🌔بارت 132👑
نيار:حياتي واش نعيط لطبيب
رسيل:(بزز باش كتهضر ):لآ ع عادي د دابا يفوتني لحال
🍁باسها نيار فجبهتها وهزها فيديه غسلهاا وجها وخرجها لبيت حطها فوق نموسية فشلانة كتحس بسخفة جلس حداها وشدلها فيديها🍁
نيار:حياتي الا كنتي كتحسي براسك عيانة بزااف قوليهالي
رسيل:نوو بب ماشي شي حاجة بغيت ليمون جيبلي بزااف
نيار:(غير كيرمش فيها ):شنو بغيتي
رسيل؛بغيت ليمون مشهياه
نيار :واخا هي لولة
🍁ناض نيار وهز لفون دوز اتصال لدكتورة سولها واش ليمون عندو شي اضرار على لحوامل حتا طمناتو عاد عيط لخدامة وقالها تطلعو لبيتهم🍁
نيار:هاهي لخدامة دابا عطلعوليك يالله ندوشو بعدا
رسيل:اكي
🍁مشا نيار هزها ودخل لحمام دوشلها ودوش لراسو عاد خرجو رسيل ملوية فبنوار بيض وحنيكاتها حميمرين سو كيوت ونيار لابس بنوار اسود وشعرو كيقطر فازك لقاو لخدامة طلعاتلهم لفطور ورسيل غير شافت ليمون مشات كتجري هزات شبكة وجلسات فوق نموسية وحطاتها فحجرها حتا زولالها نيار🍁
رسيل:ءء عطيني ليمون بغيتو
نياار:لاا ماشي دابا حتا تفطري بعدا
رسيل:هئ لااااء مابغيتش نفطر عطيني غير ليمون
🍁نيار ماداهاش فيها هز بلاطو دلفطور وجلس حداها وبدا كيوكلها وهي زعفانة وفين ماتبغي ترد دغمة كيخنزر فيها حتا تهبطها بلا هواها حتا سالات طبسيلها كلو وكاسها دلعصير عاد عطاها نيار شبكة دليمون وهز كاسو دلقهوة كيرشف منو وحاضيها كيفاش كتاكل فديك ليمون وكتلذ بيه وكتغمض عويناتها من حموضيتو جابتليه ضحكة غير برهوشة حاملة بلبراهش دور راسو كيضحك بخفوت عاد ناض لدريسينغ لبس سروال اسود وشوميز فلبلو وصباط اسود كلاص مشط شعرو ولبس ساعتو وخرج لعندها هايز حوايجها فيديه جلس حداها وبدا كيلبسلها وهي ماداياهاش حتا فيه غير كتبنن فديك ليمون لبسها دوبياس وغوب حمرة حد ركبة نشفلها شعرها بسيشوار وجمع ديك روينة عاد رجع باس كرشها🍁
نيار :بسلامة اوليداتي ماتعدبوش ماماكم بلييز
🍁طلع عينو فرسيل بانتليه باقا كتغزز فديك ليمون باسها بجهد ففمها حتا طلعات مع مذاق دلحموضية وهو يخسر سيفتو🍁
نيار:هدشي حامض بزااف كيفاش كتقدري تاكليه
رسيل:(فمها عامر ):لا غزااال ديك لحموضية هي لي مزيناه
نيار:(ضحك من نيتو ):هههه اوا الله يعطيك شي عقل هانا غادي لشركة الا حتاجتي شي حاجة قوليها لواليدة وانا كل ربع ساعة عنعيطلك اكي بب وماتخرجيش من دار وبلا ماتبقاي تنقزي مع هزار تبتي فبلاصتك راك هازا زوج رواح
رسيل:صافي احياتي كون هاني
🍁عاود باسها فجبهتها وخرج فحين رسيل كملات ديك ليمون كامل عاد وقفات كتكرع وكتشوف فكرشها بابتسامة🍁
رسيل:احح ياوليداتي بااينين عطلعو حامضين ههه
🍁بقات جالسة كضحك فحال لحمقة وكتشوف فكرشها لي باقا مابيناش عاد هزات لفون وعيطات لميرال باش تعلمها عاد تقولها حتا لبابها وخواتاتها
💿بعد مرور سبعة أشهر💿
💎مخشية فدريسينغ جالسة فوق طابي ديال ريش وطالقة رجليها بزوج حاطة لي فاليز قدامها كتجمع فيهم حوايجهم لابسة جيب فايتة ركبة مفرفرة فسومو وخاشية فيهاتيشرط بلكول فلابيض كريشتها واصلة لفمها لابسة سبرديلة سبور بيضة انيقة وشعرها مجموع كود شوفال حنيكاتها عامرين وحميمرين وفمها كدالك وتاها لحمل وزاد غلضها ولات كتبان سو كيوت بلكريشة ونيار كيقولها غير لبطريقة ولات عندها غير لمشية ديالهم طول الأشهر الاولى من لحمل خرجات منو جاها لوحم عليه غير هو يمشي لخدمة تعيطليه وتقوليه دابا اجي مني كيجي كتجلس قدامو وكتبقى ترسم فملاميحو وهو موسع معاها خاطرو كتنوضو فنص ليل يجبلها ليمون ومني كيعطيهلها كتقوليه بغيتو طري يالله مجني حمقاتو ديال لمعقول وديك نص عقل لي كان بقالو معاها طيراتوليه فهاد لوحم ماحمد الله حتا دازت تلت شهور لولة عاد رتاح شوية اما رسييل مقابلة غير لماكلة ونعاس وشوية دسبور ولهضرة مع ميسون وهزار ولعب مع بيلسان لي فرحات بزااف بهاد لخبر وحيتاش عيوليو عندها خوتها وكدالك ميرال لي فرحات لصحبتها وحيتاش مابيناتهمش بزااف غير شهر ودابا قربات تولد هاد هو شهر ميرال اما رسيل تقدر تولد فاي وقت لان ولادة التوأم كتكون قبل ماتكمل تسع شهور وكدالك قالتها لباباها ورباب وليان لي فرحولها بزااف ورسيل قالتلهم غير عتولد عتجي لمغرب عتعمل سبوع تما ودابا عاد كملات فرحتهم جالسة طالقة رجليها وحاطة لي فاليز حداها كتجمع فلحوايج وكتنكر💎
رسيل:اييه اسيدي نتا لي جات معاك بقا مجبدلي مع راسك وانا نجمع حوايجي وحوايجك وكتشوفني متقلة وماقلتيش تنوض تعاون مرتك اف على قلب عندك مابقيتش فيك ياك انيار هادي هي مراتي وكنموت عليك هئ
🔥نيار ناعس فوق نموسية على كرشو معري من لفوق ولابس غير شورط قصير خاشي وجهو فمخدتو وعامل ديال رسيل على وجهو كيحس براسو عيطرطق عليه كل صباح كيفيق على نكير رسيل مابقاتش كتسكت رما ديك لمخدة من فوق راسو بزعفة وجلس فوق نموسية كيشوف فيها مخنزر لقرودة كيشطحوليه فوق راسو 🔥
نيار:نعلي شيطان اديك لبطريق نتيا لي راسك قاصح ياك قلتليك خلي لخدامة تجمع لحوايج ومابغيتيش شنو بغيتييي ندرلك شيبتيني قبل لوقت
💧رسيل طلعات عينيها فيه مغددة ورمات عليه واحد سليب جاه مخشي فراسو💧
رسيل:ياك اسيدي بغيتي تجي لخدامة تجمعلي لحوايج كلهم مقلوبين نوض تكعد راه عيمشي علينا لحال
🔥زول ديك سليب من راسو وبقا كيشوف فيه مفقوص🔥
نيار:يالله اسي نيار على آخر يامك ولاو كيرميو عليك لكيلوطات
💎رجع رماهلها وناض كيحك فشعرو وباسها من فمها وباس كرشها لمنفخة وحك لحيتو فعنقها💎
نيار:واخا ابطريقتي مايكون غير خاطرك
رسيل:(بزعفة ):ميييات مرة قلتليك انا ماشي بطريق انا لبؤة
نيار:(وقف غادي لحمام وكيضحك ):ههه ولبؤة مشات مع زمانها دابا كينا غير لبطريق
رسيل:(رمات عليه واحد صباط كتهضر مغددة ):غير حتا نولد ونوريك لبطريق كيف عامل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
💎اللبؤة و الوحش💎( مكتملة )
Aksi♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
