💎اللبؤة و الوحش💎( مكتملة )

part97

🌔بارت 97 👑
🔥نيار فتح فمو فيها مشلوط وباش عرفات بلي هو داير هاد لكلمة فلكود دخلو شك فراسو ضغط على شفايفو وبدا كيدور فراسو اسلامة لبق ما يزهق🔥
نيار:تبارك الله عليك وخلاص ساااهلة عندك لحق اوا زيدي كملي شنو مزال آخر
رسيل:احم قريت ديك لمستندات وعرفت هدشي لي قلتلك
نيار:(ضغط على قبضة يدو ):شنو كاانت ردة فعلك
رسيل:تصدمت بزااف انا من لول كنت شاكة بلي خدام فشي حاجة تانية لانو مايمكنش تكون عندك هاد سلطة كاملة ونتا مجرد بيزينز مان بديك كنبحت فلموضوع وخصوصا مني كنت كنسمع لي بوديكارد كيعيطولك بلمونستر ستغربت حتا شفت لوشم لي فظهرك وربطتو مع سمية عاد وضحلي بلي هداك لقب ديالك زيدت تعمقت فلموضوع ولكن مني وقع هدشي وقفت لبحت ديالي حتا كتاشفتو بصدفة ديك نهار
🔥نيار غير كيسمعلا وفاتح فيها عينو بصدمة دكاءها فات توقعاتو كلها كيفاش قدرات تحقق فهاد تفاصيل لبساط وطبعا كون ماشي لحادتة لي وقعات كانت عتكتاشف كلشي بوحدها حتا ناضت رسيل من حجرو وجلسات مقابلة معاه كتشوف فعيونو بجدية🔥
رسيل:(بنبرة حادة ):نياار انا مابغيتش راجل لي كنبغي وقريب عنتزوج بيه وعنكمل معاه حياتي كلها يكون مافيوزي وعاقد صفقات مشبوهة وغير قانونية عنبقا حياتي كلها عايشة فرعب وخايفة لا تمشي تخرج وماتعاودش تدخل فهمني انيار انا مابغيتش ولادنا يلقاو باهم كيقتل وعندو اعداء ولي عيبقاو حياتنا كلها تابعينا وخايفين لا يأديونا عائلتنا دابا مابقيتيش بوحدك انيار حنا قريب عنتزوجو ويقدرو يجيونا وليدات لي عياخدو الاب ديالهم قدوة ليهم وشنو ماعيشوفوك كتعملو عيبغيو حتا هما يقلدوك فيه واش بغيتي ولادك انيار يطلعو قتالة وكيهزو سلاح ؟؟ واش بغيتي ولادك يكونو داخلين فعالم لمافيا ماتعرفهم واش عايشين ولا ميتين ؟؟جاوبني انيار علاش ساكت؟؟
🔥نيار غير كيشوف فيها مصدوم ومع كل كلمة كتقولها عضلاتو كيزيدو يتشنجو وعروقو برزو كلام رسيل كان فحال صفعة بالنسبة ليلو وماشي اي صفعة نوو صفعة لي طلعاتو من بير غااارق وفتحاتلو عينو على بزااف دلحوايج كان غافل عليهم كيفاش نسا هاد لقضية ؟كيفاش نسا بلي هو باقي داخل فعالم لمافيا؟ وبلي رسيل حياتها معرضة لخطر لان خبارهم لعالم كلو عرفو كيفاش نسا بلي غدا ولا بعدو يجيه وليد ولا بنيتة لي عيبغيو يدخلوه لمافيا على حساب شروط ؟برغم من انو نيار عامل شروطو بحدهم ولكن ولادو مني عيشوفوه هايز سلاح حتا هما عيمشيو يهزوه كيفاش نسا بلي ولات عندو مسؤولية كبيرة وبدا كيأسس فعائلتو طلع يديه ورد بيها شعرو لور كيزفر نفس سخوونة من نيفو فحين رسيل غير حاضياه بعيونا عارفة باش كيحس فهاد لحظة وعارفاه بلي مافكرش فهاد الأمور ولكن ضروري ماخصهم يحطو نقط فوق لحروف بقات لتواني كتشوف فيه ومني بالا غير ساكت طلعات يديها بزوج وحاوطات وجهو وهضرات بنبرة هادئة وحنينة🔥
رسيل:على قبلنا انيار خصك تعتازل من ديك لعالم خصك تخرج منو وتنسا لوسخ ودم لي كانو فيه وبهاد طريقة عتحدف مافيوزي من لقائمة وعتبقا غير بيزنيز مان وصانع سلاح ولكن بشرط انك تصنع غير الأسلحة لي هما قانونيين ومسموح صناعتهم واش قادر انيار تضحي على قبلي وعلى قبل عائلتك لي قريبة تكبر هم؟؟
🔥نيار غير كيسمع فيها وكيفكر بصح كون رد لبال لهاد الأمور من قبل كان هو عيخرج من عاالم لمافيا بوحدو ولكن جات من عند رسيل شاف فعيونها وقال بنبرة هادئة🔥
نيار:قاابل ولكن بشرط