💎اللبؤة و الوحش💎( مكتملة )

part96

🌔بارت 96👑
🌞اصبحنا وأصبح لملك لله🌞
🎄شميسة فسما ترسمات وفخيوطها ذهبية رمات باش توجه مباشرة لعيون رسيل كمشات ملاميحها وفتحات عينيها ببطء باش يجيو مباشرة مع نيار لي ناعس وملصق جبهتو مع جبهتا ومدور يديه بزوج على خصرها كحزات عليه شوية وتكات على يديها كتحقق فملاميحو شعرو الاسود لكتيق مرون ونازل كلو على عيونو حجبانو لغلاض ولمجموعين ماعرفتش علاش حتا فنعاسو كيكون مخنزر يمكن حيتاش ولف يكون ديما مغوبش علا دكشي ولات عندو عادة حتا فنعاسو نزلات عينيها ببطء للحيتو لكتيفة لمروبلة مدات يديها وبدات كدوز عليها يديها ببطء كتمشطلو فيها كيبان فحال شي طفل صغير فنعاسو بقات لتواني كتشوف فشفايفو شهاوها بديك لحمورية كحزات وجها بشوية وباستو ففمو بوسة خفيفة وكحزات مع عطلع عينيها كتلقاه فاتح عينو لي مجبدين بنعاس شهقات بصدمة 🎄
نيار:(بصوت مبحوح بنعاس ):شنو كديري باغا تغتصبيني همم
🎄رسيل ولات حمرا فحال مطيشة ضرباتلو فصدرو ورمات لغطا وناضت كتجري ودخلات نيشان لحمام وسدات لباب وبقات متكية عليه كتنهج وقلبا كيضرب فتسعين 🎄
رسيل:هيي ياك كان ناعس بسم الله رحمان رحيم
🎄مشات غسلات وجها وسنانا وتوضات اما نيار طلع راسو كيموت بضحك كيحمقو يشد فيها ويحشمها لانو كيعجبو شكلا مني كيوليو حنيكاتها حميمرين وكتبقا دور فعينيها جلس فوق نموسية كيحك فلحيتو وكيدور فراسو حتا خرجات رسيل وتوجهات مباشرة جبدات لفاليز ديالها ولبسات لعباية ديال صلاة و عملات لحجاب وشافت فنيار بابتسامة لي غير فاتح فمو فيها ماعمرو شاف شي وحدة فجمالها خصوصا بلحجاب خداتلو ديك نص لعقل لي كان بقالو فحين رسيل طلقات سجادة وبدات صلاتها ونيار بقا جالس حاضيها ماسخاش من شوفة فيها حتا سالات وبدات كتسلم عاد مشا باسلا راسها ودخل لحمام فحين رسيل ضحكات وحيدات لعباية ولبسات غوب قهوية فايتة ركبة مفرفرة من تحت ومن لفوق مزيرة ومن ليدين مشبكة ودايرة بصميطة رقيقة فلخصر فالازرق لبسات معاها ليبوط قصير زرق بطالون طويل جمعات شعرها كود شوفال وكتافات بكلوز خفيف فلغوز ورشات عطرها جات طوب خصوصا بديك لون الازرق لي عكس لون عيونها عاد مشات جمعات لغرفة عااد خرج نيار وقف لتواني طلع فيها عينو ونزلهم مهم مرخوفة واخا ماحملش ديك شوية لي كيبان من رجلا ولكن حتا يوصلو عاد عيهضرو على هاد لقضية حقق فوجها بانلو مادايرة والو من غير شفايفا كيلمعو تمشا لعندها وجرها على غفلا مصلها شفايفها ومشا كيقلب فحوايجو بهدوء خلاها كتاكل فجنابها هزات بوشيط انيق فلازرق وخرجات لبالكون قبل مايحشمها عوتاني وهي عارفا وجهو مقزد جلسات لتواني كطل فلانستغرام لقات كلشي كيهضر على للقاءهم وفيديو ديال نيار كيطلب منها زواج منتاشر فجميع مواقع تواصل بتاسمات وشافت فلخاتم لي فصبعها بحب وتيليشارجات لفيديو وديك تصاور ديالهم جاو طوبب وكلشي كيهضر على احسن كوبل عاد ناضت ودخلات لبيت لقات نيار لابس سروال تجينز أزرق وتيشرط كحلة مزيرة على عضلاتو وتجاكيط كوير وكاط بيضة مرجع شعرو لور ورايش عطرو شافت فيه بحب كبيير باين فعيونها شهاد لوسامة كاملة فحين نيار بتاسم وشابك يدين بعضهم🎄
نيار:نزلو نفطرو عاد نمشيو
رسيل:اكي
🎄شابكو يدين بعضهم وخرجو من لغرفة وطلعو فلاسانسور ماكاملاش خمسة دقايق حتا تفتح على لكافيتريا ديال لاوطيل زادو كيتمشاو بكل هبة وأناقة وناس كلهم متبعينهم بعينيهم وشي وحدين كيصورو فيهم بتخبية ولاو كيعشقو علاقتهم باغين غير يتصورو معاهم ولكن مازاعمينش بديك تخنزيرة لي عامل نيار توجهو لواحد طبل معزولة على لبشر وكطل على لبحر جلس نيار فوق لفوطوي وجر عندو رسيل معنقها من خصرها وهي شادالو فيدو وسيرفور غير شافهم جاو مشا كيجري لجيهتهم وقيد طلبيتهم بقاو كيتحدتو بهدوء لي يشوفهم بهاد شكل مايقولش هادو كيدابزو وكانو فلول فحال طوم جيري حتا جا سيرفور حط لفطور فوق طبل ومشا من بعد ماتمنالهم شهية طيبة فحين رسيل ونيار بداو فطورهم كيرشفو من قهوتهم ورسيل كتغفلو وكتخشيلو لكيك ففمو حيتاش عارفاه ماكيبغيش يفطر فصباح من غير لقهوة ماكيعرف راسو باش تبلا حتا كيلقا فمو عامر كيخنزر فيها وكيبلع دغمة وكيرجع يشرب فلقهوة حتا كتخشيلو وحدة خرا ماتهنات حتا وكلاتو طرف دلكيك كامل عاد كملات هي فطورها وناضو حطو لخلاص فوق طبلة وشدو فيدين بعضهم وخرجو ركبو فلوطو وزادو مكسيريين ماوقفو حتا لمطار انسطالاو لوطو ومشاو مباشرة لطيارة ديال نيار طلعو وجلسو فصالون نيار جالس مفرق رجليه ورسيل محيدة ليبوط وحاطا راسا عليه وهو كيلعبلها فشعرها حتا بداات طائرة كتحلق فسما وأخيرا عترجع لقصر ونيار فجنبها بتاسمات بفرحة ولكن فور ماتفكرات لقضية ديال لمونستر جمعات حويجباتا وغزات شفايفا منين عتبدالو لموضوع🎄
رسيل:نياااار
نيار:(منزل راسو لعندها ومصغر عينو فيها):شمن موصيبة درتي عوتاني ؟
رسيل:(بنبرة طفولية):كضلمني
نيار:الله ياودي غير قولي نيشان شنو كاين همم؟
رسيل:(كتسرط فريقها ):عرفت بلي نتا مفيوزي وكتصنع سلاح
نيار:(فاتح فمو بصدمة ):شنوو؟
رسيل:اه كيف ماسمعتي عرفت كلشي
نيار:(غزز شفايفو بعصبية ):وفوقاش هدشي؟ وكيفاش عرفتي؟
رسيل:عرفتو بصدفة كنت جالسة فلبيرو ديالك خدامة على شي وراق حتا لمحت ديك نقطة سودا لي فلحيط ومني كليكيت عليها تفتح لحيط على لخزنة ديالك
🔥نيار صافي هنا حداتهملو كاملين واش عندا لعينين ولا لمجهر بوطونة قد حبة لعدس شافتا زاد نزل وجهو لعندا ونطق مغزف🔥
نيار:اييه الالة زيدي وباش فتحتيها؟
رسيل:(كدور فعينيها ):سااهلة درت لكود لبوؤتي وتحل