💎اللبؤة و الوحش💎( مكتملة )

part122

🌔بارت 122👑
هزار:احح على فينونة ديالي كتسمع لهضرة دماماها وباباها
بيلسان :ههه ماما فين هو بابا ماجاش عندي فصباح فحال ديما
رسيل:(ضغطات على شفايفها وبتاسمات كتحاول ماتبينلها والو ):باباك احبيبتي فاق بكري ومشا لخدمة مزروب على دكشي ماجاش لعندك حتا ليل ويجي اكي
بيلسان :اكي ماما
ميسون:يالله ابنتي ندخلو شمس قوية بزااف عدوخنا
هزار:اه بصح
رسيل:صافي واخا
💧ناضت رسيل هازا بيلسان فيديها وميسون وهزار فجنبها دخلو لصالون وميسون وهزار جلسو فلي فوطوي ورسيل بقات واقفة هازا بيلسان وقالت💧
رسيل :انا عنطلع ندوش لبيلسان
ميسون :واخا ابنتي سيري
💧زادت مكملة طريقها وطلعات فلاسانسور حتا تفتح على لجناح ديالهم عاد توجهات مباشرة لغرفة بيلسان نزلاتها لارض ودخلات وجدات لجاكوزي عاد دخلاتها زولاتلها حوايجها ودخلات فلجاكوزي كتغسلها وكيترشو بلما وبيلسان كتموت بضحك كتبقا تهز رغوة وضرب بيها رسيل لوجها لي حتا هي نسات همها شوية وضحكات معاها من قلبها حتا سالاو تدواش عاد ناضت رسيل لبسات بيلسان بنوار فلغوز وجمعاتلها شعرها بفوطة صغيرة وغسلات وجها من رغوة عاد خرجو من لحمام حطاتها فوق نموسية وجبداتلها ريحانة دميكيماوس بيضة لبساتلها ونشفاتلها شعرها وتكاو بزوج فوق نموسية معنقين بعضهم ورسيل كتلعبلها فشعرها وكيتحدتو بهدوء حتا داتهم عينيهم وغفاو
🔥متكي على لوطو واضع يد فجيبو وتانية هايز بيها سيكار كيسف منو مخنزر جامع حجبانو وشعرو نازل على عينيه مروبل كيف مافاق خرج لابس غير شورط اسود وتيشرط فرمادي وسبرديلة بقا ساهي فلبحر لي كيطل عليه لجرف وكل تفكيرو فتصرف لي عملات رسيل هاد صباح ماعرفش سبب ديال هاد تغير لمفاجىء واش بصح هو خانقها كيحس براسو عيطرطق حتا قال ممكن يكون غير من لهورمونات لي تقلبولها بسبب لي غيكل لي قربات ضغط على شفايفو كيبرد فراسو وكيحاول يضبط نفسو باش يعرف كي يدير يتصرف معاها ودابا لمصيية يالله داز شهر على زواجهم وبداو لمشاكيل رما ديك سيكار فلارض وعفط عليه عاد طلع لوطو وكسيرة لقصر انسطالا لوطو ورما سوارت لبوديكارد ودخل لصالون سلم على ماماه وختو عاد طلع لجناح ديالو فتح لباب ودور عينيه فلغرفة بانتليه ماكيناش وحتا لتحت ماكيناش يعني عتكون مع بيلسان رجع سد لباب وتوجه لغرفة بيلسان فتح لباب بشوية وطلل براسو لقاهم ناعسين معنقين بعضهم حمقو منظرهم بهاد شكل تمشا لعندهم بخطوات بطيئة وجبد لفون من جيبو وصورهم عاد رجع حطو وباس رسيل من فمها وبيلسان من جبهتها وتكا حداها وجر رسيل لعندو وعنقهم بزوج بيهم بيلسان فلوسط ورسيل قدامها غمض عينيه ومشا معهم فسبات عميق دازو زوج سوايع وهما مزال ناعسين حتا فاقت بيلسان كترمش بعويناتها وغير شافت نيار فجنبها ومعنقها ضحكات بفرحة و طارت عليه بتعنيقة حتا فتح عينيه طافج وغير شافها بتاسم وبادلها لعناق عاد شاف فرسيل يانتليه باقا ناعسة ورجع نظرو لبيلسان كيهضر بصوت خافت🔥
نيار: صبااح لخير أميرتي
بيلسان:(بشوية ):صباح نور بابا
نيار:فوقاش جيتي من لكوليج