💎اللبؤة و الوحش💎( مكتملة )

part50

🌔بارت 50 👑
💧دخلات مباشرة لحمام بروصات سنانا ووجها بصبونة دوف ونشفاتو بفوطة وخرجات طلقات شعرا مخلياه على راحتو كيتجرجر معاها وحيدات لفوقاني دسيرفيت بقات غير بسوستيامات فالازرق وتلاحت فوق نموسية كتشوف فسقف وكتفكر كيفاش حياتا تبدلات مية وستين درجة ندمات على نهار لي شافت فيه نيار ونقداتو كو كانت تعرف بلي ديك لخير لي دارت فيه عيرجعلا بهاد طريقة كون خلاتو تما مرمي ندمات بززافف مارتاحت حتا قالت واخيرا تجمعت بحبابي وعنبقا فجنبوم هاهي دابا بعدات عليهم عوتاني تنهدات بتعب وغمضات عينا كتحاول تنعس 💧
🔥خرج من لقصر طلع فلوطو ديالو وعفط على لكسيراتور ماوقف حتا وصل لواحد لجسر عااالي فلخرجة دلجزيرة ولما داير بيه من كل جوايه صافي وزرق كيبري بضو لقمرة لي كيضرب فيه ولجو هادئ كيريح نفس انسطالا لوطو و خرج تكا عليها طاوي رجل ولوخرا مطلوقة و يد هايز بيها سيكار عاملو ففمو ويد لاخرا حاشيها فجيبو فحال لعادة طلع راسو لفوق كينتفس ببطئ وصدرو كيطلع وينزل معاه كيحس براسو مخنوق ماعرفش علاش وبدون سابق اندار لقا راسو كيشوف صورا وهي فجميع حالاتا كيدوزو بين عينو فحال شي فيديو صورة فيها كتضحك وصورة كتغبن وصورة كتبكي وصورة مخنزرة وصورة مبتسمة وصورة خايفة وصورة فلبحر فحال شي حورية وشعرا طويل مطلوق وراها عويناتا لكريستاليين مغمضين وغمازتا بارزة فخدا ليمنى سنيناتا فحال لؤلؤ كيبريو فوقاش وايمتا ولا حافض تفاصيلا الله واعلم هو براسو ماعرفش شهاد الاحاسيس جديدة ففترة وجيزة شغلات قلبو وعقلو كيكون خدام حتا كتجي صورتا بين عينو فين مامشا كيشوفا ولا خصو غير فوقاش ماعمرو فات زوج ساعات بلجلاس فدار ودابا ولا خصو غير فوقاش يرجع لدار باش يشوف عيونا لقتالة ويستفزا بكلامو ويشوف ديك لغضب وتخنزيرة ديالا حقا لبؤة بكل لمقاييس ضربتا ماتخليهاش وحقا ماتسمحش فيه تضحي بنفسا على قبل حبابا ااااه شهاد الانتى ياربي خلاتو بلا عقل غير كيوصل لعندا كيتقداولو معاها تفكر مني كانو كيلعبو لبوكس وكيفاش كانت كتقاتل معاه بدون ماتفكر فنتيجة وكيفاش بقات صابرة مني كان كيخنقا وماستسلماتش بسهولة كيفاش تحداتو وهربات من لقصر فليل وفلتات من 20 كارد وكيفاش عضاتو ودارتلو لحار مني باسا وكيفاش ضربات ديك شماكرية فلمقبرة وكيفاش كتبقا دور عينا من كتحصل ولا كيعشق كل تفاصيلا ماعمرو كان كيتوقع ان ممكن شي نهار تجي شي انتى لي تستحود على جل تفكيرو برغم من انه رااافض هاد لفكرة رفضا تاما ولكن كيقولو من كيحضر لما كيبطل تيمم وهدشي بضبط لي واقع لنيار فمني ولا قلبو هو لي كيتحكم فيه وكيخليه يتصرف بدون تفكير فما بقا للعقل حتا دور لانه كي ديزاكتيفي بوجود رسيل تنهد بعمق وسف آخر سفة من سيكارو وعفط عليه برجلو هاد طريق لي غادي فيها ماشي صحيحة وعندا عواقب وخيمة علا دكشي خصو يلقا شي حل قبل مايندم من بعد مسح بيدو على وجهو بعياء وطلع فلوطو ديالو مكسيري🔥
🔥غير وصل لقصر رما سوارت لوطو للبوديكارد ودخل لداخل بالو سهيييط عرف بلي كلشي نعس اصلا لوقت متأخر طلع مباشرة لغرفتو حيد لفوقني دسيرفيت و بقا بصدرو عريان وديك لوشمة مشبرة ظهرو كامل وطالعة حتا لرقبتو حيد سبرديلة غير برجلو ورماها وتلاح فوق نموسية ناعس فوق كرشو كيحس براسو مدكدك قول عام مانعس غمض عينو بعياء ومشا فسبات عميق🔥
🌞اصبح الله واصبح الملك🌞
💧خسرات ملاميحا بشمس لي ضربات فعينا غطات وجها بيدا كتستعد باش تفيق عاد ناضت كتكسل حكات عينا بيدا وشافت فساعة لقاتا تمنية دصباخ رمات لغطا وحشات بانطوفة فرجلا وطلات من لبالكون بانلا لجو غززاال مشمس بتاسمات ودخلات لحمام وماهي الا تواني حتا خرجات غاسلا وجها وسنانا دخلات لدريسينغ لبسات شورط تجيننز واصل لنص لفخاض مع تيشرط فلموطارد توبا رهيف نازلة على لكتاف وفيها طويات فحال لفراشة حشاتا فشورط وزادت سميطة رقيقة فلبيض مع سبادير بيضة ناااري جات طوووب كتبان قنبووولة متفجرة خصوصا لبسا مزيرة وحكماتلا فورمتا وزيد مع بيوضيات جسما سرحات شعرا وجمعاتو بسبولة طالعة من لفوق حتا وصلات لتحت وجمعاتو كعكة مزيرة عملات حوالق رقاق فلفضي وسويعة بنفس لون كتفات شفارا بماسكارا وعملات لشفايفا كلوز فلبوردو رشات عطرا وجمعات فراشا حشات تيليفونا فجيبا ونزلات لتحت لقات هزار وميسون جالسين فصالون كيهضرو ويضحكو هزار لابسة سروال كحل طالع حتا لبوط مع مني فلخضر مزير و سباط بلا فلكحل جامعا شعرا كود شوفال ودايرة مايكاب صباحي خفيف جات كيوت حتا هي زينة طاغي ومقبولة بزااف خصوصا عويناتا لمجبدين وميسون لابسة كسوة مفرفرة فلازرق حد ركبة وجامعة شعرا كعكة وطالون فلباج حتا هي لا تقل اناقة كتبان اصغر من سنا بدون مايكاب غير شافوهاا ماجا لجيهتوم بديك لفورمة ولبسا داخو هادو نسا يا حسرة اما رجال مانعرف شعايديرو بقاو غير حالين فوامهم فيها أول مرة يشوفو شي بنت زوينة لهاد درجة وطبيعية من لفوق حتا ناضت هزار كتنقز وعنقاتا💧
هزار:واااو شهاد لجمال وشهاد لاناقة صافي انا طحت أخوتي طحت ههههه
رسيل:ههه عويناتك لي زوينين حتا نتنا غزالة
هزار:هه وللكن مانكونش قدك
ميسون:ههه وداك لحمقة خلي لبنت تجلس ونتنا لاسقة فيها الله يستر
💧رسيل بتاسماتلوم ومشات سلمات على ميسون وجلسات فجنبا وهزار فجنب لاخر💧