موراها هي اكتر وحدة كتعرفا تقتلا وتفوتا لهيه حيتاش مقطعة لوراق فحين هي جلسات ومسحات عاينا بيدا وجه طويل بشرة سمرة وعيون خضرة حجبان عراض ومطراسيين نيف مقاد وشفايف كبار وشافت فيدا لي ملويا عليها لفاصمة ☀
---:نتا ديالي وهي عتولي بااح
☀عملات ضحكة شريرة و زولات حوايجا ودخلات لدوش☀
🔶🔶🔶🔶🔶🔶🔶🔶🔶🔶🔶🔶🔶🔶🔶

💧بقات ناعسة ماحساتش بلوقت كاع حتا طاح ظلام عاد بدات كتكسل جلسات فوق نموسية كتسترجع لاحدات كيفاش هتم بيها وداواها وبزز عليها تشرب دوا بدون شعور ظهرات ابتسامة على محياها ولكن فورا تمسحات مني تفكرت بلي حابسا فلقصر تفكرت باباها وختاها وميرال من لي مشات ماهضرات معاهم تنهدات و شافت فلفاكس لي حداها
ودخلات نمرة دباباها ديما فبالا هي ودميرال💧
رسيل:الوو بابا
ابراهيم:بنتي رسيل واش هادي نتي
رسيل:اه اابابا كيف نتنا بخير وليان مزيانة
ابراهيم:لباس ابنتي خلعتيني عليك عييت مانصوني وتيليفونك طافي
رسيل:لا ابابا انا بخير غير جاتني شي خدمة ضرورية ومشيت لفرنسا
ابراهيم:شنو كيفاش ابنتي مشيتي بلا متودعنا ما والو
رسيل:غير سماحلي ابابا ماشي لخاطري كلشي جا مزروب ولكن غير شوية ونرجع
ابراهيم :صافي ابنتي الله يرضى عليك رد لبال راسك
رسيل:آمين احبيبي بعدا ماخصكوم والو
ابراهيم:لا ابنتي كلشي مزيان ليان ولات كتقرا فديك لمدرسة لي سجلتيها فيها وحتا رباب فرحت بزااف حيتاش فكرتي فيها ودخلتيها لورشة
رسيل:هدشي لي خصني ابابا راكتبقا ختي برغم من كلشي مهم حتا نجي ونهضرو وقول ليان ماتقلقشي مني عارفها عتكون معصبة حيتاش ماهضرتش معاها و لكن شرحلا لوضع وانا مرة مرة نصونيلكم
ابراهيم:وييه ابنتي مصدعاني ماففما غير سميتك ولكن ماتخفيش دابا نفهما
رسيل:واخا ابابا بسلامة عليك
ابراهيم:بسلامة ابنتي
(قطعت عليه لخط ودخلات نمرة دميرال بقات شحال حتا جاوباتا )
ميرال:الو
رسيل:سلام ميرال صافا
ميرال:وااع رسيل فينك الكلبة علاش تيليفونك طافي وفين غبرتي واش نتنا بخير
رسيل :بفف غير بشوية عليا وحدة وحدة مهم انا بخير وماشي لخاطري غبرت
ميرال:ءءء رسيل كنحس بشي حاجة واقعة عودلي كلشي شني كاين
رسيل:(تنهدات وبدات كتعاودلا من اول نهار جات فيه حتا لدابا )اوا هدشي لي كاين وهانا باقا كنفكر كي ندير نخرج
ميرال:كييييفففاااششش­ واااش ككككنحححلم شكككون ييكككون فمملكك الله باااش يييحببسكك فداارو ببزز مننك مااالا سييبة فلبلاد وللااا
رسيل:ولخرية بشوية صمكتيني ندمتيني حتا علاش هضرت راك باقا ماكتعرفوشي انا غير يوماين وشوفت كيفاش مركب رعب فلبشر وراه ماشي كي كيسحابلك هدا يدو وااصلة بزااف خصك تشوف غير هاد لقصر راساوي لملايير زيد هاد لي كارد قول غير حارسين لملك بفف علا وحلة
ميرال:الا كانت هو يدو واصلة حتا حنا رجلنا واصلة والله حتا نجيي نخرجك من عندو وهو كيشوف مزييان تبارك الله
رسيل:بفف واااميرال خدم عقلك اصحيبتي راني خايفة علا عائلتي هاد ناس مامعهومش لعب وخصني نخرج من هاد لعبة غير بلفن
ميرال:اه بصح عندك لحق اوا شعدير دابا
رسيل :ماعرفتش باقا عاد عنفكر ولكن ضروري مانلقا شي حل مهم نخليك دابا نشوف كيندير نخرج راسي من هاد لموصيبة لكحلة
ميرال:واخا احبيبتي ورد لبال لراسك اصلاا مانخافش عليك عارفك مرا وقادة وماتنسانيش مرة مرة صونيلي
رسيل:هه واخا ازيني مني نلقا لفرصة نعيطلك يالله باي
(قطعات عليها لخط ورجعات لفاكس لبلاصتو حتا بانتلا لخدامة داخلا بلاطو فيه سوبة دلخضرة وطرف دلخبز وصالاد دروز وديسير حطاتلا بلاطو وخرجات نيت كان فيها جوع دخلات فديك بلاطو طول وعرض حتا سالات وحطاتو فوق طابلة وفتحات لباب خارجة )
(جات خارجة حتا وقفوها لكارد فلباب )
رسيل:(شافت فيهم مطلعة حاجبة ):يا لباس حيدو خليوني ندوز
لكارد :لا ألالة مايمكنلكش تخرجي
رسيل:اهاه وعلاش بسلامة
لكارد:هادو أوامر لمونستر الالة
رسيل:(شافت فيه باستغراب ):شكون هاد لمونستر عوتاني
لكارد:سي نيار الالة أمرنا باش مانخليوكش تخرجي عفاك دخلي بلا مشاكيل
رسيل:اهاه اوا قل لسيدك نيار بلي انا ماعنبقاش جالسة غير فلبيت بغيت نتسارا فلقصر
لكارد:واخا الالة تسنا نعلمو
(دوز لكارد لاتصال لنيار فصناتة لي فودنو حتا سالا وخوالا طريق )
لكارد :تفضلي الالة يمكلك تمشي دابا