🌔بارت 13👑
💧جات قتالة هدشي باقا مادارت لمايكاب بتاسمات وشافت فليان لي حتا هي روعة جات كيوت توجهات لمرايا وبدات كتعدل فلمايكاب عملات فوندوتان وكونتورين لي زاد برز تقاسيم وجها اكتر وطراسات شفايفها ودارتلهم عكر موف بانو متيرين اكتر خصوصا مع ديك لخالة لي فوق شفتها وركزات اكتر علا عويناتها جبداتهم بايلاينر وكحلاتهم بلازرق ووضعات ايشداو فرمادي صافي كملات دابا كيبانو غير قرطاسة وصافي طلعات رموشها بماسكارا ودابا وصلات لشعرها طلقاتو وسرحاتو بلبلاك ومن بعد جمعاتو لفوق بفيليل ماكيبانش وخلات لقصيصة من لقدام بوكلاتا و بدات كتبوكلي فشعرها لي مجموع كامل .جاها منفوخ كيحمق زادت تاج صغير فلفضي ولبسات صباطها وعملات عقد فضي باحجار زمرد طبعا فوق سنسلتها وزادت لحوالق ولخاتم ولبراسلي ديال لعقد تفكرات بلي عطرها خلاتو فبوشيط وهي توقف باش تمشي تقلب عليه مع لوقفة يالها مع ليان عتهز عينيها فتحات فمها وطيحات طابليط من يديها داخت💧
ليان :وااو حتي جيتي كتهبلي وااااااو نتي زززوينة بززاف
رسيل:ههه شكرا حبيبتي حتا نتي غزالة
💧هزات بوشيط ديالها وبقات كتقلب على عطرها
ساعة مالقاتوش💧
رسيل:بفف فين مشا هادا عوتاني
💧عاد تفكرات بلي ضربات بيه داك شمكار قبيلا وبزربة نساتو تما ضربات على راسها ومشات لفاليز ديالها وجبدات وحدة اخرى هي ديما كتدي معاها زوج فتحاتو رشات منو زوج رشات وتوجهات عند ليان جلساتها فوق لكرسي وسرحاتلها شعرها بلبلاك بوكلاتو وخلاتولها مطلوق وعملاتلها تاج خفيف فدهبي وشوية دكلوز فشنيفاتها لمنفخين ورشاتلهل عطرها طفولي وهزات بوشيط ديالها و ديك لعلبة حتا قالتلها ليان 💧
ليان:حتيي شني كينا فهاد لعلبة
رسيل:هه حتا نمشيو عند خالتو ميرال وتعرفي اكي بب
ليان :هه واحا احتي خبارك احتي رسيل انا ماعمري عنقطع شعري عنخليه يطوال فحالك نتي عندك مزييون
رسيل:هه صافي احبيبتي مزيان حتا مامانا عتفرح
💧فتحو لباب و مشاو نيشان لطموبيل شافت رسيل فساعة لقات باقي 10 دقايق كسيرات بسرعة مخليا ليان كترعد مامولفاش بسرعة وماهي الا مسافة طريق حتا وقفات لوكو قدام قاعة كبييييرة مزينة بانواع الورود فداخلة دلباب ومكتوب عليها ادهم وميرال بخط جميل فلفضي💧
🔥في غرفة رجولية شااسعة المساحة يطغو عليها اللون الاسود يتوسطها سرير كبيير بلون رمادي وفوق منها صورة كبيرة ديالو مرسومة و معلقا فأعلى لحائط وحمام فجنب سرير كبير و مجهز باحدت التجهيزات وبالكون مقابل معاه كيطل على لبحر حقا غرفة راائعة واقف مقابل مع لمرايا كيغلق فأزرار شوميز ديالو سوداء لمطرطقة على عضلاتو حتا سالا عاد زاد من لفوق فيست فنفس لون و هز عطرو لمفضل *bosse* ورش منو مباشرة تفكر عطرها عمل ابتسامة جانبية و شاف فقنينة لعطر لي محطوطة فوق لكوافوز حدا ديالو شاف راسو فلمرايا وطله بعض لخصلات من شعرو الاسود الحريري و برغم من دالك كيرجع يطيحلو على عيونو الرمادية الحادة عمل ساعتو ليدوية لسوداء الأنيقة والباهضة حتا كيسمع صوت هاتفو كيرن وماهي الا تواني حتا كان فتح لخط وجاوب🔥
--:(بصوت رجولي كيزعزع):ويي
--:وفاين اساط واش باقي معطل
--:نوو ربع ساعة نكون عندك
--هه اكي اعشيري وتا متعطلش عليا حشومة تخلي صاحبك كيتسنا فيك نهار عرسو
--(عمل ابتسامة جانبية وجاوبو ):اكي
🔥قطع عليه لخط ونزل بمشية كلها رجولة عامل يديه فجيبو ولوخرا هايز بيها تيلي وسوارت سيارتو وعاقد ل11 بحجبانو حقا عندو كريزما خاصة بزز منك تحتارمو و غير شوفا فيه كطيح فيك نص نزل بخطى تابتة و فتح سيارتو لي كانت من نوع فيراري سوداء ركب فيها وعفط مكسيري و من لور تابعاه سيارة من نفس نوع ولون فيها لي gارد ديما كتكون موراه ضمانا لسلامتو واخا هو يشدهم يخلطهم كاملين ولكن الاحتياط واجب ز ماهي الا دقائق حتا وقف فباب لقاعة وفتحليه واحد لبوديكارد لباب وعمليه اشارة بيدو لداخل لقاعة يعني يسبقوه وداكشي لي كان دخلو بزوج بيهم لداخل عاد تبعهم هو 🔥
أنت تقرأ
💎اللبؤة و الوحش💎( مكتملة )
حركة (أكشن)♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
