💎اللبؤة و الوحش💎( مكتملة )

part14

بارت 14👑
🔥 مع لوقفا لي عيوقف كتباليه واقفة قدامو عاطياه بظهر نفس لفورما لقتالة ونفس زعورية واكتر من دالك نفس لعطر طلع حاجبو باستغراب شهاد صدفة هادي نزل عينيه مع جسدها لمنحوت كأنها قنبلة متفجرة وصولا لشعرها الاشقر لي بديك لمشطة واصل لخصرها نزل عينو مباشرة لليان لي شدالها فيديها هي نفسها لبنت لي كانت هازاها قبيلا شاف فشعرها لقاه طبق الاصل على ديالها كمش حجبانو بتساؤل شنو زعما عتكون هدي بنتها؟ مجرد تفكيرو فهاد الاحتمال حس بنبضات قلبو كتسارع حتا ستغرب اول مرة يوقعليه هايدا هدو كاملين افكار روداتو اتر شوفتها فكل مرة كيزيد يتصدم من راسو شنو وقعلبن كيفاش حتا لهاد درجة شغلات بالو انتى ولاكتر من دالك انه ماشافش حتا وجها نفض هاد لافكار من بالو بحجة ان جميع لبنات فحال فحال وبقا طالق عينيه معاها حتا وقفات عند منال عاد دور راسو كيكتاشف الاجواء كيبانوليه لبنات كاملين كيشوفو فيه طبعا وهو بهاد لجمال ولفورمة كيبانلهم فحال شي ممتل تركي حتا واحد ماواصل لجمالو سبحاان لخالق توجه بخطى تابتة لواحد طابل خاوية ومقابلة مع جهة دنسا حتا كيتجمعو عليه جميع رجال الاعمال كيشكرو فيه ويتحسرفو ليه وهو مكتافي بتخنيزة مع تحريك راسو بالإيجاب ماعندوش مع هاد تخربيق كامل وهو اكتر واحد عارف ناس ديال لمصلحة فماعدارش بيه.دابا لي gارد كانو فطابل لي مقابلة معاه حاضينو وغير شافوهم دايرين ديك جقلة توجهو لعندو حتا كيوقفو فبلاصتهم مني عطاهم الاشارة بيدو يعني سططووب كيكره هاد الاجواء ولكن مضطر على قبل صديقو 🔥
💧 حتا وقفات على لالة منال لي كانت لابسة تكشيطة انيقة فالاحمر كلها مرصعة بلجوهر فلفضي و جامعا شعرها بشال فنفس لون لور بطريقة جميلة كانت كتهضر مع لي سيرفور حتا حسات بشي واحد وقف عليها هزات عيونها لخضراء وشافت فيها بابتسامة بشوشة ونفس شي لديك سربايا لب ريوgوم سالو وبقاو غير كيشووفو فيها هزات يديها المتجعدة نوعا ما وحطاتها على خدها بحنية وقالت💧
منال:ماشاء الله تبارك الله.الله يحجبك ابنتي ويحفظك كتحمق
رسيل:(بتاسمات بلطافة وباستلها راسها  ):ربي يخليك اخالتي حتا نتي منورة ماشاء الله غزالة
منال:هه اوا هاحنا ابنتي كنرقعو وصافي اما زين راه مشا ههه
رسيل:ههه لا اخالتي الا مشا زين يبقاو حروفو هه فين هي ميرال؟
منال:رااهي ابنتي فديك لبيت(شيراتلها بيديها لواحد لغرفة مقابلة مع لبرزة ومعزولة )من صباح وهي تسنا فيك قولي جالسا على لبيض
رسيل:ههه يالله اخالتي بسلامة هانا مشيت لعندها عفاك ردي معاك لبال لليان حتا نجي
(منال عاد رداتلها لبال لليان نزلات لعندها وعنقاتها )
منال :اووو الاميرة ديالي جيتيي غزاالة
ليان :ههه شكلا احالتي منال حتا نتي مزيونة
رسيل:ههه يالله نخليكم دابا
منال:بسلامة ابنتي كوني هانيا هايا ليان فعينيا
💧بتاسمااتلها وقلبات دورة و توجهات للغرفة حتا وصلات عاد فتحات لباب بشوييية ودورات عينيها فلارجاء بانتلها غرفة كبييرة وجميلة عامرا بلقفاطن ولمايكاب خاصة غير بلعريسات و واقفا بنت زييونة لابسا غوب بيضة ملصقا على طايتها ومقطعا شعرا كاري كتبان كلاس طبعا وهي اكبر مايكاب ارتيست فلمغرب لعربي كانت كتضيف لمسات لاخيرة لميرال لي كانت بدورها جالسا وعاطيا بظهرها لباب كيبان غير شعرها لبني لي مجموع بمشيطة انييقة لفوق و كاملو بوكلي قربات عندهم بخطوات بطيئة اما هي غير سمعات صوت طالون وقفات بزربة و دارت باش يبان وجها لي معادلاه بمايكاب ديال لعريسات صارخ ومركزة على عويناتها دايرا تاج كبير وزويون فلفضي على شعرها لي منفخ من لقدام وبعض لخصلات نازلا منو على جبهتها وعكر فلبوردو فحال لون تكشيطة لانيقة لي لابسا كاملها مرصعة بالاحجار الكريمة فرمادي شافت فيها وتوجهات عندها كتجري وعنقاتها 💧
ميرال :افف لحمد الله ياربي سحابلي غير وقعاتليك شي حاجة احبيبتي
رسيل:(بتاسمات وبادلاتها لعناق ):ماتخافيش ابب هاني معاك
ميرال:(جمعاتها معاها بقرصة ):ولكن تعطلتي االكلبة
رسيل:(كتحك فيها ) احح صعر انشاء الله ولكن جيتي كتهبلي الحب غزالة ماشاء االله عليك
رسيل:(كتحك فيها ) احح صعر انشاء الله ولكن جيتي كتهبلي الحب غزالة ماشاء االله عليك
ميرال:ربي يخليك احبيبتي حتا نتي بلا منقوليك غير حورية فوق الارض الله يحفظك
رسيل:ههه عويناتك ألحب
ميرال:هه واجي دابا عوديلي شنو وقعليك را فيا دودة والله لا تفكيتي مني
رسيل:ههه وانا عااارفاك ما عتفلتنيش
💧جراتها من يديها وجلسو فوق لفوطوي وبدات رسيل كتعاودلها لي وقع بتفصيل من بعد ماخرجات لبنت لي كانت كتعادلها لمايكاب حتا سالات رسيل وقالتلها💧
رسيل:اوا صافي هدشي لي وقع
ميرال:(شداتها لبكيا خافت بزااف عليها ):الله على حبيبتي كانو باغين يشويوني فختي لحمد الله عونك ديك راجل (علات كفوفها لسما وبدات كدعي )سير اخاي الله يعطيك شي خير اما نتوما يا شماكريا سير الله يعطيكم شي غبارة اولاد لحرام بغيتلكم شي تهريسا ديال شهر هدشي الا كان باقي فيكم شي عظم صحيح
رسيل:(بقات مصدومة فيها كتشوفها كي تسيفات فحال داك نسا شاارفين مني كيبداو يدعيو خلاتها حتاا سالات وهي تشد فكرشها كتموت بضحك ):ههه واايما كرششي ههه اواعدي شكيت واش ميرال لي جالسا كتهضر معايا ههه سحابلي غير مي سعدية ههه وتسيفتي اشعيبية هه
ميرال:(عنقاتها بجنب كضحك ):ههه والا ماتسيفتش عليك ألحب علامن عنتسيف هه وراه غير منال عاداتني
رسيل:ههه انا اختي مقييدة برااسي تسيفي غير على سي ادهم زوجي قرة عيني ( كتعيب فيها)
&يالله جبدو سميتو وهما يسمعوه واقف من موراهم كيضحك  &
ادهم:وااقيلة سمعت سميتي هه
💧ميرال كانت جالسا مقابلا مع لباب ورسيل لعكس ديالها علات عينيها فيه ببطء من سباطو الاسود لي كيلممع لابس كومبلي اسود وشوميز فالابيض مزيرة على بنيتو رياضية مع كرافاط فالاسود مرجع لور شعرو الاسود كدالك الدي يكسوه بعض الخصلات البنية و عيونو سوداء كتلمع ولحيتو لخفيفة لمطراسية حقا وسيم وخصوصا دابا جا معاه لكلاس حيتاش اغلب لباسو سبور بقات كتشوف فيه بحب كبير ظاهر فعيونها لعسلية اما هو لا يقل عنها بقا مشلوط فهاد اللوحة الفنية حقا جات كتهبل شاف فيها بابتسامة وفرح كبير باين فعيونو وتوجه لعندها بخطوات بطيئة ونزل باسلها راسها باقي مامتيقش بلي واخيرا ولات ديالو وفذمتو 💧
ادهم: ماشاء الله
(بقاو ساههين للحظات فعيون بعضهم حتا ناضت مخربة اللحضات مني شافتهم مخشعين وقالت )
رسيل:احم احم اناااا هنااا
💧اتر صوتها فاقو من سهوتهم ميرال ولات حاامرة اما ادهم مامسوقش ماعندوش لحشمة فقاموسو بقا لتواني كيستوعب هاد صوت وبضبط هاد لجملة كانت ديما رسيل كتقولالهم مني كيطيحو فهاد لمواقيف حتا علا راسو بسرعة ووشاف فيها وناض لعندها دغيا وعنقها كيضحك وهي بدورها بادلاتو لعناق كتبتاسم كتحسبو كتر من خاها وعزيز عليها خصوصا انه ضحوكي وقلبو بيض وهو كدالك كيعتابرها كتر من ختو فصلو لعناق عن بعضهم فحين ميرال كتشوف فيهم بابتسامة برغم من انها كتغير على ادهم بزااف من لبنات باستثتاء رسيل لانها اكتر وحدة كتعرف طبيعة علاقتهم 💧
ادهم: وااافين الخوادريا توحشناك
رسيل:ههه وخصك تشوف انا امولاي سلطان
ادهم:(شدلها فيديها ودورها ):وا وا وا وتا زيانتي اساطة فما هو سر همم ؟(غمزها )😉
رسيل:ههه حيتاش مابقيتش كنشوف كمارتك هه
ميرال:عطييه لعصيرر
ادهم :هه وانا شفتك زيانيتي قلت را داك لسان مابقاش كيف كان ساعة كيبالي غير مازاد طوال هه
(بقاو مجمعين بتلاتة بيهم كيتفكرو دكرياتهم فلمدرسة وزبالي لي كانو كيديرو مرة يضحكو مرة ينوض ادهم يتناgر مع ميرال ومرة مع رسيل حتا دخلات عليهم لالة منال ولقاتهم جالسين على ضحك )
منال:تبارك الله تبارك الله على لحادgين ناس كيتسناو لعرسان يخرجو وهما جالسين مجمعين ونتي ابنيتي رسيل قلتليك سيري شوفيها ماشي سير سكني معاها همم
(رسيل بقات غير كدور فعويناتها اما ميرال لصقات فادهم لصقة وحدا خافت تجمعها معاها بشي شحطة وهي من صباح وهي كتوجد اما ادهم وقف وتوجه عندها كيضحك وباسلها راسها )
ادهم: وتااا فين انسيبتي هاي هاي شهاد لجمال وشهاد الاناقة ألحمر ألعمر انا صافي مابقاش خصني نتزوج ببنتك انا خصني نتزوج بيك
(رسيل وميرال بزز باش حابسين ضحكة اما منال عملات يديها على فمها كضحك بشوية اما لبنات صااافي حتا لهنا مابقاوش قدرين يحبسو ضحكة شدو فكرشهم وجلسو كيتمرغلو بضحك اما ادهم دموع هودوليه بقوات ضحك .منال غير شافتهم كاملين مفرشخين بضحك عاد عاقت براسا و ضرباتلخم واحد تخنزيراةوجمعاتها مع ادهم بشحطة لقرفادتو💧
منال:الله يقلل حياك الماسخ كاما تحشمشاي
رسيل:وااه هه وااجي اسي سليم شوف مرتك
ميرال:ههه واا كتخونك مع راجل بنتك
ادهم:اتماا بعدوليا من نسيبتي تيتيزة ههه
منال:نتا غير سكت ونتوما هاكو
(هزات واحد طالون وشيرات عليهم بيه جاب الله خواولها )
ادهم :اهيياتا لاا انسيبتي حتا لمراتي ونووو على شوية كانت عتبرز معايا بلعكاز هه
منال:(يالله جات تجاوبو وهي تسمع تيلي ديالها كيصوني دوزات لخط وبعداتو على ودنها صمكها )
سليم :وااا هاد لمرة ناس عيمشيو فحالهم صيفتك تجيبيهم زداقتي ساكنة معاهم