💎اللبؤة و الوحش💎( مكتملة )

part62

🌔بارت 62 👑
🎡بقا راجع بلور وهي تابعاه حتا خرجو من لحمام ماكيحس غير بزلقة فديك تقية درسيل حتا جابتو مكسل فالارض على ضهرو ورسيل غير شافتو كيفاش طاح شبرات فكرشا وبدات كضحك دابا عاد بردلا قلبا دبصح خصوصا مني كتشوف فيه كتلقاه معصب ومارضيش وظهرو كامل مليط بتقية ديتلا عا ماكتزيد تضحك عليه 🎡
رسيل: وااا ههههههه وما كرشيي ههه حوفييك بصحتك تكسيلة ههه غزاالة ياك
🎡ماكتحس غير بجرة من رجلا جابتا مكسلة حداه على كرشا طلعات عينا ببطء كتشوف فنيار لي عامل فيها شوفة ديال يالله خودي حتا نتي زفرت بغضب وبقات كطلع فحالتا لكسوة كاملة توسخات🎡
نيار:(بنبرة مستفزة ):هه بانتيلي كتسولي على تكسيلة قلت حشومة نخليك غير كتشوفي حتا نتي شوفيها واش غزالة ولا لا
💧رسيل قريبة تفركاع ماحسات براسا حتا طلعات وجلساتلو فوق كرشو خانقاه بيدا بزوج يالله جامعالا عنقو 💧
رسيل:عنقتلك اعععع
🔥نيار ماكيفكرش فديك لخنقة لي عاملالو لانو اصلا كيحس بيها فحاليلا كتهرو كيفكر غير علا هادك لي شاعلة فيه لعافية زفر بغضب وقلبا حتا ولات تحتو بقات غير مشلوطة 🔥
نيار:دابا نتي عتقتليني همم وبهااد ليدين
🔥طار عليها بعضة لعنقا خلاها كتوزوز جاب الله سمع دقان أما هو والله لا طلق منا حتا يوريها لعب على اصولو🔥

🎡تبادلو نظرات خطيرة بعيونهم كانهم كيتحاربو برصاص وقف ببطء ومشا متوجه لباب فحين رسيل زفرات بغضب و وقفات كتنفض فحوايجا وشعرا وكتبركم ماكيناش شي دعوة لي مادعتشي بيها عليه اما نيار فتح لباب لقا منظفين لغرف جاو🎡
لمنظف:بونجوغ سي نيار واش ممكن نظفو لغرفة الا كان ممكن؟
نيار:(مخنزر حيد من لباب خلالهم منين يدوزو ):وي راها نيت خصها تنظف
لمنظف:مغسي موسيو نيار واسفين على ديرونجمو
🎡نيار كتافا بتحريك راسو وديك لمنظفين دخلو لجناح هازين معاهم مواد تنظيف غير شافو لبيت كيف ولا فتحو عينهم بصدمة فحاليلا كانت فيه شي حرب عالمية لارض ونموسية كاملة تقية ولحمام كامل مهرس ومطلي بدمايات بقاو غير مشلوطين حتا سمعو نيار 🎡
نيار:وااااشرفة قضيو شغلكم وخرجو قودو عليا ونتوما جالسين تمنظرولي
🎡ديك لمنظفين ماحسو براسوم حتا بداو كيشطبو وكيجمعو خصهم غير فوقاش يساليو ويخرجو حيين من عندو اما رسيل غير جالسة فلبالكون وحاضياهم كي كيتفتفو ونيار كي مخنزر حتا بانلا دخل لدوش وبقات كتشوف فديك لمنظفين حتا سالاو وجمعو دنيا وبدلو ليزار دنموسية وزربية وعدلو طواليط عاد خرجو فحين رسيل شدات فشعرا بقوة مزيرة عليه كتحاول تفكر شني وقع لبارح ولكن ماكتلقا راسا عاقلا على والو كيفاش حتا سكرو؟ و كيفاش حتا وصلات لاوطيل؟ و كيفاش حتا لقاهم نيار؟ و كيفاش حتا دابزو مع ديك لبنت؟ و شنو عيكون عمل نيار لهزار؟ شوف غير هي وشني دار فيها اما هي علم الله شنو عملا كتحس براسا عيطرطق شحال صعيب يتمسحلك شي جزء من داكرتك كتحس بلي عندك لفراغ فراسك رجعات الاحدات دقبايلا كيفاش كان نيار معصب وفقمة لغضب ديالو وكيفاش ضربلا راسا فلمرايا بدون مايرفلو لجفن وكيفاش داواها وكيفاش باسها وشحال تعصبت هاد صباح ولكن ضحكات مزيان ظهرات ابتسامة على ثغرا وبدون شعور وضعات يدا على فما كتحسسو بأناملها حتا كيضربلا فراسا واحد تشاش خفيف فيه هي ونيار كيفلورطيو ولكن بطريقة مختلفة ماشي فحال هادو لي فاتو ضروري ماكتكون كضربلو فصدرو وكتفركل لا هادي كانت بخاطرا ومرتاحة فتحات عينا بصدمة شنو هدشي واش بصح لا مايمكنش رجعات كتحاول تفكر شي حاجة اخرى ولا غير توضحلا صورة ماكتلقا والو غير تشاش مسحات على وجها بيدا كتستغفر الله 🎡
رسيل:لا لا غير كنتخايل اه غير كنتخايل
🎡بقات جالسة كتقنع فراسا بلي مجرد تخيل لان هي متاكدة ماعمرا فلورطات معاه بخطرا مافيقا من سهوتا غير صوت لباب لي تحلات وريحة لباندوش لي مﻻت لمكان طلعات عينا فيه ببطئ لقاتو واقف كيشوف فتيلي ملوي فوطة سوداء على خصرو وشعرو الاسود الحريري فازك ونازل على عيونو زمردية وكيقطر على صدرو لفلاذي لي مزين بشعيرات خفيفة و لحيتو لكتيفة مبعترة بطريقة عشوائية جميلة وحجبانو لغلاض معقودين وعاطيناه كاريزما خاصة وفكو سفلي لبارز بطريقة متيرة لي زادتو جادبية و وسامة ولي زابدو مستفين حدا بعضهم كانهم منحوتين بليد حقا جسم يفلح برجولة بقات غير كتبحلق عينيها فيه ماسخاتش تبعدوم عليه حتا بانلا عيطلع راسو وهي تجمع فما ودارت بزربة كطلل من لبالكون عملا راسا مامسوقلوشي فحين نيار غير شافا شني دارت عمل ابتسامة جانبية من صباح وهو عايق بيها وخلاها تمنظر على خاطرها دور فراسو كيضحك وعمل لفون فودنو متجه لدريسينغ 🎡

🎡دخل للدريسينغ كيجبد فحوايجو وكيهضر فلفون🎡
نيار:من دابا لكانز مينيت يكون عندي فطور دزوج دناس وحوايج محتارمين دبنت فلاطاي اكس إل
🎡قطع لخط وحط لفون فوق لكوافوز و جبد سروال تجينز فالازرق غامق وتريكو فلكرونة وسبرديلة زرقة حطهم فوق نموسية ودار شاف فرسيل لقاها حاضياه بعينا وهي غير شافتو حصلا قلبات عينا بلا مبالاة جابتلو ضحكة بهاد تصرفات دلبراهش عاد رجع تخنزيرتو وهضر معها بحدة🎡
نيار:دخلي دوشي وبدلي ديك لحالة دابا شوية عيوصلوك لحوايج
رسيل:(أصلا كانت داخلة دوش ولكن غير سمعاتو كيامر فيها شدات زكير):لاااء ماعندوش سوقك عدخلي حتا فلحمي ياء
نيار:(ببرودة ):اكي لي بغيتي
🎡بقات غير كتشوف زعما بهاد سهولة سمع هضرتا ولكن غير شافتو شنو عيدير فتحات عينا بصدمة وبلا هواها دخلات كتجري لحمام سدات لباب وتكات عليه بظهرا كتنهج 🎡
رسيل:هيي اويلي على مسطي
🎡اما نيار غير شافا كي دخلت كتجري عمل يدو على فمو كيضحك بشوية باش مايوصلاش صوتو كان باغي غير يخوفا ساعة داارتا دبصح عرفا بغات تشبر معاه زكير علا دكشي دار راسو عيبدل قداما وعمل يدو فلعقدة دلفوطة فحاليلا عيزولا وهي سحابلا دبصح عيعملا ودخلات كتجري لحمام بقا كيضحك حتا برد قلبو عاد ناض لبس حوايجو جا طوب خصوصا بديك لفصالة يا سلام وقف حدا لمرايا كيمشط فشعرو رجعو لور وبعض لخصلات بقات طايحة على عينو لانو من لقدام عندو طويل عمل ساعة سوداء أنيقة حتا سمع دقاان فلباب عاد مشا فتحو ودخلو زوج دلخدم واحد جار طبلة دلفطور ولاخر هايز ساشي دلحوايج فيدو شارلهم بيدو يدخلو وزادو لداخل حطو كل حاجة فبلاصتا وخرجو من بعد ماتمناولو شهية طيبة يالله جا يجلس حتا بانتلو كطلل براسا من لباب دلحمام فحال لفارة بزز باش حبس ضحكة ومشا جلس فوق لفوطوي حاضيها بنص عين اما رسيل غير شافتو لبس حوايجو تنهدات براحة وخرجات مباشرة هزات ديك ساشي ورجعات دخلاات لحمام اما نيار بقا غير كيدور فراسو عرفا مابغتش دوش حتا يجيبولا لحوايج باش ماتخرجش بلفوطة بتاسم بخفوت وهز جورنال كيشوف أخبار الصباح علا ماتخرج ويفطرو 🎡