💎اللبؤة و الوحش💎( مكتملة )

part106

🌔بارت 106👑
رسيل:هه مهم هربنا من لي كارد لان نيار مانع على هزار تمشي لبواط وحنا مشينا بلا خبارو عوالين زعما ماعنتعطلوش اوا ساعة كلشي مشا فزيرو شدات هاد لموصيية زوج كيسان دشراب وقالتلي غير لعصير اوا نزلنا عليه نزلة وحدة حتا تبوقنا شي عشرين كاس لواحد لي شربنا
هزار:هه نوضنا كنشطحو حتا دخلنا فواحد كنيشة اوا بلا مانعودلكم تحامينا انا ورسيل وجلسنا عليها هاك بالاك هاك بالاك حتا رجعناها فحال شي وحدة هرشوها لكلاب ههه جات صطافيط جمعاتنا كاملين وداتنا لكوميسرية وحيتاش حنا زهرنا مكوز طلع لكوميسير صاحب خويا وكان قرا معايا فالاعدادي عيط لخويا نيار وجا عطاني زوج تصرفيقات طيرلي تبويقة ومشات سكرة ولصقت فديك لكوميسير حتا فكني منو وحلف عليا حتا نرجعو لدار ونتفاهمو ومني رجع يكمل على رسيل لقاها سخفانة سيد نسا كلشي وخرج بيها كيجري خلاني غير مبرقة عيني
رسيل:(كضحك بدموع):ههههههههه وانتي لي سخفانة اما انا راكنت فايقة غير عملت راسي سخفت باش نتفك منو هههه
هزار:ياااك ابنت لحرام انا عطاني قتلة دلكلاب وشوهني مع سيد ونتي سلكتي راسك كون غير قلتيهالي حتا يانا نسخف
رسيل:ههه بلا ماتخافي ابب فصباح كليت دوبل ديالك ولكن ماخليتاش فيه هو خشالي وجهي فلمراية وانا شرطتلو ضهرو بلموس
هزار:ويللي على لمسخوطة انا بعدا كنتعجب من خويا كيفاش كيصبرلك وكيفاش وليتو كتبغيو بعضكم لهاد درجة
ميرال :ههههههههههههه وايما كرشييي هههههه نااري طيرتوني هههه عبر على والديكم
رباب:( شادا فكرشها وكضحك):هههههههه نتوما خرجتو ليلا نيشان اسكايرية من لبواط لكوميسرية ههههههه
🎡بقاو كيضحكو بدموع حتا سمعو دقان فلباب وهما يوقفو طافجين🎡
رسيل:ويلي ويلي نيار جا ناري غدا عرسي وعنصبح مزوقة
ميرال:طبعا ادهم عيكون معاه ويلي
رباب:هه اوا فكو حريرتكم
هزار:مافهمتش نتي كتنعسي مع خويا بلا زواج ماكتحشميش الكافرة هه
رسيل:كنعسو ابب ماشي كنتح... وزايدون قوليها لخوك
🎡دارو طافجين اتر لغوتة لي سمعو🎡
نيار :رسييييل فتحي هاد لباب قبل مانخبطو على والديك
رباب:ويلي مشيتي فيها اختي الله يحسن عوانك معاه
🎡رسيل وميرال غير كيغزو فضفارهم وكيشوفو فلباب بتوتر فحين هزار ورباب سلتو تخشاو فنموسية وغطاو ريوسهم زعما راهما ناعسين خايفين لايمشيو يشركوهم معاهم اما نيار لقرودة بداو كيشطحولو فوق راسو وادهم كتار منو ضغط نيار على قبضة يدو ودفع لباب بكتفو دفعة وحدة جابو مليوح لداخل رسيل وميرال شهقو اما هزار ورباب تكمشو وقطعو نفس فحين نيار دخل لابس شورط أديداس اسود وتيشرط ديالو وادهم لابس سيؤفيت رمادية مزيرة على عضلاتو🎡
نيار:(كشاكشو خارجين ):باغاي تبرهشي لديلمك علاش ماكتسمعيش لهضرة لولة
رسيل:(كتسرط فريقها ):م ماسمعناكمش كنا دايرين لكيت
نيار:(دوز يدو على شعرو كيغزز فشفايفو ):وزايداها بلكدوب
ميرال:(كترمش بعويناتها فادهم وكتهضر بصوت خافت خلات رسيل غير فاتحة فمها فيها ):حنا غير بغينا نقصرو هاد ليلة مع بعضنا را شحال ماتجمعنا
أدهم :(كدوبو مني كتبقا تهضر بهاد طريقة كتعرف لكود ديالو):زيدي قدامي
🎡ميرال ضحكات وغمزات رسيل وشدات فيد أدهم وخرجو فحالهم خلاو رسيل عطلقها فحوايجها نيار طلل فوق نموسية بانولو مكمشين وملويين فليزار فحال لكارو دور راسو وهضر مغزف🎡
نيار:نعستو واصبحو على خير
رسيل:(غير كدور فراسا ماكينا لي يعتقها ):ش شوف بلاتي نتفاهمو
نيار:(كيقرب لعندها ):اييه عنتفاهمو ولكن ماشي هنا
🎡غفلها وهزها فوق كتافو وخرج فحين رباب وهزار طلعو راسهم من تحت لغطا لعرق كيتصبب منهم كينهجو🎡
رباب:اويلي كي عدير ختي تعيش مع نيار عصبي بزااف وغير شوفة كطيح فيك نص انا بعدا غير صوتو زعزعني
هزار:لهلا يوريك احبيبتي نيار لي كتشوفو مع رسيل ماشي هو لي كيكون مع ناس والله حتا طلقيها فحوايجك (طلعات عينيها فلباب ):هئ هئ هرسلي باب بيتي انا عنبقا هايدا مفرعة هئ واخوتي لي عندو شي راجل يمشي يتفاهم معاه ماتجيوش تفرعو عليا باب بيتي
رباب:ههه صبري ابب
فحين نيار بقا هايز رسيل على كتافو وغادي بيها لجناح ديالو وهاد لمرة ماهضرت ماتكلمات خايفة على عضيماتا وغدا عرسها تكمشات وسكتات حتا وصلو لجناح ديالو وحطها كيزفر فحين رسيل بقات غير كدور عينيها ومالقات حتا هي غير تسايس وتفلت فحال ميرال كحزات عندو ببطء ووضعات يديها بزوج على كتافو وقربات لوجهو وباستو ففمو مطولة خلاتو مبلوكي دوزات لسانا على شفايفو كتلحس فريقو عاد كحزات كتشوف بنظرة سيكسي وهو غير كيشوف فيها بعنين نايمين مسكر بطعم شفايفها عاد جرها من خصرها كيحك لحيتو فعنقها وهضر بصوت خافت مبحوح📛
نيار:علاش كتقلبي همم خصك نسبقو لفرح بليلة راني صابر عليك غير بزز
رسيل:ههه نوو احياتي
نيار:(عضها عضة خفيفة فلعضمة دصدرها لي بارزة ومحفورة ):غير شفتي لبنات نسيتيني همم
رسيل:هه لاا بب غير توحشتهم وصافي اما نتا بلاصتك بوحدها فقلبي
نيار:وأنا بغيت قلبك كلو يكون ديالي
رسيل:هههه مايكون غير خاطرك اسيدي ويالله نعسو باش مايصبحوش عندي لهالات سوداء من تحت عيني وخاالتي ميسون توريني
نيار:اكي بب
📛مشاو لنموسية وتكاو ففراشهم من بعد مازول نيار تيشرط ديالو وفحال ديما مخشيين فحضن بعضهم غمضو عينيهم ونعسو فراحة وانفاسهم هي لموسيقى ديال كل لياليهم 📛
🌞أصبحنا واصبح الملك لله 🌞
💧تسللت بعض أشعة الشمس الدهبية معلنة عن قدوم يوم جديد وهو يوم زفاف ابطالنا
💎اللبوؤة والوحش💎خسر نيار طافج اتر دقان لي فلباب شحال كيكره يكون ناعس ويجي شي واحد يدق عليه زفر بغضب وشاف فرسيل فاتح غير عين وحدة بشمس لقاها خاشية وجها فحضنو وهو محاوطها بدراعو سلت يديه من تحت جسمها بشوية ووضع راسها ببطء فوق لمخدة وناض كيجرجر لكلاكيطة فرجلو وشعرو نازل على عينو مخسرلو نعاس فتح لباب عوال على خزيت لقا هزار واقفة لابسة غوب صيفية حد ركبة وطالقة شعرها وكتفرك فيديها بتوتر وغير شافتو كيف مخنزر سرطات ريقها بصعوبة وهضرات 📛
هزار:ص صباح لخير خويا
نيار:صباح زفت ياك لباس مصبحة عليا
هزار:والله أخويا ماجيت لخاطري راماما قاتلي سيري دابا فيقي رسيل يالله نوجدو
نيار:مالكم غادين تحاربو إسرائيل سيري تكمشي حتا تفيق على خاطرها وتجي لعندكم
📛زدح عليها لباب وخلاها غير كتبلق فعينيها فلاخر قلباات دورة ومشات فحالها فحين نيار رجع لبلاصتو وعنق رسيل لعندو مكمل نعاسو حتا ضربات لعشرة عاد فاقت زينة لبنات كتكسل وكتجر فشعرها لي ناعس عليه نيار مافكاتو حتا سخفات بقات لتواني كتشوف فيه عاد بتاسمات وباستو ففمو ودارت شافت فلغيفي لي فوق لكوافوز وغير شافت شحال فساعة قفزات وناضت بزربة عاد فتح نيار عينو مني حس بيها تحركات نعاسو خفيف بزااف عكسها هي📛
نيار:(صوتو مبحوح بنعاس ):مالكي صابحة كتنقزي
رسيل:(كتلبس فبانطوفتها وكتهضر بزربة ):اويلي لعشرة وانا باقا خامرة ليوما خالتي ميسون تصبني
نيار:(ساط من نيفو ):منوضين لفتنة الله يستر
📛رجع نعس فوق نموسية وعمل مخدة درسيل على وجهو كيستنشق فريحتها اما رسيل شافت فيه 📛
رسيل:نتا لي جات معاك اسيدي
💧يالله جات تخرج وهي تسمعو كيهضر💧
نيار:لبسي شي حاجة مستورة وبلا ماتليطي ديك لوجه
رسيل:اكيييي
💧فتحات لباب وخرجات كتجري نزلات نيشات لبيتا ودخلات لحمام غسلات وجها ومشات لدريسنغ لبسات سروال تجينز سامبل وتريكو خفيف قصير من لقدام وطويل من لور فلبني لبسات سباط انيق فلقهوي وجمعات شعرها كعكة مهملة ونزلات لتحت💧