💎اللبؤة و الوحش💎( مكتملة )

part49

🌔بارت 49👑
رسيل:^If you're a monster , I'am a lionesse^(ادا كنت نتا لوحش ،فانا لبؤة )😏
نيار:(بابتسامة مستفزة):^welcome to the monster kingdom^(مرحبا بك فمملكة الوحش)(😉غميزة )
🔮رسيل لفوار قريب يخرجلا من نيفا بالاعصاب ماكتحملش هاد لبرودة لي كيهضر بيها كتعرف ماجا شي عاصفة طلعات عينا فيه وبقات كتمعن فيهم بدقة وكترسموم فعقلا ونفس شي بنسبة لنيار حتا كتغفلو بضربة قوية لصدرو 🔮
رسيل:(باستهزاء ):^prepare to taste the loss^(وجد راسك باش دوق طعم لخسارة )
🔮نيار قرب عندا بشوفة كدوخ خصوصا بتصغيرا لي داير لعينو وشعرو لي نازل عليهم كيبان طووب حتا نساات راسا وبقات سااهية فيه شهاد لوسامة هادي باقي حتا ماكملاتا فنفسا كتحس بضربة قوية لجنبا جابتا ناعسة على ظهرا نزل لمستواها وجلس قرفصاء قداما كيشوف فعيونا🔮
نيار:(باستفزاز ):^Dream a lot ^(كتحلمي بزاااف )
🔮مارضاتش بهاد لمنظر حتا كتشوفو مدلا يدو باش توقف خنزرات فيه ودفعات يدو بنترة ووقفات بزربة كتنفض فحوايجا واخا مقصحة فجنبا ونيار غير شافا شنو دارت عمل ابتسامة جانبية ووقف مقابل معاها 🔮
رسيل:(بنظرة واتقة):^I do not dream ,but i achieve^ (انا ماكنحلمش بل كنحقق )
نيار:^I like the defeat of people who are completely possessing themselves ^(كيعجبني نهزم الاشخاص لي تايقين فراسوم فحالك تماما )
رسيل :^share the same feeling^(كنبادلك نفس شعور )
🔮قربات لعندو بسرعة وبدات كتعطيه فضربات متتالية فين ماجاو غير كضرب ونيار كيغطي فوجهو وكيخويلا حتا عصباتو وجمع معاها بنص جابا مكسلة فلارض عاد نزل لعندا وحاوطا بيدو من زوج جيهات ورسيل غير كتشوف فيه وصدرا كيطلع وينزل وهو كتار منا غير كينهج بقاو لتواني ساهيين فبعض ونيار تارة يشوف فعيونا وتارة اخرى يشوف فشفايفا حتا بدا كيقربلوم بشوية فحاليلا مخدر وقبل مايوصلو ماكيحس غير برجلين ملويين على عنقو وشكون من غيرا رسيل طبعا زفر بغضب وشاف فيها بديك شوفة ديال من نيتك حيتاش كانت باغا تلوي رجلا على عنقو وطيحو فلارض ساعة لقاتو فحال جبل ماحركتشي فيه حتا شعرا حتا كتحس براسا مقلوبة بظهرا على صدر نيار ويدو ملويها على عنقا حتا كتحس بنفس عتقطع فيها بزز باش كتنفس كضرب برجلا وكتفركل وهو غير ماكيزيد يزير عليها وميسون وهزار كانو كيتفرجو فيهم فرحانين اول مرة يشوفو نيار مع شي بنت وهزار كتصور فيهم فيديو حتا بانولو بدا كيخنق فيها قلبوم بغا يسكت غير كيدعيو فنفسوم عارفين لعب مع نيار خايب كيقولو صافي دابا عيقتلا ماعرفينش بلي هو دايرها بلعاني باش تستسلم قبل مايفوت فيها شي دقة وهي كتسفزو حيتاش مني كيتعصب ماكيبقا عاقل على حتا واحد وهو عارف مزيان بلي رسيل عندا سوفل علا دكشي كيزير عليها باش تعرف بلي راه دبصح باغي يخنقا وحقا وصل لهدفو غير حسات بيه زير بلمعقول نفس تقطعات فيها ووجها ولا حمااار معصور ماباغاش تستسلم وفنفس لوقت ماباغاش تموت وتخلي عائلتا موراها حتا سمعاتو كيحسب 🔮
نيار:1....2.....تلاا­...
🔮يالله جايكملا وهو يشوف يد رسيل كضرب فالارض تلاتة دلمرات معلنة عن خسارتا واستسلاما عمل ابتسامة جانبية وطلق منا ووقف كيحيد فلقفازات ورسيل عاد ردات نفس وبقات كتنهج حتا بانلا مادلا قرعة دلما 🔮
نيار:(باستهزاء ):بصحتك اللبؤة
🔮خنزرات فيه وشداتا من عندو بزعفة وبدات كتشرب حلقا نشف عاد جات ميسون وهزار كيجريو قول كانو هما لي مخنوقين قلبوم بغا يسكت 🔮
ميسون:(كتنهج ):ا الله ياولدي شني كنتي باغي دير
هزار:اويلي اخويا كنتي عتقتل لبنت
نيار:(بطنز ):امم انا نقتلا ؟؟حشوومة
💧رسيل غير كتشوف فيه مخنزرة وكتزفر ماكرهتشي تنوض تقجو حتا يخرجو عينو ضغطات على شفايفا كتبرد هاد لخسارة ووقفات كتنفض فحوايجا فحين نيار غمزا بابتسامة مستهزاأة وطلع لجناح ديالو عاد خرجات رسيل لعند ميسون وهزار لي غير كتنقز وكدور 💧
هزار:هيييي رسيل كتعرفي تلعبي عندي مانتسالك كتباني فحال شي بوكسينغ محترفة
ميسون:هه اه ابنتي بصح تبارك الله عليك
رسيل:(مبتسمة بزز ):ربي يخليكم هانا طالعة ندوش
ميسون:سيري ابنتي منها ترتاحي شوية وتجي موراك مرجانة باش تنزلي تعشاي
رسيل:واخاا اخالتي يالله بسلامة
هزار:باااي الملاكمة ديالنا
💧رسيل بتاسماتلوم وطلعات لغرفة ديالا فحين هزار شافت فماماها بابتسامة شريرة💧
هزار:نييينا هل تفكرينا في ما افكر يا امي؟
ميسون:هه نعم يا ابنتي
هزار:هههه ماما شوفتي كيفاش كانو قراب من بعضياتوم وكيفاش كيهضرو مع بعضوم بديك لقرب كامل ياااي باينة عتكون بيناتوم شي حاجة الله ماكرهتش تكون عندي شي مرات اخ فحال رسيل
ميسون:وييه ابنتي صراحة عندك لحق حتا انا فحالك زين وتباتة والاخلاق وزيد متقفة وقارية تبارك الله عليها مافيها مايتعيب اي واحد يتمناها
هزار:ههه وعتجي مع خويا نيار طوب حتا هو لكاريزما ولوسامة ولعاقة هه احح اقلبي عيكونو كوبل غزال
ميسون:هه وزييدي الحمقة حنا جالسين نفصلو ونخيطو غير بوحدنا علم الله شني تحت راسوم
هزار:ههه عقلي اماما فين قولتالك رسيل لنيار ونيار لرسيل
🔰ميسون ضحكات وعنقات عنداا هزار وخرجو من لاصال دسبور ومشاو لكوزينة يطلو على لخدامات فحين رسيل خدات دوش ولبسات سيرفيت نواغ مرسوم فيها لبؤة فلقهوي وسبادري فنفس لون نشفات شعرا بسيشوار وجمعاتو كعكة مهملة وكتافات برش عطرا ووجها خالي من اي نقطة مايكاب جلسات فوق لفوطوي وبقات كترد سينتا لور وكتمعن فكل لحظة كانت مع نيار عينو زمردية حجبانو لغلاض لمعقودين لحيتو لمطراسية شعرو لكتيف لحريري شفايفو لحميمرين فورمتو لجدابة كتافو لعراض طولو لمرتفع اضافة لكريزما ديالو وهبتو لمرعبة بقات ساهية كترسم تفاصيلو فدماغا وبدون شعور ظهرات ابتسامة على وجها حتا وصلات للقطة لي كان كيخنق فيها ديك ساعات عاد فاقت فحاليلا ضربتيها بطرشة جمعات ابتسامتا خنزرات وجات فبالا لحظة لي قالا فيها انا لمونستر وبديك طريقة حسات بتبوريشة ضمات يدا لصدرا وخسرات ملاميحا متاكدة ميا فلميا مني قالالا الا وانه باغي يدق عليها ويبينلا انه ماشي ناعس على ودنو وان كل حركة كديرا عندو بيها لخباار ولكن كيفاش هدشي عيات ماتفكر حتا راسا بغا ينفاجر حتا جات مرجانة كتعلماا بلي لعشا وجد وكلشي فانتظارا تنهدات وناضت هودات ففالاسانسور خرجات مباشرة فسفرة مليئة باشها والد المأكولات و طبعا كيف لعادة نيار لي متراس طبلة وفجنابو هزار وميسون لقات عليهم تحية وجلسات حدا هزار وبداو الاكل فصمت كيتسمع غير صوت لي فوغشيط اما هزار غير ساكتة فما كيكللا خصا تهضر ماتقدرش تبقا ساكتة ولكن غير كتشوف نيار بديك تخننزيرة كضرب طم وكتنزل على طبسيلا حتا جابت لرسيل لعجب من هاد صمت اما ميسون ونيار عارفينها بلي خايفة ورسيل مرة مرة طلع عينا فنيار وحتا هو متبعا بنص عين وكيشوف فديك لبؤة لي فسرفيت بابتسامة جانبية وهزار غير كدور عينا بيناتوم فحال ردار عكس ميسون لي كتاكل فطبسيلا بكل لباقة مامسوقاش ليلوم حتا سالاو الاكل ديالوم عاد وقف نيار كيمسح ففم بسربيتة ورسيل هزات كاس دلما كتشرب وفنفس لوقت كتشوف فيه بجنب عينا عاد ردات لبال لاطلالتو كان لابس سيرفيت كحلة فحال شكل ديالا غير ديالو فيها وحش رمادي طبق لاصل على لوشمة لي عندو غير شافتو حسات بقلبا عيزهق حتا ردات ديك لما كامل وبدات كتكحب بجهد و عينا دمعو وميسون كضربلا على ضهرا بشوية مخلوعة عليها وهزار كتشربا فلما ونيار واقف كيشوف فيها ببرودة وبشبه ابتسامة 🔰
ميسون:ءء بشوية عليك ابنتي شني وقعلك
رسيل:(كترد نفس ):كح كح والو غير واقيلا يمكن زهقلي
نيار:(بطنز ):او يمكن تخلعتي
🔰طلع فيها حاجبو بديك شوفة ديال بصحتك وخرج كيحك قدقنو وكيضحك فحين رسيل غير مخنزرة قريبة تبخ دم شافت فهزار وميسون ووقفات🔰
رسيل:يالله نخليكم تصبحو على خير
هزار:ءءء عتنعسي دابا وحنا قلنا زعما نقصرو شوية
رسيل:(بعياء ):والله حتا مهلوكة خليها لغدا ان شاء الله
هزار:بفف اكي راحتك هي لولة
ميسون:اه ابنتي سيري رتاحي عتكوني عيتيي
🔰رسيل بتاسماتلوم وباستوم فخدوم وطلعات لبيتا