💎اللبؤة و الوحش💎( مكتملة )

part99

🌔 بارت 99 👑
📀بعد مرور ستة أيام📀
💧هازا لفون فيديها وغادا جايا فغرفتها كتغزز فشفايفها بتوتر فحاليلا فيها وجع لولادة لابسة شورط تجيز حد لفخاض وتريكو طايح على لكتاف فلموف وسبادري بيضة لاقية راحتها من جيهت نيار حيت كينا غير فلقصر حتا شافت هزار داخلة وهي تمشي كتجري لعندها💧
رسيل:هزار واش كلشي واجد ؟؟
هزار:ويي بب كلشي واجد ومن دابا لساعة عيوصلو عائلتك وغدا فصباح عيصيفطولك لاغوب مع لمايكب ارتيست ولمساعدات دياولها
رسيل:افف لحمد الله فين هي خالتي ميسون وبيلسان
هزار:ماما راهي فجردة كتراقب تحضيرات وبيلسان كتلعب مع بيبرس حداها
رسيل:ااه صافي حتا نيار قرب يوصل
هزار:اكي بب انا عنزل نشوف ماما يالله معايا
رسيل:نوو حتا يجي نيار ونزلو بزوج
💧خرجات هزار من لغرفة فحين رسيل مشات لبالكون وبقات كتشوف فتحضيرات بحب كبييير باين فعيونها وأخيرا جا نهار لي كانت كتحلم بيه باست لخاتم لي فيدها وبقات حاضيا لخدم بعينيها وميسون لي واقفة عليهم فحال لعسكري مامخلياش من جهدا الا شافت غير شي حاجة عوجة كديرلهم حالة طول هاد ستة أيام لي دازو رسيل شدات كونجي لمدة شهراين باش تقدر تفرغ راسها لعرس ولشهر لعسل لي عايكون موراه وباش نيت تهتم براسها وتستعد لعرسها برغم من أنها ماتحتاجش لشي عناية لان جمالها ساحر وبشرتها نقية وزادت زيانت بلي ماسك لي كانت كدير فهاد الأيام طبعا هزار وميسون فين ما كانت شي وصفة يطليوهالها فوجها حتا ولات كتشعل اكتر من لأول وكانو كل نهار كيمشيو يعملو شوبينغ وكيشريو لمول كامل وحتا من باباها ورباب هضراتلو على نيار ولكن ماعاوداتلومش كيفاش طلاقاو ولا شنو عاشو كتافات تقولهم بلي جمعاتهم علاقة عمل فلاول وحتا هما ماعراضوش بل فرحولها بزااف لانهم عارفين رسيل ماعتبغيش اي واحد وطبعا دارت هدشي كلو بدون ماتهمل بيلسان لي ولات كتحمق على نيار وماكتبغيش تطلق منو وكتقوليه بابا لانه حقا حسسها بانها بنتو برغم انعدام صيلة القرابة بيناتهم لأمر لي فرح رسيل بزااف لان مني كتشوف نيار مع بيلساان كيتحول لشخص آخر اما نيار طول هاد لمدة وهو خدام كيقاد حساباتو وكيوجد فوراق خروجو من عالم لمافيا لان الأمر ماشي ساهل كيدوز نهار كلو فشركة ماكيجي حتا ليل كيطلع نيشان عند رسيل كيلقاها باقا كتسناه كيهضرو شوية وكيعنقو بعضهم وكينعسو مافيقا من سهوتا غير صوت لباب لي تفتح وبدون مادور عرفات شكون غير من ريحتو لي تغلغلات فاعماقها بتاسمات ودرات لعندو كتشوف فيه بحب لابس سروال تجينز اسود وتريكو فلااسود وسبادري بيضة مرجع شعرو لور وعينيه زمردية كتشوف فيها بحب كبير باين فيهم وحجبانو مجموعين ولحيتو مروبلة شوية توجه لعندها بخطى بطيئة حتا وصل لعندها وجرها من خصرها خاشي وجهو فعنقها كيستنشق فعبقها عاد طلع راسو وباسها بوسة خفيقة من فمها فحين رسيل حاوطات عنقو بيديها وباستو فخدو
رسيل:عيتي بزااف ياك احياتي
نيار:غير كنشوفك كيمش لعيا كامل
رسيل:هه فين وصلتي فديك لوراق
نيار:باقي عاد كنوجد فيهم
رسيل:وفوقاش عتقولي شرط ديالك عفاك
قولي
نيار:ماشي دبا حتا لمور لعرس
رسيل:بفف اكي
نيار:انا عنمشي ندوش
رسيل:صافي واخا ماتعطلش باش نستقبلو بابا
نيار:اكي (نزل عينو وشحطها ففخاضها بشوية ):وعندك تنزلي بهاد لفخضين
رسيل؛هئ واغير بابا ولبنات
نيار:راجل صاحبتك فين خليتيه
رسيل:(عاد تفكراتو ):اااه أدهم نسسيت صافي واخا
💧باسها ودخل لحمام فحين رسيل مشات لدريسينغ💧
🎄لبسات غوب فلكرونة فايتة ركبة واسعة من لخصر ومن صدر مزيرة وفيها نقط صغار فلباج لبسات صباط طالون باج وجمعات شعرها كوك شوفال رشات من عطرها وخلات وجها خالي من لمايكاب اصلا منورة بلا بيه زادت ساعة خفيفة فيدها حتا سمعات لباب تفتحات دارت لقات بيلسان لابسة غوب فزرق وطالقا شعرها وعاملا بونضو حمر مشات كتجري لعندها وتعلقات فحال لقطة كتبوس فيها فكل أنحاء وجها ورسيل كتموت عليها بضحك🎄
رسيل:ههه براكة ابنتي خمجتيلي وجهي
بيلسان :ههه ماما فوقاش عتوصل ليان
رسيل:(غوبشات ):امم دابا هاد لبوسان كاملين على ليان ماشي عليا
بيلسان:ههه نوووو مامي عليك نتنا ايلوفيو سوووماااتش
رسيل:ههه ايلوفيو توو
🎄غير طلعات معاها ريحت نيار دارت لقاتو واقف كيشوف فيهم بابتسامة ووسامتو لمعهودة لابس سروال تجينز أزرق وشوميز سوداء وصباط كلاس فلاسود واضع ساعة فضية ضخمة فيدو وشعرو فازك ونازل على عينو مرتب لحيتو بتاسمات بخفوت فحين نيار توجه لعندهم وهز بيلسان من حضنها وباسها فخدها🎄